ఆడపులుల్లా విజృంభించిన నర్మద, ప్రేమ.. వేటాడి వెంటాడి పట్టేశారు.. చివర్లో ట్విస్ట్ ఇచ్చిన ఎస్ఐ

నర్మద, ప్రేమలు. ఇదంతా నిన్నటి ఎపిసోడ్ ముచ్చట కాగా.. ఇక ఈరోజు (జూన్ 10) రాత్రి ప్రసారం కాబోయే ఎపిసోడ్‌లో ఏమైందంటే.. ధీరజ్‌ కోసం ఏడుస్తూ ఉంటుంది వేదవతి. ఇంతలో రామరాజు వచ్చి.. చిన్నోడ్ని కోర్టుకి తీసుకుని వస్తున్నారు రా వెళ్దాం అని అంటాడు రామరాజు. అక్కడికి వచ్చి వాడ్ని చూసి గుండెపగిలి చావాలా? నా కొడుకు శిక్ష పడితే తట్టుకుని బతికే శక్తి ఈ గుండెకి లేదండీ.. నా ముద్దుల కొడుకుకి ఏమైనా అయితే ఈ అమ్మ ప్రాణం ఆగిపోతుందండీ.. ఏదోటి చేసి నా కొడుకుని బయటకు తీసుకుని రండీ.. వాడికి శిక్ష పడుతుందనే భయంతో గుండెను గుప్పెట్లో పెట్టుకుని బతకడం నా వల్ల కావడం లేదండీ.. ఆ బాధను నేను మోయలేను. వాడ్ని ఎలాగైనా బయటకు తీసుకుని రండీ’ అని భోరున ఏడుస్తుంది వేదవతి. చిన్నోడికి ఏం కాదు.. వాడు తప్పూ చేయలేదు.. ఖచ్చితంగా బయటకు వస్తాడని ధైర్యం చెప్పి.. కోర్టుకి బయల్దేరతాడు రామరాజు.అడ్రస్ దొరికేసింది.. ఇక మొదలెడదామా ఇటు ధీరజ్.. ‘ప్రేమ, నర్మద వదినలు నాకోసం చాలా కష్టపడుతుంటారు.. ఇంత వరకూ రాలేదంటే.. ఎలాంటి సాక్ష్యం దొరకలేదేమో’ అని ఆలోచిస్తుంటాడు. అటు పోలీసులు ధీరజ్‌ని కోర్టుకి తరలించడానికి ఏర్పాట్లు చేస్తుంటారు. ధీరజ్‌ని చూసిన ఎస్ఐ.. ‘రేయ్.. నీకు బెయల్ రాదురా.. అటు నుంచి అటు జైలుకిపోతావ్.. నిన్ను ఈ కేసు నుంచి ఆ దేవుడు కూడా కాపాడలేడు’ అని అంటాడు. అటు నర్మద‌కి ట్రాఫిక్ ఎస్ఐ ఫోన్ చేసి.. మీరు పంపిన వివరాల ప్రకారం.. ఆవ్యక్తి అడ్రస్ పట్టుకున్నాం.. పంపించా అని అంటాడు. దాంతో ఆ అడ్రస్ పట్టుకుని వెతకడానికి వెళ్తారు నర్మద, ప్రేమలు. కొంపలు అంటున్నాయే అత్తా.. అటు భాగ్యం.. ఆ ధీరజ్ గాడికి కోర్టులో శిక్ష పడబోతుంది కదా.. మొదటి వరసలో కూర్చుని తనివితీరా చూసి ఆనందించాలి.. పదా అని అంటుంది. ఇంతలో సుకన్య ఫోన్ చేసి బాంబ్ పేలుస్తుంది. ధీరజ్ కారులో మత్తు పదార్ధాలు పెట్టిన ఆ రౌడీ గాడ్ని పట్టుకోవడానికి ప్రేమా, నర్మదా.. వెళ్లారు. కాబట్టి