గోదావరి-బనకచర్ల ప్రాజెక్టుకు రిటైర్డ్ ఇంజనీర్ల మద్దతు.. సీఎం చంద్రబాబుకు లేఖ

Banakacherla Project: గోదావరి నదికి వచ్చే వరద జలాలపై దిగువ రాష్ట్రంగా ఉన్న ఆంధ్రప్రదేశ్‌కు చట్టబద్ధంగా పూర్తి హక్కులు ఉన్నాయని ఏపీ జలవనరుల శాఖ విశ్రాంత ఇంజనీర్ల సంఘం స్పష్టం చేసింది. ఈ మిగులు జలాలను గరిష్టంగా వినియోగించుకోవడానికి వీలుగా రాష్ట్ర ప్రభుత్వం ప్రతిపాదించిన “గోదావరి-బనకచర్ల అనుసంధాన ప్రాజెక్టు” ముమ్మాటికీ సమర్థనీయమని వారు పేర్కొన్నారు. ఈ మేరకు సంఘం అధ్యక్షుడు ఎం.విశ్వేశ్వరరావు, ప్రధాన కార్యదర్శి నరసింహమూర్తి శనివారం ముఖ్యమంత్రి నారా చంద్రబాబు నాయుడుకు ఒక సమగ్రమైన లేఖను రాశారు. Read also: Nara Lokesh: అమరావతి పనులు శ‌ర‌వేగంగా జరుగుతున్నాయి: మంత్రి లోకేశ్‌ గోదావరి జల వివాదాల ట్రిబ్యునల్ (GWDT) 1978లో ఇచ్చిన చారిత్రాత్మక తీర్పును ఈ సందర్భంగా వారు తమ లేఖలో ప్రత్యేకంగా ప్రస్తావించారు. ఎగువన ఉన్న రాష్ట్రాలకు వాటి ప్రాజెక్టుల వారీగా కేటాయించిన నీటి వాటాలు పోగా, దిగువకు ప్రవహించే మిగులు వరద జలాలను తమ అవసరాలకు వాడుకునే సంపూర్ణ స్వేచ్ఛ ఆంధ్రప్రదేశ్‌కు ఉందని వారు గుర్తుచేశారు. అంతర్రాష్ట్ర నదీ జలాల వివాదాల చట్టం-1956 ప్రకారం కూడా.. ఈ మిగులు వరద జలాల వినియోగంపై కేంద్ర ప్రభుత్వం గానీ, ఎగువన ఉన్న పొరుగు రాష్ట్రాలు గానీ ఎలాంటి ఆంక్షలు విధించే లేదా అభ్యంతరం తెలిపే చట్టపరమైన అధికారం లేదని వారు తేల్చిచెప్పారు. ప్రతిపాదిత గోదావరి-బనకచర్ల అనుసంధాన పథకం ద్వారా వరద నీటిని సమర్థవంతంగా మళ్లించి బొల్లపల్లి రిజర్వాయర్‌లో నిల్వ చేయవచ్చని ఇంజనీర్ల సంఘం వివరించింది. దీని ద్వారా తీవ్ర కరవు పీడిత ప్రాంతాలుగా ఉన్న కర్నూలు, కడప, ప్రకాశం జిల్లాల్లోని సాగుభూములకు 75 శాతానికి పైగా నీటి భరోసా కల్పించే అవకాశం లభిస్తుందని పేర్కొన్నారు. ఈ ప్రతిష్టాత్మక ప్రాజెక్టు గనుక పూర్తయితే రాయలసీమతో పాటు దక్షిణ కోస్తా జిల్లాల వ్యవసాయ, తాగునీటి అవసరాలు తీరడమే కాకుండా, రాష్ట్ర ఆర్థికాభివృద్ధికి ఎంతో తోడ్పాటునందిస్తుందని వారు ఆశాభావం వ్యక్తం చేశారు. ప్రస్తుతం గోదావరి నదీ