Lot News

పేదల సొంతింటి కలను నిజం చేసేందుకు తెలంగాణ ప్రభుత్వం హైదరాబాద్ క్యూర్ పరిధిలో ఇందిరమ్మ ఇళ్ల టవర్స్ నిర్మిస్తున్న సంగతి తెలిసిందే. ఇప్పటికే పేదల నుంచి అఫ్లికేషన్లు తీసుకోవటంతో పాటు ఆగస్టు 28 నుంచి 31 వరకు నాలుగు రోజుల పాటు లబ్ధిదారుల ఎంపిక కోసం డ్రా ప్రక్రియ నిర్వహించారు. లాటరీలో ఇళ్లకు ఎంపికైన వారి పూర్తి వివరాలను హౌసింగ్‌ బోరు వెబ్‌సైట్‌లో పెట్టింది. నియోజకవర్గాల వారీగా దరఖాస్తు నంబరు, పేరు, ప్రస్తుతం ఉంటున్న చిరునామాతో సహా ఏర్పాటు చేసింది. ఎంపికైన వారిపై ఇతర దరఖాస్తుదారులకు ఎవైనా అభ్యంతరాలుంటే తెలియజేసేలా ఆ పక్కనే అవకాశం కల్పించారు.ఇక నేటి నుంచి ఇందిరమ్మ టవర్స్‌కు ఎంపికైన వారి తుది పరిశీలన చేపట్టనున్నారు. మెుత్తం 16 నియోజకవర్గాల్లో హౌసింగ్‌ బోర్డు అధికారులు క్షేత్రస్థాయికి వెళ్లనున్నారు. ఏ నియోజకవర్గంలో ఇందిరమ్మ ఇంటికి ఎంపికయ్యారో.. ఆ కుటుంబం గత పదేళ్లుగా అదే నియోజకవర్గంలోనే ఉంటుందా లేదా అని అధికారులు వచ్చి పరిశీలన చేయనున్నారు. ఇందుకు హౌసింగ్‌ బోర్డు అధికారులు ప్రత్యేక బృందాలను ఏర్పాటు చేశారు. ప్రతి నియోజకవర్గంలో నిర్మించనున్న 480 ఇళ్లకుగాను 600 మందికిపైగా అధికారులు ఎంపిక చేశారు. వీరందరినీ క్షేత్రస్థాయిలో పరిశీలించేందుకు నియోజకవర్గానికి 20 మందికి ప్రత్యేకంగా శిక్షణ ఇచ్చారు. రోజుకు కనీసం 150 కుటుంబాల వద్దకు వెళ్లి.. వారి నివాసం నిర్ధారించనున్నారు. నాలుగు రోజుల్లోనే ఈ ప్రక్రియను పూర్తి చేయనున్నారు.అధికారులు పరిశీలించే అంశాలు ఇవే.. ఇందిరమ్మ ఇళ్లకు ఎంపికైన వారు స్థానికంగానే ఉంటున్నారా లేదా అని అధికారులు నిర్ధారించుకుంటారు. ఆ తర్వాత సదరు ఇంటిని జియోట్యాగ్‌ చేస్తారు. అఫ్లికేషన్‌లో పేర్కొన్న వివరాలు సరైనవేనా కాదా అనేది చూస్తారు. ఆ తర్వాత కుటుంబ సభ్యుల వివరాలు పరిశీలిస్తారు. గత పదేళ్లుగా అదే నియోజకవర్గంలో ఉంటున్నాడా లేదా అని దర్యాప్తు చేస్తారు. వివరాలన్నీ అక్కడి నుంచే యాప్‌లో అప్‌లోడ్ చేస్తారు.ప్రస్తుతం నియోజకవర్గానికి 480 ఇళ్లను నిర్మిస్తుంటే.. అంతే మందిని ఎంపిక చేశారు

Hyderabad Real Estate: హైదరాబాద్ నగరం రోజురోజుకూ విస్తరిస్తోంది. నగరంలో భూముల ధరలు ఇప్పటికే చాలా ప్రాంతాల్లో భారీగా పెరిగాయి. దీంతో పెట్టుబడిదారులు ఇప్పుడు నగరానికి సమీపంలోని అభివృద్ధి చెందుతున్న ప్రాంతాల వైపు చూస్తున్నారు. ఈ క్రమంలో హైదరాబాద్‌కు సుమారు 70 కిలోమీటర్ల దూరంలో ఉన్న వికారాబాద్ ప్రాంతం కూడా రియల్ ఎస్టేట్‌లో ఆసక్తిని పెంచుతోంది. హైదరాబాద్ చుట్టూ రోడ్లు, హైవేలు, రవాణా సదుపాయాలు మెరుగుపడుతున్నాయి. రీజినల్ రింగ్ రోడ్, ఫ్యూచర్ సిటీ, కొత్త రహదారులు, మెట్రో విస్తరణ వంటి ప్రాజెక్టులు నగర భవిష్యత్ అభివృద్ధిలో కీలకంగా మారే అవకాశం ఉంది. ఈ అభివృద్ధి క్రమంగా నగర శివారు ప్రాంతాలకు కూడా విస్తరించవచ్చు. ప్రధాన ప్రాజెక్టులకు చాలా దగ్గరగా ఉన్న ప్రాంతాల్లో ఇప్పటికే భూముల ధరలు ఎక్కువగా ఉన్నాయి. అందువల్ల కొంతమంది పెట్టుబడిదారులు ఇంకా అభివృద్ధి ప్రారంభ దశలో ఉన్న ప్రాంతాలను పరిశీలిస్తున్నారు. రోడ్డు సౌకర్యాలు, రవాణా, ఇతర మౌలిక వసతులు పెరిగితే భవిష్యత్తులో అక్కడ భూములకు డిమాండ్ పెరిగే అవకాశం ఉంటుంది. వికారాబాద్ హైదరాబాద్‌కు దగ్గరగా ఉండటంతో పాటు ప్రకృతి అందాలకు కూడా ప్రసిద్ధి చెందింది. అనంతగిరి కొండలు, పచ్చని ప్రాంతాలు, పర్యాటక ప్రదేశాలు ఈ ప్రాంతానికి ప్రత్యేక ఆకర్షణగా ఉన్నాయి. హైదరాబాద్ నుంచి వికారాబాద్‌కు రహదారి కనెక్టివిటీ మరింత మెరుగైతే ప్రయాణం సులభమవుతుంది. దీంతో ఉద్యోగులు, వ్యాపారులు, పర్యాటకులు ఈ ప్రాంతానికి ఎక్కువగా రాకపోకలు సాగించే అవకాశం ఉంది. రవాణా సౌకర్యాలు పెరిగినప్పుడు నివాస ప్రాంతాలు, చిన్న వ్యాపారాలు, ఇతర వాణిజ్య కార్యకలాపాలు కూడా అభివృద్ధి చెందవచ్చు. హైదరాబాద్ ప్రధాన ప్రాంతాలతో పోలిస్తే వికారాబాద్ పరిసరాల్లో కొన్ని చోట్ల భూములు తక్కువ ధరలకు లభించే అవకాశం ఉంది. కొన్ని ప్రాంతాల్లో 120 గజాల ప్లాట్లు రూ.10 లక్షల లోపు కూడా ఉన్నట్లు సమాచారం. అయితే ఇది అన్ని ప్రాంతాలకు వర్తించదు. రోడ్డు పక్కన ఉన్న భూములు, పట్టణానికి దగ్గరగా ఉన్న ప్రాంతాలు

హైదరాబాద్ నగరం వేగంగా విస్తరిస్తోంది. ఇప్పటికే నగరంలోని ప్రధాన ప్రాంతాల్లో భూముల ధరలు భారీగా పెరిగాయి. దీంతో పెట్టుబడిదారులు ఇప్పుడు నగరానికి కొంత దూరంలో ఉన్న ప్రాంతాలపై దృష్టి పెడుతున్నారు. రాబోయే రోజుల్లో హైదరాబాద్ పరిసర ప్రాంతాల అభివృద్ధిలో రీజినల్ రింగ్ రోడ్ (RRR), ఫ్యూచర్ సిటీ, కొత్త గ్రీన్‌ఫీల్డ్ హైవేలు, మెట్రో విస్తరణ, జాతీయ రహదారుల అభివృద్ధి వంటి ప్రాజెక్టులు కీలక పాత్ర పోషించే అవకాశం ఉంది. పెద్ద ప్రాజెక్టు పక్కనే భూమి కొనుగోలు చేయాలంటే ప్రస్తుతం భారీ ధరలు చెల్లించాల్సి వస్తోంది. అయితే ప్రధాన రహదారులు లేదా అభివృద్ధి ప్రాజెక్టులకు ఒకటి, రెండు కిలోమీటర్ల దూరంలో ఉన్న ప్రాంతాల్లో ఇప్పటికీ తక్కువ ధరలకు భూమి లభించే అవకాశం ఉంది. భవిష్యత్తులో అభివృద్ధి విస్తరించినప్పుడు ఇలాంటి ప్రాంతాలకు కూడా డిమాండ్ పెరిగే అవకాశం ఉంటుంది. వికారాబాద్ జిల్లా హైదరాబాద్‌కు సమీపంలో ఉండటంతో పాటు ప్రకృతి అందాలకు ప్రసిద్ధి చెందింది. అనంతగిరి కొండలు, అడవులు, పర్యాటక ప్రాంతాలు ఇప్పటికే ఈ ప్రాంతానికి ప్రత్యేక గుర్తింపు తెచ్చాయి. ఇప్పుడు రోడ్డు కనెక్టివిటీ మరింత మెరుగుపడితే వికారాబాద్‌కు చేరుకోవడం సులభం కానుంది. ముఖ్యంగా బీజాపూర్ హైవే అభివృద్ధి పనులు వేగంగా జరుగుతుండటం ఈ ప్రాంత భవిష్యత్తుకు కీలకంగా మారే అవకాశం ఉంది. హైదరాబాద్ నుంచి వికారాబాద్‌కు ప్రయాణ సమయం తగ్గితే ఉద్యోగులు, వ్యాపారవేత్తలు, పర్యాటకులు, పెట్టుబడిదారుల రాకపోకలు పెరగవచ్చు. ఒక ప్రాంతానికి రవాణా సౌకర్యాలు మెరుగుపడితే అక్కడ నివాస, వాణిజ్య అవసరాలు కూడా క్రమంగా పెరుగుతాయి. హైద‌రాబాద్ నుంచి ఈ ప్రాంతం సుమారు 70 కిలోమీట‌ర్ల దూరంలో ఉంది. హైదరాబాద్‌లోని ప్రధాన ప్రాంతాలతో పోలిస్తే వికారాబాద్ పరిసరాల్లో భూమి ధరలు ఇప్పటికీ అందుబాటులో ఉన్నాయని మార్కెట్ వర్గాలు చెబుతున్నాయి. కొన్ని ప్రాంతాల్లో 120 గ‌జాల ప్లాట్ ధ‌ర రూ. 10 ల‌క్ష‌ల‌లోపే అందుబాటులో ఉన్నాయి. అయితే ప్రాంతాన్ని బట్టి ధరల్లో భారీ తేడాలు ఉండవచ్చు. ప్రధాన రహదారికి

తెలంగాణ హైకోర్టు డివిజన్ బెంచ్ హైడ్రా కమిషనర్ ఏవీ రంగనాథ్‌కు బిగ్ రిలీఫ్ ఇచ్చింది. లోతుకుంట భూవివాదం, కోర్టు ధిక్కరణ కేసులో సింగిల్ జడ్జి జారీ చేసిన కఠిన ఉత్తర్వులను సస్పెండ్ చేస్తూ సంచలన స్టే విధించింది. సెప్టెంబర్ 1న వెలువడిన ఈ ఉత్తర్వులతో రంగనాథ్ ప్రస్తుతానికి తన పదవిలో కొనసాగే అవకాశం స్పష్టంగా ఏర్పడింది. ప్రభుత్వం ఇప్పటివరకు సింగిల్ బెంచ్ ఆదేశాలను అమలు చేయకపోగా, ఇప్పుడు డివిజన్ బెంచ్ ఇచ్చిన స్టేతో ఆయన స్థానం మరింత పటిష్టంగా మారింది. ఈ వివాదం మెదక్-మల్కాజ్‌గిరి జిల్లా లోతుకుంటలోని 40 ఎకరాల భూమి చుట్టూ ప్రారంభమైంది. శాంతా శ్రీరామ్ కన్స్ట్రక్షన్స్ క్లెయిమ్ చేస్తున్న ఈ స్థలంలోకి హైడ్రా అధికారులు వెళ్లి తాత్కాలిక నిర్మాణాలను తొలగించేందుకు ప్రయత్నించారు. దీనిపై తీవ్ర అభ్యంతరం వ్యక్తం చేసిన కంపెనీ, కోర్టు ఇచ్చిన అండర్‌టేకింగ్‌ను అధికారులు ఉల్లంఘించారని ఆరోపిస్తూ కాంటెంప్ట్ పిటిషన్లు దాఖలు చేసింది. గతంలో వివాదాస్పద స్థలానికి రక్షణగా సైన్యాన్ని కూడా కాపలాగా ఉంచే స్థాయికి ఈ గొడవ చేరింది. దీంతో జూలై 27న విచారణ చేపట్టిన జస్టిస్ అనిల్ కుమార్ జుకంటి సింగిల్ బెంచ్ తీవ్ర ఆగ్రహం వ్యక్తం చేసింది. రంగనాథ్‌పై ఏడాదిన్నర వ్యవధిలో 63 కోర్టు ధిక్కరణ కేసులు పెండింగ్‌లో ఉన్నాయని గుర్తుచేస్తూ తీవ్ర స్థాయిలో ధ్వజమెత్తింది. ఆయన సమర్పించిన క్షమాపణ అఫిడవిట్ సంతృప్తికరంగా లేదంటూ, సీఎస్ వెంటనే రంగనాథ్‌ను హైడ్రా కమిషనర్ పదవి నుంచి తప్పించి వేరొకరిని నియమించాలని సంచలన ఆదేశాలు ఇచ్చింది. అయితే, తాము పిటిషనర్ భూమిలోకి వెళ్లలేదని, ప్రభుత్వ స్థలాన్నే రక్షిస్తున్నామని రంగనాథ్ క్లారిటీ ఇచ్చారు. ఫలితంగా ఈ మొత్తం వ్యవహారంలో ముఖ్యమంత్రి రేవంత్ రెడ్డి మొదటి నుంచి హైడ్రా కమిషనర్ రంగనాథ్‌కు పూర్తి స్థాయిలో బహిరంగ మద్దతుగా నిలిచారు. చెరువులు, నాలాలు, ప్రభుత్వ భూముల ఆక్రమణలపై హైడ్రా చట్టబద్ధంగానే పనిచేస్తోందని, కోర్టులను గౌరవిస్తూనే కబ్జాదారులపై పోరాటం ఆపేది లేదని స్పష్టం చేశారు

ఆంధ్రప్రదేశ్ రాజధాని అమరావతి అనగానే మనకు వెంటనే గుర్తుకొచ్చేది భారీ బిల్డింగ్‌లు, పెద్ద రోడ్లు, వరల్డ్ క్లాస్ సిటీ ప్లాన్స్ మాత్రమే కాదు. భారతదేశ రియల్ ఎస్టేట్ చరిత్రలోనే ఇది ఒక అత్యంత ఆసక్తికరమైన ప్రయాణం. ఒకప్పుడు పచ్చని పంట పొలాలతో ఎంతో ప్రశాంతంగా ఉన్న కృష్ణా నదీ తీర ప్రాంతం, రాజధాని ప్రకటన రాగానే రాత్రికి రాత్రే కోట్ల రూపాయల బిజినెస్‌కు కేరాఫ్ అడ్రస్‌గా మారిపోయింది. గత పదేళ్ల కాలంలో అమరావతి భూముల ధరలు చూసిన ఎత్తుపల్లాలు, పొలిటికల్ ట్విస్టులు, చివరకు ఇన్వెస్టర్లకు ఇచ్చిన లాభాలు రియల్ ఎస్టేట్ వరల్డ్‌లోనే ఒక కొత్త చరిత్ర సృష్టించాయి. 2014 సంవత్సరానికి ముందు తుళ్లూరు, నేలపాడు, మందడం, నవులూరు, రాయపూడి లాంటి గ్రామాల్లో భూముల వ్యాపారం ఎకరాల లెక్కన మాత్రమే జరిగేది. అప్పట్లో ఎకరం ధర రూ.15 లక్షల నుంచి రూ.30 లక్షల వరకు ఉండేది. అంటే గజం లెక్కన చూసుకుంటే కేవలం రూ.3,000 నుంచి రూ.6,000 మాత్రమే. కానీ 2014 చివరిలో ఉమ్మడి ఏపీ విభజన తర్వాత ఆంధ్రప్రదేశ్ కొత్త రాజధానిగా అమరావతిని ప్రకటించడంతో రియల్ ఎస్టేట్ స్ సీన్ ఒక్కసారిగా మారిపోయింది. రైతుల నుంచి ఏకంగా 33,000 ఎకరాలను ల్యాండ్ పూలింగ్ కింద సేకరించారు. 2016 నుంచి 2018 మధ్య వెలగపూడిలో తాత్కాలిక సచివాలయం, అసెంబ్లీ, హైకోర్టు నిర్మాణాలు ప్రారంభం కావడంతో భూముల రేట్లు ఆకాశాన్ని తాకాయి. అయితే 2019లో ప్రభుత్వం మారడం, మూడు రాజధానుల ప్రతిపాదన ముందుకు రావడంతో 2019-2023 మధ్య మార్కెట్ తీవ్రంగా పడిపోయింది. ఆ సమయంలో భూమి అమ్మకాలు తగ్గిపోయి గజం ధర రూ.12,000 వరకు పడిపోయింది. కానీ 2024లో మళ్లీ ప్రభుత్వం మారడం, వరల్డ్ బ్యాంక్, ఆసియా అభివృద్ధి బ్యాంక్ (ADB) నుంచి నిధులు రావడంతో అమరావతిలో భూముల రేట్లు మళ్లీ రికార్డు స్థాయికి చేరాయి. ఒక సాధారణ ఇన్వెస్టర్ పాయింట్ ఆఫ్ వ్యూలో ఆలోచిస్తే అమరావతి

ఇప్పుడున్న బిజీ లైఫ్ స్టైల్ లో.. చాలా మందికి టైమ్ కి భోజనం చేసే సమయమే ఉండటం లేదు. ఇలాంటి సమయంలో.. వీకెండ్స్ లో.. వాషింగ్ మెషిన్ లో బట్టలు ఉతకడమే పెద్ద పని అనుకుంటుంటే.. మళ్లీ.. వాటికి ఐరన్ చేయడం మరో పెద్ద పని. వాషింగ్ మెషిన్ డ్రయ్యర్ చాలా స్పీడ్ గా పనిచేస్తుంది. దీని వల్ల.. బట్టలకు ఎక్కువగా ముడతలు పడిపోతూ ఉంటాయి. అయితే.. ఒకే ఒక్క సింపుల్ ట్రిక్ తో ముడతలు పడటం కాదు కదా.. ఐరన్ అవసరమే రాదు. ఆ ట్రిక్ ఏంటి..? ఎలా పని చేస్తుందో ఇప్పుడు చూద్దాం... మీరు మీ బట్టలకు ముడతలు పడకూడదు అనుకుంటే.. ఎక్కువ కష్టపడాల్సిన అవసరం లేదు. మీ డ్రయ్యర్ లో కొన్ని ఐస్ క్యూబ్స్ వేస్తే సరిపోతుంది. ఉతికిన లేదా పొడి బట్టలతో పాటు 2 నుండి 3 ఐస్ క్యూబ్స్‌ను వాషింగ్ మెషిన్ డ్రైయర్ లో వేయాలి. వాషింగ్ మెషిన్ పనిచేస్తున్నప్పుడు ఎక్కువ టెంపరేచర్ రిలీజ్ అవుతుంది. ఆ వేడికి ఐస్ క్యూబ్స్ త్వరగా కరిగి నీరుగా, ఆపై ఆవిరిగా మారతాయి. డ్రైయర్ లోపల తిరిగేటప్పుడు ఉత్పత్తయ్యే ఈ వేడి దుస్తుల మీద ముడతలు పడకుండా ఆపుతుంది. ఇది ఇంట్లో స్టీమ్ ఐరన్ ఎలా పనిచేస్తుందో సరిగ్గా అలాగే పనిచేసి, బట్టలు బైటికి వచ్చేసరికి ముడతలు లేకుండా ప్లాట్‌గా, నీట్‌గా మారేలా చేస్తుంది. ఈ ట్రిక్ బాగా పనిచేయాలంటే డ్రైయర్‌లో కేవలం 2 నుండి 3 దుస్తులు మాత్రమే వేయాలి (ఉదాహరణకు: 2 షర్టులు లేదా ఒక ప్యాంట్, షర్ట్). డ్రైయర్ నిండా బట్టలు వేస్తే ఆవిరి సరిగ్గా వ్యాపించక ముడతలు పోవు. బట్టల పరిమాణాన్ని బట్టి కనీసం ఐదు లేదా ఆరు ఐస్ క్యూబ్స్ వేయాలి. మరీ ఎక్కువ వేయాల్సిన అవసరం లేదు. ఇవి సరిపోతాయి. డ్రైయర్ ఆగిపోగానే బట్టలను వెంటనే బయటకు తీసి హ్యాంగర్‌కు తగిలించాలి

