Crisis News

Faced with a major crisis, Saudi Arabia is covertly seeking Israeli military intelligence to counter Houthi threats near the Red Sea. యెమన్‌లో హౌతీల ఆధిపత్యం పెరుగుతున్న నేపథ్యంలో సౌదీ అరేబియా దౌత్యపరమైన మలుపు తీసుకుంది.

ఆగస్టు నెల అంటేనే వర్షాలు, పచ్చదనంతో ప్రశాంతంగా ఉండాల్సిన సమయం. కానీ, ఈ ఏడాది పరిస్థితి బొత్తిగా మారపోయింది! భానుడి భగభగలకు 125 సంవత్సరాల వాతావరణ చరిత్ర తలకిందులైంది. పగలు, రాత్రి అనే తేడా లేకుండా ఉష్ణోగ్రతలు అమాంతం పెరిగిపోవడంతో దేశవ్యాప్తంగా కరెంట్ వాడకం అనూహ్యంగా పెరిగింది. ఫలితంగా గత ఐదేళ్లలోనే ఎన్నడూ లేని విధంగా ఆగస్టు నెలలో విద్యుత్ వినియోగం సరికొత్త రికార్డులను తిరగరాసింది. ఒకవైపు రికార్డు స్థాయి ఉష్ణోగ్రతలు, మరోవైపు ఏకిపారేస్తున్న విద్యుత్ డిమాండ్‌తో దేశంలోని విద్యుత్ సరఫరా వ్యవస్థ తీవ్రమైన ఒత్తిడికి గురవుతోంది.వాతావరణ శాఖ గణాంకాల ప్రకారం 1901 తర్వాత.. అంటే గత 125 సంవత్సరాలలో భారతదేశంలో నమోదైన అత్యంత వేడి కలిగిన ఆగస్టు నెలగా ఈ ఏడాది ఆగస్టు నిలిచింది. పగటి పూట ఎండలతో పాటు రాత్రి పూట కూడా సగటు కనిష్ట ఉష్ణోగ్రతలు అత్యధికంగా నమోదు కావడం గమనార్హం. ఉక్కపోత, తేమ శాతం తీవ్రంగా పెరగడంతో ఇళ్లల్లో ఏసీలు, కూలర్లు, ఫ్యాన్లు నిరంతరాయంగా నడవాల్సిన పరిస్థితి ఏర్పడింది. సాధారణంగా రాత్రిపూట కరెంట్ వాడకం తగ్గుతుందని భావిస్తారు, కానీ ఈసారి రాత్రివేళల్లో కూడా ఏసీల వాడకం విపరీతంగా పెరగడం విద్యుత్ డిమాండ్ ఒక్కసారిగా పెరిగిపోవడానికి ప్రధాన కారణమైంది.గత ఐదేళ్ల రికార్డులన్నీ గాల్లోకి!కేంద్ర విద్యుత్ ప్రాధికార సంస్థ మరియు ఎన్‌ఎల్‌డీసీ లెక్కల ప్రకారం.. ఈ ఏడాది ఆగస్టులో గరిష్ట విద్యుత్ డిమాండ్ ఏకంగా 258.27 గిగావాట్లకు చేరింది. గత ఏడాది ఆగస్టులో నమోదైన 229.72 గిగావాట్లతో పోలిస్తే ఇది ఏకంగా 12.4 శాతం ఎక్కువ. ఇక మొత్తం కరెంట్ వినియోగం చూసుకుంటే 169.01 బిలియన్ యూనిట్లకు చేరుకుని 12.85 శాతానికి పైగా వృద్ధిని నమోదు చేసింది. మే నెలలో నమోదైన ఆల్ టైమ్ హై (270.82 GW) తర్వాత, ఈ స్థాయిలో కరెంట్ డిమాండ్ పెరగడం ఇదే తొలిసారి కావడం గమనార్హం.ఎల్ నినో దెబ్బకు అమెజాన్, దాని ఉప నదులు

మన భూగోళంపై ఉష్ణోగ్రతలు ఊహించని రీతిలో మండిపోతున్నాయి. ఇన్నాళ్లూ మనం అనుకున్న ప్రమాద ఘంటికలు దాదాపు దగ్గరపడ్డాయి. రాబోయే కొద్ది సంవత్సరాల్లోనే భూమి సగటు ఉష్ణోగ్రత 1.5 డిగ్రీల సెల్సియస్ పరిమితిని దాటేస్తుందని ఐక్యరాజ్యసమితి (యుఎన్‌ఈపీ) సరికొత్త నివేదిక ద్వారా అత్యంత తీవ్రమైన హెచ్చరికలు జారీ చేసింది. పారిస్ ఒప్పందం పెట్టుకున్న లక్ష్యం దాటిపోతుండటం ఖాయమని తేలిన నేపథ్యంలో.. ఇకపై ఉష్ణోగ్రతల పెంపుదల వ్యవధిని ఎంత తగ్గించగలమనే దానిపైనే ప్రపంచ దేశాలు దృష్టి పెట్టాలని పిలుపునిచ్చింది. లక్ష్యం దాటినా సరే.. ధైర్యం కోల్పోకుండా ఉష్ణోగ్రతలను మళ్లీ తగ్గించే దిశగా పటిష్టమైన చర్యలు చేపట్టాల్సిన అత్యవసర పరిస్థితి ఏర్పడింది.ఉష్ణోగ్రతలు 1.5 డిగ్రీలు దాటిపోయే కాలాన్ని వీలైనంత తక్కువగా, చిన్నదిగా మార్చడమే ఇప్పుడు మన ముందున్న ఏకైక మార్గమని ఐరాస ప్రధాన కార్యదర్శి ఆంటోనియో గుటెర్రెస్ తేల్చిచెప్పారు. ఈ వేసవిలో నమోదైన దారుణమైన ఎండలు, భయంకరంగా వ్యాపించిన అడవుల కార్చిచ్చు, ఆకస్మిక వరదలే భవిష్యత్తులో భూమి ఎంత దారుణంగా మారబోతోందో చెప్పే నమూనా అని ఆయన ఆందోళన వ్యక్తం చేశారు. కేవలం 1.5 డిగ్రీలు దాటడమంటే ప్రపంచం అక్కడితో అంతమైపోతుందని కాదని, అయితే ప్రతి అర డిగ్రీ పెరుగుదల మానవాళిపై తీవ్ర ప్రభావం చూపుతుందని ఐరాస స్పష్టం చేసింది.వాతావరణంలో ముంచుకొస్తున్న విపత్తులుఒకవేళ ఉష్ణోగ్రత పెరుగుదల 1.8 డిగ్రీలకు చేరుకుంటే మాత్రం కోలుకోలేని నష్టాలు ఎదురవుతాయని నిపుణులు హెచ్చరిస్తున్నారు. తుపానులు, కరువులు తీవ్రతరం కావడం, ఆహారం-తాగునీటి కొరత ఏర్పడటం, మంచు పర్వతాలు కరిగి సముద్ర మట్టాలు పెరగడం వంటివి తీర ప్రాంత ప్రజలను శరణార్థులుగా మార్చే ప్రమాదం ఉందన్నారు. ప్రపంచంలో అత్యంత వినాశకరమైన రీతిలో అమెజాన్ అడవులు దెబ్బతినడం, సముద్ర ప్రవాహాలు మారిపోవడం వంటి సంచలన మార్పులు చోటుచేసుకునే అవకాశం ఉందని నివేదిక వెల్లడించింది.విశ్వంలో మరో రెండు కొత్త గ్రహాలు.. శాస్త్రవేత్తల మైండ్ బ్లాకింగ్ న్యూస్!బొగ్గు, పెట్రోల్ వినియోగానికి చెక్.. కార్బన్ నిర్మూలన తప్పనిసరి!భూమి ఉష్ణోగ్రతను మళ్లీ సాధారణ

ఇంటర్నెట్‌ డెస్క్‌: రష్యా-ఉక్రెయిన్‌ మధ్య మరోసారి ఉద్రిక్త పరిస్థితులు కొనసాగుతున్నాయి. ఈ క్రమంలో ఉక్రెయిన్‌ అధ్యక్షుడు జెలెన్‌స్కీ (Zelenskyy) విమానయాన సంస్థలు, ప్రయాణికులకు హెచ్చరికలు చేశారు. రష్యాపై అతిపెద్ద డ్రోన్‌ దాడులు చేపట్టడానికి సిద్ధమైనట్లు ప్రకటించారు. ఏ క్షణమైనా డ్రోన్లు ప్రయోగించే అవకాశం ఉందని.. రష్యా గగనతలం (Russian Airspace) పౌర విమానయానానికి సురక్షితం కాదని పేర్కొన్నారు. ఎవరూ ఆ ప్రాంతంలో ప్రయాణించొద్దని సూచించారు. మాస్కోలోని విమానాశ్రయాలను కూడా లక్ష్యంగా చేసుకునే అవకాశం ఉందన్నారు. పౌర విమానాలు తమ టార్గెట్‌ కాదని.. అందుకే ఈ బహిరంగ ప్రకటన చేశామన్నారు. విదేశీ ప్రభుత్వాలు, విమానయాన సంస్థలు ఈ పరిస్థితిని తీవ్రంగా పరిగణించాలని జెలెన్‌స్కీ కోరారు. దాడుల నేపథ్యంలో రష్యా తమ గగనతలాన్ని మూసివేసే అవకాశం ఉందన్నారు. వారు ప్రారంభించిన యుద్ధం వల్లే ఆ దేశానికి ఈ పరిస్థితి ఎదురయ్యిందని పేర్కొన్నారు. జెలెన్‌స్కీ ప్రకటనపై రష్యా అధ్యక్షుడు పుతిన్‌ (Putin) మండిపడ్డారు. వారు ఉగ్రవాదుల్లా ప్రవర్తిస్తున్నారని ఆగ్రహం వ్యక్తం చేశారు. చర్చలు పునఃప్రారంభించాలని తమపై ఎంత ఒత్తిడి చేసినా.. ఉగ్రవాదులతో చర్చలు జరపడానికి సిద్ధంగా లేమని స్పష్టం చేశారు. కాగా మంగళవారం రాత్రి కీవ్‌పై రష్యా చేసిన దాడుల్లో 12మంది ప్రాణాలు కోల్పోగా.. పలువురు గాయపడ్డారు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు

పోలవరం జిల్లాలోని గొల్లగుప్ప గ్రామంలో మలేరియా నివారణ మందుల (క్లోరోక్విన్) వికటన ఘటన తీవ్ర కలకలం రేపింది. సంఘటనపై ముఖ్యమంత్రి నారా చంద్రబాబు నాయుడు, వైద్య ఆరోగ్య శాఖ మంత్రి సత్యకుమార్ యాదవ్ వెంటనే స్పందించి ఉన్నతాధికారులతో వేర్వేరుగా అత్యవసర సమీక్ష నిర్వహించారు. మందులు వికటించి ఒక బాలిక మృతి చెందిందనే సమాచారం అందుకోవడంతో సీఎం చంద్రబాబు జిల్లా కలెక్టర్ దినేష్ కుమార్, వైద్య ఆరోగ్య శాఖ ఉన్నతాధికారులతో ఫోన్‌లో మాట్లాడి పరిస్థితులను స్వయంగా సమీక్షించారు. బాధితులకు తక్షణమే అత్యుత్తమ వైద్యం అందించాలని, ఘటనపై సమగ్ర విచారణ జరిపించాలని సీఎంతో పాటు మంత్రి స్పష్టమైన ఆదేశాలు జారీ చేశారు.గ్రామంలో మొత్తం 71 మందికి మలేరియా నివారణ మందులు పంపిణీ చేయగా, వాటి ప్రభావంతో పలువురు అస్వస్థతకు గురయ్యారు. విషయం తెలిసిన వెంటనే అధికారులు అప్రమత్తమై గ్రామంలో అత్యవసర మెడికల్ క్యాంప్ ఏర్పాటు చేశారు. అస్వస్థతకు గురైన వారిలో 47 మంది చిన్నారులతో సహా మొత్తం 52 మందికి తెలంగాణలోని భద్రాచలం ఏరియా ఆసుపత్రిలో ప్రత్యేక చికిత్స అందిస్తున్నారు. మరో 24 మందికి స్థానిక లక్ష్మీపురం పీహెచ్‌సీలో వైద్య సేవలు అందిస్తున్నారు. పొరుగు రాష్ట్రంలో ఉన్న భద్రాచలం ఆసుపత్రికి చింతూరు ఐటీడీఏ పీవో, ఏఎస్పీ సహా ఇతర అధికారులు స్వయంగా వెళ్లి బాధితుల ఆరోగ్య పరిస్థితిని పర్యవేక్షిస్తున్నారు. డయేరియా పంజా: ముగ్గురు మృతి, 76 మందికి అస్వస్థతఅసత్య ప్రచారాలు నమ్మొద్దు!భద్రాచలం ఆసుపత్రిలో చికిత్స పొందుతున్న 52 మందికి మలేరియా ఆర్‌డీటీ పరీక్షలు నిర్వహించగా, వారిలో ఆరుగురికి మలేరియా పాజిటివ్‌గా తేలిందని వైద్యులు వెల్లడించారు. పాజిటివ్ వచ్చిన వారందరికీ తగిన యాంటీ మలేరియా చికిత్సను ప్రారంభించినట్లు మంత్రి సత్యకుమార్‌కు అధికారులు నివేదించారు. ముందు జాగ్రత్త చర్యగానే బాధితులందరినీ మెరుగైన వైద్యం కోసం దగ్గర్లోని ఏరియా ఆసుపత్రికి తరలించామని, ప్రస్తుతం వారందరి ఆరోగ్య పరిస్థితి పూర్తి నిలకడగా ఉందని స్పష్టం చేశారు. ఈ ఘటనలో ఇద్దరు చనిపోయారంటూ వస్తున్న

