బాలు కాలర్ పట్టుకున్న అరుణ్.. దొంగచాటుగా మింగేసిన ప్రభావతి.. చింటుగాడికి తప్పిన ప్రమాదం

నా ఇంట్లో నా మాటే చెల్లుతుంది.. మూడు నెలల్లో తగ్గి చూపిస్తాను అని సవాల్ విసురుతుంది ప్రభావతి. సవాల్ పదే పదే విసరకండి.. అదే ఏమైనా విసనకర్రనా.. చెప్పడం కాదు.. చేసి చూపించండి అని చింతామణి పదే పదే రెచ్చగొడుతుంటుంది. మా వదిన మంట అయితే ఇది పెట్రోల్ లా ఉందే.. నా ఇల్లు భగ్గుమనేలా ఉంది.. అని కామాక్షి అనుకుంటుంది. ఇక బయటకు వచ్చిన ప్రభావతి తన కొడుకు మనోజ్‌కి ఫోన్ చేసి డైటింగ్ గురించి అడుగుతుంది.. ఎవరైనా ఉంటే చెప్పమని అంటుంది. ఈ ఆలోచన ఇప్పుడు ఎందుకు వచ్చింది.. సాయంత్రం వరకు ఉంటుందా? రేపటి వరకు ఉంటుందా? అని మనోజ్ కౌంటర్ వేస్తాడు. ఏంట్రా నేను డైటింగ్ చేయకూడదా? అని తిడుతుంది ప్రభావతి. సరే అమ్మ కనుక్కుని చెప్తాలే అని అంటాడు. ఇక పేరెంట్స్ టీచర్ మీటింగ్ ఉంటుందట అని రోహిణికి ఫోన్ చేసి చెబుతుంది సుగుణ.అమ్మ చచ్చిపోయిందని చెప్పు నేను రాలేను.. నువ్వే ఏదో ఒక మ్యానేజ్ చెయ్యి అని రోహిణి అంటుంది. పిల్లాడి తల్లివి నువ్వే కదా.. కనీసం వీడియో కాల్ అయినా పర్లేదు అన్నారు.. అని సుగుణ చెబుతుంది. కావాలంటే అమ్మ చచ్చిపోయిందని చెప్పు అని రోహిణి ఫైర్ అవుతుంది. పిల్లాడి విషయం కాబట్టే చెబుతున్నాను.. నువ్వు రాకపోతే ఎలా అని సుగుణ అంటుంది. సర్లే ఏదోలా వస్తా.. నువ్వు మాత్రం బాలుతో జాగ్రత్తగా.. కనిపిస్తే ఎక్కువగా మాట్లాడకు.. అవసరం లేని విషయం అస్సలు మాట్లాడకు అని రోహిణి చెబుతుంది. ఈ సమస్యలు ఏంట్రా అని రోహిణి కంగారు పడుతుంటుంది.డ్రైవింగ్ పాఠాలు.. మీనాకి బాలు డ్రైవింగ్ నేర్పిస్తుంటాడు. మధ్యలో మీనా ఫ్రెండ్ కనిపిస్తుంది. బాగా నేర్చుకున్నా తర్వాత కారులో ఎక్కుతాను అని అంటుంది. జీవితం ఎంత నిదానంగా వెళ్తుందో.. కారు కూడా అలానే వెళ్లాలి.. స్టీరింగ్ వదిలేయొద్దు.. అన్నీ చూసుకోవాలని చెబుతుంటాడు. ఇక మధ్యలో ఇంకో ఇద్దరు ఫ్రెండ్స్ కనిపిస్తారు. వారిని మీనా కారులో ఎక్కించుకుంటుంది. బాలు భార్యకి కారు నడపడం రాదు అంటే ఎలా ఉంటుంది.. అని ఆ ఇద్దరు లేడీస్ అంటే.. ఇంకా నయం మీనా భర్తవి.. నీకు పూలు అల్లడం రాదు అని అనలేదు అని కామెడీ చేస్తాడు బాలు. అలా అందరినీ బాలు ఒక చోట దించేస్తాడు. తనకు పని ఉందని బాలు వెళ్లిపోతాడు.