సంతకం పెట్టిన తర్వాత గీత గీస్తున్నారా? ఇది తెలిస్తే షాక్ అవుతారు

ఒక వ్యక్తి జీవితంపై సంతకం కూడా చాలా ప్రభావం చూపుతుంది. అందుకే సంతకం విషయంలో తప్పకుండా జాగ్రత్తగా ఉండాలని చెబుతుంటారు. అయితే చాలా మంది సంతకం పెట్టిన తర్వాత దానికి కింద ఒక గీత గీయడం చేస్తుంటారు. కాగా, ఇలా గీత గీయడం మంచిదేనా?

దీని వలన ఏవైనా సమస్యలు ఏర్పడతాయా?దీని గురించి ప్రముఖ వాస్తు శాస్త్ర పండితుడు రాధాకాంత్ వాట్స్ ఏం చెబుతున్నారో తెలుసుకుందాం. వాస్తు శాస్త్రం ప్రకారం సంతకం చేసిన తర్వాత గీత గీయడం వలన ఎలాంటి సమస్యలు తలెత్తవంట. గీత గీయడం మంచిదే అంటున్నారు నిపుణులు.

అయితే చాలా మంది చేసే పొరపాటు ఏమిటంటే? గీత గీసిన తర్వాత దానిని వంచడం చేస్తుంటారు. కానీ ఇది మంచిది కాదంట. వాస్తు ప్రకారం, ఎవరైనా సరే సంతకం చేసిన తర్వాత దాని కింద గీత గీసినట్లు అయితే అది మీ సంతకం కంటే పొడవుగా, నిటారుగా ఉండేలా చూసుకోవాలంట.

లేకపోతే ఇది మీ కెరీర్‌కు ఆటంకంలా పని చేస్తుందని, కెరీర్ పురోగతి ఆగిపోవడం వంటి సమస్యలు తలెత్తుతాయంట. అందువలన సంతకం చేసిన తర్వాత కింద గీసే గీత పొడవుగా నిటారుగా ఉండాలి, దానిని ముందుకు వంచ కూడదు, ఇలావంగి ఉండటం వలన మీ జీవితం ముందుకు సాగదంట, అలాగే ఎప్పుడూ కూడా సంతకం కింద ఒకటి కంటే ఎక్కువ గీతలు గీయడం చేయకూడదు.

ఎక్కువ గీతలు గీసినట్లు అయితే ఇది మీ జీవితంలో గందరగోళాన్ని సృష్టిస్తుంది, నిర్ణయాలు తీసుకోవడంలో, పనుల్లో గందరగోళం ఏర్పడుతుంది అని చెబుతున్నారు వాస్తు శాస్త్ర నిపుణులు. నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది.

పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు