ఇప్పుడున్న హీరోలలో ఆ ఇద్దరూ న్యాచురల్ యాక్టర్స్.. సూపర్ స్టార్ కృష్ణ, విజయ నిర్మల కామెంట్స్ వైరల్

సంవత్సరానికి రెండు మూడు సినిమాలు ఎందుకు చేయడం లేదని తరచుగా ప్రశ్నిస్తుంటారని కృష్ణ ప్రస్తావించారు. గతంలో ప్రొడక్షన్ సమస్యలు, డైరెక్టర్ల జాప్యం వల్ల సినిమాలు ఆలస్యమయ్యాయని, ఒక సినిమా పూర్తి కాకుండా మరో సినిమా మొదలుపెడితే అది వెలుగులోకి రాదని మహేష్ భావించేవారని తెలిపారు. విజయనిర్మల మహేష్ బాబు, కృష్ణ గారి నటన శైలి గురించి మాట్లాడుతూ... కృష్ణతో పోలికలు ఉన్నప్పటికీ, మహేష్ స్టైల్ చాలా భిన్నంగా ఉంటుందని అన్నారు.

మహేష్ మాస్, క్లాస్ రెండు అంశాలను కలిగి ఉన్నప్పటికీ, లో-కీగా, సటిల్ మూమెంట్స్‌తో యాక్ట్ చేస్తారని వివరించారు. ఆయన నటన సహజంగా ఉంటుందని, ఫైట్స్ కూడా చాలా సహజంగా అనిపిస్తాయని అన్నారు. చిన్నతనంలోనే కొడుకు దిద్దిన కాపురం చిత్రంలో డ్యూయల్ రోల్ చేసినప్పుడు, డూప్ లేకుండానే ఫైట్స్ చేశారని, నేను దూకలేనా? అని ప్రశ్నిస్తూ స్వయంగా దూకేశారని విజయనిర్మల గుర్తుచేసుకున్నారు. చిన్నప్పటి నుంచే సహజ నటనకు, డూప్ లేకుండా ఫైట్స్ చేయడానికి మహేష్ ప్రాధాన్యత ఇచ్చేవారని ఆమె అన్నారు.

నరేష్ గురించి మాట్లాడుతూ, ఆయన కూడా ఒక కొత్త ఒరవడిని సృష్టించారని, చాలా బోల్డ్ పాత్రలను చేశారని కృష్ణ తెలిపారు. నరేష్‌కు సలహాలు ఇవ్వడం కష్టమని, ఆయన ఒక పాత్రను ఎంచుకుంటే దానిలో పూర్తిగా లీనమైపోతాడని వివరించారు. ఉదాహరణకు, ఒక పాత్రకు క్లైమాక్స్ గురించి సలహా ఇచ్చినా, నా క్యారెక్టర్ నేను చేస్తాను అని చెప్పి, ఆ పాత్రలో అంతగా లీనమైపోతాడని అన్నారు. యంగ్ పాత్రలు చేసినా, ఓల్డ్ క్యారెక్టర్లు చేసినా, నరేష్ ఒక నాచురల్ ఆర్టిస్ట్ అని, పూర్తిగా ఇన్వాల్వ్ అవుతాడని విజయనిర్మల అన్నారు.

ఎక్కువ మంది చదివినవి : Trending Song: వామ్మో.. ఇదేం క్రేజ్ రా బాబూ.. యూట్యూబ్‏ను షేక్ చేస్తున్న పక్కా ఫోక్ సాంగ్.. ఇన్ స్టాలో దుమ్మురేపుతున్న రీల్స్..

ఎక్కువ మంది చదివినవి : Sampath Raj : అలాంటి హీరోను ఎక్కడా చూడలేదు.. ఆయన యాక్టింగ్ చూసి ఫిదా అయిపోయా.. నటుడు సంపత్ రాజ్..