మీరు కూడా వెళ్లండి. వాళ్లతో మంచిగా ఉన్నట్టుగా నటించి.. ఆ సీసీటీవీ ఫుటేజ్‌ని కొట్టేయండి’ అని సలహా ఇస్తుంది సుకన్య. ఆ మాటతో ఖంగుతిన్న భాగ్యం.. ‘ఈ పిల్ల బచ్చా చెప్పిన ప్లానింగ్‌ని నేను ఫాలో అవ్వాలా? ఇండస్ట్రీలో పండిపోయిన దాన్ని.. వాడ్ని వాళ్లకి దొరక్కుండా ఏం చేస్తానో చూడు’ అని అంటుంది. ఇడ్లీ గాడ్ని తీసుకుని హడావిడిగా బయల్దేరుతుంది.వచ్చేశాం.. మేం వచ్చేశాం.. అప్పటికే నర్మద, ప్రేమలు రౌడీ గాడు ఉండే లొకేషన్‌‌కి చేరుకుంటారు. వీళ్లు వెళ్లేసరికి వాడు అక్కడే సిగరెట్ తాగుతూ ఉంటాడు. ఇంతలో ప్రేమ, నర్మదలను బురిడీ కొట్టించడానికి భాగ్యం, ఇడ్లీలు వస్తారు. మళ్లీ ఏం వెధవ ప్లాన్ వేశారూ అని అంటుంది నర్మద. అదే ధీరజ్‌కి కోర్టులో శిక్షపడకుండా చూడమని గుడికి వెళ్లి దండం పెట్టుకున్నాం అని అంటుంది భాగ్యం. ఇంతలో ప్రేమ.. కొంపలు కూల్చే మీరు.. ఎదుటి మనిషి బాగుండాలని కోరుకుంటారా? మీ సంగతి తరువాత చూస్తాం అంటూ రౌడీ గాడు కంటికి కనిపించడంతో వాడి వెంటపడతారు. రేయ్ ఆగరా.. ఆగూ.. అయితే భాగ్యం వాళ్ల వెనకే ఉండి.. రేయ్ దొంగ సచ్చినోడా ఆగరా అని కావాలనే అరుస్తారు. దాంతో ఆ రౌడీ గాడు అలర్ట్ అయ్యి పారిపోతుంటాడు. వాడ్ని పట్టుకునే టైమ్‌కి మీరెందుకు అరిచి చచ్చారు అని అంటుంది ప్రేమ. చివరికి వాడ్ని వెంటాడి పట్టుకుంటారు కానీ.. భాగ్యం వెళ్లి.. కావాలనే వాడ్ని విడిపించి ఏదో పట్టుకున్నట్టుగా నటిస్తారు. రౌడీ గాడు దొరికినట్టే దొరికి తప్పించుకోవడంతో.. ప్రేమ ఏడుస్తుంది. ధీరజ్‌ని కోర్టుకి తీసుకుని వెళ్లే టైమ్ అయిపోయింది.. నేను ఓడిపోయాను అక్కా.. ఓడిపోయాను.. నా ధీరజ్ జైలు పాలవ్వకతప్పదేమో అక్కా అంటూ కన్నీళ్లు పెట్టుకుంటుంది ప్రేమ.తల ఎత్తండి నాన్నా.. అటు ధీరజ్‌ని కోర్టుకి తరలిస్తుంటారు పోలీసులు. అప్పుడే రామరాజు స్టేషన్‌కి వెళ్లడంతో ఎదురుపడతాడు ధీరజ్. కొడుకుని చూసి ఎమోషనల్ అవుతాడు. చందు కూడా ధీరజ్‌ని పట్టుకుని ఏడ్చేస్తాడు. రామరాజు తలదించుకుని ఉండటం చూసిన ధీరజ్.. ‘నాన్నా మీరు ఎప్పుడూ తల ఎత్తుకుని గర్వంగా