అన్నం నుంచి బ్రౌన్ రైస్ కు మారితే బరువు తగ్గుతారా? న్యూట్రిషనిస్ట్ సమాధానం తెలిస్తే ఆశ్చర్యపోతారు

అనేక ప్రయత్నాలు చేస్తున్నారు. కొందరు జిమ్‌లో గంటల కొద్దీ కష్టపడుతుంటే.. మరికొద్దీ కఠినమైన డైట్ ఫాలో అవుతున్నారు. ముఖ్యంగా డైట్ విషయంలో చాలా మంది సీరియస్‌గా ఉంటున్నారు. బరువు తగ్గేందుకు చాలా మంది ఈ రోజుల్లో తెల్ల అన్నం (వైట్ రైస్) తీసుకోవడం లేదు. వైట్ రైస్ స్థానంలో బ్రౌన్ రైస్ తింటున్నారు. అయితే, బరువు తగ్గడానికి అన్నం మానేసి బ్రౌన్ రైస్ తినడం కరెక్టేనా? దీనిపై ఫుల్ క్లారిటీ ఇచ్చారు సీనియర్ క్లినికల్ న్యూట్రిషనిస్ట్ ఎడ్వినా రాజ్ (హెడ్ ఆఫ్ సర్వీసెస్ - క్లినికల్ న్యూట్రిషన్ & డైటెటిక్స్, ఆస్టర్ సిఎమ్ఐ హాస్పిటల్, బెంగళూరు). ఆ వివరాలేంటో తెలుసుకుందాం.న్యూట్రిషనిస్ట్ ఏం చెప్పారు? వైట్ రైస్ స్థానంలో బ్రౌన్ రైస్ తీసుకోవడం అనేది ఆరోగ్యకరమైన అలవాటే, కానీ కేవలం దీనివల్లే బరువు తగ్గిపోతారనుకోవడం పొరపాటు. ఇది బరువు తగ్గడానికి ఒక మంత్రదండం లాంటిదేమీ కాదు. కానీ, బ్రౌన్ రైస్ తినడం వల్ల కొన్ని ఆరోగ్య ప్రయోజనాలు ఉన్నాయి. అంతేకానీ, బ్రౌన్ రైస్ తింటే వేగంగా ఏం బరువు తగ్గరు.సీనియర్ క్లినికల్ న్యూట్రిషనిస్ట్ ఎడ్వినా రాజ్.బ్రౌన్ రైస్ ఆరోగ్య ప్రయోజనాలు పోషకాల పరంగా: బ్రౌన్ రైస్‌లో తవుడు, మొలక పొరలు అలాగే ఉంటాయి. వైట్ రైస్‌ను పాలిష్ చేసినప్పుడు ఇవి పోతాయి. అందువల్ల బ్రౌన్ రైస్‌లో ఫైబర్ (పీచు పదార్థం), విటమిన్లు, ఖనిజాలు, సహజ సిద్ధమైన మొక్కల సమ్మేళనాలు ఎక్కువగా ఉంటాయి. ఆకలి నియంత్రణ: ఇందులో ఉండే ఎక్కువ ఫైబర్ కంటెంట్ వల్ల అన్నం తిన్న తర్వాత చాలా సేపటి వరకు కడుపు నిండుగా ఉన్నట్లు అనిపిస్తుంది. ఇది పదే పదే ఆకలి వేయకుండా చూస్తుంది, ఫలితంగా రోజంతా మనం తినే ఆహార పరిమాణం తగ్గుతుంది. రక్తంలో చక్కెర స్థాయిలు: బ్రౌన్ రైస్ చాలా నిమ్మదిగా అరుగుతుంది. దీనివల్ల వైట్ రైస్ తిన్నప్పటిలా కాకుండా, రక్తంలో షుగర్ లెవెల్స్ ఒక్కసారిగా పెరగకుండా స్థిరంగా ఉంటాయి. ఇది ఆకలిని, ఎనర్జీ లెవెల్స్‌ను కంట్రోల్ చేయడానికి సాయపడుతుంది.