అరుణ్, బాలు గొడవ.. అరుణ్ ఓ కొట్టుకు వచ్చి పూలు కొంటాడు. అక్కడికే బాలు వచ్చి ఆకు కూరలు ఉన్నాయా? అవి అంటే అన్నీ గుర్తుంటాయట కదా అని కావాలని అరుణ్‌ను గెలుకుతాడు. దీంతో ఈ ఇద్దరి మధ్య గొడవ అవుతుంది. చివరకు బాలు కాలర్ పట్టుకుంటాడు అరుణ్. అరుణ్‌ని బాలు తోసేస్తాడు. ఆ క్రమంలో మళ్లీ బాలు పట్టుకునే ప్రయత్నం చేస్తాడు. ఇంతలో అరుణ్ జేబు చిరిగిపోతుంది. దీంతో అరుణ్‌కి కోపం వస్తుంది. ఇక గొడవ పెద్దది అవుతుందేమో అని చుట్టు పక్కల వాళ్లంతా చూస్తుంటారు. మీరు ముందు నా కాలర్ పట్టుకున్నారు.. అందుకే ఇలా అయింది.. నేను కావాలని అయితే చేయలేదు.. కోపం వచ్చే ముందు కాస్త ఆలోచించుకోండి.. ఎదుటి వాళ్లని గౌరవంతో చూడండి అని చెప్పి వెళ్లిపోతాడు బాలు.మీరు ఇవన్నీ తినొద్దు.. కొవ్వు.. ఉదయం టిఫిన్‌కి మీనా చికెన్, గారె, ఇడ్లీ రెడీ చేస్తుంది. బాలు, సత్యం తినేందుకు కూర్చుంటాడు. కానీ ప్రభావతి మాత్రం వాటిని తినను అని చెబుతుంది. ఇంకేం చేయలేదా? అని అడుగుతుంది. మనుషులు తినేవి చేశాను అని.. అని మీనా కౌంటర్ వేస్తుంది. ఇంతలో మనోజ్, రోహిణి వస్తారు. చెరో గారె వేసుకుంటారు. ఇవన్నీ ఆయిల్.. కొవ్వు ఎక్కువ అవుతుంది అని ప్రభావతి అంటుంది. అవును ఇవన్నీ కొలెస్ట్రాల్ అని రోహిణి అంటే.. వారి గారెల్ని కూడా బాలు తీసుకుంటాడు. మీరు ఇవన్నీ తినొద్దు.. కొవ్వు.. ఇవి మనుషులు తినేవి అని కౌంటర్లు వేస్తాడు బాలు.బొద్దుగా.. మొద్దుగా అని బాలు కౌంటర్లు నేను లావు కావాలనే ఇలాంటివి చేస్తోంది అని మీనాని అంటుంది ప్రభావతి. రేపటి నుంచి మీకేం కావాలో మీరే చేసుకోండి అని మీనా అంటుంది. మీరు లావుగా లేరు.. చబ్బీగా ఉన్నారు అని ప్రభావతికి చెబుతుంది రోహిణి. చడ్డీనా? అని బాలు అంటే.. చడ్డీ కాదు.. చబ్బీ అంటే.. బొద్దుగా అని అంటాడు మనోజ్. బొద్దుగా.. మొద్దుగా అని బాలు కౌంటర్లు వేస్తాడు. ఇంతలో రవి, శ్రుతి కూడా వస్తారు. రేయ్ వాళ్లకి కొవ్వు అంట.. మనకు గారెలు, చికెన్.. వాళ్లకి ఇడ్లీ అని బాలు అంటాడు. ఏరా నీకు కూడా కొవ్వేనా అని మనోజ్‌కి కౌంటర్ వేస్తాడు రవి. డైట్ మెయింటైన్ మంచిది అమ్మా అని మనోజ్ అంటాడు. ఫైటా? అని బాలు అంటే.. ఫైట్ కాదు.. డైట్.. అని మనోజ్ అంటాడు. డైట్ అంటే ఏంటో రవి క్లియర్‌గా బాలుకి వివరిస్తాడు. అంటే మనోజ్ గాడు తినేలా అడ్డమైన గడ్డి తినకూడదన్న మాట అని బాలు అంటాడు.కిచెన్‌లో దొంగ చాటుగా.. అందరి తిన్నాక నేను బ్లాక్ టీ తాగుతాను అని ప్రభావతి అంటుంది. అలానే ఈ ప్లేట్స్ కూడా కడుగు అని కౌంటర్లు వేస్తాడు బాలు. ఇక అందరూ తిని వెళ్లాక.. దొంగలా కిచెన్‌కి వెళ్తుంది ప్రభావతి. ఈ పూలమ్మేది కావాలనే ఇలా చికెన్ చేసి.. నా వ్రతాన్ని చెడగొట్టాలని చూస్తోంది.. అని ఓ ప్లేట్ తీసుకుని చికెన్ వేసుకుని తింటుంది. ఇంతలో మనోజ్ వస్తాడు. ఎందుకు ఇలా సీక్రెట్‌గా తింటున్నావ్ అని మనోజ్ అంటాడు. ఆకలి వేస్తోంది.. కమ్మటి వాసన వస్తోంది.. అందుకే తింటున్నా.. ఎవరైనా వస్తున్నారేమో చూడు అని ప్రభావతి అంటుంది. ఈ ఛాలెంజ్‌లు ఎందుకు.. దొంగలా తినడం ఎందుకు.. అని మనోజ్ అంటాడు. డైట్‌లో ఉందామని అనుకున్నా.. ఇవన్నీ బాగున్నాయ్.. అని ప్రభావతి అంటుంది.