విశాఖలో ఎలక్ట్రానిక్ కాంపొనెంట్ అసెంబ్లింగ్ యూనిట్ ఏర్పాటు చేయండి

నెల్లూరులో సెమీకండక్టర్‌ తయారీ యూనిట్‌కు అవకాశం ఎలిమెంట్‌ గ్రూప్‌ బృందంతో భేటీలో మంత్రి లోకేశ్‌ ఈనాడు, అమరావతి: విశాఖపట్నంలో ఎలక్ట్రానిక్‌ కాంపోనెంట్‌ అసెంబ్లింగ్‌ యూనిట్‌ ఏర్పాటు చేయాలని మంత్రి లోకేశ్‌ ఎలిమెంట్‌ గ్రూప్‌ ప్రతినిధులను కోరారు. భారత్‌లో విస్తరిస్తున్న డిజిటల్‌ రవాణా, బ్యాంకింగ్‌ కార్డ్‌ వ్యవస్థలకు అవసరమైన సురక్షితమైన ఆర్‌ఎప్‌ఐడీ ట్యాగ్‌లు, స్మార్ట్‌ కార్డ్‌ మైక్రోచిప్‌ల తయారీకి అవకాశం ఉందని పేర్కొన్నారు. రష్యా పర్యటనలో భాగంగా ఎలిమెంట్‌ గ్రూప్‌ ప్రెసిడెంట్‌ ఖజోవ్‌ ఒలెగ్‌ నేతృత్వంలోని బృందంతో మంత్రి లోకేశ్‌ బుధవారం భేటీ అయ్యారు. ఈ సందర్భంగా ఆయన మాట్లాడుతూ.. ‘భారత్‌లో వేగంగా అభివృద్ధి చెందుతున్న ఈవీ పవర్‌ ట్రెయిన్, సోలార్‌ కన్వర్టర్‌ మార్కెట్లకు సరఫరా చేసేందుకు భాగస్వామ్య సంస్థలతో కలిసి నెల్లూరులో సిలికాన్‌ కార్బైడ్, పవర్‌ సెమీ కండక్టర్‌ పరికరాల తయారీ విభాగాన్ని ఏర్పాటు చేయండి. స్థానిక ఆటోమోటివ్, అసెంబ్లింగ్‌ వ్యవస్థలను ఆటోమేషన్‌ చేసేందుకు ఇప్పటికే శ్రీసిటిలో ఉన్న తయారీ దిగ్గజ సంస్థలకు సమీపంలో సర్వో మోటార్‌ జాయింట్‌ ఇండస్ట్రియల్‌ మోటార్‌ ప్రొడక్షన్‌ ఫెసిలిటీ సెంటర్‌ ఏర్పాటు కాబోతోంది. అక్కడ రోబోటిక్స్‌ సేవల కోసం ఎలిమెంట్‌ గ్రూప్‌ రోబోటిక్స్, ఆటోమేషన్‌ డివిజన్‌ ఏర్పాటు చేయండి. కమ్యూనికేషన్, నావిగేషన్, ఏరోస్పేస్, ఆన్‌బోర్డ్‌ టెలిమెట్రీ సిస్టమ్‌ల కోసం మాడ్యులర్‌ కాంపోనెంట్‌లపై దృష్టి సారించి.. వైజాగ్‌ హైటెక్‌ కారిడార్‌లో మైక్రో ఎలక్ట్రానిక్స్‌ డిజైన్‌ కేంద్రాన్ని ఏర్పాటు చేయండి. అమరావతి స్మార్ట్‌ సిటీ ఫ్రేమ్‌వర్క్‌లో భాగంగా స్మార్‌ సిటీ హార్డ్‌వేర్, ఐవోటీ ఇన్‌ఫ్రాస్ట్రక్చర్‌ ఇంటిగ్రేషన్‌ చేపట్టాల్సి ఉంది. ఇందులో భాగంగా అమరావతి రాజధాని నిర్మాణానికి ఎలిమెంట్‌ గ్రూప్‌ ఆధ్వర్యంలో లోకలైజ్డ్‌ మైక్రో కంట్రోలర్లు, డేటా ఇన్‌ఫ్రాస్ట్రక్చర్, హార్డ్‌వేర్‌ సరఫరా చేసే అంశాన్ని పరిశీలించాలి’ అని లోకేశ్‌ ప్రతిపాదించారు. ప్రపంచంలోనే అత్యంత వేగంగా అభివృద్ధి చెందుతున్న ప్రజా రవాణా వ్యవస్థల్లో మాస్కో అడ్వాన్స్‌డ్‌ ట్రాన్స్‌పోర్టు సెంటర్‌ ఒకటని మంత్రి లోకేశ్‌ పేర్కొన్నారు. ‘రవాణా నెట్‌వర్క్‌ నిర్వహణ, డిజిటలైజేషన్, ప్రయాణికుల సౌకర్యం కోసం