ఇంగ్లండ్‌తో టెస్టు సిరీస్‌లో ఇప్పటికే 0-2తో వెనుకబడిన పాకిస్థాన్‌కు మరో షాక్‌ తగిలింది. మూడో టెస్టులోనైనా పరువు దక్కించుకోవాలని చూస్తున్న ఆ జట్టుకు కెప్టెన్‌ బాబర్‌ ఆజమ్‌ అనారోగ్యానికి గురికావడం కొత్త తలనొప్పిగా మారింది. ఇంటర్నెట్ డెస్క్: ఇంగ్లండ్‌తో టెస్టు సిరీస్‌లో ఇప్పటికే 0-2తో వెనుకబడిన పాకిస్థాన్‌కు మరో షాక్‌ తగిలింది. మూడో టెస్టులోనైనా పరువు దక్కించుకోవాలని చూస్తున్న ఆ జట్టుకు కెప్టెన్‌ బాబర్‌ ఆజమ్‌ అనారోగ్యానికి గురికావడం కొత్త తలనొప్పిగా మారింది. బాబర్‌కు జ్వరం వచ్చినట్లు సమాచారం. దీంతో కీలక మ్యాచ్‌కు ముందు పాక్‌ శిబిరంలో ఆందోళన నెలకొంది. అయితే బాబర్‌ ఆరోగ్యంపై ఎలాంటి భయాందోళనలు అవసరం లేదని పాక్‌ జట్టు మేనేజర్‌ నవీద్‌ అక్రమ్‌ చీమా తెలిపారు. బాబర్‌కు జ్వరం ఉన్నప్పటికీ.. ఫిట్‌గానే ఉన్నాడని, త్వరగా కోలుకుంటాడని వెల్లడించారు. లార్డ్స్‌ వేదికగా జరిగిన రెండో టెస్టులో బాబర్‌ ఆజమ్‌ బ్యాట్‌తో పూర్తిగా విఫలమయ్యాడు. తొలి ఇన్నింగ్స్‌లో 8 పరుగులు, రెండో ఇన్నింగ్స్‌లో కేవలం 6 పరుగులకే పెవిలియన్‌కు చేరాడు. ఈ మ్యాచ్‌లో పాకిస్థాన్‌ ఏకంగా 194 పరుగుల తేడాతో ఓటమి పాలైంది. ఇక తొలి టెస్టుకు గాయం కారణంగా బాబర్‌ దూరమయ్యాడు. అతడి స్థానంలో సల్మాన్‌ అలీ అఘా పాక్‌ జట్టుకు కెప్టెన్‌గా వ్యవహరించాడు. రెండో టెస్టులో బాబర్ తిరిగి జట్టులోకి వచ్చాడు. కాగా మూడో టెస్టుకు ముందు మళ్లీ అనారోగ్యం పాలవ్వడం చర్చనీయాంశమైంది. పాకిస్థాన్‌ మాజీ కెప్టెన్‌ మిస్బా ఉల్‌ హక్‌ కూడా జాతీయ సెలక్షన్‌ కమిటీ నుంచి తప్పుకోవాలని నిర్ణయించుకున్నాడు. టెస్టు జట్టు, కోచింగ్‌ సిబ్బందిలో పీసీబీ భారీ మార్పులు చేయడాన్ని నిరసిస్తూ ఆయన తన రాజీనామాను సమర్పించినట్లు సమాచారం. అయితే మిస్బా రాజీనామాను పీసీబీ ఇంకా ఆమోదించలేదని తెలుస్తోంది. అంతేకాకుండా లాహోర్‌లోని నేషనల్‌ క్రికెట్‌ అకాడమీలో బ్యాటింగ్‌ కన్సల్టెంట్‌గా ఉన్న బాధ్యతల నుంచి కూడా తప్పుకోవాలని మిస్బా నిర్ణయించుకున్నట్లు సమాచారం. ఇలా ఓవైపు వరుస ఓటములు.. మరోవైపు

ఐక్యరాజ్యసమితి సంచలన నివేదిక వెలువరించింది. సముద్ర మట్టాల పెరుగుదలతో ముంబై, కోల్‌కతాలకు పెను ప్రమాదం పొంచి ఉందని పేర్కొంది. ఆయా నగరాల్లోని లక్షలాదిమంది నిరాశ్రయులయ్యే అవకాశం ఉందని హెచ్చరించింది. ఆంధ్రజ్యోతి, సెప్టెంబర్ 1: సముద్ర మట్టాలు వేగంగా పెరుగుతుండటంతో భారత్‌లోని కోల్‌కతా, ముంబై నగరాలతో పాటు దక్షిణాసియాలోని దాదాపు 1.4 కోట్లకు పైగా ప్రజలు తమ ఇళ్లను, నివాసాలను కోల్పోయే తీవ్ర ప్రమాదంలో ఉన్నారని ఐక్యరాజ్యసమితి (UN) హెచ్చరించింది. ఐరాస సెక్రటరీ జనరల్ సమర్పించిన 'సముద్ర మట్టాల పెరుగుదల - ఎదుర్కొంటున్న సవాళ్లు, పరిష్కార మార్గాలు' అనే నివేదికలో ఈ దిగ్భ్రాంతికర విషయాలను వెల్లడించారు. తీవ్రమవుతున్న ముప్పు: మానవ తప్పిదాల వల్ల జరుగుతున్న గ్లోబల్ వార్మింగ్, గ్లేసియర్లు కరగడం, మహాసముద్రాలు వేడెక్కడం వల్ల చరిత్రలో ఎన్నడూ లేనంత వేగంగా సముద్ర మట్టాలు పెరుగుతున్నాయని ఐరాస స్పష్టం చేసింది. 1.4 కోట్ల మంది ఇళ్లకి ముప్పు: దక్షిణాసియాలోని లోతట్టు డెల్టా ప్రాంతాలైన కోల్‌కతా, ముంబై, ఢాకా వంటి నగరాల్లో సముద్ర జలాలు ముంచెత్తడం వల్ల దాదాపు 1.4 కోట్ల మంది ఇళ్లు కోల్పోయి నిరాశ్రయులయ్యే ప్రమాదం ఉందని వెల్లడించింది. ప్రపంచ జనాభాపై ప్రభావం: ప్రపంచవ్యాప్తంగా దాదాపు 77 కోట్లకు పైగా ప్రజలు (మొత్తం జనాభాలో 10 శాతం) సముద్ర మట్టానికి 5 మీటర్ల కంటే తక్కువ ఎత్తు ఉన్న తీరప్రాంతాల్లో నివసిస్తూ ప్రమాదంలో ఉన్నారని నివేదిక పేర్కొంది. మౌలిక సదుపాయాలు, ఆర్థిక నష్టం: పెరిగే సముద్ర మట్టాల వల్ల తాగునీటి వనరులు ఉప్పునీరుగా మారడం, మౌలిక సదుపాయాలు, విద్యుత్ వ్యవస్థలు, రోడ్డు రవాణా, వ్యవసాయం దెబ్బతినడమే కాకుండా తీరప్రాంత ప్రజల ఆరోగ్యంపై తీవ్ర ప్రభావం పడుతుందని పేర్కొంది. రికార్డు స్థాయిలో సముద్ర మట్టాల పెరుగుదల: 2014 నుంచి 2023 మధ్య కాలంలో ఏటా సగటున 4.7 మిమీ చొప్పున పెరిగిన సముద్ర మట్టం, 2024 లో ఏకంగా 5.9 మి.మీ పెరిగి నూతన రికార్డును నమోదు

Pakistan Food Crisis 2026 : పాకిస్థాన్‌లో రోజురోజుకూ విపరీతంగా పెరుగుతున్న ద్రవ్యోల్బణం, దయనీయ ఆర్థిక పరిస్థితులు ఆ దేశ ప్రజల ఆహారంపై కూడా తీవ్ర ప్రభావాన్ని చూపుతున్నాయి. నిత్యావసర వస్తువుల ధరలు ఆకాశాన్నంటుతుండటంతో.. సామాన్య కుటుంబాల బడ్జెట్ తలకిందులైంది. దీంతో మనుగడ సాగించేందుకు పౌరులు తమ ఆహార అలవాట్లను బలవంతంగా మార్చుకుంటున్నారు. కనీసం పాలు, మాంసం, గోధమలు వంటివి కూడా కొనుక్కొని తినే పరిస్థితి లేకుండా పోయింది. పాకిస్థాన్ బ్యూరో ఆఫ్ స్టాటిస్టిక్స్ (పీబీఎస్) డేటాను ఉటంకిస్తూ వచ్చిన నివేదికల ప్రకారం.. గడిచిన ఆరేళ్ల కాలంలో దేశవ్యాప్తంగా దాదాపు అన్ని ప్రధాన ఆహార పదార్థాల వినియోగం దారుణంగా పడిపోయింది.పాలు, మాంసం కోత.. పెరిగిన ఆహార అభద్రతగ్రామీణ, పట్టణ ప్రాంతాలు అనే తేడా లేకుండా పాలు, మాంసం, గోధుమలు, బియ్యం, టీ పొడి వంటి ప్రాథమిక ఆహార పదార్థాల కొనుగోలును ప్రజలు గణనీయంగా తగ్గించేశారు. 2018-19 కాలంలో దేశంలో 15.92 శాతంగా ఉన్న ఆహార అభద్రత.. 2024-25 నాటికి ఏకంగా 24.35 శాతానికి చేరుకుంది. ఇదే సమయంలో తీవ్రమైన ఆహార అభద్రతను ఎదుర్కొంటున్న కుటుంబాల సంఖ్య 2.37 శాతం నుంచి 5.04 శాతానికి పెరిగి రెట్టింపు కావడం పరిస్థితి తీవ్రతకు అద్దం పడుతోంది. పౌష్టికాహారం అందించే పాలు, మాంసం వంటి ఖరీదైన పదార్థాలను కొనే శక్తి లేక ప్రజలు సతమతమవుతున్నారు.వనస్పతి గీ వినియోగం 81 శాతం పెరుగుదలఅన్ని రకాల ఆహార పదార్థాల వినియోగం తగ్గుతుంటే.. ఒక్క వనస్పతి గీ వినియోగం మాత్రం ఊహించని రీతిలో పెరగడం గమనార్హం. నెలకు సగటున 690 గ్రాములుగా ఉన్న వనస్పతి గీ వినియోగం ఏకంగా 81 శాతం పెరిగి 1.25 కిలోగ్రాములకు చేరింది. ఖరీదైన మాంసకృత్తులు, ఇతర పోషకాహార పదార్థాలకు ప్రత్యామ్నాయంగా తక్కువ ధరలో ఎక్కువ క్యాలరీలు అందించే వనస్పతి గీని ప్రజలు తమ రోజువారీ వంటకాల్లో అధికంగా ఉపయోగిస్తున్నారని ఈ గణాంకాలు స్పష్టం చేస్తున్నాయి.పట్టణాల్లోనూ ఆకలి కేకలు

