బియ్యం నీళ్లు, అలోవెరాలో జుట్టు పెరగడానికి ఏది మంచిది? నిజాలు ఇవే

ప్రయోజనం కలిగిస్తుంది అనే ప్రశ్న చాలామందిలో ఉంటుంది. నిపుణుల ప్రకారం ఈ రెండింటికీ ప్రత్యేకమైన ప్రయోజనాలు ఉన్నాయి. అవేంటో చూద్దాం.

రైస్ వాటర్‌లో అమైనో యాసిడ్లు, విటమిన్ బి, విటమిన్ ఇ, యాంటీఆక్సిడెంట్లు, ఇనోసిటోల్ అనే ముఖ్యమైన పదార్థం ఉంటుంది. పరిశోధనల ప్రకారం ఇనోసిటోల్ జుట్టు కుదుళ్లను బలోపేతం చేయడం, జుట్టు చిట్లకుండా కాపాడటంలో సహాయపడుతుంది. ముఖ్యంగా ఫెర్మెంటెడ్ రైస్ వాటర్‌ను వారానికి ఒకటి లేదా రెండు సార్లు ఉపయోగించడం వల్ల జుట్టు సాఫ్ట్ గా, స్మూత్ గా మారే అవకాశం ఉంది.

అలోవెరాలో విటమిన్ ఎ, సి, ఈ, బి12, ఫోలిక్ యాసిడ్ సహా అనేక ఎంజైమ్‌లు ఉంటాయి. నిపుణుల ప్రకారం అలోవెరా తల చర్మాన్ని తేమగా ఉంచడంలో ఎంతో ప్రభావవంతంగా పనిచేస్తుంది. జుట్టు పొడిబారడం, దురద, చుండ్రు వంటి సమస్యలను తగ్గించడంలో సహాయపడుతుంది. అలోవెరాలోని యాంటీ ఇన్‌ఫ్లమేటరీ గుణాలు స్కాల్ప్‌ను ప్రశాంతంగా ఉంచుతాయి. ఫలితంగా జుట్టు పెరగడానికి అనుకూలమైన వాతావరణం ఏర్పడుతుంది. ముఖ్యంగా సెన్సిటివ్ స్కాల్ప్ ఉన్నవారికి అలోవెరా మంచి ఎంపిక.

నిపుణుల ప్రకారం జుట్టు విరిగిపోవడం, పొడిబారడం వంటి సమస్యలు ఎక్కువగా ఉంటే రైస్ వాటర్ కొంత మెరుగైన ఫలితాలు ఇవ్వవచ్చు. ఇందులో ఉండే పోషకాలు జుట్టు తంతువులను బలపరచడంలో సహాయపడతాయి. అయితే చుండ్రు, తల దురద, స్కాల్ప్ ఇరిటేషన్ వంటి సమస్యలు ఉంటే అలోవెరా మంచి ఎంపిక.

నిపుణుల ప్రకారం రైస్ వాటర్‌ను అధికంగా ఉపయోగించడం వల్ల కొంతమందిలో జుట్టు గట్టిగా మారడం లేదా ప్రోటీన్ బిల్డ్-అప్ సమస్యలు ఏర్పడవచ్చు. ముఖ్యంగా లో-పోరోసిటీ హెయిర్ ఉన్నవారు రైస్ వాటర్ ని ఎక్కువగా వాడటం మంచిదికాదు. అలాగే అలోవెరా సాధారణంగా సురక్షితమైనదే అయినప్పటికీ, కొందరిలో అలెర్జీ ప్రతిచర్యలు రావచ్చు. కాబట్టి ముందుగా ప్యాచ్ టెస్ట్ చేసుకోవడం మంచిది. అలాగే వారానికి ఒకసారి రైస్ వాటర్‌తో జుట్టును కడిగి, మరోసారి అలోవెరా జెల్‌ను హెయిర్ మాస్క్‌లా ఉపయోగించడం ద్వారా రెండు పదార్థాల ప్రయోజనాలను పొందవచ్చు.