ఇంతే నా భోజనం.. అసలే డైట్ చేస్తున్నా.. అందరూ కలిసి హాల్లోకి వస్తారు. ఏంటి కిచెన్ నుంచి వస్తున్నారు అని బాలు అంటాడు. నీ భార్య చేసిన చికెన్, గారెలు తిని వస్తున్నాను రా అని ప్రభావతి అంటుంది. చిటికెడు అన్నం.. నీళ్ల చుక్క.. ఇంతే నా భోజనం.. అసలే డైట్ చేస్తున్నా.. చికెన్ అవన్నీ తినను అంటుంది ప్రభావతి. నేను కూడా త్యాగం చేశా అని మనోజ్ అంటాడు. రేయ్ ఇప్పుడే కదా తిన్నావ్.. మానేశా అంటావ్ ఏంట్రా.. ఇలా తిని కూడా తినలేదు అని చెప్పేవాళ్లకి.. అరగదు.. మోషన్ అవుతుంది.. అని తిడతాడు బాలు. దీంతో ప్రభావతి ఆపరా అని అంటుంది. నువ్వెందుకు అరుస్తున్నావ్.. నువ్వు తిన్నావా? అని బాలు అంటాడు. నేను ఎందుకు తింటాను అని ప్రభావతి బుకాయిస్తుంది.స్కూల్లో పేరెంట్స్ టీచర్ మీటింగ్.. సరే నేను స్కూల్‌కి వెళ్తాను.. ఈరోజు పేరెంట్స్ టీచర్ మీటింగ్ ఉందని సత్యం అంటాడు. నువ్వు కూడా వస్తావా మీనా.. చింటుని చూడాలని అన్నావ్ కదా అని బాలు అంటాడు. అవసరమా? వాళ్ల నానమ్మ తిడుతోంది కదా అని శ్రుతి అంటుంది. వాళ్లు ఎంత తిట్టినా, చీ కొట్టినా చింటు కోసం వెళ్లే పాత్రలు మావి అని బాలు అంటాడు. మీ పాత్రలు పొయ్యి పెట్ట.. ఇప్పుడు నా పరిస్థితి ఏంటి.. నేను కూడా అక్కడికే వెళ్లాలి కదా అని రోహిణి అనుకుంటుంది. వీళ్లని ఎలా ఆపాలి అని రోహిణి లోలోపల అనుకుంటుంది.ఇలా రోడ్డు దాటకూడదు.. మరో వైపు చింటుని తీసుకుని సుగుణమ్మ రోడ్డుపై నడుస్తూ వెళ్తుంది. ఆటోవాడు రాలేదు అని .. ఆటో కోసం చూస్తూ నడిపించుకుంటూ తీసుకు వెళ్తుంది. రోడ్డు మీద ఆటో చూసి చింటు గాడు పరిగెడతాడు. దీంతో ఓ కారుకి అడ్డంగా వెళ్తాడు చింటు. ఆ కారులో మనోజ్ ఉంటాడు. కారుని సడెన్‌గా ఆపుతాడు మనోజ్. మీరా అని సుగుణ, చింటుని చూసి పలకరిస్తాడు మనోజ్. ఇలా రోడ్డు దాటకూడదు.. చుట్టూ చూసి నెమ్మదిగా దాటాలని చింటుకి చెప్తాడు. అంకుల్.. నాకు స్కూల్‌కి లేట్ అవుతోంది డ్రాప్ చేస్తారా? అని మనోజ్‌ని చింటు అడుగుతాడు. సరేరా అని మనోజ్ అంటాడు. వద్దు బాబు అని సుగుణమ్మ అంటుంది. కానీ చింటు మాత్రం వినకుండా కారులోకి ఎక్కేస్తాడు. 🔹‘పొదరిల్లు’ టుడే ఎపిసోడ్ : మనసులో ఉన్నదంతా కక్కేసిన చక్రి.. ఇంట్లోంచి ఎప్పుడు వెళ్లిపోతాడో కనుక్కోండి.. మహా మాటలకు పెద్ది షాక్