అలీకి వాచిపోయేలా చెంపదెబ్బలు, చిరంజీవి అంటే పిచ్చి..భారతీరాజా తెలుగు సినిమాలు

ఎన్నో సినిమాలు చేశారు. పల్లెటూరి నేపథ్యంలో బలమైన ఎమోషన్స్ తో చిత్రాలు తెరకెక్కించడం ఆయన ప్రత్యేకత. భారతీరాజా తమిళంలో మాత్రమే కాకుండా తెలుగులో కూడా సినిమాలు చేశారు.

సూపర్ స్టార్ కృష్ణ, మెగాస్టార్ చిరంజీవి లాంటి స్టార్స్ తో కూడా భారతీరాజా సినిమాలు ఉన్నాయి. భారతీరాజా పేరు చెప్పగానే తెలుగులో సీతాకోక చిలుక చిత్రం గుర్తుకు వస్తుంది. ఈ మూవీ అప్పట్లో సంచలనం సృష్టించింది. యువతని విపరీతంగా ఆకట్టుకుంది. ముచ్చెర్ల అరుణ, కార్తిక్, శరత్ బాబు అద్భుతంగా నటించారు. ఈ మూవీ ఓ తెలుగు కమెడియన్ కి అద్భుతమైన బ్రేక్ ఇచ్చింది. అలీ చైల్డ్ ఆర్టిస్ట్ గా ఈ చిత్రంలో నటించారు.

సీతాకోక చిలుక షూటింగ్ లో జరిగిన ఒక సంఘటనని అలీ రివీల్ చేశారు. షూటింగ్ జరుగుతున్న సమయంలో ఎవరో జోక్ వేశారు. అందరూ పగలబడి నవ్వారు. భారతీరాజా గారి గురించి తెలిసిందే.. ఆయన చాలా సీరియస్. దీనితో అందరినీ వరుసగా నిలబెట్టి చెంపదెబ్బలు కొట్టారు. నేను చిన్న పిల్లవాడిని, పైగా చేతికి బాగా దొరుకుతున్నాను.. దీనితో నన్ను రెండు చెంపదెబ్బలు కొట్టారు. నేను ఏడుస్తూ కూర్చున్నాను. అప్పుడు సీతాకోక చిలుక నిర్మాత ఏడిద నాగేశ్వర రావు నన్ను చూశారు. ఏంట్రా ఏడుస్తున్నావ్ అని అన్నారు. డైరెక్టర్ నన్ను కొట్టారండీ అని అన్నాను. ఆయన గురించి తెలిసిందే కదా..ఏడవకు అని అన్నారు. అందరినీ ఒక్క దెబ్బ కొడితే నన్ను మాత్రం 2 దెబ్బలు కొట్టారు అని చెప్పా. దీనితో జేబులోనుంచి రూ 200 తీసి ఇచ్చారు. ఇదేదో భలే ఉందే రోజూ కొడితే రోజూ డబ్బులు వస్తాయి అని అనుకున్నట్లు అలీ ఫన్నీ కామెంట్స్ చేశారు.

సీతాకోక చిలుక తో పాటు భారతీరాజా తెలుగులో మరికొన్ని సినిమాలు చేశారు. చిరంజీవితో ఆరాధన అనే చిత్రం తెరకెక్కించారు. సుహాసిని హీరోయిన్ గా నటించింది. కానీ ఆరాధన చిత్రం ప్రేక్షకులని మెప్పించలేకపోయింది. సూపర్ స్టార్ కృష్ణతో భారతీరాజా జమదగ్ని అనే చిత్రం తెరకెక్కించారు. ఈ మూవీలో కృష్ణ ఫైరీ పెర్ఫార్మెన్స్ తో అదరగొట్టారు. కొత్త జీవితాలు అనే చిత్రాన్ని కూడా భారతీరాజా తెలుగులో తెరకెక్కించారు.

భారతీరాజాకి చిరంజీవి అంటే ఎంతో అభిమానం. ఓ ఈవెంట్ లో భారతీరాజా చిరంజీవిని ముద్దు పెట్టుకుని. ఆరాధన మూవీ టైం లో చిరంజీవి ఎలా ఉన్నారో ఇప్పటికీ అలానే ఉన్నారు అంటూ భారతీరాజా ప్రశంసలు కురిపించారు.