పాకిస్థాన్‌లో ఆహార సంక్షోభం తీవ్రరూపం దాల్చుతోంది. నిత్యావసరాల ధరలు ఆకాశాన్నంటడం, ఆదాయం పడిపోవడంతో ప్రజలు తమ ఆహారపు అలవాట్లను గణనీయంగా మార్చుకుంటున్నారు. ఆరేళ్ల క్రితంతో పోలిస్తే పాలు, మాంసం, బియ్యం, గోధుమలు వంటి ప్రధాన ఆహార పదార్థాల వినియోగాన్ని భారీగా తగ్గించుకున్నారని పాకిస్థాన్ బ్యూరో ఆఫ్ స్టాటిస్టిక్స్ (పీబీఎస్) విడుదల చేసిన తాజా గణాంకాలు స్పష్టం చేస్తున్నాయి.పీబీఎస్ నివేదిక ప్రకారం, 2018-19లో తలసరి నెలవారీ గోధుమల వినియోగం 7.0 కిలోలు ఉండగా, 2024-25 నాటికి అది 6.59 కిలోలకు తగ్గింది. ఇదే కాలంలో బియ్యం వాడకం 1.06 కిలోల నుంచి 0.86 కిలోలకు, పప్పుధాన్యాలు 0.35 కిలోల నుంచి 0.26 కిలోలకు పడిపోయాయి. పౌష్టికాహారంలో కీలకమైన తాజా పాల వినియోగం 6.85 కిలోల నుంచి 6.15 కిలోలకు, మాంసం (బీఫ్, మటన్, చికెన్) వినియోగం 0.61 కిలోల నుంచి 0.50 కిలోలకు క్షీణించింది. దీనికి పూర్తి విరుద్ధంగా, వనస్పతి (వెజిటబుల్ ఘీ) వినియోగం మాత్రం 81 శాతం పెరిగి, నెలకు 0.69 కిలోల నుంచి 1.25 కిలోలకు చేరడం గమనార్హం.ఈ మార్పులకు గల కారణాలను పాకిస్థాన్ ఎకనామిక్ సర్వే 2025-26, హౌస్‌హోల్డ్ ఇంటిగ్రేటెడ్ ఎకనామిక్ సర్వే (హెచ్ఐఈఎస్) 2024-25 స్పష్టంగా విశ్లేషించాయి. ఆహార పదార్థాల ధరలు పెరిగి, ప్రజల కొనుగోలు శక్తికి మించినప్పుడు పోషకాహారాన్ని వదులుకోవాల్సి వస్తోందని సర్వే పేర్కొంది. ముఖ్యంగా తక్కువ ఆదాయ వర్గాల వారు ప్రొటీన్లు అధికంగా ఉండే పాలు, మాంసం వంటి వాటికి బదులుగా, చౌకగా లభించే, కేలరీలు ఎక్కువగా ఉండి పోషకాలు

కోలీవుడ్ ఫిల్మ్ ఇండస్ట్రీలో మరోసారి సంక్షోభ వాతావరణం నెలకొంది. ఓటీటీ డిజిటల్ స్ట్రీమింగ్ నిబంధనలపై థియేటర్ యాజమాన్యాలకు, నిర్మాతల మండలికి నడుమ వివాదం చెలరేగడంతో సెప్టెంబరు 1 నుంచి కొత్త తమిళ సినిమాల విడుదలను నిలిపివేస్తున్నట్లు తమిళ ఫిల్మ్ ప్రొడ్యూసర్స్ కౌన్సిల్ (TFPC) మరియు యాక్టివ్ ప్రొడ్యూసర్స్ అసోసియేషన్ ఉమ్మడిగా సంచలన ప్రకటన చేశాయి. ఈ వివాదానికి ప్రధాన కారణం థియేటర్ రిలీజ్, ఓటీటీ స్ట్రీమింగ్‌ల మధ్య ఉండాల్సిన కాలపరిమితి అని తెలుస్తోంది. థియేటర్లలో విడుదలైన ప్రతీ చిత్రం కనీసం 8 వారాల (రెండు నెలలు) వ్యవధి తర్వాతే ఓటీటీ ప్లాట్‌ఫామ్‌లలో స్ట్రీమింగ్ కావాలని, ఈ మేరకు హామీ పత్రం ఇస్తేనే థియేటర్లలో సినిమాలను ప్రదర్శిస్తామని తమిళనాడు థియేటర్ ఓనర్స్ అసోసియేషన్, డిస్ట్రిబ్యూటర్ల సమాఖ్య ఏకపక్షంగా కండిషన్ విధించాయి. ఈ నిబంధనను తమిళ నిర్మాతల మండలి తీవ్రంగా ఖండించింది. పొరుగున ఉన్న తెలుగు (ఆంధ్రప్రదేశ్, తెలంగాణ), కన్నడ, మలయాళ చిత్ర పరిశ్రమలలో లేని కొత్త నిబంధనలను కేవలం కోలీవుడ్‌లోనే రుద్దడం ఏమాత్రం తగదని స్పష్టం చేసింది. అన్ని వర్గాల భాగస్వాములతో చర్చించకుండా థియేటర్ యాజమాన్యాలు ఏకపక్షంగా తీసుకున్న ఈ నిర్ణయం తమకు ఆమోదయోగ్యం కాదని నిర్మాతలు తేల్చిచెప్పారు. థియేటర్ యజమానుల మొండి వైఖరికి నిరసనగా సెప్టెంబరు 1వ తేదీ నుంచి కొత్త సినిమాల విడుదలలతో పాటు, చిత్రాల షూటింగ్‌లు మరియు పోస్ట్ ప్రొడక్షన్ పనులను కూడా పూర్తిగా నిలిపివేయాలని నిర్మాతల మండలి నిర్ణయించింది. దీంతో కోలీవుడ్‌లో నిర్మాణాలు, విడుదలలు అన్నీ ఒకేసారి స్తంభించిపోయే ప్రమాదం ఏర్పడింది. గత కొద్దికాలంగా చిన్న, పెద్ద సినిమాలనే తేడా లేకుండా థియేటర్లలో విడుదలైన కొన్ని వారాలకే ఓటీటీల్లోకి వచ్చేస్తుండటంతో థియేటర్లకు ప్రేక్షకుల రాక తగ్గుతోందని యజమానులు ఆందోళన చెందుతున్నారు. అయితే, ఓటీటీ హక్కుల ద్వారా వచ్చే ఆదాయం సినిమాల నిర్మాణ వ్యయానికి కీలక ఆధారంగా మారిందని నిర్మాతలు భావిస్తుండటంతో ఈ ప్రతిష్టంభన ఏర్పడింది. ఈ సమస్య తీవ్రతను దృష్టిలో

వైద్యుల కొరతతో రోగుల అవస్థలు మరమ్మతులు లేక మూలనపడ్డ కోట్ల విలువ చేసే యంత్రాలు కమీషన్ల కక్కుర్తితో ప్రైవేటు ఆస్పత్రులకు తరలిస్తున్న సిబ్బంది 8 నెలలుగా నిలిచిన న్యూరో సర్జరీలు న్యూరో సర్జరీలో ఒకే ఒక్క వైద్యుడు వరంగల్‌ మెడికల్‌: వరంగల్‌ ఎంజీఎం ఆస్పత్రితోపాటు సూపర్‌ స్పెషా లిటీ ఆస్పత్రిలో న్యూరో కేర్‌.. డోంట్‌ కేర్‌.. అన్న చందంగా మారింది. రోడ్డు ప్రమాదాలు, న్యూరో సం బంధిత జబ్బులతో చావు బతుకుల మధ్య నిత్యం రోగులు వస్తుంటారు. కానీ చికిత్స అందించే వైద్యు లే కరువయ్యారు. న్యూరో విభాగంలో న్యూరో ఫిజీ షియన్‌ సేవలు, న్యూరో సర్జరీ సేవల కోసం ప్రత్యే క వార్డులను వైద్యులను ఏర్పాటు చేశారు. కానీ రోగుల సంఖ్యకనుగుణంగా వైద్యులు లేకపోవడం వల్ల సేవలు నిల్‌గా మారాయి. ఎనిమిది నెలలుగా న్యూరో సర్జరీలు బంద్‌ కావడమే ఎందుకు నిలువె త్తు సాక్ష్యం. సర్జరీ విభాగంలో ఒకే ఒక రెగ్యులర్‌ అసిస్టెంట్‌ ప్రొఫెసర్‌ సేవలు అందిస్తున్నారు. మరో కాంట్రాక్ట్‌ వైద్యుడు కూడా కొనసాగుతున్నారు. ఒక్క వైద్యులు ఎంతమందికి శస్త్ర చికిత్స చేయగలరు ఉన్నతాధికారులకే తెలియాల్సి ఉంటుంది. రోగుల తాకిడి ఎక్కువ న్యూరో విభాగంలో ఒక నెలలో 4 వేలకు పైగా ఓపీ ఉంటుందని గణాంకాల ద్వారా తెలుస్తోంది. కానీ ఓపీ చూసేందుకు కూడా వైద్యులు లేక రోగు లు తీవ్ర ఇబ్బందులు ఎదుర్కొంటున్నారు. గంటల తరబడి నిరీక్షించిన న్యూరో సర్జరీ, న్యూరో ఫిజీషి యన్లను రోగులు కలవలేక తీవ్ర అసంతృప్తి వ్యక్తం చేస్తున్నారు. దూర ప్రాంతాల నుంచి వచ్చేవారి బాధ వర్ణనాతీతంగా మారింది. న్యూరో విభాగంలో అత్యవసరంగా శస్త్ర చికిత్స అవసరం ఉన్న రోగులకు దేవుడే దిక్కు అన్న విధంగా మారింది. నిత్యం 10 నుంచి 15 మంది రోడ్డు ప్రమాదాలల్లో తలకు గాయాలు, స్పైన్‌ సర్జరీలు, ట్రామా లాంటి మెడికో లీగల్‌ కేసులు ఎంజీఎం సూపర్‌ స్పెషాలిటీకి వస్తుంటాయి. ఉమ్మడి

అమెరికా, ఇరాన్‌ల మధ్య వైరం తీవ్ర స్థాయికి చేరింది. పశ్చిమాసియా ప్రాంతంలో ఇప్పటికే ఉద్రిక్తతలు రగులుతుండగా, అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలు మంటల్లో ఆజ్యం పోశాయి. ప్రపంచ చమురు రవాణాకు అత్యంత కీలకమైన హోర్ముజ్ జలసంధిని (Strait of Hormuz) అమెరికా భూభాగంగా అభివర్ణించిన ట్రంప్, ఇరాన్ ఎలాంటి పరిస్థితుల్లోనూ అణు ఆయుధాన్ని తయారు చేయకూడదని తీవ్ర హెచ్చరికలు జారీ చేశారు.సౌత్ కరోలినాలోని మైర్టిల్ బీచ్‌లో జరిగిన ఒక కార్యక్రమంలో ట్రంప్ మాట్లాడుతూ.. ఇరాన్‌తో చర్చలకు తమకేమీ తొందరలేదని స్పష్టం చేశారు. హోర్ముజ్ జలసంధిని ప్రస్తుతానికి నేను అమెరికా సొంత భూభాగంగానే భావిస్తున్నాను. ఆ ప్రాంతంపై , అక్కడ ఉన్న దిగ్బంధనంపై మాకు పూర్తి నియంత్రణ ఉంది అని ట్రంప్ ప్రకటించారు. ఇరాన్ తమతో ఒప్పందం చేసుకోవడానికి తీవ్రంగా ప్రయత్నిస్తోందని, అయితే అమెరికాకు ఆమోదయోగ్యమైన షరతులకు ఆ దేశం ఇంకా సిద్ధంగా లేదని ఆయన వ్యాఖ్యానించారు. అంతేకాకుండా, దీనికి సంబంధించిన ఒక ఏఐ (AI) చిత్రాన్ని కూడా తన ట్రూత్ సోషల్ ఖాతాలో పంచుకున్నారు. ఆ పని చేస్తే నష్టపోతారు: ప్రపంచ దేశాలకు డొనాల్డ్ ట్రంప్ వార్నింగ్!చమురు రవాణాకు జీవనాడి వంటి ప్రాంతంప్రపంచ ఇంధన సరఫరాలో హోర్ముజ్ జలసంధి అత్యంత కీలకమైన సముద్ర మార్గం. ప్రపంచవ్యాప్తంగా సరఫరా అయ్యే క్రూడ్ ఆయిల్‌లో దాదాపు ఐదవ వంతు ఈ సరుకుల మార్గం గుండానే వెళుతుంది. అలాంటి వ్యూహాత్మక ప్రాంతంపై తమకు పూర్తి ఆధిక్యం ఉందని అమెరికా క్లెయిమ్ చేయడం అంతర్జాతీయ రాజకీయంలో కొత్త ప్రకంపనలు సృష్టిస్తోంది. ఇరాన్‌పై ఆర్థిక ఆంక్షలు , సైనిక ఒత్తిడిని మరింత పెంచే వ్యూహంలో భాగంగానే ట్రంప్ ఈ తరహా వ్యాఖ్యలు చేసినట్లు విశ్లేషకులు భావిస్తున్నారు.అమెరికాలో భాగంగానే హర్మూజ్‌ జలసంధి.. సంచలన ఫొటో షేర్‌ చేసిన ట్రంప్‌ట్రంప్‌కు భ్రమలు ఎక్కువ: తిప్పికొట్టిన ఇరాన్ట్రంప్ ప్రకటనపై ఇరాన్ ప్రభుత్వం అత్యంత ఘాటుగా స్పందించింది. ఇరాన్ ఉప విదేశాంగ మంత్రి కాజెమ్