వంట చేస్తున్నప్పుడో లేదా భోజనం చేస్తున్నప్పుడో బట్టలపై కూర లేదా నూనె, నెయ్యి చుక్కలు పడటం జరుగుతూ ఉంటుంది. చాలామంది నూనె మరక పడగానే వెంటనే కంగారుపడి నీటితో కడగడం లేదా గట్టిగా రుద్దడం చేస్తుంటారు. నిజానికి నూనె, నీరు ఎప్పుడూ ఒకదానితో ఒకటి కలవవు. దీనివల్ల నీరు తగలగానే నూనె మరక పోదు.. పైగా చుట్టుపక్కల భాగానికి మరింతగా వ్యాపిస్తుంది. అదే విధంగా మరకను గట్టిగా రుద్దితే ఆ నూనె వస్త్రం పోగులలోకి మరింత లోతుగా ఇంకిపోయి శాశ్వతంగా ఉండిపోతుంది. నూనె మరకలు ఉన్న వస్త్రాలపై వేడి నీటిని పోయడం లేదా మరక పూర్తిగా పోకముందే డ్రైయర్‌లో వేసి వేడి గాలికి ఆరబెట్టడం కానీ అస్సలు చేయకూడదు. వేడి తగిలితే నూనె వస్త్రం ఫైబర్‌కు గట్టిగా అంటుకుపోతుంది. అందుకే నూనె పడగానే ముందుగా ఒక శుభ్రమైన టిష్యూ పేపర్ లేదా తెల్లటి కాగితం తీసుకుని, మరక ఉన్న చోట సున్నితంగా అద్ది పైనున్న అదనపు నూనెను తొలగించాలి. దుస్తులపై పడిన నూనె జిడ్డును వదిలించుకోవడానికి ఇంట్లో దొరికే సాధారణ వస్తువులే పనిచేస్తాయి. అదనపు నూనెను టిష్యూతో తీసేసిన తర్వాత, ఆ మరక ఉన్న ప్రదేశంపై బేకింగ్ సోడా లేదా కార్న్‌స్టార్చ్ (మొక్కజొన్న పిండి)ను చల్లాలి. ఈ పౌడర్ వస్త్రాలపై ఉన్న నూనెను సహజంగా పీల్చుకుంటుంది. పౌడర్ వేసిన తర్వాత 15 నుంచి 30 నిమిషాల పాటు వస్త్రాన్ని అలానే వదిలేయాలి. ఆ తర్వాత ఒక పాత సాఫ్ట్ బ్రష్ లేదా చెంచా వెనుక భాగంతో ఆ పౌడర్‌ను సున్నితంగా రుద్ది దులిపివేయాలి. ఇప్పుడు మరక ఉన్న చోట కొద్దిగా డిష్ వాష్ లిక్విడ్ వేయాలి. ఇందులో ఎలాంటి నీళ్లు కలపకుండా నేరుగా వేలితో కానీ లేదా మెత్తటి టూత్ బ్రష్‌తో కానీ గుండ్రంగా 60 నుంచి 90 సెకన్ల పాటు సున్నితంగా రుద్దాలి. ఆ తర్వాత ఆ భాగాన్ని కేవలం చల్లటి నీటితో

క్యూర్‌ పరిధిలో ప్రభుత్వం నిర్మిస్తున్న ఇందిరమ్మ ఇళ్ల టవర్స్‌ అర్హుల జాబితా ఆగస్టు 25న ప్రకటించనున్నారు. హైదరాబాద్‌ సిటీ: క్యూర్‌ పరిధిలో ప్రభుత్వం నిర్మిస్తున్న ఇందిరమ్మ ఇళ్ల టవర్స్‌ అర్హుల జాబితా ఆగస్టు 25న ప్రకటించనున్నారు. 16 అసెంబ్లీ నియోజకవర్గాల్లో 7,340 ఇళ్లకోసం హౌసింగ్‌ బోర్డుకు 60,720 దరఖాస్తులందాయి. వాటిలో సుమారు 40వేలకు పైగా దరఖాస్తులు అర్హత సాధించినట్లు తెలుస్తోంది. అర్హుల జాబితా వెబ్‌సైట్‌ క్యూర్‌ స్టేట్‌సలో అప్లికేషన్‌ /ఫోన్‌ నంబర్‌ ఆధారంగా స్టేటస్‌ తెలుసుకోవచ్చని అధికారులు పేర్కొన్నారు. అభ్యంతరాలుంటే ఆగస్టు 23 ఆదివారం సాయంత్రం లోగా వెబ్‌సైట్‌లో రిపోర్డు చేయవచ్చన్నారు. లాటరీకి అర్హత సాధించిన వారి తుది జాబితాను ఈ నెల 25న ప్రకటించి, ఆగస్టు 27 నుంచి 30 వరకు నియోజకవర్గాల వారీగా లాటరీ తీసి ఇళ్లు కేటాయించనున్నారు. మరింత పెరిగిన బంగారం ధరలు.. ఈ రోజు మీ నగరంలో పసిడి ధరలు ఎలా ఉన్నాయంటే

ఇజ్రాయెల్ ప్రధానమంత్రి బెంజమిన్ నెతన్యాహుపై అరెస్ట్ వారెంట్ జారీ అయింది. గాజాకు మానవతా సహాయక సామాగ్రితో వెళ్తున్న నౌకలను ఇజ్రాయెల్ సైన్యం అడ్డుకోవడం దీనికి ప్రధాన కారణం. దీనిపై కొనసాగుతున్న విచారణలో భాగంగా టర్కీ ఈ నిర్ణయం తీసుకుంది. నెతన్యాహుతో పాటు పలువురు ఇజ్రాయెల్ ఉన్నతాధికారులను అరెస్ట్ చేసేందుకు వీలుగా ఇంటర్‌పోల్ ద్వారా రెడ్ నోటీస్ జారీ చేయాలని కూడా కోరింది.ఈ వివరాలను టర్కీ న్యాయశాఖ మంత్రి అకిన్ గుర్లెక్ వెల్లడించారు. గాజాపై ఇజ్రాయెల్ విధించిన నావికా దిగ్బంధనాన్ని ఉల్లంఘించేందుకు ప్రయత్నించిన వివిధ దేశాలకు చెందిన నౌకలను ఇజ్రాయెల్ రక్షణ దళాలు అడ్డుకోవడాన్ని టర్కీ తీవ్రంగా పరిగణనలోకి తీసుకుంది. దీనిపై టర్కీ అధ్యక్షుడు ఎర్డగాన్.. అత్యున్నత స్థాయి విచారణకు ఆదేశించారు. ఇస్తాంబుల్ ప్రాసిక్యూటర్ కార్యాలయాన్ని రంగంలోకి దించారు.దీని ఆధారంగానే ఇజ్రాయెల్ ప్రధానితో పాటు ఆ నౌకల దిగ్బంధనానికి ప్రత్యక్షంగా ఆదేశాలు ఇచ్చిన, క్షేత్రస్థాయిలో ఆపరేషన్‌లో పాల్గొన్న ఇతర ఉన్నత స్థాయి సైనిక అధికారులను నిందితులుగా ఈ అరెస్ట్ వారెంట్లల్లో చేర్చింది. ఇజ్రాయెల్ సైన్యం మానవ హక్కుల ఉల్లంఘన, చట్టవిరుద్ధ నిర్బంధాలకు పాల్పడిందని టర్కీ ప్రాసిక్యూటర్లు తమ చార్జ్‌షీట్‌లో పొందుపరిచారు.వాస్తు ప్రకారం.. ఇంట్లో మూడు బర్నర్లు ఉన్న గ్యాస్ స్టవ్ వాడవచ్చా?ఇజ్రాయెల్ ప్రభుత్వం సామూహిక మారణహోమ యత్నాలకు ప్రయత్నించిందని, అంతర్జాతీయ శాంతి కార్యకర్తలను చట్టవిరుద్ధంగా నిర్బంధించడం, వారిని గాయపర్చడం వంటి హేయమైన చర్యలకు పాల్పడిందని టర్కీ కోర్టు పేర్కొంది. టర్కీతో పాటు ఫ్రాన్స్, ఇటలీ, ఆస్ట్రేలియా కూడా తమ న్యాయపరిధుల్లో స్వతంత్ర దర్యాప్తును ప్రారంభించాయి. ఇటువంటి అమానవీయ చర్యలకు పాల్పడిన వారందరినీ చట్టం ముందు నిలబెడతామని టర్కీ చెబుతోంది.అందుకే.. రేవంత్ రెడ్డి అమెరికా పర్యటనకు అనుమతులు ఇవ్వలేదు: తేల్చి చెప్పిన కేంద్రంటర్కీ ప్రభుత్వం అధికారికంగా విజ్ఞప్తి చేసినప్పటికీ.. ఇంటర్‌పోల్ ద్వారా నెతన్యాహుపై రెడ్ నోటీస్ జారీ కావడం, దాని అమలు అనేది అంత తేలికైన విషయం కాదు. నిందితులను అరెస్ట్ చేసి అప్పగించడం అనేది ఆయా

బట్టలు ఉతికిన తర్వాత కూడా కొన్నిసార్లు చెమట వాసన, తేమ వాసన అలాగే ఉంటుందా? ముఖ్యంగా తువ్వాళ్లు, జిమ్ దుస్తులు, బెడ్‌షీట్లు వంటి వాటిని ఎన్ని సార్లు ఉతికినా ఫ్రెష్‌గా అనిపించకపోవచ్చు. దీంతో డిటర్జెంట్‌తో పాటు ఫ్యాబ్రిక్ సాఫ్ట్‌నర్‌ వంటి వాటిని ఉపయోగిస్తుంటాం. అయితే వీటితో పాటు వంటగదిలో సాధారణంగా ఉండే వైట్ వెనిగర్‌ను వాషింగ్ మెషీన్‌లో ఉపయోగించే చిట్కా ప్రస్తుతం ట్రెండ్‌ అవుతుంది.వెనిగర్‌లోని కొంత ఎసిడిక్‌ గుణం దుస్తులపై మిగిలే డిటర్జెంట్ అవశేషాలను తగ్గించడంతో పాటు, కొన్ని రకాల వాసనలను తొలగిస్తుందని AEM అధ్యయనం పేర్కొంది. ముఖ్యంగా దుస్తులు ఉతికిన తర్వాత గట్టిగా అనిపించడం, తేమ వాసన రావడం వంటి సమస్యలు ఉన్నప్పుడు కొందరు దీన్ని ప్రత్యామ్నాయంగా ఉపయోగిస్తున్నారు. మరి వాషింగ్ మెషీన్‌లో వెనిగర్‌ను ఎందుకు ఉపయోగిస్తారు? ఏ దుస్తులకు సరిపోతుంది? ఉపయోగించే ముందు ఎలాంటి జాగ్రత్తలు తీసుకోవాలో తెలుసుకుందాం..దుస్తుల దుర్వాసన తగ్గుతుందితువ్వాళ్లు, జిమ్ దుస్తులు, ఎక్కువసేపు తడిగా ఉండే బట్టల్లో కొన్నిసార్లు చెమట, తేమ వాసన వస్తుంది. వైట్ వెనిగర్‌లోని ఎసిడిక్‌ గుణాలు కొన్ని వాసనలకు కారణమయ్యే అవశేషాలను తగ్గించడంలో సహాయపడుతుంది. దీంతో దుస్తులు మరింత ఫ్రెష్‌గా అనిపిస్తుంది. అయితే బట్టలను ఉతికిన వెంటనే పూర్తిగా ఆరబెట్టడం కూడా అంతే ముఖ్యం.డిటర్జెంట్ అవశేషాలను తొలగిస్తుందిడిటర్జెంట్‌ను ఎక్కువగా ఉపయోగించినప్పుడు, దుస్తులపై సబ్బు పూర్తిగా తొలగకపోతే అవి గట్టిగా, రఫ్‌గా అనిపించవచ్చు. తగిన మోతాదులో వెనిగర్‌ను ఉపయోగించడం వల్ల కొన్ని డిటర్జెంట్ అవశేషాలు తగ్గుతాయి. ముఖ్యంగా తువ్వాళ్లపై పేరుకున్న అవశేషాలను తొలగించడంలో వెనిగర్‌ ఎఫెక్టివ్‌గా సహాయపడుతుంది.వెనిగర్‌ను ఎలా ఉపయోగించాలిసాధారణంగా వైట్ వెనిగర్‌ను ఫ్యాబ్రిక్ సాఫ్టెనర్ కంపార్ట్‌మెంట్‌లో పోయాల్సి ఉంటుంది. అయితే మోతాదు విషయంలో మీ వాషింగ్ మెషీన్ తయారీదారు సూచనలకు ప్రాధాన్యం ఇవ్వాలి. వెనిగర్‌ను నేరుగా డిటర్జెంట్‌తో కలపకుండా, మెషీన్‌లోని ప్రత్యేక కంపార్ట్‌మెంట్ ద్వారా వాడండి. అలాగే ప్రతిసారీ వెనిగర్‌ ఉపయోగించడం మంచిది కాదు.అన్ని రకాల బట్టలకు సరిపోదువెనిగర్‌ను ప్రతి రకమైన వస్త్రాలకు ఉపయోగించడం

2026 ఆగష్టు 16న అమెరికాలోని చార్లెట్ నగరంలో హిల్టన్ ఎయిర్‌పోర్ట్ రిసార్ట్‌లో 'సిలికానాంధ్ర మనబడి' ఆధ్వర్యంలో నిర్వహించిన ‘తెలుగు మాట్లాట 2026’ అంతర్జాతీయ పోటీలు అత్యంత వైభవంగా ముగిశాయి. శ్రీ పారుపూడి కిరణ్, శ్రీ తాళ్ళూరి ప్రత్యూష, శ్రీ గొల్లపూడి సీతారామ్ నాయకత్వంలో జరిగిన ఈ రెండు రోజుల కార్యక్రమంలో అమెరికా, కెనడాల నుంచి 200 పైగా పిల్లలు , 1000 మంది ప్రేక్షకులు ఉత్సాహంగా పాల్గొన్నారు. ప్రాథమిక స్థాయి పోటీల్లో దాదాపు 3,500 మంది పాల్గొనగా, గెలిచిన విద్యార్థులు ఇక్కడి తుదిపోరులో పోటీ పడ్డారు. ఈ పోటీలను పదరంగం, తిరకాటం, ఒనిమా అనే ఆటలను బుడతలు, సిసింద్రీలు, చిరుతలు అనే మూడు వయోవర్గాల్లో నిర్వహించారు. పోటీల విజేతలు.. పదరంగం: సిసింద్రీల విభాగంలో పెద్దింటి శ్రీ యోగ అద్వైత (LA) ప్రథమ స్థానాన్ని, దొనకంటి శ్రేయాన్స్ (Edison) ద్వితీయ స్థానాన్ని సాధించారు. అలాగే చిరుతల విభాగంలో దువ్వూరి అజిత్ (Edison) ప్రథమ బహుమతిని, మన్నేమేల లక్ష్మీ (Tampa) ద్వితీయ బహుమతిని కైవసం చేసుకున్నారు. తిరకాటం: బుడతల విభాగంలో అక్షర శ్రీనివాస్ (Cary) ప్రథమ స్థానంలో, సిరిసేని శశాంఖ్ (Baltimore) ద్వితీయ స్థానంలో నిలిచారు. సిసింద్రీల విభాగంలో ఈప్సిత కళ్యాణ్ (Atlanta) ప్రథమ స్థానం, నాలం ధారిష్ (Bay Area) ద్వితీయ స్థానం పొందగా, చిరుతల విభాగంలో గుత్తికొండ వంశీ కృష్ణ (Cary) ప్రథమ స్థానాన్ని, కాట్రగడ్డ ప్రణతి (Detroit) ద్వితీయ స్థానాన్ని దక్కించుకున్నారు. ఒనిమా: బుడతల విభాగంలో నాలం దేవర్ష్ (Bay Area) ప్రథమ స్థానంలో, యార్లగడ్డ ఐరా (Ashburn) ద్వితీయ స్థానంలో నిలిచారు. సిసింద్రీల విభాగంలో దొనకంటి శ్రేయాన్స్ (Edison) ప్రథమ స్థానం, దత్ ఈశ్వర్ (Bay Area) ద్వితీయ స్థానం సాధించగా, చిరుతల విభాగంలో వడ్డిచర్ల ఆశ్రిత స్నిగ్థ (Louisville) ప్రథమ స్థానాన్ని, కాట్రగడ్డ ప్రణతి (Detroit) ద్వితీయ స్థానాన్ని కైవసం చేసుకున్నారు. విశేషాలు.. ముఖ్య అతిథిగా విచ్చేసిన శ్రీ ప్రభల

ఈ పువ్వు కళ్లకు హానికరం.. కానీ, ఆ రోగాలన్నింటికీ దివ్యౌషధం..!ఈ పువ్వు కళ్లకు హానికరం.. కానీ, ఆ రోగాలన్నింటికీ దివ్యౌషధం..! August 19 Jyothi Gadda కీళ్ల నొప్పుల నివారణ: జిల్లేడు ఆకులను వేడి చేసి బాధిస్తున్న కీళ్లపై కట్టడం లేదా ఆకుల రసాన్ని క్రమంగా రాయడం వల్ల వాపులు, తీవ్రమైన కీళ్ల నొప్పుల నుంచి ఉపశమనం లభిస్తుంది. ఆస్తమా, శ్వాసకోశ సమస్యలు: జిల్లేడు పువ్వులు లేదా ఆకుల డికాక్షన్ శ్వాసనాళాల్లోని కఫాన్ని పల్చగా చేసి బయటకు పంపడం ద్వారా ఆస్తమా, దగ్గు, జలుబు సమస్యలను తగ్గిస్తుంది. తలనొప్పికి చక్కటి పరిష్కారం: జిల్లేడు ఆకులను మెత్తగా నూరి నుదిటిపై పేస్ట్‌లా రాయడం వల్ల అందులోని యాంటీ ఇన్ఫ్లమేటరీ గుణాలు తీవ్రమైన తలనొప్పిని త్వరగా తగ్గిస్తాయి. చర్మ ఇన్ఫెక్షన్ల నివారణ: ఆకుల పేస్ట్ లేదా రసాన్ని చర్మంపై పూయడం వల్ల తామర, దురదలు, మొటిమలు, ఇతర ఇన్ఫెక్షన్లు పెరగకుండా అరికట్టవచ్చని ఆయుర్వేదం చెబుతోంది. పైల్స్ సమస్యకు ఉపశమనం: పైల్స్ గాయాలు, నొప్పులతో బాధపడేవారు జిల్లేడు ఆకుల పేస్ట్‌ను గాయంపై తరచూ అప్లై చేయడం వల్ల మంట తగ్గి గాయాలు త్వరగా నయమవుతాయి. జీర్ణ వ్యవస్థ మెరుగుదల: జిల్లేడు భాగాలను సంప్రదాయ ఆయుర్వేద పద్ధతిలో సరైన మోతాదులో వాడటం వల్ల మలబద్ధకం, విరేచనాలు, కడుపు పూతల వంటి సమస్యలు తగ్గుతాయి. గాయాలను త్వరగా మానపడం: ఈ మొక్కలో ఉండే శక్తివంతమైన యాంటీ ఆక్సిడెంట్లు, యాంటీ సెప్టిక్ లక్షణాలు శరీరంపైన ఏర్పడే దెబ్బలు, గాయాలను త్వరగా మాన్పడానికి ఎంతో బాగా తోడ్పడతాయి. దంత సమస్యల నివారణ: జిల్లేడు వేరు లేదా పాలు ఆయుర్వేదంలో దంత క్షయం, పంటి నొప్పి, చిగుళ్ల వాపుల నివారణలో ఉపశమనం కలిగించడానికి ఔషధంగా ఎంతగానో తోడ్పడతాయి. రక్తంలో చక్కెర నియంత్రణ: జిల్లేడు ఆకుల్లోని ప్రత్యేక గుణాలు శరీరంలో ఇన్సులిన్ ప్రతిస్పందనను మెరుగుపరిచి, డయాబెటిస్ బాధితుల్లో రక్తంలో చక్కెర స్థాయిలను అదుపులో ఉంచడానికి సహాయపడతాయి. మరిన్ని

