గుండెపోటు కాదు.. పక్కా ప్లాన్ తో హత్య

కన్నతల్లి, భర్త, తాత కలిసి అత్యంత కిరాతకంగా అంతమొందించారు. గుండెపోటుతో చనిపోయిందంటూ నమ్మబలికి, అర్ధరాత్రి వేళ ఎవరికీ తెలియకుండా అంత్యక్రియలు కానిచ్చేసి కథ ముగిసిందనుకున్నారు. కానీ, బాధితురాలు చనిపోకముందే రికార్డ్ చేసిన ఒక సెల్ఫీ వీడియో ఏపీ పోలీసుల ‘శక్తి యాప్’ (Shakti App) ద్వారా వెలుగులోకి రావడంతో ఈ ఘోరం బయటపడింది. శ్రీకాకుళం జిల్లా బ్రహ్మణతర్లాకు చెందిన హరిణికి 2010లో ఆమె మేనమామ దంతేశ్వరరావుతో వివాహం జరిగింది. వీరికి ఒక కుమారుడు కూడా ఉన్నాడు. పెళ్లయిన తర్వాత చదువుపై ఆసక్తితో హరిణి డిగ్రీ పూర్తి చేసింది. ఎలాగైనా గ్రూప్-1 సాధించాలనే బలమైన లక్ష్యంతో కోచింగ్ కోసం హైదరాబాద్ వచ్చింది. ఈ క్రమంలో ఆమెకు నాగేంద్ర అనే వ్యక్తితో పరిచయం ఏర్పడింది. దీంతో భర్తకు విడాకులు ఇచ్చి నాగేంద్రను వివాహం చేసుకోవాలని హరిణి నిశ్చయించుకుంది.

Read Also: Mancherial: మంచిర్యాల జిల్లాలో విషాదం..గోడ కూలి ఏడేళ్ల బాలిక మృతి

హరిణి నిర్ణయాన్ని ఆమె కుటుంబ సభ్యులు తీవ్రంగా వ్యతిరేకించారు. విడాకుల వ్యవహారం మాట్లాడుకుందాం అని నమ్మించి మే 30న ఆమెను హైదరాబాద్ నుంచి శ్రీకాకుళం జిల్లా టెక్కలి మండలం సొర్లిగాం గ్రామానికి తీసుకువెళ్లారు. అయితే, తన కుటుంబం వల్ల ప్రాణాపాయం ఉందని ముందే ఊహించిన హరిణి.. ప్రయాణంలోనే ఒక సెల్ఫీ వీడియో రికార్డ్ చేసి స్నేహితుడు నాగేంద్రకు పంపింది. “మా ఇంట్లో చాలా గొడవలు జరుగుతున్నాయి. జూన్ 5 లోగా నేను హైదరాబాద్ రాకపోయినా, నా ఫోన్ స్విచ్చాఫ్ వచ్చినా నాకు ఏదో కీడు చేశారని భావించి పోలీసులు చర్యలు తీసుకోవాలి.” — సెల్ఫీ వీడియోలో హరిణి చివరి మాటలు

హరిణి చెప్పినట్లుగానే జూన్ 5 దాటినా ఆమె నుంచి ఎలాంటి సమాచారం లేకపోవడంతో ఆందోళన చెందిన నాగేంద్ర.. జూన్ 6న ఏపీ పోలీసుల మహిళా భద్రతా యాప్ ‘శక్తి యాప్’ ద్వారా ఫిర్యాదు చేసి, ఆ వీడియోను అప్‌లోడ్ చేశారు. మంగళగిరి కంట్రోల్ రూమ్ వెంటనే శ్రీకాకుళం పోలీసులను అలర్ట్ చేసింది. పోలీసులు సొర్లిగాం గ్రామానికి వెళ్లి విచారించగా, మే 31 రాత్రే (గ్రామానికి వచ్చిన రోజే) హరిణిని ఇనుప రాడ్డుతో కొట్టి చంపేసినట్లు తేలింది. ఎవరికీ అనుమానం రాకుండా గుండెపోటు అని, ఆ తర్వాత ఆత్మహత్య అని అబద్ధాలు చెప్తూ అర్ధరాత్రి అంత్యక్రియలు పూర్తి చేసేశారు. ఈ దారుణానికి ఒడిగట్టిన హరిణి తల్లి విజయకుమారి, తాత బలుసాకు, భర్త దంతేశ్వరరావులను పోలీసులు బుధవారం అరెస్ట్ చేసి, హత్యకు వాడిన ఇనుప రాడ్డు, 4 సెల్‌ఫోన్లను స్వాధీనం చేసుకున్నట్లు డీఎస్పీ డి.లక్ష్మణరావు వెల్లడించారు.

Real Estate Technology: ఓపెన్‌డోర్ కార్యకలాపాలు మూసివేత.. 250 మంది ఉద్యోగులకు ఉద్వాసన!

Jagan comments on Mega DSC: మెగా డీఎస్సీ నియామక ప్రక్రియపై జగన్ తీవ్ర ఆరోపణలు!

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

Parama Ekadashi Significance 2026: మూడేళ్లకోసారి వచ్చే పరమ ఏకాదశి విశిష్టత ఇదే!

Vijayawada news: ఇంద్రకీలాద్రిపై వైభవంగా యోగాంధ్ర

Mrigasira Karthi: మృగశిర కార్తె ప్రత్యేకత ఏంటి?

Mrigashira Karte : మృగశిర కార్తె రోజు చేపలు ఎందుకు తినాలంటే?

TTD Updates: తిరుమలలో 90 వేల మంది భక్తులు.. రూ.4 కోట్ల హుండీ ఆదాయం!

Tirumala Update : తిరుమలలో భక్తుల రద్దీ …దర్శనానికి 15 గంటల సమయం