సాక్షి,కృష్ణా: ఉయ్యూరులో డయేరియా (అతిసారం) ప్రబలిందనే విషయాన్ని స్వయంగా అంగీకరించిన మంత్రి నారాయణ, దాని వ్యాప్తికి గల కారణాలపై విచిత్రమైన వ్యాఖ్యలు చేశారు. ప్రజలు ఆర్వో ప్లాంట్ల (నీటిని శుద్ధి చేసే యంత్రాలు) నుంచి కూడా నీరు తాగుతున్నారని, వాటి వల్ల కూడా అతిసారం రావచ్చు కదా అంటూ బాధ్యత నుంచి తప్పించుకునే ప్రయత్నం చేశారు. రాష్ట్రవ్యాప్తంగా ఉన్న తాగునీటి పైపులైన్లను భారీగా మరమ్మత్తులు చేయాల్సిన అవసరం ఉందంటూ మున్సిపల్ శాఖ వైఫల్యాలను పరోక్షంగా ఒప్పుకున్నారు. డయేరియా తీవ్రంగా ఉన్న అసలు ప్రభావిత ప్రాంతాలకు వెళ్లి అక్కడి పారిశుద్ధ్య పరిస్థితులను పరిశీలించకుండా, బాధితుల ఇబ్బందులను తెలుసుకోకుండా మంత్రి నారాయణ మొహం చాటేశారని స్థానికులు మండిపడుతున్నారు. ఉయ్యూరులో డయేరియా కారణంగా సంభవించిన మరణాన్ని మంత్రి నారాయణ సహజ మరణంగా ధృవీకరించడం తీవ్ర వివాదాస్పదమైంది. బాధితుడు నూరుద్దీన్ డయేరియాతో కాకుండా కేవలం గుండెపోటుతోనే చనిపోయాడంటూ మంత్రి సమర్థించుకోవడంపై ప్రజల నుంచి తీవ్ర నిరసన వ్యక్తమవుతోంది. మొత్తంగా, బాధితులకు భరోసా ఇవ్వాల్సిన మంత్రి, వాస్తవాలను కప్పిపుచ్చుతూ పర్యటనను ముగించారనే ఆరోపణలు వెల్లువెత్తుతున్నాయి వరలక్ష్మీ వ్రతం ‍స్పెషల్.. టాలీవుడ్ సినీతారల ప్రత్యేక పూజలు..ఫోటోలు హైదరాబాద్‌: నూతన వధూవరులకు వైఎస్‌ జగన్‌ ఆశ్వీరాదం(ఫొటోలు) ‘ఇరుముడి’మూవీ ప్రెస్‌మీట్‌...బేబీ నక్షత్ర ఏం చెప్పిందో తెలుసా? నలుపు చీరలో వితిక షేరు గ్లామర్ ఫోటోలు (ఫొటోలు) ‘ధర్మస్థల నియోజకవర్గం’ మూవీ ప్రెస్‌మీట్ (ఫొటోలు) 20 మంది MLAల లేఖ కొండా సురేఖ మెడకు ఉచ్చు బర్తరఫ్ చేయాల్సిందే విశాఖ పిల్లాడి ఘటనపై త్రీమెన్ కమిటీ నియమించిన ప్రభుత్వం తీరని విషాదం.. కొడుకు ఎంత చెప్పినా వినలేదు, చివరికి తల్లి కూడా ! రోహిత్, గిల్ రికార్డులు OUT పంత్ @ NO.1 ఎవరికీ సాధ్యం కాని ఘనత

క్రికెట్‌లో బ్లాక్‌క్యాప్స్‌గా పిలుచుకునే న్యూజిలాండ్ క్రికెట్ బోర్డు ఆర్థిక కష్టాల్లో పడింది. గ‌తేడాది ఆర్థిక సంవ‌త్స‌రంలో భారీ న‌ష్టాల‌ను చ‌విచూసిన‌ట్లు ప్ర‌క‌టించింది. గ‌త ఆర్థిక సంవ‌త్స‌రంలో 7.3 మిలియ‌న్ డాల‌ర్లు (భార‌త క‌రెన్సీలో సుమారు రూ. 69 కోట్లు) ప్రాథ‌మిక లోటు ఉన్న‌ట్లు ప్ర‌క‌టించింది. జూలై 31, 2026తో ముగిసిన గ‌తేడాది ఆర్థిక సంవ‌త్స‌రం బ‌డ్జెట్లో అంచనా వేసిన రూ. 1.8 మిలియన్ల నష్టం కంటే ఇది చాలా ఎక్కువ. స్పాన్సర్‌షిప్‌లు తగ్గడం, అకౌంటింగ్ సర్దుబాట్లు , ఖర్చులు పెరగడం ఇందుకు ప్రధాన కార‌ణమ‌ని కివీస్ బోర్డు తెలిపింది. ముఖ్యంగా డ్రీమ్ 11 స్పాన్స‌ర్‌షిప్‌ను కోల్పోవ‌డం వల్ల ఆదాయం త‌గ్గిపోవ‌డంతో పాటు ఖ‌ర్చులు పెరిగిన‌ట్లు స్పష్టం చేసింది. అయితే ఈ ఏడాది చివర్లో స్వదేశంలో టీమిండియా ప‌ర్య‌ట‌న వ‌ల్ల సుమారు 10 మిలియ‌న్ డాల‌ర్లు వ‌స్తాయ‌ని న్యూజిలాండ్ క్రికెట్ బోర్డు ఆశాభావం వ్య‌క్తం చేస్తోంది. సూప‌ర్ స్మాష్ పోటీ స్థానంలో 2027-28 సీజన్ కోసం ప్ర‌తిపాదిత టీ20 ఫ్రాంచైజీ లీగ్‌కు సంబంధించి ప్ర‌ణాళిక‌లు ర‌చిస్తోంది. ఈ వేస‌విలో జ‌రిగే సూప‌ర్ స్మాష్ పోటీల్లో మొత్తం 64 మ్యాచ్‌ల్లో ఫైన‌ల్ స‌హా 24 మ్యాచ్‌లను డ‌బుల్ హెడ‌ర్‌గా ప్ర‌సారం చేస్తామ‌ని న్యూజిలాండ్ క్రికెట్ బోర్డు కార్య‌నిర్వ‌హ‌ణాధికారి జియోఫ్ అల్ల‌ట్ స్ప‌ష్టం చేశాడు. ఇక డిసెంబ‌ర్‌-జ‌న‌వరి నెలలో జ‌రిగే సూప‌ర్ స్మాష్ పోటీల‌కు సంబంధించిన పూర్తి షెడ్యూల్ వ‌చ్చే నెల‌లో విడుద‌ల కానుంది. ఇక ఇంగ్లండ్‌పై టెస్టు సిరీస్, వెస్టిండీస్‌పై వ‌న్డే సిరీస్ నెగ్గిన న్యూజిలాండ్‌ స్వ‌దేశంలో భార‌త్‌తో అక్టోబ‌ర్ నుంచి డిసెంబ‌ర్ మ‌ధ్య సుదీర్ఘ సిరీస్ ఆడ‌నుంది. ఈ ప‌ర్య‌ట‌న‌లో టీమిండియా ఐదు టీ20లు,ఐదు వ‌న్డేలు, రెండు టెస్టులు ఆడ‌నుంది. Read: భారీగా యూఎస్ ఓపెన్ ప్రైజ్‌మ‌నీ.. సింగిల్స్ విజేతకు 52 కోట్లు ‘ఇరుముడి’మూవీ ప్రెస్‌మీట్‌...బేబీ నక్షత్ర ఏం చెప్పిందో తెలుసా? నలుపు చీరలో వితిక షేరు గ్లామర్ ఫోటోలు (ఫొటోలు) ‘ధర్మస్థల నియోజకవర్గం’ మూవీ

మహారాష్ట్రలో ప్రభుత్వ పాఠశాలల దుస్థితిపై కాక్రోచ్‌ జనతా పార్టీ కన్వీనర్‌ అభిజీత్‌ దీప్కే తీవ్ర విమర్శలు చేశారు. విద్యార్థుల కంటే మంత్రుల పెంపుడు కుక్కలు మెరుగైన వసతులు... లాతూర్‌, ఆగస్ట్‌ 20: మహారాష్ట్రలో ప్రభుత్వ పాఠశాలల దుస్థితిపై కాక్రోచ్‌ జనతా పార్టీ కన్వీనర్‌ అభిజీత్‌ దీప్కే తీవ్ర విమర్శలు చేశారు. విద్యార్థుల కంటే మంత్రుల పెంపుడు కుక్కలు మెరుగైన వసతులు పొందుతున్నాయని వ్యాఖ్యానించారు. పాఠశాలల అభివృద్ధిలో విఫలమైన మహారాష్ట్ర పాఠశాల విద్యాశాఖ మంత్రి దాదా భూసే రాజీనామా చేయాలని డిమాండ్‌ చేశారు. పాఠశాలల అభివృద్ధి కోరుతూ ‘స్కూల్‌ ఠీక్‌ కరో’ పేరుతో సీజేపీ గతవారం ఒక ప్రచార కార్యక్రమాన్ని ప్రారంభించింది. ఇందులో భాగంగా దీప్కే గురువారం.. మహారాష్ట్రలోని లాతూర్‌ జిల్లా ఉజని గ్రామంలో జిల్లా పరిషత్‌ స్కూల్‌ను సందర్శించారు. అనంతరం విలేకరులతో మాట్లాడారు. ప్రభుత్వ పాఠశాలల దుస్థితికి ప్రజాప్రతినిధులు, మంత్రులను బాధ్యులుగా చేయాలన్నారు. చాలా పాఠశాలల్లో సరైన తరగతి గదులు, బెంచీలు, మరుగుదొడ్లు వంటి కనీస సదుపాయాలు లేవని, ఇక కొన్ని పాఠశాలల్లో విద్యార్థులను జంతువుల కంటే దారుణంగా చూస్తున్నారని మండిపడ్డారు. మంత్రులు, ఎమ్మెల్యేలు తమ పిల్లలను ప్రభుత్వ పాఠశాలలకు పంపించాలని.. అప్పుడు సగటు విద్యార్థులు పడే బాధలు వారికి తెలిసి వస్తాయన్నారు. పుట్టిన తేదీ మార్పుపై ఆరోపణలు.. చిక్కుల్లో పడిన బీసీసీఐ చీఫ్ మిథున్ మన్హాస్ బౌలింగ్‌లో జడేజా ప్రభావం తగ్గిపోయింది.. అశ్విన్ సంచలన వ్యాఖ్యలు

