ప్రెష ర్ కుక్క ర్ లో వీటిని అస్స లు వండ కూడ దు.. ఏం జ రుగుతుందో

పాలు, క్రీమ్, పెరుగు వంటి పాల పదార్థాలను ప్రెషర్ కుక్కర్‌లో వండడం మంచిది కాదు. కుక్కర్‌లో ఏర్పడే అధిక ఉష్ణోగ్రత, ఒత్తిడి కారణంగా ఈ పదార్థాలు విడిపోయి గడ్డకట్టే అవకాశం ఉంటుంది. దీంతో వంటకానికి కావాల్సిన మృదువైన ఆకృతి పోయి రుచి కూడా మారిపోతుంది. ముఖ్యంగా పాల ఆధారిత కూరలు లేదా గ్రేవీలు తయారుచేసేటప్పుడు సాధారణ పాత్రలను ఉపయోగించడం ఉత్తమం. ఫ్రెంచ్ ఫ్రైస్, పకోడీలు, టెంపూరా వంటి వేయించిన వంటకాలను ప్రెషర్ కుక్కర్‌లో వండ‌డానికి ప్రయత్నించకూడదు. ప్రెషర్ కుక్కర్‌ను ఆవిరి సహాయంతో వండేందుకు రూపొందించారు. నూనెతో డీప్ ఫ్రై చేసే సమయంలో కుక్కర్‌లో అధిక ఒత్తిడి ఏర్పడటం వల్ల వేడి నూనె చిమ్మే ప్రమాదం ఉంటుంది. ఇది వంటగదిలో ప్రమాదకర పరిస్థితులకు దారితీయవచ్చు. అందుకే వేయించే వంటకాలకు ప్రత్యేకంగా పాన్ లేదా కడాయి ఉపయోగించడం మంచిది. పాస్తా, నూడుల్స్ వంటి ఆహారాలు చాలా త్వరగా ఉడికిపోతాయి. ప్రెషర్ కుక్కర్‌లో వండినప్పుడు ఇవి అవసరానికి మించి ఉడికి మెత్తగా మారిపోతాయి. ఫలితంగా వాటి అసలు ఆకృతి పోయి జిగటగా మారే అవకాశం ఉంటుంది. అందుకే పాస్తా, నూడుల్స్‌ను సాధారణ పాత్రలో నిర్ణీత సమయం వరకు మాత్రమే ఉడికించడం వల్ల మంచి ఫలితం లభిస్తుంది. పాలకూర, మెంతికూర వంటి ఆకుకూరలు లేదా త్వరగా ఉడికే మృదువైన కూరగాయలను ప్రెషర్ కుక్కర్‌లో వండడం సరైన పద్ధతి కాదు. అధిక ఒత్తిడి వల్ల ఇవి అతిగా ఉడికిపోయి సహజ రంగు, రుచి కోల్పోతాయి. అంతేకాకుండా కొన్ని పోషకాలు కూడా తగ్గిపోవచ్చు. ఇలాంటి కూరగాయలను తక్కువ మంటపై కొద్దిసేపు మాత్రమే వండితే వాటి పోషక విలువలు ఎక్కువగా నిల్వ ఉంటాయి. కేకులు, కుకీలు వంటి బేకరీ పదార్థాలను ప్రెషర్ కుక్కర్‌లో తయారుచేయడం సాధారణంగా మంచిది కాద‌ని చెబుతుంటారు. ఎందుకంటే ప్రెషర్ కుక్కర్ బేకింగ్ కోసం ప్రత్యేకంగా రూపొందించ‌లేరు. దీంతో కేక్ సరైన ఆకృతిలో రాకపోవడం, రుచి మారిపోవడం లేదా లోపల పూర్తిగా