ఇరాన్ డీల్ పై ట్రంప్ కు బిగ్ షాక్..! రెడ్ లైన్ దాటొద్దు

పెంచేస్తున్నారు. ఇప్పటికే ఒక రోజు ఇరాన్ పై దాడులే చేస్తామని, మరుసటి రోజే చర్చలు పూర్తయ్యాయి, డీల్ కుదిరినట్లేనని చెప్పుకుంటూ కాలం గడిపేస్తున్న ట్రంప్ కు ఇప్పుడు ఏదో ఒకటి తేల్చుకోవాల్సిన పరిస్ధితి వచ్చేస్తోంది. ఈ నేపథ్యంలో ట్రంప్ చేసిన తాజా ప్రకటనను కూడా ఇరాన్ లైట్ తీసుకుంది.Iran-Israel War: ఆపుతారా లేదా ? అటు ట్రంప్, ఇటు భారత్ ..!ఇరాన్ తో త్వరలో గొప్ప పరిష్కారం కుదురుతుందంటూ ట్రంప్ చేసిన వ్యాఖ్యల్ని టెహ్రాన్ తోసిపుచ్చింది. ఇంకా ఏ ఒప్పందమూ ఖరారు కాలేదని, తమ రెడ్ లైన్స్ (పరిమితులు) విషయంలో రాజీ పడటం కుదరదని హెచ్చరించింది. చర్చలలో పురోగతి సాధించినప్పటికీ, ఒప్పందాన్ని దేశంలోని నిర్ణయాధికార సంస్థలు ఇంకా సమీక్షిస్తున్నాయని టెహ్రాన్‌లోని అధికారులు తెలిపారు. ఒప్పందం సంతకం చేయడానికి సిద్ధంగా ఉందన్న నివేదికలు కేవలం ఊహాజనితమైనవేనని, ఎలాంటి తుది ఏర్పాట్లు జరగలేదని ఇరాన్ ప్రభుత్వ మీడియాకు విదేశాంగ మంత్రిత్వ శాఖ ప్రతినిధి ఇస్మాయిల్ బఘాయీ తెలిపారు. India Embassy: ఇరాన్ వదిలి వెళ్లిపోండి..! భారతీయులకు ఎంబసీ అలర్ట్..!చర్చల పాఠంలోని గణనీయమైన భాగంపై ఇప్పటికే అంగీకారం కుదిరినప్పటికీ, చర్చల సందర్భంగా అమెరికా పదేపదే తన వైఖరులను మార్చుకుందని బఘాయీ తెలిపారు. అమెరికాతో ఏ ఒప్పందంలోనైనా టెహ్రాన్ తన కీలక వైఖరుల నుండి వెనక్కి తగ్గదని ఆయన మరోసారి తేల్చిచెప్పేశారు. ప్రణాళికాబద్ధమైన సైనిక దాడులను రద్దు చేసుకునేంతగా ఇరాన్‌తో చర్చలు పురోగమించాయని చెబుతూ, చర్చల స్థితిపై ట్రంప్ ఆశాభావం వ్యక్తం చేసిన కొన్ని గంటల తర్వాత ఈ వ్యాఖ్యలు వెలువడ్డాయి. హార్ముజ్ జలసంధిని తిరిగి తెరవడానికి, ఇరాన్ ఓడరేవులపై అమెరికా ఆంక్షలను ఎత్తివేయడానికి మార్గం సుగమం చేసే ఒప్పందాన్ని ఇరాన్ సుప్రీం లీడర్ మొజ్తబా ఖమేనీ ఆమోదించారని తాను విశ్వసిస్తున్నట్లు ట్రంప్ చెప్పారు.