గ్రామీణ అందాల నడుమ 'కొత్త మలుపు'తో తెలుగు ప్రేమ కథ

ఎదుర్కొంది? చివరికి వారి ప్రేమ గెలిచిందా లేదా? అనేదే ‘కొత్త మలుపు’ కథ.

నటీనటుల హవబవాలు : ఆకాష్ గోపరాజు కమల్ పాత్రలో ఆకాష్ చక్కటి ఈజ్‌తో నటించాడు. మొదటి భాగంలో ఎనర్జిటిక్ యువకుడిగా, రెండో భాగంలో ప్రేమలో తడబడే యువకుడిగా భావోద్వేగాలను సమర్థంగా పలికించాడు. స్క్రీన్ ప్రెజెన్స్ ఆకట్టుకుంటుంది. హీరోయిన్ భైరవి ఆర్థ్యా ఈ చిత్రానికి ప్రధాన బలాల్లో భైరవి నటన ఒకటి. వరలక్ష్మి పాత్రలో ఆమె సహజత్వం కనిపిస్తుంది. గ్రామీణ యువతిగా అమాయకత్వం, ప్రేమలోని భావోద్వేగాలను ఎంతో సహజంగా వ్యక్తపరిచింది. క్లైమాక్స్‌లో ఆమె నటన ప్రత్యేకంగా నిలుస్తుంది. రఘుబాబు, పృథ్వీ ఈ ఇద్దరి కామెడీ ట్రాక్ సినిమాకు ప్రధాన ఆకర్షణ. గోదావరి యాసలో వచ్చే డైలాగులు, టైమింగ్ ప్రేక్షకులను నవ్విస్తాయి. సిద్ధు గోపి పాత్రలో సిద్ధు మంచి నటన కనబరిచాడు. కథకు అవసరమైన మలుపును తీసుకొచ్చే పాత్రను సమర్థంగా పోషించాడు.

సాంకేతిక వర్గం పనితీరు : యశ్వంత్ నాగ్ అందించిన సంగీతం లో పాటలు కథకు తగ్గట్టుగా ఉన్నాయి. ముఖ్యంగా బ్యాక్‌గ్రౌండ్ స్కోర్ భావోద్వేగ సన్నివేశాలను మరింత బలపరిచింది. సీనియర్ సినిమాటోగ్రాఫర్ జవహర్ రెడ్డి, సుమంత్ కచర్ల కెమెరా పనితనం సినిమాకు పెద్ద ప్లస్. గోదావరి ప్రాంతంలోని ప్రకృతి అందాలను అద్భుతంగా చిత్రీకరించారు. ప్రతి ఫ్రేమ్ కళ్లకు ఆహ్లాదాన్ని కలిగిస్తుంది. తథాస్తు క్రియేషన్స్ నిర్మాణ విలువలు కథకు తగిన స్థాయిలో ఉన్నాయి. సినిమా మొత్తం ఒక రిచ్ విజువల్ ఫీల్‌ను కలిగిస్తుంది.

విశ్లేషణ: ప్రేమ, అపార్థాలు, నమ్మకం, గతం-వర్తమానం మధ్య జరిగే భావోద్వేగ సంఘర్షణను దర్శకుడు శివ కేసనకుర్తి చక్కగా తెరపై ఆవిష్కరించారు. గ్రామీణ నేపథ్యంలో సాగే కథకు గోదావరి ప్రాంతం అందాలను జోడించి ప్రేక్షకులకు ఆహ్లాదకరమైన అనుభూతిని అందించారు.సినిమా ప్రారంభం నుంచే ఫ్రెష్ ఫీల్‌ను కలిగిస్తుంది. పల్లెటూరి వాతావరణం, పెళ్లి సందడి, స్నేహితుల సరదా సంభాషణలు, హీరో-హీరోయిన్ల మధ్య నడిచే సన్నివేశాలు ప్రేక్షకులను కథలోకి తీసుకెళ్తాయి. ముఖ్యంగా మొదటి భాగంలో వచ్చే కామెడీ ఎపిసోడ్స్, గోదావరి ప్రాంతానికి ప్రత్యేకమైన హాస్య శైలి మంచి వినోదాన్ని అందిస్తాయి.రెండో భాగంలో కథ భావోద్వేగాల వైపు మలుపు తిరుగుతుంది. ప్రేమలో అనుమానం ఎంత ప్రమాదకరమో, ఒకరి గతాన్ని పట్టుకుని తీర్పు చెప్పడం ఎంత తప్పో చెప్పే ప్రయత్నం చేశారు. ముఖ్యంగా క్లైమాక్స్‌లో వచ్చే సందేశం నేటి యువతకు ఎంతో అవసరమైన అంశాన్ని స్పృశిస్తుంది. “ప్రతి ఒక్కరికీ ఒక గతం ఉంటుంది. కానీ మన జీవితంలోకి వచ్చిన వ్యక్తి వర్తమానాన్ని అర్థం చేసుకోవడం ముఖ్యం. గతాన్ని తవ్వుకుంటూ భవిష్యత్తును పాడు చేసుకోవద్దు” అనే భావాన్ని దర్శకుడు హృద్యంగా చెప్పగలిగారు.’కొత్త మలుపు’ ఒక స్వచ్ఛమైన ప్రేమకథ. గ్రామీణ నేపథ్యంలో అందమైన విజువల్స్, సరదా కామెడీ, హృద్యమైన భావోద్వేగాలు, నేటి యువతకు అవసరమైన సందేశాన్ని కలగలిపిన ఫీల్ గుడ్ ఫ్యామిలీ ఎంటర్‌టైనర్. ప్రేమలో నమ్మకం ఎంత ముఖ్యమో గుర్తు చేస్తూ ప్రేక్షకులను ఆలోచింపజేసే చిత్రం ఇది. కుటుంబ సమేతంగా వీకెండ్‌లో హాయిగా చూసి ఆస్వాదించదగ్గ సినిమా.