వావ్.. ఒంటిచేత్తో కళ్లుచెదిరే క్యాచ్ అందుకున్న శుభ్ మన్ గిల్.. వీడియో వైరల్.. నెటిజన్ల ప్రశంసలు

india vs afghanistan 1st odi shubman gill stanning catch video viral

Shubman Gill : ఇండియా వర్సెస్ అఫ్తానిస్థాన్ జట్ల మధ్య మూడు వన్డే మ్యాచ్‌ల సిరీస్ భారత్‌లో జరుగుతుంది. కాగా.. తొలి మ్యాచ్ శనివారం సాయంత్రం జరగ్గా.. శుభ్‌మన్ గిల్ సారథ్యంలోని టీమిండియా ఏడు వికెట్ల తేడాతో విజయం సాధించింది.

వర్షం కారణంగా ఆటను 25 ఓవర్లకు కుదించారు. టాస్ ఓడి తొలుత బ్యాటింగ్ చేసిన అఫ్గానిస్థాన్ జట్టు 24.5 ఓవర్లలో 194 పరుగులకు ఆలౌట్ అయింది. ఆ తరువాత బ్యాటింగ్ ప్రారంభించిన భారత్ జట్టులో శుభ్‌మన్ గిల్ (66 బంతుల్లో 84 నాటౌట్) కెప్టెన్ ఇన్నింగ్స్ ఆడాడు. అతనికి తోడు కేఎల్ రాహుల్ (39 నాటౌట్), ఇషాన్ కిషన్ (34) రాణించడంతో 22.5 ఓవర్లలో మూడు వికెట్లు కోల్పోయి టీమిండియా విజయం సాధించింది. అయితే, ఈ మ్యాచ్‌లో శుభ్‌మన్ గిల్ పట్టిన ఓ క్యాచ్ హైలెట్ గా నిలిచింది.

అఫ్గానిస్థాన్ బ్యాటింగ్ సమయంలో స్లిప్‌లో ఫీల్డింగ్ చేస్తున్న శుభ్‌మన్ గిల్ కళ్లుచెదిరే రీతిలో అద్భుత క్యాచ్ అందుకున్నాడు. హర్ష్ దూబె వేసిన 22 ఓవర్లో ఘజన్ ఫర్ ఇచ్చిన క్యాచ్ ను స్లిప్ లో ఉన్న గిల్ అద్భుతంగా ఒంటి చేత్తో అందుకున్నాడు. ఇందుకు సంబంధించిన వీడియో సోసైల్ మీడియాలో వైరల్ అవుతుంది. ఈ వీడియోను చూసిన నెటిజన్లు గిల్ పై ప్రశంసల జల్లు కురిపిస్తున్నారు.