Multibagger: స్మాల్ క్యాప్ కేటగిరిలోని ఇన్ఫ్రా సెక్టార్ కంపెనీ కాళింద్ లిమిటెడ్ (Kalind Limited) తమ షేర్ హోల్డర్లకు డబుల్ ధమాకా ఆఫర్ ప్రకటించింది. ఉచితంగా బోనస్ షేర్లు అందిస్తోంది. జూన్ 3వ తేదీన కంపెనీ బోర్డు ఆఫ్ డైరెక్టర్స్ సమావేశమయ్యారు. ఈ క్రమంలో 1:5 రేషియోలో స్టాక్ స్ప్లిట్, 1:2 రేషియోలో బోనస్ షేర్స్కి ఆమోదం తెలిపారు. ఈ రెండు ప్రయోజనాలని పొందేందుకు అర్హులైన షేర్ హోల్డర్లను నిర్ణయించే రికార్డు డేట్ త్వరలోనే నిర్ణయించనున్నట్లు తెలిపారు. ఈ స్టాక్ స్ప్లిట్, బోనస్ ఇష్యూ ప్రకారం 100 షేర్స్ కొనుగోలు చేసినట్లియితే ఏకంగా 750 షేర్స్ అవుతాయి. మరోవైపు ఈ కంపెనీ షేరు గత ఏడాదిలోనే ఏకంగా 984 శాతం లాభాన్ని అందించి మల్టీబ్యాగర్ స్టాక్స్ లో నిలిచింది. కాళింద్ లిమిటెడ్ రూ. 100 లోపు ధర గల పెన్నీ స్టాక్.కంపెనీ ఎక్స్చేంజ్ ఫైలింగ్ ప్రకారం కంపెనీ బోర్డు ఆఫ్ డైరెక్టర్స్ జూన్ 3 బుధవారం రోజు సమావేశమై 1:5 రేషియోలో స్టాక్ స్ప్లిట్ చేయాలని నిర్ణయించారు. దీని అర్థం రూ. 10 ఫేస్ వ్యాల్యూ ఉన్న 1 ఈక్విటీ షేరుని రూ. 2 ఫేస్ వ్యాల్యూ ఉండేలా 5 ఈక్విటీ షేర్స్ గా విభజిస్తారు. దీని ప్రకారం మీ వద్ద 100 షేర్స్ ఉంటే అవి 500 షేర్లుగా మారతాయి. ఇదే సమావేశంలో 1:2 రేషియోలో బోనస్ షేర్లు జారీ చేసేందుకు ఆమోదం లభించింది. దీని అర్ధం రికార్డు డేట్ నాటికి రూ. 2 ఫేస్ వ్యాల్యూ గల 2 ఈక్విటీ షేర్లు డీమ్యాట్ అకౌంట్లో కలిగి ఉన్నవారికి అదనంగా రూ. 2 ఫేస్ వ్యాల్యూ ఉండే 1 ఈక్విటీ షేరుని ఉచితంగా బోనస్ రూపంలో జారీ చేస్తారు. దీని ప్రకారం మీ 500 షేర్స్ కాస్త 750 షేర్స్ గా మారతాయి. స్టాక్ మార్కెట్ చివరి ట్రేడింగ్ సెషన్లో కాళింద్ లిమిటెడ్
షేరు 2.09 శాతం లాభంతో రూ. 93.12 వద్ద ముగిసింది. ఈ షేరు 52 వారాల గరిష్ఠ ధర రూ. 106 వద్ద ఉండగా 52 వారాల కనిష్ఠ ధర రూ. 79.05 వద్ద ఉంది. గత వారం రోజుల్లో ఈ షేరు 11 శాతం లాభాన్ని అందించింది. గత నెల రోజుల్లో 3 శాతం లాభపడింది. గత ఆరు నెలల్లో 26 శాతం పెరిగింది. గత ఏడాది కాలంలో 984 శాతం లాభాన్ని ఇచ్చింది. లక్ష రూపాయలు పెట్టి షేర్లు కొన్నవారికి ఇప్పుడు ఆ విలువ రూ.10.84 లక్షలు అవుతుంది. ఐదేళ్ల కాలంలో 8140 శాతం లాభాన్ని అందించింది. అంటే లక్ష రూపాయల పెట్టుబడిని రూ.80 లక్షలకు పైగా అందించింది. ప్రస్తుతం ఈ కంపెనీ మార్కెట్ క్యాప్ రూ.1140 కోట్ల వద్ద ఉంది.