వ్యూస్ తో యూట్యూబ్ షేక్... ఆషాడమాసం బోనాల వేళ అమ్మవారి ఫోక్ సాంగ్ అదిరిపోయిందిగా

యెంకటేశు'' వంటి రొమాంటిక్ పాటలే కాదు తల్లిదండ్రులు, పిల్లల మధ్య ప్రేమను తెలియజేసే ''పేరుగళ్ల పెద్దిరెడ్డి'' వంటివి కూడా ఆకట్టుకుంటున్నాయి. ఇక బతుకమ్మ, బోనాలు పాటల గురించి ప్రత్యేకంగా చెప్పాల్సిన అవసరం లేదు... ఈ పండగలు వచ్చాయంటే చాలు సరికొత్త ఫోక్ సాంగ్స్ అదరగొడుతుంటాయి. ఇలా గతేడాది బోనాలు సమయంలో వచ్చిన ''నా పేరే ఎల్లమ్మా... నేను జోగురాలమ్మ'' సాంగ్ ఏ స్థాయిలో జనాధరణ పొందిందో చూశాం. మళ్ళీ తెలంగాణలో ఆషాడ మాసం బోనాలకు సమయం దగ్గరపడుతున్నా అంటే సంవత్సరం గడిచినా ఈ సాంగ్ ప్రజల్లో సజీవంగా నిలిచింది... ఇంకా యూట్యూబ్ ను షేక్ చేస్తూనే ఉంది.

సాధారణంగా దేవుళ్ల పాటలకు పెద్దగా రీచ్ ఉండదు... కానీ బతుకమ్మ, బోనాల సమయంలో వచ్చే తెలంగాణ జానపదాలు చాలా గట్టిగా సౌండ్ చేస్తుంటాయి. యూట్యూబ్, సోషల్ మీడియా మాధ్యమాల్లో కోట్ల వ్యూస్... లక్షల్లో లైక్స్, కామెంట్స్ తో అదరగొట్టిన పాటలెన్నో ఉన్నాయి. ఇలా గత బోనాలు సమయంలో (జూలై 4, 2025) లో యూట్యూబ్ లో విడుదలైన 'నా పేరే ఎల్లమ్మ' సాంగ్ 111 మిలియన్స్ అంటే 111,157,144 వ్యూస్ తో దూసుకుపోతోంది... 374K లైక్స్ సాధించింది.

ఇక ఇన్స్టాగ్రామ్, ఫేస్ బుక్ వంటి సోషల్ మీడియా ప్లాట్ ఫామ్స్ లో ఈ పాటపై వందలాది రీల్స్ వచ్చాయి… ఇంకా వస్తూనే ఉన్నాయి. ఇప్పటికీ చిన్నాపెద్ద అని తేడాలేకుండా నా పేరే ఎల్లమ్మ పాటను పాడుకుంటున్నారు… స్టెప్పులు వేస్తున్నారు. మళ్లీ బోనాల పండగ వస్తున్నా ఈ ఫోక్ సాంగ్ కు ప్రజల్లో ఏమాత్రం ఆదరణ తగ్గలేదు... అంటే ఈసారి కూడా ఈ పాటే సందడి చేసేలా కనిపిస్తోంది.

''నా పేరే ఎల్లమ్మ.. నేను జోగురాలమ్మ'' అంటూ ఆకట్టుకునే పదాలతో ఈ ఫోక్ సాంగ్ ప్రారంభం అవుతుంది. తెలంగాణ ప్రజలు అనేక రూపాల్లో అమ్మవార్లను కొలుస్తుంటాయి... ఇలా ఎల్లమ్మ, కట్టమైసమ్మ, ముత్యాలమ్మ, మావురాలమ్మ, మారెమ్మలను స్తుతిస్తూ పాట సాగుతుంది. కోరినవాళ్లకు కొడుకులు, అడిగినవాళ్లకు ఆడబిడ్డలను ఇచ్చే అమ్మవార్లపై మరింత భక్తిని పెంచేలా ఈ పాటలో లిరిక్స్ ఉంటాయి.

బోనాల పండగ సమయంలో ప్రజలు దేవాలయాలకు యాపకొమ్మలు తోరణాలుగా కట్టి యాటపిల్లలు అమ్మవార్లకు బలి ఇస్తారు... అమ్మవారికి నిమ్మకాయల దండలు వేసి సారె పోసి ఆషాడ హారతులు ఇస్తారు.. ఇలా బోనాల వేడుకల గురించి వివరిస్తూ కళ్లకు కడుతుంది ఈ ఎల్లమ్మ సాంగ్. అందుకే గత బోనాల వేడుకల్లో మారుమోగింది... ఈసారి కూడా మారుమోగనుంది.

సుట్టు సెట్టు సెలకల్లా నేను సక్కని తల్లినే

తెలంగాణలో ఆషాడమాసం బోనాలకు కళ్లకు కట్టినట్లు చూపిస్తుంది నా పేరే ఎల్లమ్మ సాంగ్. ఈ పాటకు ప్రాణం పోసింది ప్రముఖ ఫోక్ డ్యాన్సర్ నాగదుర్గ. ఆమె డ్యాన్స్ అదరగొడుతుందని అందరికీ తెలుసు... కానీ ఈ పాటలో తన హావభావాలతో కట్టిపడేసింది. అమ్మవారిలా ఆమె నటన చూస్తే ప్రతిఒక్కరు ఫిదా అవ్వాల్సిందే. ఈ ఎల్లమ్మ పాటద్వారా నాగదుర్గ మరోమెట్టు ఎక్కేశారు... మరింతమంది అభిమానులను సంపాదించుకున్నారు.

ఇక రాజేందర్ కొండ ఈ లిరిక్స్ అందించారు... అతడు రాసిన మాటలు సింగర్ ప్రభ గొంతుతో వినసొంపుగా మారాయి. ఇక మదీన్ ఎస్కే అందించిన మ్యూజిక్ ఈ పాటను మరోస్థాయికి తీసుకెళ్లింది. కొరియోగ్రాఫర్ శేఖర్ వైరస్ అదిరిపోయేలా నాగదుర్గతో స్టెప్పులు వేయించారు. ఖర్చుకు ఏమాత్రం వెనకడుగు వెయ్యలేదు ప్రొడ్యూసర్ దర్గుపల్లి ప్రభాకర్. ఇలా పర్ఫెక్ట్ టీమ్ కుదరడంతో 'నా పేరే ఎల్లమ్మ' వీడియో సాంగ్ ఇంత అద్భుంతంగా వచ్చింది... అదే స్థాయిలో హిట్ అయ్యింది.