వీటి ప్రగతి నీటిపైనే ఆధారపడింది: అమిత్‌షా రాష్ట్ర ప్రయోజనాలు కాపాడుకోవాల్సిందే అయితే కొన్ని రాష్ట్రాలు ఏళ్ల తరబడి నీటి కొరతను ఎదుర్కొంటున్నాయి నీరు సముద్రంలోకి పోతే ఎవరికి లాభం? జలవివాదాలను పరిష్కరించుకోండి దక్షిణ ప్రాంతీయ మండలి సమావేశంలో కేంద్ర హోం మంత్రి పిలుపు నీటి ప్రాజెక్టులకు నిధులివ్వండి ‘కాళేశ్వరం, పాలమూరు’లకు సహకరించండి ఆ 19 గ్రామాలను తిరిగి తెలంగాణకివ్వండి నదుల దిగువ రాష్ట్రాల హక్కులకు భంగం కలగకుండా చూడండి: భట్టి, తుమ్మల చెన్నై, ఆగస్టు 20 (ఆంధ్రజ్యోతి): దక్షిణ భారత రాష్ట్రాలు జలవివాదాలను పరిష్కరించుకోవాలని కేంద్ర హోం మంత్రి అమిత్‌షా సూచించారు. దేశ ప్రగతికి ఈ రాష్ట్రాలే ప్రధాన స్తంభాలన్నారు. ఈ రాష్ట్రాల ప్రగతి నీటిపైనే ఆధారపడి ఉందని చెప్పారు. తమిళనాడులోని చెంగల్పట్టు జిల్లా మహాబలిపురం సమీపంలో గురువారం జరిగిన 31వ దక్షిణ ప్రాంతీయ మండలి (సదరన్‌ జోనల్‌ కౌన్సిల్‌) సమావేశంలో ఆయన ప్రసంగించారు. ‘ఒకరి రాష్ట్ర ప్రయోజనాలను కాపాడుకోవడం తప్పు కాదు. అయితే రాష్ట్రాలు ఏళ్ల తరబడి నీటి కొరతను ఎదుర్కొంటుండగా.. ఆ నీరు సముద్రంలోకి వృథాగా పోతుంటే ఎవరికీ ప్రయోజనం చేకూరదు’ అని స్పష్టం చేశారు. కేంద్ర జలశక్తి, హోం శాఖలు, అంతర్రాష్ట్ర మండలి, ఆయా రాష్ట్రాల భాగస్వామ్యంతో జరిగే సంయుక్త సమావేశాల ద్వారా దక్షిణ రాష్ట్రాలకు సంబంధించి పెండింగ్‌లో ఉన్న నీటి సమస్యలను త్వరిగతిన పరిష్కరించాల్సిన అవసరం ఉందని నొక్కిచెప్పారు. ‘ఉత్తర భారతదేశంలో నదీ జలాల పంపిణీకి సంబంధించిన 8 సమస్యల్లో ఐదు బ్రిటిష్‌ పూర్వకాలం నుంచే కొనసాగుతున్నాయి. ఐదు నెలల క్రితం వీటిపై తుది ఒప్పందం కుదిరింది. బ్రహ్మపుత్ర నుంచి గోదావరి, కావేరి వరకు ప్రధాన నదులను అనుసంధానించడం ద్వారా.. రాబోయే వందేళ్ల పాటు దేశం నీటి కొరతను ఎదుర్కొనకుండా చూడవచ్చు. ఈ చొరవ బహుళ జలమార్గాల ఏర్పాటుకు కూడా దోహదపడుతుంది. ఇంధనం ఆదా అవడమే కాకుండా పర్యావరణం మెరుగుపడుతుంది. అంతేగాక తక్కువ ఖర్చుతో కూడిన రవాణా వ్యవస్థ

అమెరికా జాతీయ రుణం చరిత్రలో తొలిసారిగా 40 ట్రిలియన్ డాలర్ల నూతన గరిష్ట స్థాయికి చేరుకుంది. కేవలం ఐదు నెలల్లోనే ఈ రుణం 1 ట్రిలియన్ డాలర్లు పెరగడంతో, సామాన్యులకు వడ్డీ ఖర్చులు, ఆర్థిక ఆందోళనలు పెరిగాయి. డొనాల్డ్ ట్రంప్, జో బైడెన్‌ల హయాంలో ఈ రుణం రెట్టింపు అయి ఈ చారిత్రాత్మక స్థాయికి చేరుకుందని బుధవారం విడుదలైన గణాంకాలు చూపిస్తున్నాయి. అమెరికా ప్రభుత్వ వ్యయంలో ఎక్కువగా రక్షణ, సామాజిక భద్రత, మెడికేర్ వంటి కార్యక్రమాలకు కేటాయిస్తున్న తరుణంలో ఈ రుణం భారీగా పెరిగిపోయింది. ప్రభుత్వ వ్యయంలో రుణాలపై వడ్డీ కూడా ఒక కీలక భాగంగా మారింది. ముఖ్యంగా అమెరికా రుణం ప్రతి ఐదు నెలలకు 1 ట్రిలియన్ డాలర్ల చొప్పున పెరుగుతోంది.కిమ్‌కు దండం పెట్టేసిన ట్రంప్. అమెరికా సైనిక విన్యాసాలకు బ్రేక్..గత కొన్ని నెలలుగా అమెరికా జాతీయ రుణ పెరుగుదల వేగం స్పష్టంగా కనిపిస్తోంది. అక్టోబర్‌లో ఇది 38 ట్రిలియన్ డాలర్లను దాటింది. సుమారు ఐదు నెలల తర్వాత మార్చిలో ఈ సంఖ్య 39 ట్రిలియన్ డాలర్లకు చేరుకుంది. ఇప్పుడు ఆగస్టులో ఈ రుణం 40 ట్రిలియన్ డాలర్లను మించిపోయింది. అంటే సుమారు 10 నెలల్లో అమెరికా జాతీయ రుణం 2 ట్రిలియన్ డాలర్లు పెరిగింది. ఈ సంఖ్య ప్రభుత్వ రుణాన్ని ప్రతిబింబించడమే కాకుండా, భవిష్యత్తులో అమెరికా బడ్జెట్ ఎదుర్కోబోయే ఒత్తిడిని కూడా సూచిస్తోంది.యూఎస్ ట్రెజరీ డిపార్ట్‌మెంట్ నుంచి వచ్చిన కొత్త సమాచారం ప్రకారం, మంగళవారం నాటికి మొత్తం ప్రభుత్వ రుణం 40.047 ట్రిలియన్ డాలర్లుగా ఉంది. ఇందులో ప్రజల వద్ద ఉన్న 32.266 ట్రిలియన్ డాలర్ల ప్రభుత్వ సెక్యూరిటీలు, 7.782 ట్రిలియన్ డాలర్ల అంతర్-ప్రభుత్వ రుణం ఉన్నాయి. పెరుగుతున్న సామాజిక భద్రతా ఖర్చులు, రుణ వడ్డీ చెల్లింపులు ఇప్పటికే పన్ను రాబడిని మించిపోయాయి.రక్షణ రంగం నుంచి సామాజిక పథకాల వరకు భారీ వ్యయంఈ 40 ట్రిలియన్ డాలర్ల అంకెకు వివిధ ప్రభుత్వ

అమెరికా–ఇరాన్‌ మధ్య ఉద్రిక్తతలు మరోసారి తీవ్రస్థాయికి చేరుతున్నాయి. ఇప్పటికే యుద్ధం, సముద్ర దిగ్బంధనం, చమురు ఎగుమతులపై ఆంక్షలతో సతమతమవుతున్న ఇరాన్‌పై మరిన్ని కఠినమైన ఆర్థిక ఆంక్షలు విధించేందుకు అమెరికా సిద్ధమవుతోంది. గతంలో ఎన్నడూ లేనంత కఠినమైన చర్యలు తీసుకుంటామని అమెరికా ట్రెజరీ కార్యదర్శి స్కాట్‌ బెసెంట్‌ హెచ్చరించారు. ఈ పరిస్థితిని ముందే అంచనా వేసిన ఇరాన్‌ ప్రభుత్వం.. ఎలాంటి ముందస్తు చర్యలు చేపట్టింది? ఇక మీదట ఎలాంటి వ్యూహాన్ని అనుసరించబోతోంది? అనేది ఇప్పుడు ఆసక్తికరంగా మారింది. ఇరాన్‌పై అమెరికా ఇప్పటికే విస్తృతమైన ఆంక్షలు అమలు చేస్తోంది. 2025 ఫిబ్రవరి నుంచి ఇప్పటివరకు వెయ్యికి పైగా ఇరాన్‌కు చెందిన వ్యక్తులు, నౌకలు, విమానాలపై ఆంక్షలు విధించింది. ఇప్పుడు ఈ జాబితాను మరింత విస్తరించేందుకు వాషింగ్టన్‌ సిద్ధమవుతోంది. ముఖ్యంగా ఇరాన్‌ చమురు వ్యాపారానికి సహకరిస్తున్న సంస్థలు, ఆర్థిక లావాదేవీలు, రవాణా వ్యవస్థలను లక్ష్యంగా చేసుకునే అవకాశం ఉంది. ఇరాన్‌ చమురుకు చైనా ప్రధాన కొనుగోలుదారు. దీంతో అక్కడి చిన్న రిఫైనరీలపై అమెరికా ఇప్పటికే ద్వితీయ ఆంక్షలు విధించింది. ఇరాన్‌తో లావాదేవీలు నిర్వహించే పెద్ద చైనా బ్యాంకులపైనా చర్యలు తీసుకునే అవకాశముందన్న సంకేతాలు వెలువడుతున్నాయి. అదే జరిగితే ఇరాన్‌ చమురు ఆదాయానికి మరింత గండి పడటమే కాకుండా అమెరికా–చైనా సంబంధాలపైనా ప్రభావం పడే అవకాశం ఉంది. హర్ముజ్‌ మూసుకుపోతే.. ఇరాన్‌ ఆర్థిక వ్యవస్థకు మరో కీలక సమస్య హర్ముజ్‌ జలసంధి. ప్రపంచ చమురు, సహజవాయువు రవాణాలో యుద్ధానికి ముందు దాదాపు ఐదో వంతు ఈ మార్గం గుండా సాగేది. ఇప్పుడు యుద్ధం, దిగ్బంధనం కారణంగా నౌకల రాకపోకలు తీవ్రంగా దెబ్బతిన్నాయి. ఫలితంగా ఇరాన్‌కు మాత్రమే కాకుండా అంతర్జాతీయ ఇంధన మార్కెట్‌కూ ఆందోళన మొదలైంది. అయితే హర్ముజ్‌ను తెరిచే విషయంలో ఇరాన్‌ కూడా తన షరతులను స్పష్టం చేస్తోంది. అమెరికా దిగ్బంధనం ఎత్తివేయడం, స్తంభింపజేసిన ఇరాన్‌ ఆస్తులను విడుదల చేయడం, చమురు ఆంక్షలు తొలగించడం, సైనిక చర్యలను నిలిపివేయడం వంటి

విశాఖపట్నం డేటా సెంటర్లపై అసెంబ్లీలో ఆంధ్రప్రదేశ్ విద్య, ఐటీ శాఖల మంత్రి నారా లోకేశ్ సభ్యులు అడిగిన ప్రశ్నలకు సమాధానం ఇచ్చారు. డేటా సెంటర్ల నీటి వినియోగంపై దుష్ప్రచారం జరుగుతోందని పేర్కొన్నారు. అమరావతి, ఆగస్టు 19 (ఆంధ్రజ్యోతి): విశాఖపట్నం డేటా సెంటర్లపై అసెంబ్లీలో ఆంధ్రప్రదేశ్ విద్య, ఐటీ శాఖల మంత్రి నారా లోకేశ్ (AP Minister Nara Lokesh) సభ్యులు అడిగిన ప్రశ్నలకు సమాధానం ఇచ్చారు. డేటా సెంటర్ల నీటి వినియోగంపై దుష్ప్రచారం జరుగుతోందని పేర్కొన్నారు. ఏఐ ఆధారిత డిజిటల్ ఎకానమీకి డేటా సెంటర్లు అత్యంత కీలకమని ఉద్ఘాటించారు. గూగుల్ పెట్టుబడితో విశాఖపై ఇతర ఐటీ కంపెనీలకు ఆసక్తి పెరిగిందని వ్యాఖ్యానించారు. డేటా సెంటర్ల ఎకోసిస్టమ్ 6.5 GWకు చేరితే ఏడాదికి సుమారు 3 టీఎంసీల నీరు అవసరమని వెల్లడించారు. కొత్త కూలింగ్ టెక్నాలజీలతో డేటా సెంటర్ల నీటి వినియోగం మరింత తగ్గుతుందని మంత్రి లోకేశ్ చెప్పుకొచ్చారు. డేటా సెంటర్లకు పోలవరం నీటిలో పారిశ్రామిక కేటాయింపుల నుంచే నీరు వస్తోందని వివరించారు. విశాఖ నగర ప్రజల నీటి అవసరాలకు కేటాయించిన నీటిని డేటా సెంటర్లకు మళ్లించమని స్పష్టం చేశారు. పోలవరం నుంచి విశాఖపట్నం నగరానికి గ్రావిటీ ద్వారా నీటి సరఫరాను 18 నెలల్లో అందుబాటులోకి వచ్చేలా చర్యలు చేపడతామని తెలిపారు. డేటా సెంటర్ల కోసం ప్రత్యేక పైప్‌లైన్లు ఏర్పాటు చేస్తామని వివరించారు. 1 GW థర్మల్ పవర్ ప్లాంట్‌తో పోలిస్తే డేటా సెంటర్‌కు దాదాపు పదో వంతు నీరే అవసరమని వెల్లడించారు. థర్మల్ పవర్ ప్లాంట్ల నీటి వినియోగంపై కాకుండా డేటా సెంటర్లపైనే ఎందుకు నిరసనలు? చేస్తున్నారని మంత్రి లోకేశ్ ప్రశ్నించారు. డేటా సెంటర్ కేటాయింపులకు 6.5 GW పరిమితి విధించినట్లు సీఎం చంద్రబాబు చెప్పారని అన్నారు. 6.5 GW డేటా సెంటర్ కేటాయింపుల లక్ష్యం ఇప్పటికే పూర్తయిందని తెలిపారు. పర్యావరణ పరిరక్షణకు ప్రాధాన్యం ఇచ్చే కంపెనీలకే తమ ప్రభుత్వం ప్రయారిటీ ఇస్తుందని స్పష్టం