ఉండాలి తప్పితే.. ఇలా తలదించుకుని బాధపడకూడదు. మీ కళ్లలో నీళ్లు రాకూడదు. నా కారణంగా అస్సలు రాకూడదు. మా నాన్నని కంటతడి పెట్టించాననే బాధ నన్ను ఎక్కువ బాధపెడుతుంది’ అని అంటాడు ధీరజ్. ఆ మాటతో రామరాజు.. ధీరజ్‌ని పట్టుకుని.. ‘ఇలాంటి పరిస్థితుల్లో కూడా మీ నాన్న కోసమే ఆలోచిస్తున్నావ్ తప్పితే.. నీ జీవితం ఏమైపోతుందని ఆలోచించడం లేదురా’ అని కొడుకుని పట్టుకుని ఏడ్చేస్తాడు. నర్మద, ప్రేమా ఎక్కడ నాన్నా.. అదిగో వచ్చేశార్రోయ్ ఇంత గొప్ప కొడుకుని కన్నందుకు నాకు గర్వంగా ఉందిరా.. రేయ్ చిన్నోడా నీకు బెయిల్ వస్తుందిరా.. ధైర్యంగా ఉండు అని ధైర్యం చెప్తాడు రామరాజు. సరేనాన్నా.. ఇంతకీ నర్మద వదినా, ప్రేమా ఎక్కడికి వెళ్లారూ అని అంటాడు ధీరజ్. ఏయ్ మీ ముచ్చట్లు కట్టిపెట్టి.. పదండీ అని అంటాడు ఎస్ఐ. ఇక కొడుకుని కళ్ల ముందే పోలీసులు లాక్కుని వెళ్లిపోతుంటే.. రామరాజు కన్నీటిపర్యంతం అవుతాడు. ఇంతలో నర్మద, ప్రేమలు.. ఆ రౌడీ గాడ్ని పట్టుకుని వచ్చి.. ఎస్ఐ కాళ్లపై పడేస్తారు. ఈ రౌడీ గాడు నా పేరు కానీ బయటపెట్టేస్తాడా? అని కంగారు పడుతుంటాడు ఎస్ఐ. సాక్ష్యాలతో సహా.. ఒకటే ఉతుకుడు.. ఎస్ఐకి చెమటలు ఆరోజు మా కారు ఎక్కింది వీడే అంటూ ఆ రౌడీ గాడి చెంప చెల్లుమనిపిస్తుంది ప్రేమ. మామిడి కాయల బుట్టలో మారకద్రవ్యాలు పెట్టింది కూడా వీడే అంటూ నర్మద వాయించిపారేస్తుంది. ఎస్ఐ గారూ.. మీరు మా కారు ఆపి చెక్ చేస్తున్నప్పుడు పారిపోయింది కూడా వీడే.. ముందు వీడ్ని అరెస్ట్ చేసి మా ఆయన్ని విడుదల చేయండి’ అంటూ ఉతికిపారేస్తుంటుంది ప్రేమ. అయితే వాడు ఎక్కడ తన పేరు చెప్పేస్తాడోనని కంగారు పడిన ఎస్ఐ.. ‘ఎవర్నో తీసుకొచ్చి వీడే నేరం చేశాడంటే నమ్మేస్తానా? ఆధారాలతో దొరికిన వాడ్ని వదిలేయడానికి నేను పిచ్చోడిలా కనిపిస్తున్నానా? నాటకాలు ఆడుతున్నారా? అని అంటాడు. దాంతో ప్రేమ, నర్మదలు తమ దగ్గర ఉన్న సాక్ష్యాన్ని చూపించి.. ఎస్ఐ నోరు మూయిస్తారు. దాన్ని చూడగానే ఎస్ఐకి చెమటలు పట్టేస్తాయి. అయితే వాడు వీడు తోడు దొంగలేమోనని చివర్లో మెలికపెట్టాడు ఎస్ఐ.