ఇప్పుడు ప్రతి ఇంట్లో వాషింగ్ మెషీన్ ఉంది. అందులోనే దుస్తులు ఉతుకుతున్నారు అందరూ. అందులో దుస్తులు వేసి, డిటర్జెంట్ కలిపి, వాష్ మోడ్ సెలెక్ట్ చేస్తే పని అయిపోతుందని అనుకుంటారు ఎంతోమంది. కానీ మెషీన్ వాడకంలో చేసే కొన్ని చిన్న తప్పుల వల్ల బట్టలు సరిగ్గా శుభ్రం కావు. దుస్తులపై డిటర్జెంట్ మరకలు పడొచ్చు. మెషీన్‌లో కూడా అనవసర సమస్యలు రావచ్చు. మనం రోజూ బట్టలు ఉతుకుతున్నా, ఈ చిన్న తప్పులు పట్టించుకోం. వాషింగ్ మెషీన్‌లో వేసేటప్పుడు చాలామంది చేసే సాధారణ తప్పు వాటిలో విపరీతంగా దుస్తులు కుక్కేయడం. వాషింగ్ మెషీన్ కెపాసిటీకి మించి బట్టలు నింపేస్తే, అవి డ్రమ్‌లో ఫ్రీగా తిరగలేవు. దీనివల్ల నీళ్లు, డిటర్జెంట్ దుస్తుల్లోకి సరిగ్గా వెళ్లక ఉతికే సామర్థ్యం దెబ్బతింటుంది. ఎక్కువ లోడ్ వల్ల మెషీన్‌లో ఇంబ్యాలెన్స్, స్పిన్ సమస్యలు కూడా రావచ్చు. కాబట్టి అలా దుస్తులు అధికంగా వేయకండి. చాలామంది డిటర్జెంట్ ఎక్కువ వేస్తే దుస్తులకున్న మురికి పోతుందనుకుంటారు. కానీ ఇది నిజం కాదు. అవసరానికి మించిన డిటర్జెంట్, ఎక్కువ నురుగును సృష్టించి, దుస్తులను సరిగ్గా జాడించకుండా చేస్తుంది. దుస్తులపై డిటర్జెంట్ మరకలు పడటంతో పాటు, మెషీన్ లోపల కూడా పేరుకుపోతుంది. బట్టల పరిమాణం, మురికి, డిటర్జెంట్ తయారీదారు సూచనల ప్రకారం సరైన మోతాదులోనే వాడండి. తెలుపు, నలుపు, ఇతర రంగు బట్టలు.. అన్నీ కలిపి వేయడం చాలామందికి సులువుగా అనిపిస్తుంది. కానీ ఈ పద్ధతి వల్ల దుస్తులు రంగులు మారిపోవడం, కొన్ని దుస్తులకు ఇతర రంగులు అతుక్కుపోయి పాడవడం జరుగుతుంది. అంతేకాదు టవల్స్ లాంటి గరుకు ఫ్యాబ్రిక్స్‌ను, డెలికేట్ లేదా సింథటిక్ బట్టలతో కలిపి ఉతకడం కూడా సరైన పద్ధతి కాదు. బట్టల రంగు, ఫ్యాబ్రిక్ రకం, కేర్ లేబుల్ చూసి లోడ్‌ను వేరు చేయడం మంచిది. ముఖ్యంగా తెల్ల బట్టలను వేరుగా, ముదురు రంగు లేదా కలర్ బట్టలను వేరుగా ఉతకాలి. ప్యాంటు లేదా

హైదరాబాద్‌ చుట్టుపక్కల రియల్‌ ఎస్టేట్‌ వేగంగా అభివృద్ధి చెందుతున్న ప్రాంతాల్లో చెవెళ్ల కూడా ఒకటిగా మారుతోంది. మెరుగవుతున్న రహదారి సదుపాయాలు, కొత్త మౌలిక వసతుల ప్రాజెక్టులు, డేటా సెంటర్‌ అభివృద్ధి, హైదరాబాద్‌-బీజాపూర్‌ హైవే విస్తరణ వంటి అంశాలు ఈ ప్రాంతంపై ఆసక్తిని పెంచుతున్నాయి. ముఖ్యంగా రీజినల్‌ రింగ్‌ రోడ్‌ (RRR) రాకతో చెవెళ్ల చుట్టుపక్కల భూముల విలువ మరింత పెరిగే అవకాశం ఉందని రియల్‌ ఎస్టేట్‌ వర్గాలు భావిస్తున్నాయి. చెవెళ్లలో రియల్‌ ఎస్టేట్‌ అభివృద్ధికి ప్రధాన కారణాల్లో రీజినల్‌ రింగ్‌ రోడ్‌ కీలకంగా మారనుంది. RRRకు దగ్గరగా ఉన్న ప్రాంతాల్లో ఇప్పటికే భూములపై కొనుగోలుదారుల ఆసక్తి పెరుగుతోంది. రింగ్‌ రోడ్‌ ఇంటర్‌చేంజ్‌లకు సుమారు 2 కిలోమీటర్ల పరిధిలో ఉన్న ప్రాంతాలకు భవిష్యత్తులో మరింత డిమాండ్‌ వచ్చే అవకాశం ఉంది. ఇప్పటికే RRR పరిసర ప్రాంతాల్లో భూముల ధరలు ఏడాదికి సుమారు 20 శాతం నుంచి 42 శాతం వరకు పెరుగుతున్నట్లు మార్కెట్‌ అంచనాలు చెబుతున్నాయి. రహదారి నిర్మాణం, కొత్త కనెక్టివిటీ పూర్తయ్యే కొద్దీ ఈ ప్రాంతాల్లో నివాస ప్రాజెక్టులు, కమర్షియల్‌ అభివృద్ధి పెరిగే అవకాశం ఉంది. దీంతో ప్రస్తుతం పెట్టుబడి పెట్టే వారికి దీర్ఘకాలంలో మంచి అవకాశాలు కనిపిస్తున్నాయి. చెవెళ్లలో ప్రస్తుతం ప్లాట్లు రియల్‌ ఎస్టేట్‌ మార్కెట్‌ను ముందుకు నడిపిస్తున్నాయి. ఇల్లు నిర్మించుకోవాలనుకునేవారు, భవిష్యత్తులో భూమి విలువ పెరగాలని ఆశించే పెట్టుబడిదారులు ప్లాట్ల వైపు మొగ్గు చూపుతున్నారు. రెసిడెన్షియల్‌ లేఅవుట్లు, ఫార్మ్‌ ప్లాట్లు, వ్యవసాయ భూములు ఇలా వివిధ రకాల ఆప్షన్లు అందుబాటులో ఉన్నాయి. చెవెళ్లలో రెసిడెన్షియల్‌ ప్లాట్ల సగటు ధర చదరపు అడుగుకు సుమారు రూ.2,847గా ఉంది. అయితే ప్రాంతాన్ని బట్టి ధరల్లో భారీ వ్యత్యాసం కనిపిస్తోంది. ప్రీమియం ప్రాంతాల్లో రూ.14,049 వరకు ఉన్నాయి. RRRకు సుమారు 1.2 కిలోమీటర్ల దూరంలోని ప్రీమియం జోన్‌లో చదరపు గజం ధర దాదాపు రూ.7,800గా ఉంది. చుట్టుపక్కల ప్రాంతాలను పరిశీలిస్తే కంద్వాడలో సగటు ధర చదరపు

Behari Lal Engineering IPO Listing : ఇటీవల స్టాక్ మార్కెట్లలో వచ్చే ఏ ఐపీఓకు అయినా డిమాండ్ విపరీతంగా వస్తుంది. గత కొంత కాలంగా సక్సెస్‌ఫుల్‌గా ఐపీఓలు వచ్చిన ఇన్వెస్టర్లు పండగ చేసుకుంటున్నారు. అద్విత్ జువెల్స్, కుసుమ్‌గార్ లిమిటెడ్, టెక్నోక్రాఫ్ట్ వెంచర్స్, అర్డీ ఇండస్ట్రీస్, ఎంవీ ఎలక్ట్రోసిస్టమ్స్, ఇండో ఎంఐఎం, ఈ వారంలో వచ్చిన ధూత్ ట్రాన్స్‌మిషన్, మోల్‌బయో డయాగ్నోస్టిక్స్, మిల్కీ మిస్ట్ ఇలా అన్నీ విపరీతంగా సబ్‌స్క్రైబ్ అయి అదే రీతిలో కాసుల పంట పండించాయి. చాలా వరకు కనీసం 20 శాతంపైనే ప్రీమియంతో లిస్టింగ్ అయి ఇంకా దూసుకెళ్లాయి. ఇప్పుడు బుధవారం సెషన్‌లో కూడా బెహరీ లాల్ ఇంజినీరింగ్ లిమిటెడ్ ఐపీఓ అదరగొట్టింది. ఇది పైవాటన్నింటి కంటే కూడా అద్భుత రాబడి అందించింది.ఇష్యూ ప్రైస్ రూ. 285 గా ఉండగా NSE లో ఏకంగా 63.16 శాతం ప్రీమియంతో రూ. 465 వద్ద లిస్టింగ్ అయింది. ఈ ఐపీఓ సబ్‌స్క్రిప్షన్ ఆగస్ట్ 12- 14 మధ్య జరగ్గా ఏకంగా 118.27 రెట్లు సబ్‌స్క్రైబ్ అయింది. ఆగస్ట్ 17న షేర్ల అలాట్‌మెంట్ జరగ్గా ఆగస్ట్ 19 న ఎక్స్చేంజీల్లో లిస్టింగ్ అయింది. ఈ ఐపీఓ షేర్ ప్రైస్ బ్యాండ్ రూ. 271- 285 గా ఉండగా చివరకు రూ. 285 ఖరారు చేసింది. ఒక్కో లాట్ కింద 52 షేర్లుగా నిర్ణయించగా, ఈ ప్రైస్ దగ్గర ఒక్కో లాట్ కోసం కనీస పెట్టుబడి రూ. 14,820 గా ఉంది. ఇక లిస్టింగ్‌తోనే రాబడి రూ. 465x 52= రూ. 24180 వచ్చింది. ఇక్కడ నేరుగా లాభం రూ. 9360 రావడం విశేషం. దీంతో షేర్లు అలాట్‌ అయిన వారు పండగ చేసుకున్నారని చెప్పొచ్చు.అయితే లాభం ఇక్కడితోనే ఆగిపోలేదు. ఓవైపు స్టాక్ మార్కెట్లు పడిపోతున్నా దుమ్మురేపింది. కాసేపట్లోనే రూ. 529 వద్ద గరిష్ఠ స్థాయిని నమోదు చేసింది. ఇది ఐపీఓ ఇష్యూ ధర

మన చిన్నతనంలో వీధుల్లోకి ఎలుగుబంటిని తీసుకువచ్చి, డప్పులు వాయిస్తుంటే అది కాళ్లు గాలిలోకి లేపి ఊగుతుంటే చూసి సంబరపడని వారుండరు. కానీ, ఆ అమాయక ప్రాణి చేసినది నాట్యం కాదు.. తట్టుకోలేని నరకయాతనతో పెట్టిన కేకలని మనలో ఎంతమందికి తెలుసు? మొఘలుల కాలం నుంచి అంటే దాదాపు 400 ఏళ్లుగా కలందర్ అనే సంచార తెగవారు ఈ ఎలుగుబంట్లను ఆడించడాన్నే తమ ప్రధాన జీవనోపాధిగా మలుచుకున్నారు. అయితే ఆ వినోదం వెనుక ఎంతటి ఘోరమైన క్రూరత్వం దాగుందో తెలిస్తే గుండె తరుక్కుపోతుంది.ముక్కుకు సూది గుచ్చి.. గుండెను పిండేసిన బాధ!ఈ ఆట కోసం కలందర్లు అడవుల్లోకి వెళ్లి తల్లి ఎలుగుబంటిని దారుణంగా చంపేసేవారు. తల్లిని కోల్పోయిన పసి ఎలుగుబంటి పిల్లలను తీసుకొచ్చి శిక్షణ ఇచ్చేవారు. ఎలాంటి మత్తు మందు ఇవ్వకుండానే.. ఎలుగుబంటి ముక్కు భాగాన్ని దళసరి సూదితో గట్టిగా పొడిచి, దానికి గొలుసు లేదా తాడు కట్టేవారు. ఎద్దులకు ముక్కుతాడు వేసినట్లుగా ఆ తాడును గట్టిగా పైకి గుంజినప్పుడల్లా.. ఆ దారుణమైన నొప్పిని తట్టుకోలేక ఎలుగుబంటి గాలిలోకి ఎగిరేది. లోపల ప్రాణం పోయేంత నొప్పి ఉంటే, బయట జనం మాత్రం అది డాన్స్ చేస్తోందని భావించి చప్పట్లు కొట్టేసేవారు. పంటి గాయాలు చేయకుండా ఉండటానికి వాటి కోరపళ్లను సుత్తితో విరగ్గొట్టేవారు.అడవి ప్రాణుల కోసం కదిలిన ఇద్దరు మనుషులు!తరతరాలుగా సాగుతున్న ఈ దారుణాన్ని గమనించిన కార్తీక్ సత్యనారాయణ్, శేషమ్మ అనే ఇద్దరు వ్యక్తులు చలించిపోయారు. ఈ క్రూరత్వానికి ఎలాగైనా అడ్డుకట్ట వేయాలని నిశ్చయించుకుని 1995లో వైల్డ్ లైఫ్ SOS (Wildlife SOS) అనే స్వచ్ఛంద సంస్థను ఏర్పాటు చేశారు. వాస్తవానికి మన దేశంలో వన్యప్రాణి సంరక్షణ చట్టం - 1972, 1998లో వచ్చిన చట్ట సవరణల ద్వారా ఎలుగుబంట్లను బంధించడం, ప్రదర్శించడం చట్టవిరుద్ధం చేశారు.శృంగారంలో పాల్గొంటే ట్యాక్స్, ఇన్సూరెన్స్, పెన్షన్.. వ్యభిచారానికి చట్టబద్ధతకానీ ఈ చట్టాలు వచ్చిన దశాబ్దాల తర్వాత కూడా చాలా ప్రాంతాల్లో ఎలుగుబంట్ల డాన్స్

Veeraballi: ఉత్తమ సేవా అవార్డు గ్రహీతలకు ఘన సన్మానం! Veeraballi: స్వాతంత్ర దినోత్సవం సందర్బంగా అత్యుత్తమ సేవలకు జిల్లా స్థాయి అధికారుల చేతుల మీదుగా ఉత్తమ అవార్డు అందుకున్న ప్రభుత్వ హాస్పిటల్ సిబ్బంది కల్పన, 108 వాహన పైలట్ లోకేష్ లను సోమవారం విఆర్డిఎస్ స్వచ్ఛంద సంస్థ ఆధ్వర్యంలో సంస్థ అధ్యక్షుడు సురేంద్రారెడ్డి, డాక్టర్ నరేష్ సన్మానించారు. ఈ సందర్బంగా వారు మాట్లాడుతు నిజాయితీగా పని చేస్తున్న వారిని ఎప్పుడూ ప్రభుత్వం గుర్తిస్తుందని తెలిపారు.అంబులెన్స్ డ్రైవర్లు ప్రాణాలను కాపాడే అత్యవసర వైద్య సేవల్లో కీలక పాత్ర పోషిస్తున్నారన్నారు.రోగులను వేగంగా ఆసుపత్రులకు చేర్చడంలో, ప్రాథమిక సహాయం అందించడంలో నిరంతరం శ్రమిస్తున్నారని తెలిపారు.వైద్య సిబ్బంది నారాయణ, లక్ష్మి, ఉషాబాల, వెంకటకృష్ణ 108 సిబ్బంది ఆంజనేయులు,రామాంజనేయులు తదితరులు పాల్గొన్నారు

భారతీయ రక్తం, పంజాబీ పౌరుషం మరోసారి అంతర్జాతీయ స్థాయిలో దేశ పేరును మారుమోగేలా చేశాయి. భారతీయ సంతతికి చెందిన 28 ఏళ్ల అర్ష్‌దీప్ సింగ్ డాంగ్ బ్రిటన్ రాయల్ ఎయిర్ ఫోర్స్ ఫైటర్ పైలట్‌గా ఎంపికై చారిత్రాత్మక రికార్డు సృష్టించారు. రెండో ప్రపంచ యుద్ధం తర్వాత బ్రిటన్ వైమానిక దళంలో ఫైటర్ స్క్వాడ్రన్ నుంచి అధికారికంగా వింగ్స్ సాధించిన మొదటి సిక్కు యోధుడిగా అర్ష్‌దీప్ నిలిచారు. నార్త్ వేల్స్‌లోని ఆర్ఏఎఫ్ వ్యాలీలో శుక్రవారం జరిగిన వేడుకలో ఆయన గ్రాడ్యుయేషన్ పూర్తి చేసుకున్నారు. పంజాబ్‌లోని చండీగఢ్‌లో జన్మించిన అర్ష్‌దీప్, ఆరేళ్ల వయసులోనే తన కుటుంబంతో కలిసి ఇంగ్లాండ్‌కు వెళ్లారు.అర్ష్‌దీప్ విమానాన్ని అధిరోహించేందుకు సాగించిన ప్రయాణం సామాన్యమైనది కాదు. లండన్‌లోని రోడ్‌సైడ్ కలల నుంచి బ్రిస్టల్ యూనివర్సిటీలో మేథ్స్, ఫిలాసఫీ చదువుతూనే వైమానిక రంగానికి ఆకర్షితులయ్యారు. 2022లో ఆఫీసర్ శిక్షణ, 2023లో ప్రాథమిక ఫ్లయింగ్ కోర్సు పూర్తి చేసి సైప్రస్‌లో పనిచేశారు. ఆయన లోని అత్యుత్తమ ప్రతిభను గుర్తించి 2024లో ఫాస్ట్ జెట్ స్ట్రీమ్కు ఎంపిక చేశారు. ఆ తర్వాత 2025లో టెక్సాస్‌లో సోలో ఫ్లయింగ్, 2026 జులైలో వింగ్స్ టెస్టులో నెగ్గి చరిత్ర సృష్టించారు. ఫ్రంట్‌లైన్ ఫైటర్ జెట్‌లను నడిపేందుకు మరో ఏడాది పాటు ఆయన అత్యంత కఠినమైన అధునాతన శిక్షణ పొందనున్నారు. కిమ్‌కు దండం పెట్టేసిన ట్రంప్. అమెరికా సైనిక విన్యాసాలకు బ్రేక్..చర్దీ కలా స్పిరిట్.. ఆకాశంలోనూ తగ్గని విశ్వాసం!ఈ అద్భుత ఘనత వెనుక ఒక తరం నెరవేరని కల ఉంది. అర్ష్‌దీప్ తండ్రి జగదీప్ సింగ్‌ను పైలట్‌గా చూడాలని ఆయన తాతగారు సర్దార్ సంతోఖ్ సింగ్ కలలు కన్నారు. కానీ తండ్రి చిన్నతనంలోనే తాతగారు మరణించడంతో ఆ అవకాశం దక్కలేదు. తల్లిదండ్రుల ప్రోత్సాహంతో తాత కలను మనవడు నెరవేర్చారు. సంక్షోభ పరిస్థితుల్లోనూ గురుద్వారా పెంపకం, పంజాబీ సాంప్రదాయంలో చెప్పే చర్దీ కలా (ఎప్పుడూ ఉన్నతమైన మనోధైర్యంతో ఉండటం) అనే భావన తనకు విమానం

