ఫిఫా వరల్డ్ కప్ -2026లో భారత్ ముద్ర.. జాతీయ జట్టు లేకపోయినా.. నలుగురు భారతీయ మూలాలున్న ఆటగాళ్లు

FIFA World Cup : భారత్ ఇప్పటివరకు ఫిఫా వరల్డ్ కప్‌లో అర్హత సాధించలేకపోయింది. పురుషుల ఫుట్‌బాల్ జాతీయ జట్టు ప్రాతినిధ్యం ఈ ప్రతిష్టాత్మక ఈవెంట్లో ఇప్పటి వరకూ లేదు. ఈ ఘటన భారీగా క్రీడాభిమానులు కలిగిన భారతదేశంకు పెద్ద లోటేనని చెప్పొచ్చు. 2022 ప్రపంచ కప్‌కు సంబంధించి ఫిఫా విడుదల చేసిన గణాంకాలు.. భారతదేశంలో టెలివిజన్, డిజిటల్, సోషల్ మీడియా వేదికల ద్వారా సుమారు 74.5కోట్ల మంది ఈ టోర్నమెంట్‌ను వీక్షించారు. దీంతో చైనా తరువాత భారతదేశం రెండో అతిపెద్ద మార్కెట్‌గా నిలిచింది. దీంతో ప్రపంచ వ్యాప్తంగా అత్యధిక ప్రేక్షకులున్న దేశాల్లో భారతదేశం ఒకటిగా నిలిచింది. మన దేశం ఎప్పుడు ఈ మెగా టోర్నీలో ఎప్పుడు ఆడుతుందా అని కోట్ల మంది భారతీయ క్రీడాభిమానులు దశాబ్దాలుగా కళ్లల్లో ఒత్తులు వేసుకుని మరీ ఎదురుచూస్తున్నారు. అమెరికా, కెనడా, మెక్సికో సంయుక్తంగా నిర్వహిస్తున్న ఫిఫా వరల్డ్ కప్ -2026 మెగా టోర్నీలో 48 దేశాలు పాల్గొంటున్నాయి. అందులో భారత్ లేకపోవటంతో కొంద బాధాకరమైనా.. భారతీయ మూలాలున్న నలుగురు ఆటగాళ్లు ఈ మెగా టోర్నీలో పాల్గొంటున్నారు. దీంతో ఈ ఆటగాళ్లు భారత అభిమానుల దృష్టిని ఆకర్షిస్తున్నారు. న్యూజిలాండ్‌కు చెందిన సర్‌ప్రీత్ సింగ్ ఈ జాబితాలో ప్రముఖుడు. పంజాబ్ మూలాలు కలిగిన 27ఏళ్ల సర్ ప్రీత్ సింగ్ న్యూజిలాండ్ జాతీయ జట్టులో కీలక ఆటగాడిగా కొనసాగుతున్నాడు. గతంలో జర్మనీ దిగ్గజ క్లబ్ బాయెర్న్ మ్యూనిక్‌తో కూడా అనుబంధం కలిగి ఉన్నాడు. అతనికి 2018లో జరిగిన ఇంటర్‌కాంటినెంటల్ కప్‌లో న్యూజిలాండ్ తరపున ఆడే అవకాశం లభించింది. ఆ టోర్నమెంట్‌లోనే ఆ ఆటగాడు తన తొలి అంతర్జాతీయ గోల్‌ను సాధించాడు. ఖతార్ తరఫున ఆడుతున్న తహ్సిన్ మహమ్మద్ జంషిద్ కేరళకు చెందిన కుటుంబంలో జన్మించాడు. 19ఏళ్ల యువ ఫుట్‌బాలర్ ఖతార్‌లో పెరిగాడు. అక్కడి ఫుట్‌బాల్ టోర్నీల్లో సత్తాచాటి జాతీయ జట్టులో స్థానం సంపాదించాడు. ప్రపంచకప్ వేదికపై భారత మూలాలున్న యువ ఆటగాడిగా