పాకిస్థాన్ రాజకీయ వ్యవస్థలో భారీ మార్పులకు అక్కడి సైనిక నాయకత్వం సిద్ధమవుతున్నట్టు బలమైన సంకేతాలు వెలువడుతున్నాయి. దేశంలో ప్రస్తుత పార్లమెంటరీ వ్యవస్థ స్థానంలో అధ్యక్ష తరహా పాలనను తీసుకురావడంతో పాటు పాలనాపరమైన నిర్ణయాల్లో సైన్యానికి అధికారికంగా కీలకపాత్ర కల్పించే ప్రతిపాదనలను పరిశీలిస్తున్నట్లు విశ్వసనీయ వర్గాల సమాచారం. ఫీల్డ్ మార్షల్ అసిమ్ మునీర్‌కు అత్యంత సన్నిహిత వర్గాలు ఈ మేరకు పది సంవత్సరాల జాతీయ ప్రణాళికను సిద్ధం చేస్తున్నాయని కథనాలు వస్తున్నాయి.ఈ ప్రతిపాదిత ప్రణాళిక కేవలం ఆర్థిక సంస్కరణలకే పరిమితం కాకుండా దేశ పాలనా స్వరూపాన్నే మార్చేలా ఉంది. ఇందులో భాగంగా, కొత్త ప్రావిన్సులు, పరిపాలనా విభాగాలను ఏర్పాటు చేయడం, కేంద్ర, రాష్ట్ర ప్రభుత్వాల మధ్య ఆర్థిక వనరుల పంపిణీని సవరించడం వంటి అంశాలు ఉన్నాయని తెలుస్తోంది. అన్నింటికంటే ముఖ్యంగా దేశ కీలక నిర్ణయాల్లో సైన్యాన్ని 'సమాన వాటాదారుగా' మార్చాలనేది ప్రధాన ఉద్దేశంగా కనిపిస్తోంది. పాకిస్థాన్ రాజకీయాలు, విదేశాంగ విధానంలో సైన్యం ప్రభావం ఎప్పటినుంచో ఉన్నప్పటికీ, ఈసారి రాజ్యాంగబద్ధంగానే ఆ పాత్రను శాశ్వతం చేసేందుకు ప్రయత్నాలు జరుగుతున్నట్లు స్పష్టమవుతోంది.అధ్యక్ష తరహా పాలన కోసం తుర్కియే, ఈజిప్ట్ దేశాల నమూనాలను స్ఫూర్తిగా తీసుకుంటున్నట్లు సమాచారం. ఈ వ్యవస్థ ద్వారా నిర్ణయాలు వేగంగా తీసుకోవచ్చని, విధానపరమైన స్థిరత్వం సాధ్యమవుతుందని సైనిక నాయకత్వం భావిస్తున్నట్లు తెలుస్తోంది. అంతేగాక విదేశీ అధినేతలతో నేరుగా చర్చలు జరపడానికి అధ్యక్ష పాలన మరింత అనుకూలంగా ఉంటుందని వారు వాదిస్తున్నారు. అయితే, ఈ మార్పులు చేయాలంటే రాజ్యాంగంలో భారీ సవరణలు అవసరం. దీనికి రాజకీయ పార్టీల నుంచి తీవ్ర

హైదరాబాద్‌కు చెందిన అవినాశ్‌ ఓ ప్రముఖ కాలేజీ నుంచి బీటెక్‌ పూర్తిచేశాడు. ఎంటెక్‌లో ప్రవేశం కోసం పీజీఈసెట్‌ రాసి మంచి ర్యాంకు సాధించాడు.. పీజీఈసెట్‌ కౌన్సెలింగ్‌లో పాల్గొనాలంటే ప్రొవిజినల్‌ మెమో, టీసీ, బోనఫైడ్‌ సర్టిఫికెట్లు సమర్పించాలి. ఫీజులు చెల్లిస్తేనే సర్టిఫికెట్లు ఇస్తామంటున్న యాజమాన్యాలు పేరుకుపోయిన ఫీజు రీయింబర్స్‌మెంట్‌ బకాయిలు సర్కారు ఇవ్వకపోవటంతో విద్యార్థులను అడుగుతున్న కాలేజీలు సర్టిఫికెట్ల కోసం నిరీక్షిస్తున్న రెండు లక్షల మంది విద్యార్థులు మంచి ర్యాంకులు వచ్చినా ఉన్నత చదువుల కోసం వెళ్లలేని పరిస్థితి ప్రభుత్వం తక్షణం చెల్లించాల్సిన బకాయిలు రూ.2,500 కోట్ల పైనే పాత బకాయిలు రూ.7,000 కోట్ల వరకు ఉంటాయంటున్న ఫాతీ హైదరాబాద్‌: హైదరాబాద్‌కు చెందిన అవినాశ్‌ ఓ ప్రముఖ కాలేజీ నుంచి బీటెక్‌ పూర్తిచేశాడు. ఎంటెక్‌లో ప్రవేశం కోసం పీజీఈసెట్‌ రాసి మంచి ర్యాంకు సాధించాడు.. పీజీఈసెట్‌ కౌన్సెలింగ్‌లో పాల్గొనాలంటే ప్రొవిజినల్‌ మెమో, టీసీ, బోనఫైడ్‌ సర్టిఫికెట్లు సమర్పించాలి. వీటిని ఇచ్చేందుకు కాలేజీ నిరాకరిస్తోంది. ఏడాదికి రూ.35 వేల చొప్పున మూడేళ్ల ఫీజు రీయింబర్స్‌మెంట్‌ బకాయిలు రూ. 1.05 లక్షలు ప్రభుత్వం చెల్లించాల్సి ఉంది. సర్కారు సకాలంలో ఇవ్వకపోవడంతో ఈ ఫీజు చెల్లిస్తేనే సర్టిఫికెట్లు ఇస్తామని కాలేజీ యాజమాన్యం స్పష్టం చేసింది. దీంతో కౌన్సెలింగ్‌లో అవినాశ్‌ దరఖాస్తు చేసుకోలేకపోతున్నాడు. ఇలాంటి సమస్యనే రాష్ట్రంలో దాదాపు 2 లక్షల మంది విద్యార్థులు ఎదుర్కొంటున్నారు. ఇంజనీరింగ్‌, ఫార్మసీ, ఇతర యూజీ కోర్సులు పూర్తిచేసిన విద్యార్థులకు సంబంధించిన ఫీజు రీయింబర్స్‌మెంట్‌ బకాయిలు భారీగా పెండింగులో ఉండటంతో కాలేజీలు సర్టిఫికేట్లు ఇచ్చేందుకు నిరాకరిస్తున్నాయి. గత నాలుగేళ్లలో ప్రభుత్వం కాలేజీలకు బకాయి పడిన ఫీజు రీయింబర్స్‌మెంట్‌ మొత్తం రూ.10 వేల కోట్ల వరకు ఉందని తెలంగాణ ఉన్నత విద్య ప్రైవేటు కాలేజీల యాజమాన్యాల సంఘాల సమాఖ్య (ఫాతీ) అంటోంది. ఈ నిధులను వెంటనే విడుదల చేయాలని ఫాతీ ఏడాది కాలంగా కోరుతోంది. గత ఏడాదిలో ప్రభుత్వం దాదాపు రూ.వెయ్యి కోట్ల వరకు విడుదల చేసింది

అమెరికా, ఇరాన్‌ల మధ్య వివాదం అంతకంతకూ ముదురుతోంది. హోర్ముజ్‌ మూసివేత కొనసాగుతుందని ఇప్పటికే ఇరాన్ ప్రకటించిన నేపథ్యంలో యూఎస్ అధ్యక్షుడు డొనాల్డ్ ట్రంప్ మరో సంచలనానికి తెరతీశారు. ఇంటర్నెట్ డెస్క్: అమెరికా, ఇరాన్‌ల మధ్య వివాదం అంతకంతకూ ముదురుతోంది. హోర్ముజ్‌ మూసివేత కొనసాగుతుందని ఇప్పటికే ఇరాన్ ప్రకటించిన నేపథ్యంలో యూఎస్ అధ్యక్షుడు డొనాల్డ్ ట్రంప్ మరో సంచలనానికి తెరతీశారు. హోర్ముజ్ యూఎస్‌కు చెందిన ప్రాంతమని చెప్పే మ్యాప్‌ను సోషల్ మీడియాలో షేర్ చేశారు. హోర్ముజ్‌ను యూఎస్‌కు చెందిన ప్రాంతంగా ప్రకటిస్తామని గత కొద్ది రోజులుగా చెబుతూ వస్తున్న ట్రంప్ చివరకు కొత్త మ్యాపుతో వివాదాన్ని మరో మలుపు తిప్పారు. హోర్ముజ్‌ పూర్తిగా తమ అధీనంలో ఉందని చాలా కాలంగా ట్రంప్ చెబుతున్నారు. ఈ విషయమై సోమవారం విలేకరులతో మాట్లాడుతూ హోర్ముజ్‌ను యూఎస్‌కు చెందిన ప్రాంతంగా ప్రకటించాలన్న ఆలోచన మంచిదేనని అన్నారు. ‘అది గొప్ప ఐడియానే. ఇప్పటికే హోర్ముజ్‌ చుట్టూ నిర్బంధాన్ని అమలు చేస్తున్నాము. పూర్తిగా అది మా అధీనంలో ఉంది. కాబట్టి యూఎస్‌కు చెందిన ప్రాంతంగా కూడా ప్రకటించవచ్చు’ అని ట్రంప్ అన్నారు. అంతకుముందు మరో సందర్భంలో ట్రంప్ మాట్లాడుతూ తాను త్వరలో హోర్ముజ్‌ను యూఎస్‌కు చెందిన ప్రాంతంగా ప్రకటిస్తానని చెప్పారు. ఈ నేపథ్యంలో తాజాగా ట్రంప్ షేర్ చేసిన మ్యాప్ కలకలం రేపుతోంది. అమెరికాతో చర్చల్లో పాల్గొంటున్న టాప్ ఇరాన్ నేత మొహమ్మద్ ఘాలిబాఫ్ మాత్రం హోర్ముజ్‌ను మూసే ఉంచామని స్పష్టం చేశారు. అమెరికా తన హామీలకు కట్టుబడి ఉండే వరకూ పరిస్థితి ఇలాగే ఉంటుందని స్పష్టం చేశారు. ‘గతంలో కుదిరిన అవగాహన ఒప్పందం ప్రకారం అమెరికా తన హామీలకు కట్టుబడే వరకూ హార్ముజ్‌ను తెరిచే ప్రసక్తే లేదు’ అని ఇరాన్ మీడియాకు ఇచ్చిన ఇంటర్వ్యూలో తెలిపారు. యూఎస్ తన నిర్బంధాన్ని ఎత్తివేయాలని, చమురు వాణిజ్యంపై ఆంక్షలు తొలగించి విదేశాల్లోని ఇరాన్ ఆస్తులను విడుదల చేయాలని డిమాండ్ చేశారు. ఇదిలా ఉంటే, మంగళవారం