గుర్తించుకోవాల్సిన ముఖ్యమైన విషయం వైట్ రైస్, బ్రౌన్ రైస్ రెండింటిలోనూ దాదాపు ఒకే పరిమాణంలో కేలరీలు ఉంటాయి. కాబట్టి బ్రౌన్ రైస్ కదా అని ఎక్కువ మొత్తంలో తింటే శరీరంలో కేలరీలు పెరిగి బరువు పెరిగే అవకాశం ఉంటుంది. బరువు తగ్గడం అనేది కేవలం ఒక్కే ఒక్క ఆహారాన్ని మార్చడం వల్ల జరగదు. మనం తీసుకునే మొత్తం కేలరీల పరిమాణం, శారీరక శ్రమ అంటే వ్యాయామం, మంచి నిద్ర, సమతుల్య ఆహారం తీసుకోవడంపైనే బరువు తగ్గడం ఆధారపడి ఉంటుంది.ఆరోగ్యకరమైన జీవనశైలికి చాలా మందికి, వైట్ రైస్ ప్లేస్‌లో బ్రౌన్ రైస్ తినడం అనేది హెల్తీ లైఫ్‌స్టైల్‌లో ఒక భాగం. బ్రౌన్ రైస్‌తో పాటు కూరగాయలు, పప్పులు, లీన్ ప్రోటీన్, మంచి కొవ్వులు (healthy fats) కలిపి తీసుకుంటే ఆ భోజనం సంపూర్ణంగా మారుతుంది. అయితే, కొంతమందికి బ్రౌన్ రైస్ అరగడం కష్టం కావచ్చు. ముఖ్యంగా జీర్ణ సమస్యలు ఉన్నవారికి లేదా ఎక్కువ ఫైబర్ తిని అలవాటు లేనివారికి ఇబ్బందిగా ఉంటుంది.అలాంటి వారు మొదట్లో వైట్ రైస్, బ్రౌన్ రైస్ రెండింటినీ కలిపి వండుకోవడం లేదా కొద్దికొద్దిగా అలవాటు చేసుకోవడం మంచిది. బ్రౌన్ రైస్ ఉడకడానికి కొంచెం ఎక్కువ సమయం పడుతుంది. వండడానికి ముందు కనీసం 30 నుంచి 45 నిమిషాల పాటు నీటిలో నానబెడితే అన్నం మెత్తగా వస్తుంది, సులభంగా జీర్ణమవుతుంది.చివరగా ఏం తెలుసుకోవాలి? మన సాంప్రదాయ ఆహారాల్లో వైట్ రైస్ ఉన్నా, బ్రౌన్ రైస్ ఉన్నా.. వాటితో పాటు తగినన్ని కూరగాయలు, ప్రోటీన్ తీసుకుంటూ, ముద్ద పరిమాణం (portion size) కంట్రోల్‌లో ఉంచుకుంటే ఏదైనా ఆరోగ్యకరమే. స్వీట్లు, ఫ్రైలు, జంక్ ఫుడ్స్ తింటూ కేవలం అన్నం ఒక్కటే మార్చితే బరువు తగ్గడం సాధ్యం కాదు.కేవలం ఒక్క పదార్థం మీదే కాకుండా మీ మొత్తం జీవనశైలిపై దృష్టి పెట్టండి. బ్రౌన్ రైస్ తింటే పరిమితంగా తినండి. ఒకవేళ మీకు వైట్ రైస్ తినడమే ఇష్టమైతే, దాన్ని పూర్తిగా మానేయాల్సిన పనిలేదు. అన్నం పరిమాణాన్ని తగ్గించి, కూరలు, ఆకుకూరలు, పప్పు, గుడ్లు లేదా చికెన్/చేపలు వంటి ప్రోటీన్ ఎక్కువగా ఉండేలా చూసుకోండి. బాగా నీళ్లు తాగడం, ప్రాసెస్ చేసిన ఆహారాలకు దూరంగా ఉండడం, మైండ్‌ఫుల్ ఈటింగ్ (అరవకుండా, శ్రద్ధగా తినడం) అలవాటు చేసుకోండి. దీర్ఘకాలం పాటు మనం ఆనందంగా ఫాలో అవ్వగలిగే డైట్ ప్లాన్ మాత్రమే బరువు తగ్గడానికి నిజంగా సాయపడుతుంది.సమయం తెలుగు సంప్రదించిన వైద్య నిపుణులుశ్రీమతి ఎడ్వినా రాజ్హెడ్ ఆఫ్ సర్వీసెస్ - క్లినికల్ న్యూట్రిషన్ & డైటెటిక్స్, ఆస్టర్ సిఎమ్ఐ హాస్పిటల్, బెంగళూరు