బ్రిటన్ రాయల్ ఎయిర్ ఫోర్స్ (ఆర్ఏఎఫ్) చరిత్రలో భారత సంతతికి చెందిన ఓ యువకుడు అరుదైన, చారిత్రక ఘనతను సాధించారు. రెండో ప్రపంచ యుద్ధం తర్వాత తొలిసారిగా ఓ సిక్కు యువకుడు ఫైటర్ పైలట్‌గా పట్టభద్రుడై రికార్డు సృష్టించారు. 28 ఏళ్ల ఫ్లైట్ లెఫ్టినెంట్ అర్ష్‌దీప్ సింగ్ డాంగ్ ఈ అరుదైన గౌరవాన్ని దక్కించుకున్నారు. ఆగస్టు 14వ తేదీన నార్త్ వేల్స్‌లోని ఆర్ఏఎఫ్ వ్యాలీలో జరిగిన ఓ ప్రత్యేక కార్యక్రమంలో ఆయన ఈ గ్రాడ్యుయేషన్ పూర్తి చేసుకున్నారు.చండీగఢ్‌లో 1998లో జన్మించిన అర్ష్‌దీప్, తన ఆరేళ్ల వయసులో కుటుంబంతో కలిసి యూకేకి వలస వెళ్లారు. ఆయన తండ్రి జగదీప్ సింగ్ డాంగ్ పంజాబ్‌లోని లూథియానాకు చెందినవారు కాగా, తల్లి గగన్‌దీప్ కౌర్ అమృత్‌సర్‌కు చెందినవారు. ప్రస్తుతం ఈ కుటుంబం ఇంగ్లండ్‌లోని సౌత్‌హాల్‌లో నివసిస్తోంది.‘ది ఇండియన్ ఎక్స్‌ప్రెస్‌’తో మాట్లాడుతూ అర్ష్‌దీప్ తన ప్రయాణం వెనుక ఉన్న స్ఫూర్తిదాయకమైన కథను పంచుకున్నారు. "మా నాన్న పైలట్ కావాలన్నది మా తాతయ్య సర్దార్ సంతోఖ్ సింగ్ డాంగ్ కల. కానీ నాన్నకు ఆరేళ్లు ఉన్నప్పుడే తాతయ్య చనిపోయారు. దీంతో ఆ కలను నెరవేర్చుకునే అవకాశాలు, వనరులు నాన్నకు లభించలేదు. కానీ నా తల్లిదండ్రులు నన్ను ప్రోత్సహించారు. నేను పైలట్ కాగలనని నమ్మాను. ఇప్పుడు అది నిజమైంది" అని ఆయన వివరించారు. తన తల్లి తనకు ఎల్లప్పుడూ ఒక బలమైన స్తంభంలా నిలిచారని అర్ష్‌దీప్ పేర్కొన్నారు.బ్రిస్టల్ విశ్వవిద్యాలయంలో గణితం, ఫిలాసఫీ చదివిన అర్ష్‌దీప్, 2022లో ఆఫీసర్ శిక్షణ పూర్తి చేశారు. అనేక దశల కఠిన

ప్లాస్టిక్ కరెన్సీ నోట్లు వచ్చేస్తున్నాయ్.. ఈ ఫీచర్లు చూస్తే అవాక్కే..ప్లాస్టిక్ కరెన్సీ నోట్లు వచ్చేస్తున్నాయ్.. ఈ ఫీచర్లు చూస్తే అవాక్కే. Venkatrao Lella Images: Pinterest 17 AUG 2026 దేశంలో కరెన్సీ నోట్ల విషయంలో కేంద్ర ప్రభుత్వం చారిత్రాత్మక నిర్ణయం తీసుకుంది. ప్రస్తుతం ఉన్న పేపర్ కరెన్సీ నోట్ల స్థానంలో ప్లాస్టిక్ కరెన్సీ నోట్లను ప్రవేశపెట్టనున్నట్లు స్పష్టం చేసింది. ఈ మేరకు రిజర్వ్ బ్యాంక్ ఆఫ్ ఇండియాకు అనుమతి మంజూరు చేసినట్లు కేంద్రం తెలిపింది. రూ.10, రూ.20 పాలిమర్ నోట్లను పైలట్ ప్రాజెక్ట్ కింద చలామణిలోకి తీసుకొచ్చేందుకు గ్రీన్ సిగ్నల్ ఇచ్చినట్లు పార్లమెంట్‌లో కేంద్ర ఆర్ధికశాఖమంత్రి నిర్మలా సీతారామన్ ప్రకటించారు. ప్రయోగాత్మకంగా రూ.10, రూ.20 నోట్లను చెరో 100 కోట్ల నోట్ల చొప్పున తొలుత చలామణిలోకి తీసుకురానుంది. ఆర్బీఐ చట్టం 1934లోని సెక్షన్ 25 కింద ఆర్‌బీఐ బోర్డు ఈ ప్రతిపాదనను ప్రభుత్వానికి పంపించగా ఆమోదం లభించింది. నోట్లను చలామణిలోకి తీసుకొచ్చాక ఫీల్డ్ ట్రయల్స్ నిర్వహిస్తారు. విజయవంతమైతే.. కాగితపు నోట్లతో పాటు వీటిని సైతం సాధారణ చలామణిలోకి తీసుకురావాలని కేంద్రం భావిస్తోంది. అయితే ప్లాస్టిక్ నోట్లు అందుబాటులోకి వచ్చినంత మాత్రాన కరెన్సీ నోట్లను తొలగించమని కేంద్రం క్లారిటీ ఇచ్చింది. రెండు సమాంతరంగా చలామణిలో ఉంటాయని తెలిపింది. ఎప్పటిలాగే పేపర్ నోట్లను ఉపయోగించుకోవచ్చని పేర్కొంది. ప్లా్స్టిక్ నోట్ల తయారీ అనేది ప్రస్తుతం ప్రారంభ దశలో ఉంది. ఎంత ఖర్చు అవుతుందనేది ఇప్పుడే స్పష్టంగా చెప్పలేమని కేంద్రం తెలిపింది. ఎప్పటినుంచి అందుబాటులోకి తీసుకొస్తామని ఇప్పుడే చెప్పలేమని నిర్మలా సీతారామన్ ప్రకటించారు. అయితే 2027 ఆర్ధిక సంవత్సరం ప్రారంభం నుంచే ప్లాస్టిక్ కరెన్సీ నోట్లను అందుబాటులోకి తీసుకొచ్చే అవకాశముందని తెలుస్తోంది. ఈ నోట్లను సింథటిక్ ప్లాస్టిక్ మెటీరియల్‌తో తయారు చేస్తారు. నీటిలో తడిచినా లేదా మురికి పట్టినా ఇవి పాడవ్వవు. ప్లాస్టిక్ నోట్లలో అనేక భద్రతా ఫీచర్లు, పారదర్శక విండోలు ఉంటాయి. దీంతో నకిలీ నోట్లను ప్రింట్

ఈ ఏడాది మార్చిలో గల్ఫ్ జలాల్లో జరిగిన ఇరాన్ సైనిక విమానాల ప్రమాద ఘటనపై నెలకొన్న సందిగ్ధతకు ఖతార్ తెరదించింది. తమ వద్ద ముగ్గురు ఇరాన్ పైలట్లు కస్టడీలో ఉన్నారంటూ అంతర్జాతీయ మీడియా, సోషల్ మీడియాలో జరుగుతున్న ప్రచారాన్ని ఆ దేశ రక్షణ మంత్రిత్వ శాఖ తీవ్రంగా ఖండించింది. ఈ ఘటనలో ఒకే ఒక పైలట్ మృతదేహాన్ని సముద్రం నుంచి స్వాధీనం చేసుకుని, దౌత్య నిబంధనల ప్రకారం ఇరాన్‌కు అప్పగించామని అధికారికంగా ప్రకటించింది.ఖతార్ రక్షణ శాఖ విడుదల చేసిన ప్రకటన ప్రకారం, మార్చిలో జరిగిన ప్రమాదం తర్వాత విస్తృతమైన గాలింపు చర్యలు చేపట్టారు. ఈ ఆపరేషన్‌లో కేవలం ఒక పైలట్ భౌతిక కాయం మాత్రమే లభ్యమైంది. తమ భూభాగంలో గానీ, సముద్ర జలాల్లో గానీ మరే ఇతర ఇరాన్ పైలట్ సజీవంగా లేదా మరణించి లభించలేదని ఖతార్ స్పష్టం చేసింది. దీంతో, ముగ్గురు పైలట్లను ఖతార్ రహస్యంగా నిర్బంధించిందన్న ఆరోపణలకు ముగింపు పలికింది.పశ్చిమాసియాలో అమెరికా-ఇరాన్ మధ్య తీవ్ర సైనిక ఉద్రిక్తతలు కొనసాగుతున్న సమయంలో ఈ విమాన ప్రమాదం జరిగింది. ఈ నేపథ్యంలో, కూలిపోయిన విమానాలకు చెందిన ముగ్గురు పైలట్లను ఖతార్ దళాలు రక్షించాయని, కానీ అమెరికా ఒత్తిడి వల్ల వారిని విడుదల చేయడం లేదని ఇరాన్‌కు చెందిన కొన్ని మీడియా సంస్థలు ప్రచారం చేశాయి. ఈ అంశంపై ఇరాన్ ప్రభుత్వం కూడా ఖతార్‌తో దౌత్యపరంగా సంప్రదింపులు జరిపినట్లు సమాచారం.ఖతార్‌లో అమెరికాకు చెందిన అతిపెద్ద సైనిక స్థావరం 'అల్ ఉదేయిడ్ ఎయిర్ బేస్' ఉంది. ఈ సున్నితమైన భౌగోళిక

గల్ఫ్ ప్రాంతంలో మరోసారి ఉద్రిక్తతలు పెరిగేలా ఇరాన్-ఖతార్ మధ్య పైలట్ల వివాదం తెరపైకి వచ్చింది. ముగ్గురు ఇరాన్ యుద్ధ విమాన పైలట్లను ఖతార్ బలగాలు సజీవంగా పట్టుకున్నాయని ఇరాన్ వర్గాలు ప్రకటించగా ఖతార్ మాత్రం ఆ ఆరోపణలను పూర్తిగా ఖండించింది. ఇరాన్ ప్రభుత్వ వార్తా సంస్థ IRNA కథనం ప్రకారం, మార్చిలో ఖతార్‌లోని ఒక సైనిక స్థావరంపై దాడి చేసే మిషన్‌లో పాల్గొన్న మూడు యుద్ధ విమానాలు దెబ్బతిన్నాయి. వాటిలోని పైలట్లు విమానాల నుంచి బయటకు దూకిన అనంతరం ఖతార్ బలగాలకు చిక్కారని ఇరాన్ సైనిక అధికారి పేర్కొన్నారు. ఈ ముగ్గురి ఆచూకీ కోసం అంతర్జాతీయ రెడ్‌క్రాస్ సహాయం కోరినట్లు ఇరాన్ సాయుధ దళాల జనరల్ స్టాఫ్ తెలిపింది. అయితే ఖతర్ కథనం పూర్తిగా భిన్నంగా ఉంది. ఖతార్ విదేశాంగ మంత్రిత్వ శాఖ ప్రతినిధి ప్రకారం, ఆ ఇరాన్ పైలట్లు ఖతార్ గగనతలంలోకి ప్రవేశించారు. వారిని సంప్రదించేందుకు అధికారులు పలుమార్లు ప్రయత్నించినప్పటికీ స్పందన రాలేదని తెలిపారు. అనంతరం చేపట్టిన గాలింపు, రక్షణ చర్యల్లో ఒక పైలట్ మృతదేహాన్ని మాత్రమే గుర్తించినట్లు ఖతార్ వెల్లడించింది. అంతేకాదు, ఆ మృతదేహాన్ని ఇరాన్‌కు అప్పగించే అంశంపై కూడా ఖతార్ సంప్రదింపులు జరిపిందని తెలిపింది. ఆపరేషన్‌కు సంబంధించిన వివరాలను పరిశీలించేందుకు ఇరాన్‌ను ఆహ్వానించినప్పటికీ, ఇప్పటివరకు స్పందన రాలేదని ఆరోపించింది. ఇక్కడే అసలు ప్రశ్న మొదలవుతోంది. ముగ్గురు పైలట్లు సజీవంగా ఖతార్ అదుపులో ఉన్నారా? లేక ఒక పైలట్ మాత్రమే మరణించాడా?. ఈ వివాదం కేవలం ముగ్గురు సైనికుల ఆచూకీకి సంబంధించినది కాదు. అమెరికా, ఇజ్రాయెల్ దాడులతో ఇప్పటికే తీవ్ర ఉద్రిక్తతల్లో ఉన్న ప్రాంతంలో ఇరాన్‌, ఖతార్ మధ్య ఈ ఆరోపణలు కొత్త రాజకీయ, సైనిక పరిణామాలకు దారితీసే అవకాశం ఉంది. ఇరాన్‌పై జరిగిన దాడులకు ప్రతిస్పందనగా గల్ఫ్ ప్రాంతంలోని అమెరికా సైనిక స్థావరాలను కూడా ఇరాన్ లక్ష్యంగా చేసుకున్నట్లు ఆరోపణలు ఉన్నాయి. గల్ఫ్ దేశాల్లోని స్థావరాలను అమెరికా, ఇజ్రాయెల్ తమ

బెంగళూరులో భారీ ఉగ్ర కుట్రను పోలీసులు భగ్నం చేశారు. ఉగ్రవాద సంస్థలతో సంబంధాలు ఉన్నాయన్న ఆరోపణలపై పశ్చిమ బెంగాల్‌కు చెందిన అసాఫుల్ మాలిక్ అనే యువకుడిని పోలీసులు అరెస్ట్ చేశారు. నగరంలోని జిగాని ప్రాంతంలో ఉన్న ఒక ప్రముఖ టెక్ కంపెనీలో అతను గత ఏడాది కాలంగా సెక్యూరిటీ గార్డుగా పనిచేస్తున్నాడు.బొమ్మసంద్ర ఇండస్ట్రియల్ ఏరియా పోలీసులు సాధారణ పెట్రోలింగ్‌లో భాగంగా ఆన్‌లైన్ కార్యకలాపాలపై నిఘా ఉంచారు. ఈ క్రమంలో మాలిక్ కదలికలు అనుమానాస్పదంగా కనిపించడంతో శుక్రవారం అతడిని అదుపులోకి తీసుకుని విచారించారు. పోలీసుల దర్యాప్తులో పలు కీలక విషయాలు వెలుగులోకి వచ్చాయి.అఫ్ఘనిస్థాన్‌లోని తెహ్రీక్-ఇ-తాలిబన్ పాకిస్థాన్ (టీటీపీ) హ్యాండ్లర్‌తో మాలిక్ నిరంతరం సంప్రదింపులు జరుపుతున్నట్లు పోలీసులు గుర్తించారు. త్వరలోనే అఫ్ఘనిస్థాన్‌కు వెళ్లి ఆ ఉగ్రవాద సంస్థలో చేరేందుకు అతను సిద్ధమవుతున్నట్లు వెల్లడైంది. భారత్, పాకిస్థాన్‌లలో దాడులు చేసేందుకు ప్రణాళికలు రచించడంపై వీరి మధ్య చర్చలు జరిగినట్లు అధికారులు తెలిపారు.ఈ కేసుతో సంబంధం ఉన్నట్లు భావిస్తున్న ఉత్తరప్రదేశ్‌కు చెందిన మరో ఇద్దరిని కూడా పోలీసులు అదుపులోకి తీసుకున్నారు. వీరికి పాకిస్థానీ ఉగ్రవాద సంస్థలతో సంబంధాలు ఉన్నట్లు అనుమానిస్తున్నారు. ఈ తాజా పరిణామంతో బెంగళూరులో భద్రతను మరింత కట్టుదిట్టం చేశారు. పోలీసులు కేసు నమోదు చేసి దర్యాప్తును ముమ్మరం చేశారు

హైదరాబాద్‌లోని కూకట్‌పల్లి హౌసింగ్‌ బోర్డు కాలనీలో స్థలాల ధరలు మరోసారి రికార్డు స్థాయికి చేరాయి. 15వ ఫేజ్‌లో నిర్వహించిన ప్లాట్ల వేలంలో గజం గరిష్ఠంగా రూ.2.14 లక్షలు పలికింది. కీలక ప్రాంతంలో ఉన్న నివాస స్థలాలకు డిమాండ్‌ఉన్నప్పటికీ వేలంలో పాల్గొనేందుకు ఆశించిన స్థాయిలో ఆసక్తి కనిపించకపోవడం గమనార్హం. మొత్తం 24 ప్లాట్లకు వేలం నిర్వహించగా.. 12 స్థలాలకే పోటీదారులు ముందుకు వచ్చారు. హౌసింగ్‌ బోర్డు పశ్చిమ డివిజన్‌ పరిధిలోని 15వ ఫేజ్‌ ప్లాట్లకు శుక్రవారం కేపీహెచ్‌బీ కాలనీ సామాజిక భవనంలో వేలం నిర్వహించారు. వేలంలో పలువురు బిడ్డర్లు పాల్గొని పలు స్థలాలకు పోటీ పడ్డారు. కొన్ని ప్లాట్లు గజం రూ.1.46 లక్షల చొప్పున కూడా ధర పలికాయి. అయితే మొత్తం ప్లాట్లతో పోలిస్తే పోటీ తక్కువగా ఉండటంతో వేలం ప్రక్రియ రెండు గంటల్లోపే ముగిసింది.అధికాదాయ వర్గాలకు కేటాయించిన నాలుగు ప్లాట్లలో రెండు స్థలాలు విక్రయమయ్యాయి. వాటిలో 266.66 గజాల విస్తీర్ణం కలిగిన ప్లాట్‌ నంబర్‌ 105కు అత్యధిక డిమాండ్‌ కనిపించింది. ఈ ప్లాట్‌కు గజం రూ.2.14 లక్షల ధర పలకడంతో హౌసింగ్‌ బోర్డు అధికారులు నిర్ణయించిన ధరలపై ఆసక్తి నెలకొంది. హైదరాబాద్‌లోని ప్రముఖ నివాస ప్రాంతాల్లో స్థలాల కొరత, మౌలిక సదుపాయాలు, రవాణా సౌకర్యాల నేపథ్యంలో కేపీహెచ్‌బీకి ఇప్పటికీ మంచి డిమాండ్‌ ఉందని ఈ ధరలు సూచిస్తున్నాయి. వేలంలో మొత్తం 12 స్థలాల విక్రయం ద్వారా ప్రభుత్వానికి రూ.39,30,04,251 ఆదాయం సమకూరింది. విక్రయమైన స్థలాల పరిమాణం, కేటగిరీ, బిడ్డింగ్‌లో నమోదైన ధరల ఆధారంగా ప్రభుత్వ ఖజానాకు గణనీయమైన ఆదాయం లభించింది. మరోవైపు మిగిలిన స్థలాలకు కూడా భవిష్యత్తులో నిర్వహించే వేలాల్లో మంచి ధర లభించే అవకాశం ఉందని అధికారులు భావిస్తున్నారు.నగరంలోని ప్రధాన రహదారులు, వాణిజ్య కేంద్రాలు, విద్యా సంస్థలు, మెట్రో, ఇతర ప్రజా రవాణా సౌకర్యాలకు అనుసంధానం ఉండటంతో కేపీహెచ్‌బీలో స్థిరాస్తులకు డిమాండ్‌ కొనసాగుతోంది. దీంతో హౌసింగ్‌ బోర్డు ఆధ్వర్యంలో అందుబాటులోకి వచ్చే స్థలాల