Houthis Red Sea Attack : ఎర్ర సముద్రంలో ఉద్రిక్తతలు మరింత పెరిగాయి. యెమెన్‌కు చెందిన ఇరాన్ మద్దతుగల హౌతీ గ్రూప్.. సౌదీ అరేబియాకు చెందిన ఓ సైనిక ల్యాండింగ్ నౌకతో పాటు దానికి రక్షణగా ఉన్న నాలుగు ఎస్కార్ట్ బోట్లను లక్ష్యంగా చేసుకుని బాలిస్టిక్ క్షిపణులతో దాడి చేసినట్లు ప్రకటించింది. ఈ ఘటన యెమెన్‌లోని నైరుతి తీర ప్రాంతం మోఖా పోర్ట్ సమీపంలోని ఎర్ర సముద్రంలో జరిగినట్లు సమాచారం. హౌతీలు సోమవారం ఈ దాడికి తామే బాధ్యులమని ప్రకటించారు. సౌదీ సైనిక ల్యాండింగ్ షిప్‌తో పాటు నాలుగు ఎస్కార్ట్ బోట్లపై బాలిస్టిక్ క్షిపణులతో దాడి చేసినట్లు తెలిపారు. అయితే దాడిలో ఎంత మేర నష్టం జరిగింది, ప్రాణనష్టం ఏమైనా సంభవించిందా అనే విషయంపై పూర్తి వివరాలు వెంటనే వెల్లడికాలేదు. ఎర్ర సముద్రంలో వాణిజ్య, సైనిక నౌకలపై దాడుల ముప్పు ఇటీవల పెరుగుతోంది. హౌతీలు సౌదీకి సంబంధించిన నౌకలను లక్ష్యంగా చేసుకుంటామని గతంలో ప్రకటించారు. జూలైలో సౌదీపై సముద్ర దిగ్బంధాన్ని ప్రకటించిన తర్వాత సౌదీకి అనుబంధంగా ఉన్న ట్యాంకర్లపై దాడులు చేసినట్లు కూడా హౌతీలు ప్రకటించారు. ఇటీవల బాబ్ అల్-మందెబ్ జలసంధిలో ఓ వాణిజ్య నౌకపై జరిగిన దాడిలో ఆరుగురు మరణించినట్లు రాయిటర్స్, ఇతర అంతర్జాతీయ మీడియా సంస్థలు నివేదించాయి. ఈ పరిణామాలు ఎర్ర సముద్రంలో నౌకాయాన భద్రతపై ఆందోళనలను మరింత పెంచుతున్నాయి. అంతర్జాతీయ వాణిజ్యంపై ప్రభావం.. ఎర్ర సముద్రం, బాబ్ అల్-మందెబ్ మార్గాలు ప్రపంచ వాణిజ్యానికి కీలకమైన సముద్ర మార్గాలు. ఈ ప్రాంతంలో దాడుల ముప్పు పెరగడంతో కొన్ని నౌకలు ప్రత్యామ్నాయ మార్గాలను ఎంచుకుంటున్నాయి. సౌదీ చమురు ఎగుమతుల విషయంలోనూ భద్రతా ఆందోళనలు పెరిగినట్లు రాయిటర్స్ పేర్కొంది. సౌదీ ప్రయోజనాలకు సంబంధించిన నౌకలను లక్ష్యంగా చేసుకుంటామని హౌతీలు ప్రకటించిన నేపథ్యంలో తాజా దాడి ప్రాంతీయ ఉద్రిక్తతలను మరింత పెంచే అవకాశం ఉంది. ఎర్ర సముద్రంలో సైనిక, వాణిజ్య నౌకల భద్రతపై ఇప్పుడు అంతర్జాతీయంగా

పశ్చిమాసియాలో సంక్షోభ పరిస్థితుల నేపథ్యంలో.. దేశీయంగా వంటగ్యాస్‌ (ఎల్‌పీజీ) ఉత్పత్తి పెంపునకు కేంద్ర ప్రభుత్వం కీలక వ్యూహాన్ని రూపొందించింది. ప్రభుత్వ, ప్రైవేటు రంగంలోని.. న్యూఢిల్లీ, ఆగస్ట్‌ 16: పశ్చిమాసియాలో సంక్షోభ పరిస్థితుల నేపథ్యంలో.. దేశీయంగా వంటగ్యాస్‌ (ఎల్‌పీజీ) ఉత్పత్తి పెంపునకు కేంద్ర ప్రభుత్వం కీలక వ్యూహాన్ని రూపొందించింది. ప్రభుత్వ, ప్రైవేటు రంగంలోని 21 ఆయిల్‌ రిఫైనరీ కంపెనీలు, చమురు/గ్యాస్‌ ఉత్పత్తి సంస్థలకు ఎల్‌పీజీ ఉత్పత్తి పరంగా మొదటిసారి లక్ష్యాలను విధించింది. ఇకపై అవి రోజువారీ 63,180 టన్నులను ఉత్పత్తి చేయాల్సి ఉంటుంది. ఇది ఇంతకుముందు రోజువారీ ఉత్పత్తితో పోల్చితే రెట్టింపు కావడం గమనార్హం. తద్వారా దేశీయ అవసరాలకు సరిపడా సామర్థ్యాన్ని స్థానికంగానే సమకూర్చుకోవాలన్నది కేంద్రం వ్యూహంగా కనిపిస్తోంది. తాజా ఉత్పత్తి పెంపులో రిలయన్స్‌ ఇండస్ట్రీస్‌ కీలక పాత్ర పోషించనుంది. 18,000 టన్నుల మేర లక్ష్యాన్ని రిలయన్స్‌కు కేంద్రం విధించింది. ప్రైవేటు రంగంలోని మరో రిఫైనరీ నయారాకు 4,480 టన్నుల లక్ష్యాన్ని ప్రకటించింది. ప్రభుత్వరంగ ఆయిల్‌ రిఫైనరీలు 31,470 టన్నుల ఎల్‌పీజీని పెట్రోల్‌ శుద్ధి ద్వారా ఉత్పత్తి చేయాల్సి ఉంటుంది. జీఆర్ఎంబీ అజెండా నుంచి తెలంగాణ వ్యతిరేక అంశాలు తొలగించాలి: హరీశ్‌రావు నేరాల స్వరూపం ఎప్పటికప్పుడు మారుతోంది: డీజీపీ ఆనంద్ నకిలీ ట్రేడింగ్ యాప్‌తో బురిడీ.. సీఏను మోసం చేసిన సైబర్ కేటుగాళ్లు

ఒమన్‌తో ఇరాన్ జరుపుతున్న చర్చలు కేవలం సాంకేతికపరమైన నావిగేషన్ మార్గాల ఖరారు కోసమేనని, హోర్ముజ్ జలసంధిని తెరవడానికి దీనికి సంబంధం లేదని ఇరాన్ విదేశాంగ మంత్రి అబ్బాస్ అరాగ్చీ స్పష్టం చేశారు. టెహ్రాన్, ఆగస్టు 16: ఒమన్‌తో ఇరాన్ జరుపుతున్న చర్చలు కేవలం సాంకేతికపరమైన నావిగేషన్ మార్గాల ఖరారు కోసమేనని, హోర్ముజ్ జలసంధిని తెరవడానికి దీనికి సంబంధం లేదని ఇరాన్ విదేశాంగ మంత్రి అబ్బాస్ అరాగ్చీ (Abbas Araghchi) స్పష్టం చేశారు. గతంలో ఉపయోగించిన సముద్ర రవాణా మార్గాలు ప్రస్తుతం పనిచేయడం లేదని, అందువల్ల నౌకల రాకపోకల కోసం తాత్కాలికంగా కొత్త రూట్‌ను డిజైన్ చేస్తున్నామని అరాగ్చీ తెలిపారు. ఒమన్‌తో జరుగుతున్న సంప్రదింపులు కేవలం నౌకల రాకపోకల కోసం మార్గాన్ని కేటాయించే సాంకేతిక చర్చలు మాత్రమే.. కొత్త సముద్ర మార్గాన్ని ఏర్పాటు చేసినంత మాత్రాన హోర్ముజ్ జలసంధిని వెంటనే తెరిచినట్లు కాదు. అమెరికా తనపై ఉన్న నిర్దిష్థ నిబంధనలు/షరతులను నెరవేర్చినప్పుడు మాత్రమే ఈ కీలక జలసంధి ద్వారా నౌకల రాకపోకలను పునఃప్రారంభించే అంశాన్ని పరిశీలిస్తామని అరాగ్చీ స్పష్టం చేశారు

అమెరికా-ఇరాన్ మధ్య కొనసాగుతున్న ఉద్రిక్తతలు మరింత ముదురుతున్న వేళ కీలక పరిణామం చోటుచేసుకుంది. హోర్ముజ్ జలసంధి గుండా ప్రయాణించే నౌకలకు సురక్షిత మార్గం కల్పించే అంశంపై ఇరాన్, ఒమన్ దేశాల మధ్య ఒప్పందం కుదిరింది. టెహ్రాన్: అమెరికా-ఇరాన్ మధ్య కొనసాగుతున్న ఉద్రిక్తతలు మరింత ముదురుతున్న వేళ కీలక పరిణామం చోటుచేసుకుంది. హోర్ముజ్ జలసంధి గుండా ప్రయాణించే నౌకలకు సురక్షిత మార్గం కల్పించే అంశంపై ఇరాన్, ఒమన్ దేశాల మధ్య ఒప్పందం కుదిరింది. హోర్ముజ్‌ను తమ భూభాగంగా వాషింగ్టన్ ప్రకటిస్తుందని అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యల నేపథ్యంలో ఈ పరిణామం ఆసక్తికరంగా మారింది. ఒప్పందంలో భాగంగా ఒమన్‌తో ఇతర అంశాలపై చర్చలు ఇంకా కొనసాగుతున్నప్పటికీ.. నౌకల సురక్షిత రాకపోకలకు సంబంధించిన ఏర్పాట్లు మాత్రం ప్రత్యేకంగా జరిగాయని ఇరాన్ విదేశాంగ శాఖ అధికార ప్రతినిధి ఇస్మాయిల్ బఘాయీ వెల్లడించారు. అయితే అమెరికా విధించిన ఆంక్షలు, నౌకాదళ దిగ్బంధం కారణంగా హోర్ముజ్ జలసంధిలో పూర్తి స్థాయి భద్రతను పునరుద్ధరించడం సాధ్యం కాదని ఆయన పేర్కొన్నారు. హోర్ముజ్‌ను అమెరికా భూభాగంగా ప్రకటిస్తా: ట్రంప్ మరోవైపు అమెరికా అధ్యక్షుడు డొనాల్డ్ ట్రంప్ ఇటీవల చేసిన వ్యాఖ్యలు హోర్ముజ్ వ్యవహారాన్ని మరింత వేడెక్కించాయి. శుక్రవారం నాడు న్యూయార్క్‌లో జరిగిన ఓ రాజకీయ ర్యాలీలో పాల్గొన్న ఆయన.. ఇరాన్‌పై జరుగుతున్న యుద్ధంలో అమెరికా విజయం సాధిస్తుందని ధీమా వ్యక్తం చేశారు. 'ఇరాన్‌ను పూర్తిగా ఓడించిన తర్వాత త్వరలోనే హోర్ముజ్ జలసంధిని అమెరికా భూభాగంగా ప్రకటిస్తా' అని ట్రంప్ వ్యాఖ్యానించారు. అయితే, ట్రంప్ ఆ వ్యాఖ్యలను సరదాగా చేసినట్లు వైట్‌హౌస్‌కు చెందిన ఓ అధికారి చెప్పినట్లు తెలుస్తోంది. ట్రంప్ వ్యాఖ్యలపై ఇరాన్ తీవ్రంగా స్పందించింది. ప్రపంచ చమురు రవాణాలో దాదాపు ఐదో వంతు కలిగిన ఈ జలసంధి తమ ఆధీనంలోనే ఉంటుందని ఇరాన్ పేర్కొంది. 'హోర్ముజ్ జలసంధి ఇరాన్‌దే.. ఇప్పుడు.. భవిష్యత్తులోనూ ఇరాన్‌దే. ఈ జలసంధిని మూసివేయడం, తెరవడం ఇరాన్ ఆదేశాల మేరకే

