వెయ్యి కోట్ల క్లబ్ చూడని తమిళ సినిమా

అక్కడి ఫ్యాన్స్. ఇంతకూ వారికున్న కొరత ఏంటో!?

సౌత్‌లో తమిళ సినిమాకు ఇటు రెండు తెలుగు రాష్ట్రాల్లోనూ, కర్ణాటక, కేరళల్లోనూ మార్కెట్ ఉంది. అలా దక్షిణాది ఐదు రాష్ట్రాల్లోనూ బలమైనదిగా రాజ్యమేలింది కాబట్టే పదేళ్ళ క్రితం వరకూ అందరూ సౌత్‌లో తమిళ సినిమా నంబర్ వన్ అని భావిస్తూ వచ్చారు. అయితే రాజమౌళి 'బాహుబలి' సిరీస్ దక్షిణాది అంటే తెలుగు సినిమానే అనే రేంజ్ కు తీసుకు వెళ్ళింది. తరువాత ఆ బాటలోనే తెలుగు సినిమా ఇప్పటికీ పయనిస్తోంది. మొన్నటి దాకా సౌత్‌లో టాప్ గా వెలిగిన కోలీవుడ్ గత పదేళ్ళ నుంచీ వెయ్యి కోట్ల క్లబ్ లో చేరడానికి తంటాలు పడుతూనే ఉంది. కానీ, ఇప్పటి దాకా ఏ తమిళ చిత్రం కూడా ఆ ఫీట్‌ను సాధించలేక పోయింది. అయినా తమిళ సినీ ఫ్యాన్స్ ఈ పాతికేళ్ళలో అంటే 2001 నుండి 2025 దాకా టాప్ గ్రాసర్స్ గా నిలచిన చిత్రాలను గుర్తు చేసుకొని మురిసిపోతూ ఉండడం విశేషం! అందులో 2001లో మొట్టమొదట అజిత్ 'దినా' చోటు దక్కించుకుంది. ఈ యేడాది ఇప్పటి వరకూ రిలీజైన తమిళ చిత్రాల్లో 'కరుప్పు' అంటే తెలుగులో 'వీరభద్రుడు'గా వచ్చిన సూర్య సినిమా టాప్ గ్రాసర్ గా నిలచింది.

నిజం చెప్పాలంటే టాప్ గ్రాసర్స్ గా నిలచిన తమిళ సినిమాలన్నీ బ్లాక్ బస్టర్ హిట్సేమీ కావు. కొన్ని కాస్ట్ ఫెయిల్యూర్స్ గా మిగిలాయి. అందరికన్నా మిన్నగా అత్యధిక టాప్ గ్రాసర్స్ చూసిన స్టార్ గా రజనీకాంత్ నిలిచారు. ఈయన నటించిన 9 సినిమాలు ఈ జాబితాలో చోటు సంపాదించాయి. అందులో 'చంద్రముఖి, శివాజీ, రోబో' చిత్రాలు జెన్యూన్ బ్లాక్ బస్టర్స్ గా నిలిచాయి. మిగిలిన ఆరు సినిమాలు నిర్మాతలకు చేదు అనుభవమే చూపించినా, ఆ సంవత్సరాల్లో అవే అత్యధిక వసూళ్ళు చూసిన చిత్రాలు అనిపించుకున్నాయి. అవేంటంటే 'బాబా, లింగా, కబాలి, 2.0, దర్బార్, కూలీ'. మరో విశేషమేంటంటే రజనీకాంత్ ఫ్యాన్స్ కు నిరాశ కలిగించిన '2.0' సినిమానే ఈ నాటికీ తమిళ ఇండస్ట్రీలో టాప్ గ్రాసర్ గా నిలవడం ఆశ్చర్యాన్ని కలిగిస్తోంది.

కమల్ హాసన్‌కు 'దశావతారం', అజిత్‌కు 'దినా', 'వరలారు' చిత్రాలు టాప్ గ్రాసర్స్ గా ఉన్నాయి. 'సామి, ఐ, పొన్నియిన్ సెల్వన్' సినిమాలతో విక్రమ్ కూడా ఈ జాబితాలో చోటు సంపాదించారు. 'అయాన్, ఏళామ్ అరివు, సింగమ్-2' సూర్యకు టాప్ గ్రాసర్స్ గా నిలిచాయి. ఈ యేడాది 'కరుప్పు'కూడా కలిపితే సూర్యకు నాలుగు టాప్ గ్రాసర్స్ ఉన్నట్టు. సంవత్సరం ముగిసేలోపు ఏదైనా సినిమా దానిని బీట్ చేస్తే సూర్యకు మూడే టాప్ ట్రాసర్స్. ఇక రజనీకాంత్ తరువాత అత్యధిక చిత్రాలు టాప్ గ్రాసర్స్ లో ఉన్నవి విజయ్ వే!. అందులో 'ద గోట్' మినహా 'గిల్లీ, తుపాకీ, మెర్సల్, బిగిల్, మాస్టర్, లియో' అన్నీ జెన్యూన్ హిట్స్ గానే నిలవడం మరింత విశేషం. విజయ్ రాజకీయ ప్రవేశం తరువాత ఆయనలా జెన్యూన్ బ్లాక్ బస్టర్ హిట్స్ ఎవరు సాధిస్తారో చూడాలి.

ఎట్ట‌కేల‌కు.. విజయ్ 'జన నాయగ‌న్' సెన్సార్ పూర్తి?

Kayadu Lohar: టెన్త్ క్లాస్‌లోనే అంత పని చేసిందా?

వైజయంతీ మూవీస్ బ్యానర్ రూటే వేరు.. బ్రాండ్ అంటే ఇది!