బ్యాంకు నుంచి రూ.11 లక్షల పర్సనల్ లోన్ తీసుకుంటే , వడ్డీ ఎంత అవుతుంది

మరమ్మతులైనా, ఏ వ్యక్తిగత అవసరానికైనా మనం పర్సనల్ లోన్ పొందవచ్చు. హోమ్ లోన్ లేదా కార్ లోన్ లాగా దీనికి ఎలాంటి పరిమితులు ఉండవు. అయితే, ఇతర రుణాలతో పోలిస్తే వ్యక్తిగత రుణాలపై వడ్డీ రేటు కొద్దిగా ఎక్కువగా ఉంటుంది. ప్రస్తుత మార్కెట్‌లో వ్యక్తిగత రుణాలపై వడ్డీ రేటు 9.99 శాతం నుండి 24 శాతం వరకు ఉండవచ్చు. ఇది రుణగ్రహీత క్రెడిట్ స్కోర్, ఆదాయం ఆధారంగా నిర్ణయిస్తారు. ఈ రుణాలను 'అసురక్షిత రుణాలు' అని పిలవడం వల్ల వడ్డీ రేటు కూడా ఎక్కువగా ఉంటుంది.

మీరు ఒకసారి రుణం తీసుకున్న తర్వాత దానిని క్రమం తప్పకుండా EMIల రూపంలో తిరిగి చెల్లించాల్సి ఉంటుంది. మీకు కొంత అదనపు డబ్బు వస్తూ ఉండి, రుణ భారాన్ని తగ్గించుకోవాలనుకుంటే రుణ గడువు ముగియక ముందే దాన్ని మూసివేయడానికి అనుమతించే ప్రీ-క్లోజర్ సౌకర్యం కూడా ఉంది. కానీ గుర్తుంచుకోండి మీరు డబ్బు చెల్లించిన వెంటనే వ్యక్తిగత రుణం ముగిసిపోదు, దానికి ఒక ప్రక్రియ ఉంటుంది. ఈ విషయాన్ని బ్యాంకు నుండి పూర్తిగా తెలుసుకోవడం చాలా ముఖ్యం. దేశంలోని ప్రముఖ ప్రైవేట్ బ్యాంకు అయిన హెచ్‌డిఎఫ్‌సి బ్యాంక్, ప్రస్తుతం వ్యక్తిగత రుణాలపై 9.99 శాతం నుండి 24 శాతం వరకు వడ్డీ రేట్లను అందిస్తోంది. ఇక్కడ ముఖ్యమైన విషయం ఏమిటంటే చాలా మంచి క్రెడిట్ స్కోర్ ఉన్నవారికి ఈ బ్యాంకు చాలా తక్కువ వడ్డీ రేట్లకు రుణాలు అందిస్తుంది. మీ స్కోర్ బాగుంటే మీరు కూడా తక్కువ వడ్డీ రేటుకే రుణం పొందవచ్చు.

మీరు హెచ్‌డిఎఫ్‌సి బ్యాంక్‌లో వ్యక్తిగత రుణం కోసం దరఖాస్తు చేసుకుంటే, రుణం మంజూరు చేయడానికి బ్యాంక్ రూ. 6,500 ప్రాసెసింగ్ ఫీజు వసూలు చేస్తుంది. అంతేకాకుండా ప్రభుత్వ నిబంధనల ప్రకారం ఈ రూ. 6,500 ఫీజుకు అదనంగా జీఎస్‌టీ కూడా జోడిస్తుందని గుర్తుంచుకోండి. అయితే ఈ ప్రాసెసింగ్‌ ఫీజుల్లో తేడాలు కూడా ఉండవచ్చు. తక్కువ, ఎక్కువ ఉంటుంది. మీరు తీసుకునే రుణ మొత్తం బట్టి ఉంటుంది. ఇక అసలు లెక్కలోకి వెళ్దాం. మీరు హెచ్‌డిఎఫ్‌సి బ్యాంక్ నుండి 6 సంవత్సరాల (72 నెలల) కాలానికి రూ. 11 లక్షల వ్యక్తిగత రుణం తీసుకుంటే, మీ క్రెడిట్ స్కోర్ బాగుండి, బ్యాంక్ మీకు కనీసం 9.99 శాతం వడ్డీ రేటును వసూలు చేస్తే, మీరు ప్రతి నెలా ఈఎంఐగా రూ. 20,373 చెల్లించాల్సి ఉంటుంది.

ఈ కనిష్ట వడ్డీ రేటుతో రూ. 11 లక్షల రుణానికి 6 సంవత్సరాల కాలంలో మీరు కేవలం వడ్డీ రూపంలోనే ఎంత చెల్లించాల్సి వస్తుందో మీకు తెలుసా? మీరు చెల్లించవలసిన మొత్తం వడ్డీ రూ. 3,66,847 అవుతుంది. అంటే, రుణ అసలు కంటే కేవలం వడ్డీకే రూ. 3.5 లక్షలకు పైగా ఖర్చు అవుతుంది. అయితే అసలు, వడ్డీతో కలిపి 6 సంవత్సరాల తర్వాత మీ జేబు నుండి మీ బ్యాంకు ఖాతాలోకి ఎంత డబ్బు వెళ్తుందో మీరు లెక్కించారా? మీరు బ్యాంకుకు మొత్తం రూ. 14,66,847 తిరిగి చెల్లించాల్సి ఉంటుంది. ఇందులో రూ. 11 లక్షల అసలు, రూ. 3,66,847 వడ్డీ ఉంటాయి.

అత్యవసర సమయాల్లో వ్యక్తిగత రుణం ఎంతగానో సహాయపడుతుందనడంలో సందేహం లేదు. కానీ దీర్ఘకాలిక రుణం తీసుకునేటప్పుడు, నెలవారీ ఈఎంఐ మీ బడ్జెట్‌కు సరిపోతుందో లేదో బాగా ప్రణాళిక చేసుకోవాలి. లేకపోతే ప్రతి నెలా 20 వేలకు పైగా ఈఎంఐలు చెల్లించడం కష్టమవుతుంది. అందుకే అన్ని లెక్కలను పరిగణనలోకి తీసుకున్న తర్వాతే రుణం తీసుకోండి.