భూమి,నీరు,గాలి కలుషితంపై షాకింగ్ రిపోర్ట్

ప్రగతికి ఎంతగానో దోహదపడుతున్నప్పటికీ, పర్యావరణంపై తీవ్ర ప్రభావం చూపుతున్నాయి. ఇవి భూమి, నీటి వనరులు, గాలి నాణ్యతను ఘోరంగా దెబ్బతీస్తున్నాయని పర్యావరణ అధ్యయనాలు స్పష్టం చేస్తున్నాయి. ఈ డేటా సెంటర్లలోని సర్వర్లను నిరంతరం చల్లగా ఉంచడానికి అపారమైన నీరు అవసరమవుతోంది. ఒక సాధారణ డేటా సెంటర్ రోజుకు ఏకంగా లక్షల గాలన్ల నీటిని వినియోగిస్తోంది. ఉదాహరణకు అమెజాన్ డేటా సెంటర్లు 2025 లోనే సుమారు 2.5 బిలియన్ గాలన్ల నీటిని వాడేశాయి. ఈ నేపథ్యంలో టెక్సాస్ వంటి ప్రాంతాల్లో 2030 నాటికి నీటి వినియోగం పెరిగి ప్రధాన జలాశయాలు ఎండిపోయే ప్రమాదం ఉంది. ఇదే తరహాలో భారతదేశంలోని హైదరాబాద్, బెంగళూరు వంటి నగరాల్లోనూ భూగర్భ జలాలు తీవ్రంగా క్షీణిస్తున్నాయి. ఈ సెంటర్ల కూలింగ్ సిస్టమ్స్ నుంచి వచ్చే వ్యర్థ నీటి వల్ల లవణాలు, రసాయనాలు చేరి జలాశయాలు కలుషితమవుతున్నాయి. ఫలితంగా ఎడారి ప్రాంతాలు మరియు నీటి కొరత ఉన్న చోట్ల ఈ సమస్య మరింత జటిలంగా మారుతోంది. ఇదిలా ఉండగా డేటా సెంటర్లు వాడే అపారమైన విద్యుత్ గ్రిడ్‌లపై తీవ్ర ఒత్తిడిని పెంచుతోంది. ఒక పెద్ద ఏఐ సెంటర్ ఏకంగా లక్షల ఇళ్లకు సమానమైన విద్యుత్‌ను నిరంతరం లాగేసుకుంటోంది. ఇందుకోసం వాడే బ్యాకప్ డీజిల్ జనరేటర్ల వల్ల గాలిలోకి నైట్రోజన్ ఆక్సైడ్స్, పార్టిక్యులేట్ మ్యాటర్, సల్ఫర్ డయాక్సైడ్ విడుదలవుతున్నాయి. దీంతో డేటా సెంటర్ల సమీపంలో నివసించే ప్రజలు శ్వాసకోశ సమస్యలు, ఆస్తమా, గుండె జబ్బుల బారిన పడుతున్నారు. 2030 నాటికి ఏఐ డేటా సెంటర్ల వల్ల మిలియన్ల మెట్రిక్ టన్నుల సీవోటూ ఉద్గారాలు పెరగనున్నాయి. మరోవైపు ఈ పెద్ద డేటా సెంటర్ల కోసం వందల ఎకరాల వ్యవసాయ భూములు, అడవులు, వెట్‌ల్యాండ్స్ నాశనమవుతున్నాయి. వీటి నిర్మాణ సమయంలో భారీగా మట్టి కాలుష్యం, శబ్ద కాలుష్యం ఏర్పడి స్థానికులను తీవ్ర ఇబ్బందులకు గురిచేస్తోంది. సామాజికంగా బలహీనంగా ఉన్న ప్రాంతాల్లోనే ఈ సౌకర్యాలు ఏర్పాటు చేయడం పర్యావరణ అన్యాయాన్ని మరింతగా పెంచుతోంది. గూగుల్, అమెజాన్ వంటి కంపెనీలు భారీ పెట్టుబడులు పెడుతున్నా స్థానిక వనరుల క్షీణతపై ఆందోళనలు వ్యక్తమవుతున్నాయి. దీంతో డేటా సెంటర్లను సుస్థిరంగా నిర్వహించడానికి ప్రపంచవ్యాప్తంగా సరికొత్త ప్రయత్నాలు మరియు పరిశోధనలు మొదలయ్యాయి. లిక్విడ్ కూలింగ్, పునరుత్పాదక ఇంధనాల వాడకం, నీటి రీసైక్లింగ్ వంటి సాంకేతికతలు కొంతవరకు సహాయపడతాయని నిపుణులు భావిస్తున్నారు. ఈ నేపథ్యంలో భారతదేశంలో కూడా కఠినమైన నిబంధనలు, పర్యావరణ అంచనాలను ప్రభుత్వాలు తక్షణమే అమలు చేయాల్సిన అవసరం ఎంతైనా ఉంది.