ఫుకెట్-న్యూఢిల్లీ ఎయిర్ ఇండియా విమానం టర్బులెన్స్ ఘటన ప్రస్తుతం కలకలం రేపుతోంది. ఘటన అనంతరం జరిపిన రక్త పరీక్షల్లో ఓ పైలట్‌ శాంపిల్స్‌లో గంజాయి ఉన్నట్టు బయటపడటాన్ని ప్రభుత్వం సీరియస్‌గా తీసుకున్నట్టు జాతీయ మీడియాలో కథనాలు వెలువడ్డాయి. ఇంటర్నెట్ డెస్క్: ఫుకెట్-న్యూఢిల్లీ ఎయిర్ ఇండియా విమానం టర్బులెన్స్ ఘటన ప్రస్తుతం కలకలం రేపుతోంది. ఘటన అనంతరం జరిపిన రక్త పరీక్షల్లో ఓ పైలట్‌ శాంపిల్స్‌లో గంజాయి ఉన్నట్టు బయటపడటాన్ని ప్రభుత్వం సీరియస్‌గా తీసుకున్నట్టు జాతీయ మీడియాలో కథనాలు వెలువడ్డాయి. ఎయిర్‌లైన్స్ కార్యకలాపాలపై పర్యవేక్షణ కట్టుదిట్టం చేయాలని ఎయిర్ ఇండియాకు ప్రభుత్వం స్పష్టం చేసినట్టు సమాచారం. ఈ ఘటనకు బాధ్యులైన వారు మూల్యం చెల్లించుకోకతప్పదని కూడా కేంద్రం హెచ్చరించినట్టు తెలుస్తోంది. ఆగస్టు 4న ఓడిశా మీదుగా ప్రయాణిస్తున్న తరుణంలో విమానం తీవ్ర కుదుపులకు (టర్బులెన్స్) లోనైన విషయం తెలిసిందే. ఒక్కసారిగా 300 అడుగుల మేర కిందకు దిగిపోయింది. ఐదు నిమిషాల అనంతరం పరిస్థితి సద్దుకోవడంతో యథావిధిగా ప్రయాణించిన విమానం ఢిల్లీలో సురక్షితంగా ల్యాండైంది. ఈ ఘటనలో పలువురు ప్రయాణికులు, సిబ్బంది కూడా గాయాలపాలయ్యారు. ఘటన అనంతరం నిర్వహించిన డోప్ పరీక్షల్లో ప్రధాన పైలట్ శరీరంలో గంజాయి ఉన్నట్టు వెలుగులోకి వచ్చింది. వ్యక్తిగత జీవితంలో ఇబ్బందులు ఎదుర్కొంటున్న తాను డాక్టర్ల సూచన మేరకు నిద్రమాత్రలు తీసుకుంటున్నట్టు ప్రధాన పైలట్ చెప్పినట్టు సమాచారం. ఈ మాత్రల వల్లనే డ్రగ్ టెస్టులో పాజిటివ్‌గా వచ్చిందని చెప్పినట్టు తెలుస్తోంది. ప్రయాణంలో పైలట్ ప్రవర్తన సరిగా లేదని కొందరు క్రూ చెప్పడంతో అధికారులు ఈ అంశంపైనా దృష్టిసారించారు. ఈ ఉదంతం నేపథ్యంలో డ్రగ్ టెస్టుల మార్గదర్శకాలకు తగిన మార్పులు చేయాలని ప్రభుత్వం డీజీసీఏకు సూచించింది. తప్పనిసరిగా డ్రగ్ టెస్టులు చేయించుకోవాల్సిన సిబ్బంది సంఖ్యను పెంచాలని ఆదేశించినట్టు సమాచారం. ఘటన నేపథ్యంలో విమానం పనీతీరుపై కూడా అధికారులు దృష్టిసారించారు. షాకింగ్ వీడియో వైరల్.. బెంగళూరులో ఓ మహిళ మెడలో బంగారం చోరీ.. మావోయిస్టు క్యాంప్‌

ఫుకెట్-ఢిల్లీ విమాన ఘటనలో పైలట్ గంజాయి సేవించినట్లు నిర్ధారణ కావడంతో టాటా గ్రూప్‌నకు చెందిన ఎయిరిండియా, ఎయిరిండియా ఎక్స్‌ప్రెస్ కీలక నిర్ణయం తీసుకున్నాయి. తమ సంస్థలో పనిచేస్తున్న పైలట్లందరికీ తప్పనిసరిగా సైకోయాక్టివ్ డ్రగ్స్ పరీక్షలు నిర్వహించాలని ఆదేశించాయి. ఈ ప్రక్రియ గురువారం (ఆగస్టు 13) నుంచే అమల్లోకి వచ్చిందని సంస్థలు స్పష్టం చేశాయి.ఎయిరిండియా, ఎయిరిండియా ఎక్స్‌ప్రెస్‌లలో కలిపి మొత్తం 5,000 మందికి పైగా పైలట్లు పనిచేస్తున్నారు. నిబంధనలకు విరుద్ధమైన ఎటువంటి మాదక ద్రవ్యాలు, మత్తుపదార్థాలు వాడలేదని నిర్ధారించుకునేందుకు ఈ పూర్తిస్థాయి స్క్రీనింగ్ చేపడుతున్నట్లు సంస్థలు తమ పైలట్లకు పంపిన అంతర్గత సందేశంలో పేర్కొన్నాయి. గురుగ్రామ్ అకాడమీలో శిక్షణ సమయంలో, విమానం నడిపిన తర్వాత బ్రీఫింగ్ సెంటర్లలో, ఇతర కార్యాలయాల్లో ఈ పరీక్షలు నిర్వహించనున్నారు. ప్రయాణికులు, భాగస్వాములకు భద్రతపై భరోసా కల్పించేందుకే ఈ చర్యలు తీసుకుంటున్నామని ఎయిర్‌లైన్ వర్గాలు వెల్లడించాయి.ఆగస్టు 4న ఫుకెట్ నుంచి ఢిల్లీ వస్తున్న ఎయిరిండియా విమానం గాల్లో తీవ్రమైన కుదుపులకు లోనైన సంగతి తెలిసిందే. ఆ సమయంలో విమానం అకస్మాత్తుగా 300 అడుగుల ఎత్తును కోల్పోవడంతో, సిబ్బంది సహా కనీసం 24 మంది ప్రయాణికులు గాయపడ్డారు. ఈ ఘటన జరిగినప్పుడు విమానంలో 137 మంది ప్రయాణికులు, 8 మంది సిబ్బంది ఉన్నారు. ప్రమాదం అనంతరం నిర్వహించిన వైద్య పరీక్షల్లో పైలట్-ఇన్-కమాండ్ గంజాయి సేవించినట్లు నిర్ధారణ అయింది.దశాబ్దాలుగా సంపాదించుకున్న నమ్మకాన్ని కాపాడుకోవాల్సిన అవసరం ఉందని, అందుకే గ్రూప్‌లోని పైలట్లందరికీ వెంటనే పూర్తిస్థాయి స్క్రీనింగ్ ప్రారంభిస్తున్నామని ఎయిరిండియా ఫ్లైట్ ఆపరేషన్స్ సీనియర్ వైస్ ప్రెసిడెంట్ పైలట్లకు పంపిన

వరంగల్ జిల్లా గీసుగొండ మండలం శాయంపేట శివారులోని కాకతీయ మెగా టెక్స్‌టైల్ పార్కులో గురువారం విషాద ఘటన చోటుచేసుకుంది. గణేశా ఎకోపెట్ క్లాత్ ఫ్యాక్టరీలో లిఫ్ట్‌లో ఇరుక్కుని ఇద్దరు సిబ్బంది మృతిచెందారు. వరంగల్ జిల్లా: గీసుగొండ మండలం శాయంపేట శివారులోని కాకతీయ మెగా టెక్స్‌టైల్ పార్కులో ఇవాళ (గురువారం) విషాద ఘటన చోటుచేసుకుంది. గణేశా ఎకోపెట్ క్లాత్ ఫ్యాక్టరీలో లిఫ్ట్‌లో ఇరుక్కుని ఇద్దరు సిబ్బంది మృతిచెందారు. ఉత్తరప్రదేశ్‌కు చెందిన సాంకేతిక నిపుణులు అభిలాష్ (30), సూర్యప్రకాశ్ (31)గా మృతులను గుర్తించారు. అయితే, వారిద్దరూ ఫ్యాక్టరీలో పనిచేస్తున్న సమయంలో ప్రమాదవశాత్తూ లిఫ్ట్‌లో ఇరుక్కుపోయారు. ఈ ఘటనలో ఇద్దరూ అక్కడికక్కడే ప్రాణాలు కోల్పోయారు. షార్ట్‌సర్క్యూట్ కారణంగానే ప్రమాదం జరిగినట్లు ప్రాథమికంగా తెలుస్తోంది. సమాచారం అందుకున్న పోలీసులు ఘటనాస్థలికి చేరుకుని పరిశీలించారు. కేసు నమోదు చేసి ప్రమాదానికి గల పూర్తి కారణాలపై ఆరా తీస్తున్నారు. లిఫ్ట్‌లో ప్రమాదం ఎలా జరిగింది? నిజంగానే షార్ట్‌సర్క్యూట్ జరిగిందా? వంటి అంశాలపై దర్యాప్తు చేస్తున్నారు. మరోవైపు, మృతదేహాలను పోస్టుమార్టం నిమిత్తం ఆస్పత్రికి తరలించే ఏర్పాట్లు చేస్తున్నారు. జగన్ హయాంలో అదనపు నీటిని ఏపీ తరలిస్తుంటే బీఆర్ఎస్ నేతలు ఎందుకు ప్రశ్నించలేదు: యెన్నెం శ్రీనివాస్ రెడ్డి ప్రైవేట్ బస్సును ఢీకొన్న కంటైనర్ లారీ.. ఇద్దరు మహిళల మృతి

ఆంధ్ర ప్రదేశ్ ప్రభుత్వం రాష్ట్రంలో విమానయాన రంగాన్ని బలోపేతం చేసే లక్ష్యంతో ఒక కీలక నిర్ణయం తీసుకుంది. రాష్ట్రంలో కొత్తగా ఆరు పైలట్ శిక్షణా కేంద్రాలను ఏర్పాటు చేయనుంది. ఈ కేంద్రాలు యువతకు అత్యున్నత స్థాయి పైలట్ శిక్షణను అందించడానికి తోడ్పడతాయి. తద్వారా వారు దేశీయ, అంతర్జాతీయ విమానయాన సంస్థలలో సుస్థిరమైన ఉద్యోగాలు పొందేందుకు మార్గం సుగమం అవుతుంది. ముఖ్యంగా ఇది రాష్ట్రంలోని వేలాది మంది యువతకు మెరుగైన భవిష్యత్తును నిర్మించడంలో గణనీయంగా సహాయపడుతుంది. ఈ చర్య రాష్ట్ర ఆర్థికాభివృద్ధికి కూడా దోహదపడుతుంది. ఆంధ్ర ప్రదేశ్ కే చెందిన టిడిపి ఎంపీ కింజరాపు రామ్మోహన్ నాయుడు ఎన్డిఏ ప్రభుత్వం కేంద్ర విమానయాన శాఖ మంత్రిగా ఉన్నారు. దీంతో సొంత రాష్ట్రం ఏపీని విమానయాన రంగంలో అగ్రగామిగా నిలిపేందుకు కృషి చేస్తున్నారు. ఇప్పటికే భోగాపురం విమానాశ్రయాన్ని ప్రతిష్ఠాత్మకంగా తీసుకుని నిర్మించారు... ఇటీవలే ప్రధాని మోదీ చేతులమీదుగా ఘనంగా ప్రారంభమైన విషయం తెలిసిందే. ఈ విమానాశ్రయం రాకతో ఈ ప్రాంతం రూపురేఖలే మారిపోయాయి... భవిష్యత్ లో మరింత డెవలప్మెంట్ జరిగే అవకాశాలున్నాయి. అయితే కేవలం ఉత్తరాంధ్ర ప్రాంతాన్నే కాదు ఏపీలో విమానయాన రంగ సేవలను విస్తరించాలని కేంద్ర, రాష్ట్ర ప్రభుత్వాలు భావిస్తున్నాయి. అందులో భాగంగానే తాజాగా ఆరు కొత్త పైలట్ శిక్షణా కేంద్రాల (ఫ్లయింగ్ ట్రైనింగ్ ఆర్గనైజేషన్ (FTO) ఏర్పాటుకు సిద్దమయ్యాయి. కర్నూల్, కడప, రాజమండ్రి విమానాశ్రయాల్లో ఈ పైలట్ శిక్షణా కేంద్రాలు ఏర్పాటు చేయనున్నారు. కర్నూల్ విమానాశ్రయం ఆంధ్ర ప్రదేశ్ విమానాశ్రయాల డెవలప్మెంట్ సంస్థ (APADCL) నిర్వహణలో ఉంది. ఇక్కడ ఇప్పటికే ఓ పైలట్ శిక్షణా కేంద్రం రెడీ అయ్యింది... దీనిని ఆగస్ట్ 22న ప్రారంభించనున్నారు. ఇక్కడే మరో పైలట్ శిక్షణా కేంద్రాన్ని ఈ డిసెంబర్ లో అందుబాటులోకి తీసుకువచ్చేందుకు చకచకా ఏర్పాట్లు జరుగుతున్నాయి. ఇక ఎయిర్పోర్ట్ అథారిటీ ఆఫ్ ఇండియా (AAI) పరిధిలోని రాజమండ్రి, కడప విమానాశ్రయాల్లో రెండేసి చొప్పున నాలుగు పైలట్ శిక్షణా

టీవీ స్క్రీన్‌పై దుమ్ము, వేలిముద్రలు కనిపిస్తే వెంటనే ఏదో ఒక క్లీనర్‌తో తుడిచేస్తుంటారు. కానీ ఆధునిక ఎల్‌ఈడీ, ఓఎల్‌ఈడీ, క్యూఎల్‌ఈడీ, మినీ ఎల్‌ఈడీ టీవీలపై ఇలా చేయడం వల్ల స్క్రీన్‌ దెబ్బతినే ప్రమాదం ఉంది. ముఖ్యంగా డిస్‌ప్లేపై ఉండే యాంటీ-గ్లేర్‌, యాంటీ-రిఫ్లెక్టివ్‌ కోటింగ్‌ దెబ్బతింటే దాన్ని తిరిగి పునరుద్ధరించడం సాధ్యం కాదు. అందుకే టీవీ స్క్రీన్‌ శుభ్రం చేసేటప్పుడు సరైన పద్ధతి పాటించడం ముఖ్యం.మొండి మరకలు, వేలిముద్రలు తొలగించాల్సి వస్తే కొద్దిపాటి మైల్డ్‌ డిష్‌ సోప్‌ను డిస్టిల్డ్‌ వాటర్‌లో బాగా పలుచగా కలిపి ఉపయోగించవచ్చు. ఆ ద్రావణంలో మైక్రోఫైబర్‌ క్లాత్‌ను ముంచి పూర్తిగా పిండి, స్వల్పంగా తడిగా ఉన్న క్లాత్‌తో స్క్రీన్‌ను మెల్లగా తుడవాలి. తర్వాత పొడి మైక్రోఫైబర్‌ క్లాత్‌తో మిగిలిన తేమను తొలగించాలి. అయితే టీవీపై నేరుగా నీరు లేదా సబ్బు ద్రావణాన్ని స్ప్రే చేయకూడదు.గ్లాస్‌ క్లీనర్లు, ఆల్కహాల్‌, అసిటోన్‌, బ్లీచ్‌, అమ్మోనియా వంటి బలమైన రసాయనాలను మాత్రం టీవీ స్క్రీన్‌పై ఉపయోగించకూడదు. అలాగే పేపర్‌ టవల్స్‌, టిష్యూలు, పాత టీషర్ట్లు, రఫ్‌ క్లాత్‌లు, కిచెన్‌ స్పాంజ్‌లు, స్క్రబ్బర్లు కూడా స్క్రీన్‌పై గీతలు పడేలా చేయొచ్చు. బేబీ వైప్స్‌, వెట్‌ వైప్స్‌లో ఉండే రసాయనాలు కూడా స్క్రీన్‌పై పొరను దెబ్బతీయొచ్చు.స్క్రీన్‌ను శుభ్రం చేసేటప్పుడు గట్టిగా రుద్దడం లేదా ఎక్కువ ఒత్తిడి పెట్టడం కూడా ప్రమాదకరమే. ముఖ్యంగా ఓఎల్‌ఈడీ, ఎల్‌ఈడీ ప్యానెళ్లపై సున్నితంగా తుడవాలి. స్క్రీన్‌ అంచుల్లోకి ద్రవం వెళ్లకుండా జాగ్రత్తపడాలి. సాధారణ దుమ్ము, వేలిముద్రలకు శుభ్రమైన పొడి మైక్రోఫైబర్‌ క్లాత్‌ ఉపయోగించడమే సురక్షితమైన మార్గం

ఏపీలో కేంద్ర పౌర విమాన యాన శాఖామంత్రిగా కింజారపు రామ్మోహన్ నాయుడు బాధ్యతలు చేపట్టటం ఏపీకి వరంగా మారింది. మంత్రి రామ్మోహన్ నాయుడు ఏపీలో ఏవియేషన్ అభివృద్ధికి కావాల్సిన అన్ని చర్యలు తీసుకుంటున్నారు. ఇదే క్రమంలో చంద్రబాబు సర్కార్ కూడా ఏపీలో విమానయాన రంగ అభివృద్ధికి ఫుల్ గా దృష్టి సారించింది.రాష్ట్రంలో ఆరు కొత్త పైలట్ శిక్షణా కేంద్రాలుఆంధ్రప్రదేశ్‌లో విమానయాన రంగాన్ని బలోపేతం చేసేందుకు చంద్రబాబు ప్రభుత్వం కొత్త చర్యలు చేపడుతోంది. ఇందులో భాగంగా తెలంగాణా రాష్ట్రంలో ఆరు కొత్త పైలట్ శిక్షణా కేంద్రాలు ఏర్పాటు కానున్నాయి. ఈ కొత్త పైలెట్ శిక్షణా కేంద్రాలు కర్నూలు, రాజమహేంద్రవరం, కడప విమానాశ్రయాల్లో ఏర్పాటు కానున్నాయి.ఈ విమానాశ్రయాలలోనే పైలెట్ శిక్షణా కేంద్రాల ఏర్పాటు రాష్ట్ర విమానాశ్రయాల అభివృద్ధి సంస్థ నిర్వహణలో కర్నూలు విమానాశ్రయం ఉంది. రాజమహేంద్రవరం, కడప విమానాశ్రయాలు ఎయిర్ పోర్ట్ అథారిటీ ఆఫ్ ఇండియా పరిధిలో ఉన్నాయి. ఇవి మాత్రమేకాక తిరుపతి విమానాశ్రయంలో కూడా ఎఫ్‌టీవోలు ఏర్పాటు చేసే అంశాన్ని అధికారులు పరిశీలిస్తున్నారు. డైరెక్టర్ జనరల్ ఆఫ్ సివిల్ ఏవియేషన్ నుంచి అనుమతి పొందిన ప్రైవేటు సంస్థలు ఈ కేంద్రాలను నిర్వహించనున్నాయి.వివిధ దశల్లో పైలెట్ శిక్షణా కేంద్రాల ఏర్పాటు ప్రక్రియ కర్నూలులో రెండు ఎఫ్‌టీవోలకు రాష్ట్రంలోని కూటమి సర్కార్ అనుమతి ఇచ్చింది. వాటిలో ఒకటి ఈ నెల 22న ప్రారంభం కానుంది. రెండోది డిసెంబరు నాటికి అందుబాటులోకి వస్తుంది. రాజమహేంద్రవరంలో రెండు పైలెట్ శిక్షణా కేంద్రాలకు టెండర్ల ప్రక్రియ పూర్తయింది. ఆరు నెలల్లోగా అవి ప్రారంభం కావచ్చు. కడపలోనూ రెండు ఎఫ్‌టీవోలకు టెండర్లు ప్రారంభించారు.ఒక్కో కేంద్రం ద్వారా 30 నుంచి 40 మందికి పైలట్ శిక్షణ అందించే అవకాశం ఉంటుంది.తెలంగాణాకు 11.56లక్షల ఇళ్ళు కేటాయించాలని కేంద్రానికి మంత్రి పొంగులేటి విజ్ఞప్తి.. కేంద్రమంత్రి రెస్పాన్స్ ఇదే!ఏపీలో పైలెట్ ట్రైనింగ్ ఔత్సాహికులకు పండుగే ఇప్పటివరకు రాష్ట్రంలో పైలెట్ శిక్షణ అందుబాటులో లేదు. కాబట్టి ఈ శిక్షణా కేంద్రాల ద్వారా

