మందులో పాము... ఆ రుచికి కోట్లాది మంది ఫిదా

మద్యం సీసాలో ఓ పాము చుట్టచుట్టుకుని కనిపించడం... చూడటానికి ఎంతో ఆశ్చర్యంగా, షాకింగ్‌గా ఉన్నా ఆసియాలోని కొన్ని దేశాల్లో ఇది సర్వసాధారణం. వియత్నాం, చైనా, ఇతర ఆగ్నేయాసియా దేశాలలో శతాబ్దాలుగా ప్రాచుర్యంలో ఉన్న ఈ వింత పానీయాన్నే 'స్నేక్ వైన్' అని పిలుస్తారు. బియ్యంతో చేసిన మద్యం లేదా ఇతర ధాన్యపు ఆల్కహాల్‌తో నింపిన సీసాలో సజీవంగా ఉన్న పామును (ప్రధానంగా నాగుపాము వంటి విషపూరితమైనవి) ఉంచి దీనిని తయారు చేస్తారు. కొన్నిసార్లు పాములతో పాటు తేళ్లు, కీటకాలు, మూలికలను కూడా కలుపుతారు.ఎందుకు తాగుతారంటే..ఈ స్నేక్ వైన్‌ను తాగడం వల్ల అనేక ఆరోగ్య ప్రయోజనాలు కలుగుతాయని అక్కడి ప్రజలు గట్టిగా నమ్ముతారు. ముఖ్యంగా లైంగిక సామర్థ్యం, శారీరక శక్తి, నవయవ్వనం పెరుగుతాయని భావిస్తారు. అంతేకాకుండా, కీళ్ల నొప్పులు, అలసట వంటి వ్యాధులు నయమవుతాయని వారి విశ్వాసం. అయితే, ఈ నమ్మకాలకు ఎలాంటి శాస్త్రీయ ఆధారాలు లేవని, ఇవన్నీ కేవలం అపోహలేనని నిపుణులు స్పష్టం చేస్తున్నారు.ప్రాణాలకే ప్రమాదం..సాధారణంగా ఆల్కహాల్‌లోని ఇథనాల్ పాము విషంలోని ప్రోటీన్లను నిర్వీర్యం చేస్తుంది. అయితే, ఇది అన్నిసార్లూ సురక్షితం కాదు. సరైన పద్ధతిలో తయారు చేయకపోతే విష ప్రభావం మిగిలిపోయి ప్రాణాలకే ముప్పు వాటిల్లే ప్రమాదం ఉంది. అంతేకాకుండా, నాసిరకం మద్యం వాడటం, బ్యాక్టీరియా చేరడం వంటి కారణాల వల్ల కూడా తీవ్ర అనారోగ్య సమస్యలు తలెత్తుతాయి. కొన్నిసార్లు దీన్ని తయారు చేసేందుకు ఫార్మాల్డిహైడ్ వంటి ప్రమాదకర రసాయనాలను కూడా వాడుతున్నట్లు తేలింది. విచిత్రమేమిటంటే, శక్తి కోసం తాగే ఈ వైన్‌ను అతిగా సేవిస్తే