రేపు షూటింగ్ అనగా.. పాట విని ఫ్యూజులు ఎగిరిపోయాయి.. నాకు వాళ్లు చెప్పింది ఒకటే

షూటింగ్ ఉందనగా.. ఈ సినిమా యూనిట్ నుంచి తనకు కాల్ వచ్చిందని సత్యశ్రీ తెలిపారు. నితిన్ హీరోగా, వక్కంతం వంశీ దర్శకత్వంలో వచ్చిన ఈ చిత్రంలో ఒక క్యారెక్టర్‌కు డాన్స్ పెర్ఫార్మెన్స్ ఉంటుందని చెప్పినప్పుడు, అది వల్గర్‌గా ఉంటుందేమోనని మొదట భయపడ్డానని ఆమె పేర్కొన్నారు. అయితే, దర్శకుడు వంశీ అలాంటిదేమీ ఉండదని స్పష్టం చేయడంతో ఆ అవకాశాన్ని అంగీకరించానని అన్నారు. షూటింగ్‌కు ముందు రోజు రాత్రి ‘పెట్టే తాళం’ పాటను విన్నప్పుడు.. తనకు ఫ్యూజు ఎగిరిపోయినట్లు అనిపించిందని సత్యశ్రీ చెప్పారు. ఆ సమయానికి తన కాస్ట్యూమ్స్ సిద్ధమయ్యాయని, డేట్స్ ఖరారయ్యాయని, ఇక క్యాన్సిల్ చెప్పే పరిస్థితి లేదని ఆమె వివరించారు. షూటింగ్‌కు వెళ్లిన మొదటి రోజే నితిన్‌తో పోలీస్ స్టేషన్ సీన్‌లో చేయికి దెబ్బ తగిలిందని, అదృష్టవశాత్తు అది తీవ్రమైన గాయం కాదని నితిన్ సాఫ్ట్‌గా మాట్లాడి ప్రోత్సహించారని తెలిపారు. ఆ తర్వాత శేఖర్ మాస్టర్ కొరియోగ్రాఫర్ అని తెలియగానే మరింత ఆశ్చర్యపోయినట్లు తెలిపారు. ఒక క్యారెక్టర్ ఆర్టిస్ట్‌కు హీరో, హీరోయిన్స్‌కు ఉండే స్థాయిలో ఇంత పెద్ద పాట వచ్చిందని.. ఈ అవకాశాన్ని వినియోగించుకోమని దర్శకుడు మోటివేట్ చేసినట్లు వివరించారు. తాను చీర కట్టులో చాలా బాగా డాన్స్ చేస్తానని, అందుకే చీర గెటప్‌లో ఈ పాట పెట్టారని యూనిట్ చెప్పిందని ఆమె వెల్లడించారు.

అయితే, ఎక్స్‌ప్రెషన్స్ విషయంలో చాలా ఇబ్బంది పడ్డానని, కనీసం పదిహేను టేక్‌లు తీసుకున్నా ఆశించిన ఎక్స్‌ప్రెషన్స్ రాలేదని సత్యశ్రీ అన్నారు. దర్శకుడు వక్కంతం వంశీ మొదట ముంబై అమ్మాయిని అనుకున్నారని, ఎందుకంటే అలాంటి ‘సెక్సీ లుక్’ ఎక్స్‌ప్రెషన్స్ కావాలని చెప్పారని తెలిపారు. అయితే, తనను ఎక్స్‌పోజ్ చేయమని అడగట్లేదని, ముఖంలో ఆ ఎక్స్‌ప్రెషన్స్ ఉంటే చాలని వంశీ హామీ ఇచ్చారని ఆమె వివరించారు. ‘ధమాకా’లోని ‘గున్న గున్న మామిడి’ లేదా ‘పల్సర్ బైక్’ పాటల మాదిరిగానే ఈ పాట ఉంటుందని, వల్గారిటీ ఉండదని, కెరీర్‌కు ప్లస్ అవుతుందని దర్శకుడు తనను నమ్మించారని సత్యశ్రీ పేర్కొన్నారు. మూడు రోజులు ఈ పాట షూటింగ్ జరిగిందని, చివరికి తాను ఊహించింది ఒకటి, అక్కడ జరిగింది మరొకటి అని సత్యశ్రీ తెలిపారు. ఈ పాట సినిమా కథకు తగ్గట్టుగా వచ్చిందని, దాని అర్థమే మారిపోయిందని ఆమె సంతోషం వ్యక్తం చేశారు. నితిన్ కూడా తనను చాలా బాగా చేశావని మెచ్చుకున్నారని, శేఖర్ మాస్టర్ అయితే తనలోని టాలెంట్‌ను గుర్తించి ఇది నిన్ను నువ్వు ప్రూవ్ చేసుకోవడానికి మంచి అవకాశం అని ప్రోత్సహించారని సత్యశ్రీ అన్నారు. ఆ ప్రోత్సాహంతో, పదిహేను టేక్‌ల తర్వాత తను పూర్తి ధైర్యంతో ఓపెన్ అప్ అయ్యి ఈ పాటలో నటించానని ఆమె చెప్పారు. ఈ పాటను ప్రేక్షకులు ఇంతగా ఆదరించడం పట్ల సత్యశ్రీ కృతజ్ఞతలు తెలిపారు. ఈ చిత్రంలో చమ్మక్ చంద్ర, బ్రహ్మాజీ, ఆది, సోనియా సింగ్‌లతో కలిసి స్క్రీన్ షేర్ చేసుకోవడం తనకెంతో ఆనందాన్ని ఇచ్చిందని ఆమె ముగించారు.

నువ్వు డ్యాన్సర్ మాత్రమే కాదు ఫైటర్ కూడా.. మళ్లీ మంచి రోజులు వస్తాయ్ పండు..