ఏపీ ఏవియేషన్ రంగంలో ఒక కీలక ముందడుగు పడింది. రాష్ట్రంలో పైలట్ శిక్షణ కోసం ఎదురుచూస్తున్న యువతకు శుభవార్త అందిస్తూ, ప్రభుత్వం కొత్తగా ఆరు ఫ్లయింగ్ ట్రైనింగ్ ఆర్గనైజేషన్ల (ఎఫ్‌టీవో) ఏర్పాటుకు మార్గం సుగమం చేసింది. ఇప్పటివరకు రాష్ట్రంలో అందుబాటులో లేని ఈ సౌకర్యం కర్నూలు, కడప, రాజమహేంద్రవరం విమానాశ్రయాల వేదికగా ప్రారంభం కానుంది. ఈ కేంద్రాల రాకతో ఏపీ ఏవియేషన్ శిక్షణలో ఒక ముఖ్య కేంద్రంగా మారే అవకాశం ఉంది.మొత్తం మూడు విమానాశ్రయాల్లో ఆరు శిక్షణ కేంద్రాలను ఏర్పాటు చేయనున్నారు. ఏపీఏడీసీఎల్ (ఆంధ్రప్రదేశ్ విమానాశ్రయాల అభివృద్ధి సంస్థ) నిర్వహణలో ఉన్న కర్నూలు విమానాశ్రయంలో రెండు ఎఫ్‌టీవోలు రానున్నాయి. వీటిలో మొదటి కేంద్రాన్ని ఈ నెల 22న ప్రారంభించనుండగా, మరొకటి డిసెంబర్ నాటికి అందుబాటులోకి వస్తుంది. ఇక, ఎయిర్‌పోర్ట్ అథారిటీ ఆఫ్ ఇండియా (ఏఏఐ) పరిధిలోని రాజమహేంద్రవరం, కడప విమానాశ్రయాల్లో రెండేసి చొప్పున కేంద్రాలు ఏర్పాటు కానున్నాయి. రాజమహేంద్రవరంలో టెండర్ల ప్రక్రియ పూర్తికాగా, ఆరు నెలల్లో కార్యకలాపాలు ప్రారంభమవుతాయని అధికారులు చెబుతున్నారు. కడపలో ప్రస్తుతం టెండర్ల ప్రక్రియ మొదలైంది. తిరుపతి విమానాశ్రయంలో కూడా ఎఫ్‌టీవోల ఏర్పాటు ప్రతిపాదన పరిశీలనలో ఉంది.డైరెక్టర్ జనరల్ ఆఫ్ సివిల్ ఏవియేషన్ (డీజీసీఏ) నుంచి అనుమతి పొందిన ప్రైవేటు సంస్థలు ఈ శిక్షణ కేంద్రాలను నిర్వహిస్తాయి. ఒక్కో కేంద్రం ద్వారా సుమారు 30 నుంచి 40 మందికి పైలట్ శిక్షణ ఇస్తారు. కమర్షియల్ పైలట్ లైసెన్స్ పొందడానికి అవసరమైన 180 గంటల విమాన శిక్షణను ఈ కేంద్రాల్లో పూర్తి చేయవచ్చు. ఇందుకోసం ఆయా సంస్థలు

'రాక్‌స్టార్' సినిమాతో దేశవ్యాప్తంగా గుర్తింపు తెచ్చుకున్న నటి నర్గీస్ ఫక్రీ తనలోని కొత్త నైపుణ్యాన్ని చూసి మురిసిపోయింది. మొదటిసారి విమానం నడిపిన అనుభవాన్ని పంచుకుంటూ, తన గత జన్మ గురించి సరదాగా వ్యాఖ్యానించింది. తాను గత జన్మలో పైలట్‌గా ఉండి ఉంటానని, అందుకే అంత సులువుగా విమానం నడపగలిగానని చమత్కరించింది.ప్రస్తుతం యూకేలో తన స్నేహితులైన ఏక్తా కపూర్, ఊర్వశీ ధోలాకియాలతో కలిసి ఉన్న నర్గీస్, ఈ అనుభవాన్ని తన ఇన్‌స్టాగ్రామ్ స్టోరీస్ ద్వారా పంచుకుంది. పైలట్ సీటులో కూర్చుని, టేకాఫ్‌కు ముందు విమానం యోక్ (స్టీరింగ్) పట్టుకుని కెమెరా వైపు చూస్తున్న ఫోటోను ఆమె షేర్ చేసింది. "మొదటిసారి విమానం నడుపుతున్నాను. నేను గత జన్మలో పైలట్‌ని అనుకుంటా, ఎందుకంటే చాలా బాగా నడిపాను" అని ఆ పోస్ట్‌కు క్యాప్షన్ జోడించింది.సినిమాల విషయానికొస్తే, నర్గీస్ ఫక్రీ ఇటీవల రెండు పెద్ద ప్రాజెక్టులలో కనిపించింది. తరుణ్ మన్సుఖానీ దర్శకత్వంలో వచ్చిన మర్డర్ మిస్టరీ కామెడీ 'హౌస్‌ఫుల్ 5'లో ఆమె నటించింది. అక్షయ్ కుమార్, అభిషేక్ బచ్చన్, రితేశ్ దేశ్‌ముఖ్, సంజయ్ దత్ వంటి భారీ తారాగణం ఈ చిత్రంలో ఉంది. దీంతో పాటు, రితేశ్ దేశ్‌ముఖ్, వివేక్ ఒబెరాయ్, అఫ్తాబ్ శివదాసానిలతో కలిసి 'మస్తీ 4'లో కూడా ఆమె నటించింది.2011లో 'రాక్‌స్టార్' చిత్రంతో అరంగేట్రం చేసి అందరి దృష్టిని ఆకర్షించిన నర్గీస్, ఆ తర్వాత 'మద్రాస్ కేఫ్'లో పొలిటికల్ థ్రిల్లర్‌తో మెప్పించింది. 'మై తేరా హీరో', 'హౌస్‌ఫుల్ 3' వంటి విజయవంతమైన కామెడీ చిత్రాలతో పాటు, హాలీవుడ్ యాక్షన్-కామెడీ

ఆంధ్రప్రదేశ్‌ డిప్లమా ఇన్‌ ఎలిమెంటరీ ఎడ్యుకేషన్‌ కామన్‌ ఎంట్రెన్స్‌ టెస్ట్‌ (ఏపీడీఈఈసెట్‌)లో అర్హత సాధించిన అభ్యర్థులకు నేటి నుంచి రెండో విడత కౌన్సెలింగ్‌ నిర్వహిస్తున్నట్టు రాష్ట్ర కన్వీనర్‌, పాఠశాల విద్య సంయుక్త సంచాలకులు వెల్లడించారు. గుంటూరు: ఆంధ్రప్రదేశ్‌ డిప్లమా ఇన్‌ ఎలిమెంటరీ ఎడ్యుకేషన్‌ కామన్‌ ఎంట్రెన్స్‌ టెస్ట్‌ (ఏపీడీఈఈసెట్‌)లో అర్హత సాధించిన అభ్యర్థులకు ఈ నెల 13 నుంచి 16వ తేదీ వరకు రెండో విడత కౌన్సెలింగ్‌ నిర్వహిస్తున్నట్టు రాష్ట్ర కన్వీనర్‌, పాఠశాల విద్య సంయుక్త సంచాలకులు (గుంటూరు) బి.లింగేశ్వర రెడ్డి బుధవారం ఒక ప్రకటనలో తెలిపారు. రాష్ట్రంలోని ప్రభుత్వ, ప్రైవేటు డీఈడీ కళాశాలలో మిగిలిపోయిన సీట్ల భర్తీ కోసం కౌన్సెలింగ్‌ నిర్వహిస్తున్నామని వివరించారు. వెబ్‌ ఆప్షన్‌లో నమోదు చేసుకున్న అభ్యర్థులకు 17 నుంచి 20 లోపు సీట్లు కేటాయిస్తామని తెలిపారు. సీట్లు పొందిన అభ్యర్థులు ఈ నెల 21 నుంచి 24 తేదీ వరకు సంబంధిత డైట్‌ కళాశాలలో ఒరిజినల్‌ సర్టిఫికెట్లు సమర్పించి అడ్మిషన్‌ లెటర్‌ తీసుకోవాలని సూచించారు. డీఈడీ మొదటి సంవత్సరం తరగతులు ఈ నెల 27 నుంచి ప్రారంభం కానున్నట్టు వివరించారు

ప్రస్తుతం విజయ్ దేవరకొండ వరుస సినిమాలతో బిజీ నటుడిగా ఉన్న విషయం తెలిసిందే. కేవలం నటుడిగానే కాకుండా ఒక విజన్ ఉన్న ఎంటర్‌ప్రెన్యూర్‌గానూ విజయ్ తన సత్తా చాటుతున్నారు. పాన్ ఇండియా స్థాయిలో క్రేజ్ ఉన్న టాలీవుడ్ హీరోలలో విజయ్ దేవరకొండ (Vijay Deverakonda) కూడా ఒకరు. ప్రస్తుతం ఆయన వరుస సినిమాలతో బిజీ నటుడిగా ఉన్నారు. కేవలం నటుడిగానే కాకుండా ఒక విజన్ ఉన్న ఎంటర్‌ప్రెన్యూర్‌గానూ విజయ్ తన సత్తా చాటుతున్నారు. ఆయన స్వయంగా ప్రారంభించిన ‘రౌడీ వేర్’ (Rowdy Wear) దుస్తుల బ్రాండ్ ప్రస్తుతం యూత్‌లోనే కాకుండా సెలబ్రిటీలలోనూ విపరీతమైన క్రేజ్ సొంతం చేసుకుంది. ప్రారంభంలో యువతను ఆకట్టుకున్న ఈ బ్రాండ్, ఇప్పుడు టాలీవుడ్‌కి చెందిన ఎంతోమంది ప్రముఖ నటీనటులు, టెక్నీషియన్ల ఫేవరేట్ ఫ్యాషన్ వేర్‌గా రూపాంతరం చెందిందంటే అతిశయోక్తి కానే కాదు. తాజాగా టాలీవుడ్‌కి చెందిన ప్రముఖ దర్శకులు సుజీత్ సింగ్, సాయి రాజేష్, అభిషాన్ జీవింత్ వంటి ప్రతిభావంతులైన మేకర్స్ కూడా ఈ రౌడీ వేర్ బ్రాండ్‌కు ఫ్యాన్స్‌గా మారిపోయారు. విజయ్ దేవరకొండపై ఉన్న అభిమానంతో పాటు ఈ బ్రాండ్ అందించే అవుట్‌ఫిట్స్ స్టైలిష్‌గా, సౌకర్యవంతంగా ఉండటంతో వారు ఈ దుస్తులను ధరిస్తూ.. తమ ఫ్యాషన్ ఐడెంటిటీని చాటుకుంటున్నారు. తమకు నచ్చిన హీరో క్రియేట్ చేసిన బ్రాండ్‌ను ధరించడం ద్వారా విజయ్‌పై తమకున్న ప్రేమాభిమానాలను ఈ దర్శకులు ఈ రకమైన స్టైల్‌తో వ్యక్తం చేస్తున్నారు. మొదట డిజిటల్ ప్లాట్‌ఫామ్‌లు, ఆన్‌లైన్ ద్వారా అందుబాటులోకి వచ్చిన రౌడీ వేర్, రోజురోజుకూ పెరుగుతున్న ఆదరణతో.. ఇప్పుడు ఆఫ్‌లైన్‌లోనూ ఫ్యాషన్ లవర్స్‌కు అందుబాటులోకి వచ్చింది. ట్రెండీ కలెక్షన్స్, డిఫరెంట్ అప్పీరెన్స్, యంగ్ యాటిట్యూడ్‌కి ప్రతీకగా నిలుస్తున్న ఈ బ్రాండ్, రాబోయే రోజుల్లో మరింత విస్తరించి సరికొత్త రికార్డులను సృష్టిస్తుందనేలా విజయ్ దేవరకొండ అభిమానులు సోషల్ మీడియా వేదికగా కామెంట్స్ చేస్తుండటం విశేషం. నటుడు అజింక్య దేవ్ చేతుల మీదుగా.. హీరోయిన్ జో శర్మకు

Ardee Industries Listing Price : స్టాక్ మార్కెట్లలో మరో ఐపీఓ ఇన్వెస్టర్లకు కాసుల పంట పండించింది. అదే అర్డీ ఇండస్ట్రీస్. బుధవారం రోజు ఇది స్టాక్ ఎక్స్చేంజీల్లో లిస్టయింది. ఇష్యూ ధర కేవలం రూ. 53 గా ఉండగా ఏకంగా 35.85 శాతం ప్రీమియంతో రూ. 72 వద్ద NSE లో లిస్టయింది. ఇది గ్రే మార్కెట్ ప్రీమియాన్ని మించింది. గ్రే మార్కెట్లో దాదాపు 27 శాతం వరకు ప్రీమియం నమోదు చేస్తుందని రాగా, అంతకుమించి రాణించడం విశేషం. దీంతో ఇక్కడ సక్సెస్‌ఫుల్‌గా షేర్లు దక్కిన ఇన్వెస్టర్లకు కాసుల పంట పండింది.ఈ ఐపీఓ సబ్‌స్క్రిప్షన్ ఆగస్ట్ 5న ఓపెన్ అవగా ఆగస్ట్ 7 వరకు సాగింది. ఆగస్ట్ 10న షేర్ల అలాట్‌మెంట్ జరగ్గా, ఆగస్ట్ 11న డీమ్యాట్ ఖాతాల్లో షేర్లు క్రెడిట్ అయ్యాయి. ఇప్పుడు ఆగస్ట్ 12న స్టాక్ మార్కెట్లో నమోదైంది. సబ్‌స్క్రిప్షన్‌లో దీనిని ఇన్వెస్టర్ల నుంచి మంచి రెస్పాన్స్ వచ్చింది. ఇటీవల పలు చిన్న ఐపీఓల్లో అద్విత్ జువెల్స్, ఎంవీ ఎలక్ట్రోసిస్టమ్స్, కుసుమ్‌గార్ లిమిటెడ్ ఇలా ఇవన్నీ 100 రెట్లకుపైగా సబ్‌స్క్రైబ్ అయిన సంగతి తెలిసిందే. ఇంకా ఇవి తొలిరోజునే కనీసం 40 శాతం వరకు లాభాల్ని అందించాయి.ఇదే బాటలో అర్డీ ఇండస్ట్రీస్ ఐపీఓ కూడా ఏకంగా 133.66 రెట్ల మేర సబ్‌స్క్రిప్షన్ నమోదు చేసింది. రిటైల్ పోర్షన్ నుంచి 45 రెట్ల స్పందన రాగా, అత్యధికంగా నాన్ ఇన్‌స్టిట్యూషనల్ ఇన్వెస్టర్ల (NII) కేటగిరీ నుంచి 255.24 రెట్ల సబ్‌స్క్రిప్షన్ సాధించింది. క్యూఐబీ పోర్షన్ కూడా 197 రెట్లకుపైగా సబ్‌స్క్రిప్షన్ సాధించింది. మొత్తం రూ. 426 కోట్ల నిధుల్ని సమీకరించేందుకు 8,03,52,358 షేర్లను అందుబాటులో ఉంచింది. ఇక్కడ 6.03 కోట్ల షేర్లను కొత్తగా జారీ చేయగా, దాదాపు 2 కోట్ల షేర్లను ఆఫర్ ఫర్ సేల్ కింద ప్రమోటర్లు విక్రయించారు.Read Also: ఎట్టకేలకు లలితా జువెల్లరీ ఐపీఓ వచ్చేస్తుంది.. టార్గెట్ రూ

ఆగస్టు 4న ఫుకెట్ నుంచి ఢిల్లీకి వస్తున్న ఎయిరిండియా విమానం ఒక్కసారిగా కుదుపులకు గురై 300 అడుగుల కిందకు పడిపోయి ప్రయాణికులు గాయపడిన విషయం తెలిసిందే. తాజాగా, ఈ విమానం నడిపిన పైలట్‌కు రెండోసారి డోప్ పరీక్షల్లోనూ పాజిటివ్‌ వచ్చినట్టు విశ్వసనీయ వర్గాలు వెల్లడించాయి. విమానం ఢిల్లీలో సురక్షితంగా దిగిన తర్వాత విమాన ప్రమాద పరిశోధన బ్యూరో (AAIB) నియమాల ప్రకారం పైలట్లకు సైకోయాక్టివ్ డ్రగ్స్ పరీక్షలు నిర్వహించారు. పౌర విమానయాన శాఖ నిబంధనల ప్రకారం పైలట్లు, సిబ్బందికి ఎప్పటికప్పుడు డోప్ టెస్టులు నిర్వహిస్తుంటారు.ప్రాథమిక పరీక్షతో పాటు తదుపరి ల్యాబ్ కన్ఫర్మేటరీ పరీక్షలోనూ ప్రధాన పైలట్ గంజాయి తీసుకున్నట్లు నిర్ధారణ అయింది. కో-పైలట్ పరీక్ష ఫలితం నెగెటివ్‌గా వచ్చింది. డైరెక్టరేట్ జనరల్ ఆఫ్ సివిల్ ఏవియేషన్ (DGCA) దర్యాప్తు పూర్తయ్యే వరకు సదరు పైలట్లను ఎయిరిండియా విధుల నుంచి తప్పించింది. 137 మంది ప్రయాణికులు, ఎనిమిది మంది సిబ్బందితో ఫుకెట్ నుంచి ఢిల్లీకి బయలుదేరిన ఏఐ-2379 విమానం.. గాల్లోనే కుదుపులకు గురై, అకస్మాత్తుగా 300 అడుగుల ఎత్తును కోల్పోయింది. ఈ ఘటనలో కనీసం 13 మంది ప్రయాణికులు, నలుగురు సిబ్బంది గాయపడ్డారు. వీరిలో ఇద్దరు సిబ్బందికి టెయిల్‌ బోన్, వెన్నెముకకు గాయాలైనట్టు కేంద్ర పౌర విమానయాన శాఖ మంత్రి రామ్మోహన్ నాయుడు తెలిపారు.ఢిల్లీలో విమానం దిగిన తర్వాత నిర్వహించిన స్క్రీనింగ్‌లో పైలట్ డ్రగ్స్ తీసుకున్నట్లు తేలిందని వర్గాలు తెలిపాయి. కొంతసేపటి తర్వాత మరో పరీక్ష నిర్వహించగా, అది కూడా పాజిటివ్‌గా తేలిందని మంగళవారం వెల్లడించాయి. ప్రత్యేకంగా పైలట్ గంజాయి సేవించినట్లు పరీక్షలో నిర్ధారణ అయింది. జరిగిన సంఘటనల క్రమాన్ని వివరిస్తూ వర్గాలు తెలిపిన వివరాల ప్రకారం.. పైలట్ చర్య, సాంకేతిక లోపం లేదా హైడ్రాలిక్ వైఫల్యం కారణంగా విమానం 300 అడుగుల మేర వేగంగా కిందకు పడిపోయి 'నెగటివ్-జి' పరిస్థితిలోకి వెళ్లినప్పుడు, పైలట్ తన సీటులో లేడు, కో-పైలట్ ఎయిర్‌బస్ A320నియోన్ విమానాన్ని నడుపుతున్నాడు

ఈ నెల 4వ తేదీన ఫుకెట్ నుంచి న్యూఢిల్లీకి వస్తున్న ఎయిర్ ఇండియా (Air India) విమానం మార్గ మధ్యలో ఉన్నట్లుండి 300 అడుగుల కిందకు జారిపోవడంతో ఇందులో ప్రయాణికులతో పాటు సిబ్బందికీ తీవ్ర గాయాలయ్యాయి. ఈ ఘటన ఎయిరిండియా విమానాల భద్రతపై తీవ్ర అనుమానాలు రేకెత్తించింది. మొదట్లో దీన్ని గాల్లో ఎదురైన సమస్యగా భావించారు. కానీ ఆ తర్వాత పైలట్ తప్పిదంగా నిర్ధారించారు. సాంకేతిక సమస్యలు కూడా కారణమని కూడా చెప్తున్నారు. దీంతో పైలట్ కు డోప్ టెస్టులు నిర్వహించారు. ఇందులో తొలిసారి నిర్వహించిన టెస్టులో పాజిటివ్ గా తేలిన పైలట్ .. తాజాగా నిర్వహించిన రెండో టెస్టులోనూ దోషిగా తేలాడు.Monsoon: ఆగస్టులో అనూహ్యంగా మారిన సీన్- రైతులకు ఊరట- కేంద్రం తాజా రిపోర్ట్..!ఫుకెట్-ఢిల్లీ ఎయిర్ ఇండియా విమాన ఘటన నేపథ్యంలో పైలట్ కు నిర్వహించిన ప్రాథమిక డోప్ పరీక్షల్లో స్క్రీనింగ్ ఫలితాలకు మరింత విశ్లేషణ అవసరమని తేలింది. దీంతో మరోసారి డోప్ టెస్టుల నిర్వహణకు ఆగస్టు 9న పౌర విమానయానశాఖ ఆదేశాలు ఇచ్చింది. దీంతో సదరు పైలట్ కు మరోసారి డోప్ టెస్టు నిర్వహించారు. ఇందులోనూ అతను పాజిటివ్ గా తేలినట్లు టైమ్స్ నౌ కథనం వెల్లడించింది. ఈ ఘటనలో నలుగురు క్యాబిన్ సిబ్బందితో సహా కనీసం 17 మంది గాయపడ్డారు. ఈ ఘటనపై విమాన ప్రమాద దర్యాప్తు బ్యూరో విచారణ జరుపుతోంది. అమిత్ షా యూటర్న్..! 48 గంటల్లో మారిన సీన్-విపక్షానికి కండిషన్లు..!మరోవైపు ఈ ఎయిర్ ఇండియా విమానంలో సాంకేతిక లోపాలు కూడా బట్టబయలయ్యాయి. విమానంలో అనేక సాంకేతిక లోపాలు, హైడ్రాలిక్ వైఫల్యాలు, కుదుపులు కూడా తలెత్తాయని దర్యాప్తు వర్గాలు తెలిపాయి. ఆగస్టు 4న జరిగిన విమాన ప్రయాణంలో, ఆటో-పైలట్ మోడ్ డిస్‌కనెక్ట్ కావడంతో సహా విమానంలో అనేక లోపాలు తలెత్తాయని తెలుస్తోంది. విమానం కో-పైలట్ మాన్యువల్‌గా నియంత్రణను తిరిగి పొందిన వెంటనే, ఫ్లైట్ కంట్రోల్ స్టాల్ సందేశం వచ్చింది

తెలంగాణ ముఖ్యమంత్రి ఎ. రేవంత్ రెడ్డి కుటుంబ సభ్యుల కంపెనీలకు భారీగా భూములు, కాంట్రాక్టులు కట్టబెడుతున్నారని బీఆర్ఎస్ వర్కింగ్ ప్రెసిడెంట్ కె.టి. రామారావు ఆగస్టు 11న తీవ్రంగా ఆరోపించారు. ఒక్క ఉద్యోగి కూడా లేని కంపెనీలకు చిన్న ఇంటి చిరునామాలతో ప్రభుత్వ ఆస్తులను కట్టబెడుతున్నారని ఆయన తెలంగాణ భవన్‌లో విమర్శించారు. ముఖ్యమంత్రి సోదరుడు అనుముల కొండల్ రెడ్డి చైర్మన్‌గా ఉన్న టెస్సరాక్ట్ అడ్వాన్స్‌డ్ సిస్టమ్స్ కంపెనీకి భూకేటాయింపులు చేశారని బీఆర్ఎస్ నేతలు స్పష్టం చేశారు. సదరు కంపెనీ 2023 లో కేవలం రూ 1 లక్ష పెయిడ్-అప్ క్యాపిటల్‌తో నమోదైనట్లు కార్పొరేట్ రికార్డులు చెబుతున్నాయి. రావిర్యాల ప్రాంతంలో ఫోర్త్ సిటీ పరిధిలో సుమారు 20,234 చదరపు మీటర్ల భూమిని టీజీఐఐసీ ద్వారా కేటాయించారని ఆరోపించారు. మార్కెట్ లో సుమారు రూ 100 నుండి 135 కోట్ల విలువైన ఈ భూమిని కేవలం గజం రూ 3,707 చొప్పున సుమారు రూ 7 నుండి 7.5 కోట్లకు ఇచ్చినట్లు పేర్కొన్నారు. ఈ కంపెనీకి ఏరోస్పేస్, డిఫెన్స్ తయారీకి సంబంధించి డీపీఐఐటీ లైసెన్స్ లేదా ఉద్యోగులు కూడా లేరని కేటిఆర్ వివరించారు. దీంతో అధికారిక కంపెనీ ఫైలింగ్స్‌లో ఉద్యోగుల సంఖ్య సున్నాగా నమోదైన విషయాన్ని ప్రతిపక్షం బహిర్గతం చేసింది. సీఎం ఇతర సోదరులు, అల్లుళ్లకు కూడా సింగరేణి ప్రాజెక్టులు, ఫార్మా రంగానికి సంబంధించిన కాంట్రాక్టులు కట్టబెట్టారని తీవ్రంగా ధ్వజమెత్తారు. ఈ నేపథ్యంలో ఐటీ, పరిశ్రమల మంత్రి డి. శ్రీధర్ బాబు ఆగస్టు 10న స్పందిస్తూ ఆరోపణలను పూర్తిగా ఖండించారు. సీఎం సోదరుడికి టెస్సరాక్ట్ కంపెనీతో ఎలాంటి సంబంధం లేదని, పారదర్శక నిబంధనల ప్రకారమే భూకేటాయింపులు జరిగాయని మంత్రి కౌంటర్ ఇచ్చారు. ఫలితంగా ప్రతిపక్షాలు చేస్తున్న విమర్శలు కేవలం రాజకీయ లబ్ధి కోసమేనని, 15 నెలల పరిశీలన తర్వాతే అనుమతులు ఇచ్చామని కంపెనీ వర్గాలు క్లారిటీ ఇచ్చాయి. మరోవైపు ఈ భూకేటాయింపుల వివాదంపై స్వతంత్ర విచారణ జరిపించి, కేటాయింపులను

పంద్రాగస్టు వేడుకలకు దేశం సమాయత్తమౌతున్న వేళ.. పొరుగుదేశం పాకిస్థాన్ ప్రొద్బలంతో ఉగ్ర కుట్రకు తేరలేచింది. దేశవ్యాప్తంగా స్వాతంత్ర్య దినోత్సవ వేడుకలు ఘనంగా జరుపును సమయంలో దేశంలో శాంతిభద్రతలకు విఘాతం కలిగించేందుకు పాకిస్థాన్ ఐఎస్ఐ మద్దతుతో ఉగ్ర సంస్థలు సరిహద్దులు సహా కీలక ప్రాంతాలలో ఉగ్రదాడులకు పాల్పడేందుకు కుట్ర పన్నాయి. ఈ మేరకు నిఘా వర్గాల సమాచారంతో కేంద్రం అప్రమత్తమైంది. సరిహద్దు భద్రతను కట్టుదిట్టం చేస్తూ హైఅలర్ట్ ప్రకటించడమే కాకుండా దేశంలోని కీలక ప్రాంతాలలో నిఘాను ముమ్మరం చేసింది. ప్రస్తుతం పీఓకే, మరియు బలూచిస్థాన్‌లు ప్రజా తిరుగుబాటుతో అట్టుడుకుతున్నాయి. పాకిస్థాన్ ప్రభుత్వానికి వ్యతిరేకంగా అక్కడడ అంతర్యుద్ధ పరిస్థితులు నెలకొన్నాయి. ఈ ప్రాజా అశాంతి, ప్రభుత్వ వ్యతిరేకత నుంచి దేశ ప్రజల దృష్టి మళ్లించేందుకు పాకిస్థాన్.. భారత్ లో విధ్వంసం కుట్రకు తెరలేపిందని పరిశీలకులు అంటున్నారు. పంద్రాగస్టున భద్రతా దళాల దృష్టి దేశ రాజధాని ఢిల్లీ, జమ్మూ కాశ్మీర్ ప్రాంతాల్లో జరిగే స్వాతంత్ర్య వేడుకల పైనే ఉంటుందని, ఆ సమయాన్ని అనువుగా తీసుకుని సరిహద్దుల్లో, దేశంలోని కీలక ప్రాంతాలలో ఉగ్రదాడులకు తెగబడేలా కుట్ర పన్నిదని చెబుతున్నారు. కీలక నగరాలే కాకుండా, భద్రత తక్కువగా ఉండే ద్వితీయ శ్రేణి నగరాలలో కూడా ఉగ్ర దాడులకు వ్యూహం పన్నిందన్నది నిఘా వర్గాల సమాచారం. నిఘా వర్గాల హెచ్చరికల నేపథ్యంలో బీఎస్ఎఫ్ పాకిస్థాన్‌తో ఉన్న పశ్చిమ సరిహద్దు పొడవునా ఆపరేషన్ అలర్ట్' అధికారికంగా ప్రారంభించింది. ఆగస్టు 10 (సోమవారం) పంద్రాగస్టు వేడుకలు ముగిసిన తరువాత రెండు రోజులు అంటే వచ్చే సోమవారం (ఆగస్టు 17) వరకు వారం రోజుల పాటు ఈ ఆపరేషన్ అలర్ట్ నిరంతరాయంగా సాగనుంది. ఈ ఆపరేషన్‌ అలర్ట్ లో భాగంగా బీఎస్ఎఫ్ సీనియర్ అధికారులు స్వయంగా సరిహద్దు ప్రాంతాల్లో పర్యటిస్తూ పరిస్థితిని నిరంతరం సమీక్షిస్తారు. సరిహద్దు పొడవునా నిఘా వ్యవస్థను, రాత్రింబవళ్లు కొనసాగే పెట్రోలింగ్‌ను గణనీయంగా పెంచారు. ఎటువంటి అనుమానాస్పద కదలికలు కనిపించినా తక్షణమే కఠిన చర్యలు

వర్షాకాలం వచ్చిందంటే చల్లటి వాతావరణంతో పాటు ఉక్కపోత, అధిక తేమ, అకస్మాత్తుగా కురిసే వర్షాలు ఇబ్బంది పెడుతుంటాయి. ఇలాంటి సమయంలో దుస్తుల ఎంపిక చాలా ముఖ్యం. తేలికగా ఉండి, గాలి ప్రసరణకు వీలుగా, త్వరగా ఆరిపోయే వస్త్రాలను ఎంచుకుంటే తడిసిన దుస్తులతో ఇబ్బంది పడకుండా రోజంతా సౌకర్యంగా ఉండొచ్చు. తేలికపాటి వస్త్రాలకే ప్రాధాన్యం.. కాటన్‌, లినెన్‌, రేయాన్‌, తేలికపాటి బ్లెండెడ్‌ ఫ్యాబ్రిక్స్‌ వంటి వస్త్రాలు వర్షాకాలంలో అనుకూలంగా ఉంటాయి. ఇవి గాలి ప్రసరణకు సహాయపడటంతో పాటు తేమ ఎక్కువగా ఉన్నప్పుడు శరీరానికి సౌకర్యవంతంగా ఉంటాయి. అయితే, పూర్తిగా తడిసిన కాటన్‌ దుస్తులు ఆరడానికి ఎక్కువ సమయం తీసుకోవచ్చు. దీంతో వర్షంలో ఎక్కువగా తిరిగేవారు త్వరగా ఆరిపోయే బ్లెండెడ్‌ లేదా సింథటిక్‌ వస్త్రాలను కూడా ఎంచుకోవచ్చు. జీన్స్‌, మందపాటి దుస్తులకు దూరంగా.. వర్షంలో తడిస్తే డెనిమ్‌, ఉన్ని వంటి మందపాటి వస్త్రాలు బరువుగా మారడంతో పాటు ఆరడానికి చాలా సమయం పడుతుంది. దీంతో రోజంతా తడి, అసౌకర్యంగా అనిపించవచ్చు. అయితే, వర్షాకాలంలో పలుచటి, తేలికైన దుస్తులకు ప్రాధాన్యం ఇవ్వడం మంచిది. అలాగే శరీరానికి బాగా అతుక్కుపోయే దుస్తుల కంటే కాస్త వదులుగా ఉండే దుస్తులు ధరించడం వల్ల తేమ, ఉక్కపోత నుంచి కొంత ఉపశమనం లభిస్తుంది. వర్షం కోసం రెయిన్‌కోట్‌.. పాదాలకు వాటర్‌ప్రూఫ్‌ షూస్‌! రెయిన్‌ సీజన్‌లో అకస్మాత్తుగా వర్షం పడే అవకాశం ఉన్నప్పుడు బ్యాగ్‌లో తేలికపాటి రెయిన్‌కోట్‌, గొడుగు ఉంచుకోవడం చాలా ముఖ్యం. బయట ఎక్కువగా తిరిగేవారు నీటిని తట్టుకునే పాదరక్షలు ఉపయోగించడం ఎంతో ముఖ్యం. తడిసిన దుస్తులను ఎక్కువసేపు ధరించకుండా వీలైనంత త్వరగా మార్చుకోవడం కూడా ముఖ్యం. వర్షాకాలంలో ఫ్యాషన్‌ కంటే త్వరగా ఆరిపోయే, తేలికైన, శరీరానికి సౌకర్యంగా ఉండే దుస్తులకే ప్రాధాన్యం ఇవ్వడం ఉత్తమం. కిరణ్ అబ్బవరం క్యూట్ ఫ్యామిలీ.. వెకేషన్ (ఫొటోలు) కొలంబియాను కుదిపేసిన రాకాసి భూకంపం..(ఫొటోలు) ‘అగధ’ మూవీ ప్రీ రిలీజ్‌ ఈవెంట్ లో మెరిసిన నటి కామాక్షి

హైదరాబాద్ నగర పరిధిలో భూముల విక్రయాల ద్వారా భారీగా ఆదాయం సమీకరించడమే ధ్యేయంగా హైదరాబాద్ మెట్రోపాలిటన్ డెవలప్‌మెంట్ అథారిటీ (HMDA)మరొక భారీ ఈ-వేలానికి శ్రీకారం చుట్టింది. అత్యంత ఖరీదైన కోకాపేట్‌లోని నియోపోలిస్, గోల్డెన్ మైల్ లేఅవుట్లలో ఉన్న విలువైన భూములతో పాటు నగరంలోని పలు ప్రాంతాల్లో ఉన్న ఖాళీ ప్లాట్లను విక్రయించడానికి అధికారులు నోటిఫికేషన్ సిద్ధం చేశారు. గతంలో డిసెంబర్ 2025లో నిర్వహించిన నియోపోలిస్ భూముల వేలంలో ఎకరానికి అత్యధికంగా రూ. 131 కోట్లు, రూ. 118 కోట్ల వరకు ధర పలికి హెచ్‌ఎండీఏకి సుమారు రూ. 1000 కోట్ల ఆదాయం సమకూరింది.అంతకుముందు వివిధ దశల్లో చేపట్టిన వేలం పాటల ద్వారా సుమారు రూ. 3,708 కోట్లు వచ్చాయి. గతంలో నమోదైన రికార్డు ధరలను ప్రాతిపదికగా తీసుకుంటూ.. ప్రస్తుతం నియోపోలిస్ లేఅవుట్‌లోని 4.59 ఎకరాల భూభాగానికి కనీస ధరగా ఎకరానికి రూ. 120 కోట్లుగా నిర్ణయించారు. అలాగే గోల్డెన్ మైల్ లేఅవుట్‌లోని 0.70 ఎకరాల భూమికి ఎకరానికి రూ. 70 కోట్ల ప్రారంభ ధరను నిర్ణయించారు. ఈ ప్రధాన రెండు లేఅవుట్లకు సెప్టెంబర్ 9న ఈ-వేలం జరగనుంది.ఈ వేలం ప్రక్రియ మొత్తం ఆగస్టు 24న ప్రారంభమై సెప్టెంబర్ 9 వరకు కొనసాగనుంది. కోకాపేట్ మాత్రమే కాకుండా నగర శివారులలో ఉన్న పలు రెసిడెన్షియల్ లేఅవుట్లలో కూడా భూములను హెచ్‌ఎండీఏ అమ్మకానికి ఉంచింది. కూకట్‌పల్లి సమీపంలోని హైదరాబాద్ నగర్, మోకిలా, బాచుపల్లి, కొత్తూర్ సమీపంలోని ఇన్ముల్‌నర్వ లేఅవుట్లతో పాటు బైరాగిగూడ, చందానగర్, సూరారం, కాప్రా, కిష్టారెడ్డిపేట్, సరూర్‌నగర్ ప్రాంతాల్లో ఖాళీగా ఉన్న ప్లాట్లను వేలంలో విక్రయించనున్నారు.ఈ వేలంలో భాగంగా మోకిలా లేఅవుట్‌లోని 300 నుంచి 500 చదరపు గజాల ప్లాట్లకు చదరపు గజానికి కనీస ధర రూ. 55 వేలు, బాచుపల్లి లేఅవుట్‌లోని ప్లాట్లకు రూ. 45 వేలుగా నిర్ణయించారు. అలాగే సూరారంలో ఉన్న 2,420 చదరపు గజాల ల్యాండ్ పార్సెల్‌కు గజానికి రూ. 75

మాస్ మహారాజ రవితేజ హీరోగా మజిలీ ఫేమ్ శివ నిర్వాణ దర్శకత్వంలో తెరకెక్కుతున్న చిత్రం ఇరుముడి. ఫ్యామిలి ఎమోషన్ డ్రామాగా తెరకెక్కుతున్నఈ సినిమా అయ్యప్ప స్వామి భక్తి నేపథ్యంతో వస్తుందేమోనని అభిమానులు భావించారు. అయితే ఈ కథాంశంపై దర్శకుడు శివ నిర్వాణ క్లారిటీ ఇస్తూ ‘ఇరుముడి’ అనేది శబరిమల యాత్రకు లేదా అయ్యప్ప స్వామి దర్శనానం, ఆధ్యాత్మిక భావనతో రూపొందించిన భక్తి చిత్రం కాదని, కథలో అంతకు మించిన ఒక బలమైన డ్రామా, థ్రిల్లింగ్ ఎలిమెంట్స్ తో రాబోతుందట. అయ్యప్ప మాల ధారణలో 41 రోజుల అయ్యప్ప దీక్ష అనేది ఒక ముఖ్యమైన భాగం. ఆ దీక్షకు ముందు హీరో జీవితంలో ఏం జరిగింది? దీక్ష సమయంలో ఎలాంటి పరిణామాలు ఎదురయ్యాయి? అనే అంశాలే కథ ముఖ్యభాగం. అప్పుడు జరిగే సంఘటనలు అత్యంత ఆసక్తికరంగా ప్రేక్షకులను ఉత్కంఠకు గురిచేసేలా ఉంటాయి. ఈ సినిమా బేసికల్‌గా ఒక భావోద్వేగపూరితమైన ఫ్యామిలీ డ్రామాగా ప్రారంభమవుతుంది. కానీ కథ ముందుకు సాగుతున్న కొద్దీ ప్రేక్షకులు అస్సలు ఊహించని ఒక కొత్త స్పేస్‌లోకి కథనం సాగుతుంది. నెమ్మదిగా మొదలై, సీట్ అంచున కూర్చోబెట్టే క్రైమ్ మిస్టరీ థ్రిల్లర్‌గా మారి ఆడియన్స్‌కు మైండ్ బెండింగ్ ఫీల్‌ను అందిస్తుంది. కథలో తర్వాత ఏం జరగబోతోందనే క్యూరియాసిటీ ఆద్యంతం ప్రేక్షకుడిని వెంటాడుతూనే ఉంటుంది. పూర్తి సీరియస్‌నెస్‌తో సాగే సన్నివేశాలు ప్రతి ఒక్కరినీ కథలో లీనం చేస్తాయి. అయితే ఈ ఉత్కంఠభరితమైన మిస్టరీ ప్రయాణం చివరకు ఎంతో అందమైన, హృదయానికి హత్తుకునే భావోద్వేగాలతో ముగుస్తుంది. థ్రిల్లింగ్ ఎలిమెంట్స్‌తో పాటు డీప్ ఎమోషన్స్ ఉన్న సినిమాలు కోరుకునే వారికి ‘ఇరుముడి’ ఒక ఫీస్ట్ లా అనిపిస్తుందని’ అన్నారు

AP EAPCET 2026 Seat Allotment: ఆంధ్రప్రదేశ్‌లో EAPCET 2026 (ఎంసెట్) కౌన్సెలింగ్‌కు సంబంధించిన తొలి దశ సీట్ల కేటాయింపు ప్రక్రియ పూర్తయింది. ఈ మేరకు అధికారులు ఫలితాలను విడుదల చేశారు. కౌన్సెలింగ్‌లో పాల్గొన్న అభ్యర్థులు అధికారిక AP EAPCET Website ద్వారా తమ అలాట్‌మెంట్‌ వివరాలను సులభంగా చెక్ చేసుకోవచ్చు. మెరిట్ ర్యాంక్, వెబ్ ఆప్షన్లు, రిజర్వేషన్ నిబంధనల ఆధారంగా ఈ సీట్లు కేటాయించబడ్డాయి. సీట్లు పొందిన విద్యార్థులు నిర్దేశిత గడువులోగా తగిన ప్రక్రియను పూర్తి చేయాలని అధికారులు స్పష్టం చేశారు. విద్యార్థులు ఆన్‌లైన్ సెల్ఫ్‌ రిపోర్టింగ్‌తో పాటు కేటాయించిన కాలేజీలో నేరుగా ఫిజికల్ రిపోర్టింగ్‌ చేయడం తప్పనిసరి. ఈ రిపోర్టింగ్‌ ప్రక్రియకు సంబంధించిన పూర్తి వివరాలను అభ్యర్థులు AP SCHE Portal ద్వారా తెలుసుకోవచ్చు. ఫలితాలు చెక్ చేసుకునే విధానం.. 1) ముందుగా అధికారిక AP EAPCET Website ఓపెన్ చేయాలి. 2) హోమ్‌పేజీలో ఉండే 'Candidate Login' ఆప్షన్‌ను ఎంచుకోవాలి. 3) లాగిన్ వివరాలు నమోదు చేసి సబ్మిట్ చేయాలి. 4) స్క్రీన్‌పై కనిపించే సీట్ల కేటాయింపు ఫలితాన్ని పరిశీలించి, అలాట్‌మెంట్ ఆర్డర్‌ను డౌన్‌లోడ్ చేసుకోవాలి. ముఖ్యమైన తేదీలు, నిబంధనలు.. సీటు పొందిన అభ్యర్థులు ఆన్‌లైన్, ఫిజికల్ రిపోర్టింగ్‌లను పూర్తి చేయాలి. ఈ ప్రక్రియకు సంబంధించి విద్యార్థులు Andhra Pradesh State Council of Higher Education సూచనలను పాటించవలసి ఉంటుంది. ఒకవేళ గడువులోగా ఈ రెండు విధానాలను పూర్తి చేయకపోతే కేటాయించిన సీటు రద్దు కానుంది. అంతేకాకుండా, తదుపరి విడత కౌన్సెలింగ్‌లో పాల్గొనే అవకాశం కూడా కోల్పోవాల్సి వస్తుంది. తొలి దశలో సీట్లు సాధించిన విద్యార్థులకు తరగతులు ప్రారంభమయ్యాయి. కాబట్టి విద్యార్థులు ఎలాంటి ఆలస్యం చేయకుండా వెంటనే రిపోర్టింగ్‌ ప్రక్రియను పూర్తి చేయాలని అధికారులు సూచిస్తున్నారు. పరీక్షల నిర్వహణ, కౌన్సెలింగ్, ఇతర అధికారిక సమాచారం కోసం విద్యార్థులు ఎల్లప్పుడూ AP EAPCET Official Portalను మాత్రమే సందర్శించాలి. సోషల్

తెలంగాణా ప్రభుత్వం అత్యంత ప్రతిష్టాత్మకంగా ఇందిరమ్మ ఇళ్ళ నిర్మాణం చేపట్టింది. ఈ క్రమంలో స్థలం ఉన్నవారికి ఇల్లు నిర్మించుకోవటానికి ఆర్ధిక సహాయం చేస్తూనే,స్థలం లేనివారికి అపార్ట్ మెంట్ లను నిర్మిస్తోంది. ఈక్రమంలో హైదరాబాద్ లో ఇందిరమ్మ ఇళ్ళకు , ఇందిరమ్మ ఇళ్ళ టవర్స్ కు దరఖాస్తులను ఆహ్వానించింది తెలంగాణా ప్రభుత్వం. అయితే ఊహించని విధంగా భారీగా ఈ స్కీమ్ కు ప్రజల నుండి దరఖాస్తులు వెల్లువగా మారాయి.హైదరాబాద్ ఇందిరమ్మ ఇళ్ళ దరఖాస్తులకు నేడే చివరి తేదీహైదరాబాద్‌లో ఇందిరమ్మ ఇళ్ల పథకానికి భారీగా అప్లై చేసుకుంటున్న ప్రజలు తమకు ఒక గూడు కోసం ప్రాంతాల వారీగా క్యూ కడుతున్నారు. హైదరాబాద్ క్యూర్ పరిధిలోని 16 అసెంబ్లీ నియోజకవర్గాల్లో నిర్మించనున్న 7,340 ఇళ్ల కోసం దరఖాస్తులు స్వీకరిస్తున్నారు. అయితే శనివారం నాటికి 35,125దరఖాస్తులు వచ్చాయని తెలంగాణ హౌసింగ్ బోర్డు వైస్ ఛైర్మన్ వీపీ గౌతమ్ తెలిపారు.ఆగస్టు 10వతేదీ వరకు దరఖాస్తు చేసుకునే అవకాశం ఉందని ఆయన స్పష్టం చేశారు.కేవలం 6 లక్షల రూపాయలకే దాదాపు 50 లక్షల దాకా విలువ చేసే ఫ్లాట్ లు అర్హులైన వారు ఈ అవకాశాన్ని సద్వినియోగం చేసుకోవాలని ఆయన కోరారు. సందేహాలు ఉంటే 040-24603572 నంబరుకు కాల్ చేయవచ్చని పేర్కొన్నారు.ఈ పథకం కింద మార్కెట్‌లో 30 నుంచి 58 లక్షల వరకు ఉండే ఫ్లాట్లను కేవలం 6 లక్షల రూపాయలకే ఇస్తున్నట్టు తెలిపారు. లబ్ధిదారులకు రిజిస్ట్రేషన్ కూడా చేసి ఇస్తామని పేర్కొన్నారు. వారికి ప్రస్తుతం నివసిస్తున్న నియోజకవర్గంలోనే ఇల్లు పొందే అవకాశం ఉంటుందని కూడా ఆయన తెలిపారు.ఇల్లు రాకుంటే ఆ పదివేలు తిరిగి ఇవ్వనున్న సర్కార్ దరఖాస్తు సమయంలో కుల, ఆదాయ సర్టిఫికెట్లు అవసరం లేదని, ఇల్లు కేటాయించకపోతే దరఖాస్తుతో పాటు ఇచ్చిన రూ.10,000 ధరావతు ఫీజు తిరిగి ఇస్తారని తెలిపారు.లాటరీ ప్రక్రియను ఆగస్టు 20వ తేదీ నుంచి ప్రారంభించాలని ప్రాథమికంగా నిర్ణయించినట్టు చెప్తున్నారు.

మలేషియా ఎయిర్‌లైన్స్ విమానానికి తప్పిన ప్రమాదం 159 మందితో వస్తున్న విమానంపై లేజర్ లైటింగ్ ఎఫెక్ట్ లేజర్ లైటింగ్ కారణంగా ల్యాండింగ్ ఆలస్యం, గాల్లోనే చక్కర్లు Kolkata Airport : కోల్‌కతా విమానాశ్రయంలో మలేషియా ఎయిర్‌లైన్స్ విమానం ల్యాండింగ్ అయ్యే సమయంలో అంతరాయం ఏర్పడింది. కాక్‌పిట్ వైపు లేజర్ లైటింగ్ పడటంతో విమానం గాల్లోనే చక్కర్లు కొట్టాల్సి వచ్చింది. కౌలాలంపూర్ నుంచి 159 మందితో వస్తున్న మలేషియా ఎయిర్‌లైన్స్ విమానం MH-184 శనివారం రాత్రి నేతాజీ సుభాష్ చంద్ర బోస్ అంతర్జాతీయ విమానాశ్రయంలో ల్యాండింగ్ కావాల్సి ఉంది. విమానాశ్రయ వర్గాల ప్రకారం.. కాక్‌పిట్ వైపు లేజర్ లైటింగ్ వల్ల పైలట్ దృష్టి మరలింది. వాస్తవానికి, శనివారం రాత్రి 11:20 గంటలకు విమానం ల్యాండ్ కావాల్సి ఉంది. విమానాశ్రయ రన్‌వేకు సుమారు 8 నాటికల్ మైళ్ల దూరంలో విమానం ఉన్నప్పుడు మధ్యమ్‌గ్రామ్-బరసాత్ దిశ నుంచి కాక్‌పిట్ వైపు లేజర్ లైటింగ్ పడినట్టు పైలట్ గమనించాడని సంబంధిత వర్గాలు తెలిపాయి. చివరికి సేఫ్ ల్యాండింగ్ : లేజర్ నుంచి ఒక్కసారిగా వచ్చిన కాంతి కారణంగా పైలట్ క్షణకాలం పాటు అయోమయంగా అనిపించింది. దాంతో విమానం అనుకున్న సమయానికి ల్యాండ్ అవ్వలేకపోయింది. మరోసారి ల్యాండ్ చేసేందుకు ప్రయత్నించే ముందు గాలిలో చక్కర్లు కొట్టాల్సి వచ్చింది. చివరకు రాత్రి సుమారు 11:25 గంటలకు విమానం సేఫ్ ల్యాండ్ అయింది. ప్రయాణీకులు, సిబ్బంది అందరూ క్షేమంగా ఉన్నట్లు అధికారులు వెల్లడించారు. Read Also : Moto G06 Power Price : ఇది కదా డిస్కౌంట్.. ఈ మోటోరోలా G06 పవర్ ఫోన్ జస్ట్ రూ. 14వేలకే.. ఘటనపై పోలీసులకు ఫిర్యాదు : ఈ ఘటన అనంతరం.. విమానయాన సంస్థ విమానాశ్రయ అధికారులకు సమాచారం అందించింది. కోల్‌కతా విమానాశ్రయ యంత్రాంగం కూడా నేతాజీ సుభాష్ చంద్ర బోస్ అంతర్జాతీయ విమానాశ్రయ పోలీస్ స్టేషన్‌లో ఫిర్యాదు చేసినట్లు వర్గాలు చెబుతున్నాయి. విమానాశ్రయం పరిసరాల్లో

చెక్ బౌన్స్ కేసులో బీఆర్‌ఎస్ మాజీ ఎమ్మెల్యే పైలట్ రోహిత్ రెడ్డి కి హైదరాబాద్ కోర్టు భారీ షాక్ ఇచ్చింది. పైలట్ రోహిత్ రెడ్డి ఇచ్చిన రూ.34.23 లక్షల విలువైన చెక్ చెల్లకపోవడంతో నమోదైన క్రిమినల్ కేసులో ఆయనను కోర్టు దోషిగా తేల్చింది. ఆగస్ట్ 7వ తేదీన హైదరాబాద్‌లోని ఫస్ట్ జ్యుడీషియల్ మేజిస్ట్రేట్ ఆఫ్ ఫస్ట్ క్లాస్ మున్సిపల్ కోర్టు జడ్జి ఖుష్బూ ఉపాధ్యాయ్ ఈ తీర్పును వెలువరించారు. ఈ చెక్ బౌన్స్ కేసును ఇన్‌ఫ్రాస్ట్రక్చర్ సంస్థ ఇంటెల్లిడెక్స్ ప్రైవేట్ లిమిటెడ్ తరఫున దాని ప్రతినిధి 2015లో దాఖలు చేశారు.2015కు ముందు రోహిత్ రెడ్డి ఆ సంస్థకు డైరెక్టర్‌గా ఉన్న సమయంలో సంస్థ వనరులతోపాటు.. సిబ్బందిని తన పర్సనల్ బిజినెస్ వ్యవహారాలకు వినియోగించారని.. దానివల్ల కంపెనీకి ఆర్థిక నష్టం వాటిల్లిందని ఫిర్యాదులో ఆ సంస్థ ఆరోపించింది. కంపెనీ యాజమాన్యానికి ఈ వ్యవహారం తెలిసిన తర్వాత రోహిత్ రెడ్డిని ప్రశ్నించారని.. ఆ తర్వాత అడ్వైజరీ ఫీజు మొత్తాన్ని చెల్లించేందుకు ఆయన అంగీకరించినట్లు కోర్టు తీర్పులో పేర్కొంది. ఈ నేపథ్యంలోనే 2014 ఫిబ్రవరి 7వ తేదీన సంస్థ డైరెక్టర్ పదవికి పైలట్ రోహిత్ రెడ్డి రాజీనామా చేసినట్లు వెల్లడించింది.ఆ తర్వాత ఆర్థిక బకాయిల పరిష్కారానికి ఒప్పందం కుదిరిందని.. మొత్తం రూ.34.23 లక్షలు చెల్లించేందుకు అంగీకరించిన పైలట్ రోహిత్ రెడ్డి 2014 ఆగస్టు 1వ తేదీన అవగాహన ఒప్పందం కుదుర్చుకున్నట్లు తీర్పులో ఉంది. ఈ మొత్తానికి సంబంధించి 2014 సెప్టెంబర్ 25వ తేదీన రోహిత్ రెడ్డి చెక్ జారీ చేసినట్లు కోర్టు పేర్కొంది. అయితే ఆ చెక్ 2014 అక్టోబర్ నుంచి డిసెంబర్ మధ్య 3 సార్లు బ్యాంకులో సమర్పించగా.. అకౌంట్‌లో తగినంత నిధులు లేకపోవడంతో క్లియర్ కాలేదని తెలిపింది. ఆ తర్వాత బకాయి మొత్తాన్ని చెల్లించాలని కోరుతూ పంపించిన న్యాయపరమైన నోటీసును స్వీకరించేందుకు రోహిత్ రెడ్డి నిరాకరించినట్లు ఫిర్యాదుదారు తన ఫిర్యాదులో పేర్కొన్నారు. దీంతో 2015లో క్రిమినల్

హైదరాబాద్‌ క్యూర్‌ పరిధిలో నిర్మించనున్న ఇందిరమ్మ ఇళ్ల టవర్స్‌కు భారీ స్పందన లభిస్తోంది. 16 నియోజకవర్గాల్లో నిర్మించనున్న 7,340 ఇళ్ల కోసం శనివారం వరకు ఏకంగా 35,125 దరఖాస్తులు వచ్చినట్లు హౌసింగ్‌ బోర్డు వైస్‌ ఛైర్మన్‌ వి.పి. గౌతమ్‌ వెల్లడించారు. దరఖాస్తుల స్వీకరణ ప్రక్రియను ఈ నెల 10 వరకు కొనసాగించనున్నట్లు తెలిపారు. దీంతో చివరి గడువులో మరిన్ని దరఖాస్తులు వచ్చే అవకాశం ఉంది. ఇందిరమ్మ ఇళ్ల టవర్స్‌లో లబ్ధిదారుల ఎంపికను పారదర్శకంగా నిర్వహించేందుకు లాటరీ విధానాన్ని అనుసరించనున్నారు. ఆగస్టు 20న లాటరీ నిర్వహించాలని ప్రాథమికంగా నిర్ణయించినట్లు గౌతమ్‌ తెలిపారు. దరఖాస్తుల పరిశీలన, అర్హతల నిర్ధారణ అనంతరం తుది లబ్ధిదారుల ఎంపిక ప్రక్రియ చేపట్టనున్నారు. ఎంపిక ప్రక్రియలో అర్హత ఉన్నవారికే ఇళ్ల కేటాయింపు జరిగేలా చర్యలు తీసుకోనున్నారు.ఎంపికైన లబ్ధిదారులకు ఏడాదిలోపు ఇళ్లను నిర్మించి అందజేయాలని లక్ష్యంగా పెట్టుకున్నట్లు హౌసింగ్‌ బోర్డు అధికారులు తెలిపారు. దరఖాస్తు సమయంలో చెల్లించిన రూ.10 వేల ధరావతు ఫీజుపై కూడా అధికారులు స్పష్టత ఇచ్చారు. ఇల్లు కేటాయించని దరఖాస్తుదారులకు ఆ మొత్తాన్ని తిరిగి చెల్లిస్తామని వెల్లడించారు. దీంతో దరఖాస్తుదారుల్లో నెలకొన్న అనుమానాలకు ప్రభుత్వం స్పష్టత ఇచ్చినట్లయింది. నియోజకవర్గాల వారీగా చూస్తే కూకట్‌పల్లి నుంచి అత్యధికంగా 5,233 దరఖాస్తులు వచ్చాయి. ఆ తర్వాత ఖైరతాబాద్‌ నుంచి 4,394, కుత్బుల్లాపూర్‌ నుంచి 4,121, నాంపల్లి నుంచి 3,613 దరఖాస్తులు నమోదయ్యాయి. మలక్‌పేటలో 2,846, శేరిలింగంపల్లిలో 2,530, అంబర్‌పేటలో 2,357 దరఖాస్తులు వచ్చాయి. కార్వాన్‌లో 1,574, రాజేంద్రనగర్‌లో 1,496, సికింద్రాబాద్‌ కంటోన్మెంట్‌లో 1,374, మేడ్చల్‌లో 1,153, బహదూర్‌పురలో 1,135, సనత్‌నగర్‌లో 1,046, మల్కాజిగిరిలో 1,033 దరఖాస్తులు నమోదయ్యాయి. ఇబ్రహీంపట్నంలో 749, మహేశ్వరంలో 471 దరఖాస్తులు వచ్చాయి.16 నియోజకవర్గాల్లో అందుబాటులో ఉన్న 7,340 ఇళ్లతో పోలిస్తే దరఖాస్తుల సంఖ్య ఇప్పటికే నాలుగున్నర రెట్లు దాటింది. దీంతో లాటరీ ద్వారా ఎంపిక ప్రక్రియపై దరఖాస్తుదారుల్లో ఆసక్తి నెలకొంది. దరఖాస్తులకు సంబంధించిన సందేహాల నివృత్తి కోసం 040-24603572 నంబర్‌లో

బీఆర్ఎస్ నేత, తాండూరు మాజీ ఎమ్మెల్యే పైలట్ రోహిత్ రెడ్డికి హైదరాబాద్ కోర్టులో చుక్కెదురైంది. దాదాపు దశాబ్ద కాలం నాటి చెక్ బౌన్స్ కేసులో ఆయనను దోషిగా నిర్ధారిస్తూ, న్యాయస్థానం నాన్-బెయిలబుల్ వారెంట్ జారీ చేసింది.ఇంటెల్లిడెక్స్ ప్రైవేట్ లిమిటెడ్ అనే సంస్థకు సంబంధించిన రూ. 34.23 లక్షల చెక్ బౌన్స్ కేసులో ఈ తీర్పు వెలువడింది. 2015లో రోహిత్ రెడ్డి ఆ కంపెనీలో డైరెక్టర్‌గా ఉన్న సమయంలో, సంస్థ వనరులను తన వ్యక్తిగత వ్యాపారాలకు వినియోగించి నష్టం కలిగించారనే ఆరోపణలు వచ్చాయి. ఈ వివాద పరిష్కారానికి ఇరుపక్షాల మధ్య కుదిరిన అవగాహన ఒప్పందంలో భాగంగా 2014 సెప్టెంబర్ 25న రోహిత్ రెడ్డి సదరు సంస్థకు చెక్కును అందజేశారు.అయితే, ఖాతాలో సరిపడా నిధులు లేకపోవడంతో ఆ చెక్ 2014 అక్టోబర్, డిసెంబర్ మధ్య మూడుసార్లు బౌన్స్ అయింది. దీనిపై సంస్థ పంపిన లీగల్ నోటీసులకు రోహిత్ రెడ్డి స్పందించకపోవడంతో వారు న్యాయస్థానాన్ని ఆశ్రయించారు. ఈ కేసుపై సుదీర్ఘ విచారణ జరిపిన హైదరాబాద్ మొదటి జ్యుడీషియల్ మేజిస్ట్రేట్ (మున్సిపల్ కోర్టు), నెగోషియబుల్ ఇన్‌స్ట్రుమెంట్స్ యాక్ట్ సెక్షన్ 138 కింద రోహిత్ రెడ్డిని దోషిగా నిర్ధారించింది.తీర్పు వెలువడే సమయంలో రోహిత్ రెడ్డి కోర్టుకు హాజరుకాకపోవడంతో న్యాయమూర్తి ఆయనపై నాన్-బెయిలబుల్ వారెంట్ జారీ చేశారు. పోలీసులు ఆయన్ను అరెస్టు చేసి కోర్టులో హాజరుపరిచిన అనంతరం శిక్షాకాలాన్ని ఖరారు చేయనున్నారు