ప్రపంచాన్ని మరోసారి భయంకరమైన మహమ్మారి వణికిస్తోంది. ఆఫ్రికన్ దేశమైన డెమోక్రటిక్ రిపబ్లిక్ ఆఫ్ కాంగోలో ఎబోలా వైరస్ కరాళ నృత్యం చేస్తోంది. ఇప్పటివరకు మానవాళి చూసిన ఎబోలా విజృంభణలన్నింటిలోనూ ఇది అత్యంత ప్రమాదకరమైనదిగా మారే అవకాశం ఉందని ప్రపంచ ఆరోగ్య సంస్థ తీవ్ర హెచ్చరికలు జారీ చేసింది. మే నెల మధ్యలో ప్రారంభమైన ఈ మరణాల పరంపర కేవలం మూడు నెలల్లోనే వెయ్యి దాటి తీవ్రరూపం దాల్చింది. రోజులు గడుస్తున్నకొద్దీ దీని ఉధృతి తగ్గకపోగా, మరింత వేగంగా వ్యాపిస్తుండటంతో అంతర్జాతీయ ఆరోగ్య అత్యవసర పరిస్థితిగా దీనిని ప్రకటించి హెచ్చరిస్తున్నారు.చాపకింద నీరులా విస్తరిస్తున్న బండిబుగ్యో రకం!ప్రస్తుతం కాంగోలో వణికిస్తున్న ఎబోలా సాధారణ రకం కాదు, దీనిని బండిబుగ్యో అనే ప్రత్యేక స్ట్రెయిన్‌గా గుర్తించారు. ఇప్పటికే 4 వేలకు పైగా పాజిటివ్ కేసులు నమోదుకాగా, దాదాపు 2,000 మందికి పైగా ప్రాణాలు కోల్పోయినట్లు స్థానిక వర్గాలు చెబుతున్నాయి. విచారకరమైన విషయమేమిటంటే.. ఈ మరణాల్లో సగానికి పైగా గత మూడు వారాల వ్యవధిలోనే సంభవించాయి. ముఖ్యంగా ఇటురి ప్రాంతంలో మహిళలు, చిన్న పిల్లలు ఎక్కువగా ఈ రక్కసి బారినపడుతున్నారు. వైద్య వర్గాల్లో కలవరం రేపుతున్న అంశమేమిటంటే.. ఈ వైరస్ శరవేగంగా వ్యాపించడమే కాకుండా, తన రూపం మార్చుకుంటూ మరింత ప్రమాదకరంగా మారుతోందనే అనుమానాలు వ్యక్తమవుతున్నాయి. Ebola: భారత్ సాయానికి చేతులెత్తి మొక్కుతున్న ఆఫ్రికాశాశ్వత నివారణ లేదు.. వికటిస్తున్న అంతర్యుద్ధాలు!ఈ మహమ్మారిని అరికట్టేందుకు ప్రపంచ దేశాలు శ్రమిస్తున్నప్పటికీ క్షేత్రస్థాయి పరిస్థితులు అస్సలు సహకరించడం లేదు. గనుల సంపద ఎక్కువగా ఉండే కాంగో తూర్పు ప్రాంతంలో సాయుధ దళాల మధ్య తరచూ జరిగే గొడవలు, హింసాత్మక ఘటనలు వైద్య బృందాలకు పెద్ద ఆటంకంగా మారాయి. అజ్ఞానం, అవగాహన లోపం కారణంగా స్థానికులు బయటి నుంచి వచ్చే వైద్యులను నమ్మకపోగా, సుమారు డజనుకు పైగా ఎబోలా చికిత్సా కేంద్రాలపై దాడులు చేశారు. అన్నిటికంటే భయంకరమైన విషయమేమిటంటే.. ప్రస్తుతం వ్యాపిస్తున్న బండిబుగ్యో రకానికి ఇంకా

హార్ముజ్ జలసంధిపై తీవ్ర ఉద్రిక్తతలు ట్రంప్ వ్యాఖ్యలను ఖండించిన ఇరాన్ అమెరికా నౌకలకు ప్రవేశం లేదు Strait Of Hormuz: ప్రపంచ చమురు రవాణాకు ఎంతో కీలకమైన హార్ముజ్ జలసంధి(Strait Of Hormuz)పై తమకు పూర్తి నియంత్రణ ఉందంటూ అమెరికా అధ్యక్షుడు డోనాల్డ్ ట్రంప్ చేసిన వ్యాఖ్యలు అంతర్జాతీయంగా తీవ్ర కలకలం రేపిన విషయం తెలిసిందే. తమ నౌకా దిగ్బంధనం 'వాల్ ఆఫ్ స్టీల్' లాంటిదని, దీనిపై అమెరికాకు సంపూర్ణ ఆధిపత్యం ఉందంటూ ట్రంప్ తన 'ట్రూత్ సోషల్' ఖాతాలో పేర్కొన్నారు. అయితే ట్రంప్ వాదనలను ఇరాన్ తీవ్రంగా ఖండించింది. హార్ముజ్ జలసంధి కేవలం ఇస్లామిక్ రిపబ్లిక్ ఇరాన్ నిర్వహణ, పర్యవేక్షణలోనే ఉందంటూ ఇరాన్ రివల్యూషనరీ గార్డ్స్ దళాల ప్రతినిధి హొస్సేన్ తాయెబ్ స్పష్టం చేశారు. Pralhad Joshi: రాహుల్ గాంధీ అహంకారం వల్లే.. కేంద్ర మంత్రి ప్రహ్లాద్ జోషి సంచలన వ్యాఖ్యలు అమెరికా తప్పుగా అంచనా వేస్తోంది: అమెరికా వైఖరిపై ఇరాన్ విదేశాంగ మంత్రి అబ్బాస్ అరాఘ్చీ కూడా ఘాటుగా స్పందించారు. అమెరికా తన నిఘా వైఫల్యాల కారణంగా అంతర్జాతీయ పరిస్థితులను, ఇరాన్ సత్తాను తీవ్రంగా తప్పుగా అంచనా వేస్తోందని ఆరోపించారు. హార్ముజ్ జలసంధి విషయంలో ట్రంప్ సర్కార్ అంతకంటే పెద్ద తప్పిదానికి పాల్పడుతోందని హెచ్చరించారు. భవిష్యత్తులో ఈ వ్యూహాత్మక జలమార్గం గుండా వెళ్లే నౌకలపై ప్రత్యేకంగా టోల్ వ్యవస్థను కూడా అమలు చేయాలని ఆలోచిస్తున్నట్లు ఇరాన్ ఈ సందర్భంగా పునరుద్ఘాటించింది. అమెరికా, ఇజ్రాయెల్ నౌకలకు ప్రవేశం లేదు: శాంతి సమయమైనా లేదా యుద్ధ సమయమైనా అమెరికా, ఇజ్రాయెల్ (జియోనిస్ట్) దేశాలకు చెందిన ఏ ఒక్క సైనిక లేదా చమురు నౌకను హార్ముజ్ జలసంధి గుండా అనుమతించబోమని ఇరాన్ పార్లమెంట్ ప్రతినిధులు తేల్చిచెప్పారు. మరోవైపు ఒమన్‌తో ప్రత్యామ్నాయ మార్గాలపై చర్చలు జరుగుతున్నప్పటికీ, తమ విస్తృత డిమాండ్లను అమెరికా నెరవేర్చే వరకు హార్ముజ్‌ను పూర్తిగా తెరవబోమని తేహ్రాన్ స్పష్టం చేయడంతో ఈ ప్రాంతంలో ఉద్రిక్తతలు

బంగ్లాదేశ్ (Bangladesh) ను కారు చీకట్లు కమ్మేస్తున్నాయి. దేశమంతా విద్యుత్ కోతలతో (Power Crisis) అల్లాడుతోంది. దేశవ్యాప్తంగా చాలా ప్రాంతాల్లో గంటల తరబడి విద్యుత్ నిలిపేస్తున్నారు. విద్యుత్ ను ఆదా చేసేందుకు ప్రభుత్వం షాపులు, మాల్స్ ను రాత్రి 8 గంటలకే మూసేయాలని ఆదేశాలు ఇచ్చింది. విద్యుత్ కోతలపై మండిపడుతున్న జనం.. విద్యుత్ కేంద్రాలపై దాడులకు దిగుతున్నారు. ఈ నేపథ్యంలో బంగ్లాదేశ్ పొరుగున ఉన్న భారత్ సాయం కోరుతోంది.Sheikh Hasina: అరెస్టవుతా లేదా చచ్చిపోతా..! బంగ్లా రిటర్న్ ఎప్పుడో తేల్చేసిన షేక్ హసీనా..!బంగ్లాదేశ్ రాజధాని ఢాకా చుట్టూ ఉన్న గ్రామాల్లో విద్యుత్ కొరత తీవ్రంగా ఉన్నట్లు తెలుస్తోంది. ప్రతీ రోజూ ఇక్కడ 8-10 గంటల పాటు విద్యుత్ కోతలు ఉంటున్నాయి. దేశంలో విద్యుత్ డిమాండ్ సుమారు 18వేల మెగావాట్లుగా ఉండగా, సరఫరా 13వేల మెగావాట్లకు కూడా చేరుకోలేకపోతోంది. దీనికి ఉక్కపోత, వేడిమి తోడై అల్లాడుతున్న జనం.. కొన్ని ప్రాంతాల్లో విద్యుత్ కేంద్రాలపై దాడి చేస్తున్నారు. ప్రభుత్వం అన్ని షాపింగ్ మాల్స్, మార్కెట్లు, దుకాణాలను రాత్రి 8 గంటలలోపు మూసివేయాలని ఆదేశించింది. దేశవ్యాప్తంగా అన్ని వాణిజ్య ప్రదర్శనలు, సాంస్కృతిక కార్యక్రమాలు రాత్రి 8 గంటలలోపు ముగించాలని కోరింది. అలంకరణ దీపాలను నిషేధించారు. అన్ని విద్యుత్ బిల్‌ బోర్డులను రాత్రి 7 గంటలలోపు ఆపేయాలని కూడా ఆదేశాలు ఇచ్చారు. ఆసుపత్రులు, ఫార్మసీలకు మాత్రం మినహాయింపు ఇట్చారు. భారత్-బంగ్లా మధ్య మళ్లీ హసీనా చిచ్చు..! ఢాకా ఫైర్-పాక్ తో పోల్చిన కుమారుడు..!ఈ పరిస్థితికి ప్రధాన కారణం ఇంధనం, గ్యాస్ కొరత. బంగ్లాదేశ్ తన చమురులో 90 శాతం పైగా, గ్యాస్‌లో 30 శాతం దిగుమతి చేసుకుంటుంది. గత నెలలో అమెరికా కంపెనీ ఎక్సెలరేట్ ఎనర్జీకి చెందిన ఒక టెర్మినల్‌లో అగ్నిప్రమాదం తర్వాత LNG సరఫరా సగానికి పడిపోయింది. జూలై 21 తర్వాత ఆ టెర్మినల్ మూసేసిన ఈ టెర్మినల్.. తిరిగి ఈ వారం ప్రారంభంలోనే పాక్షికంగా ప్రారంభమైంది. అలాగే

అమెరికాతో జరుగుతున్న సైనిక సంఘర్షణను అధ్యక్షుడు డొనాల్డ్ ట్రంప్ పదవీకాలం ముగిసే వరకు ఉద్దేశపూర్వకంగా పొడిగించే అవకాశం ఉందని ఇరాన్ ఇస్లామిక్ రివల్యూషనరీ గార్డ్ కార్ప్స్ సీనియర్ సలహాదారు మొహమ్మద్ రెజా నఖ్దీ ప్రకటించారు. భవిష్యత్తులో ఇరాన్ జోలికి రావలంటే ఏ దేశమైనా భారీ మూల్యం చెల్లించుకోవాలనే భయాన్ని సృష్టించడమే తమ ప్రధాన వ్యూహమని ఆయన స్పష్టం చేశారు. పిబిఎస్ న్యూస్‌హవర్‌కు ఇచ్చిన ఒక ప్రత్యేక ఇంటర్వ్యూలో నఖ్దీ ఈ విషయాన్ని వెల్లడించారు. అమెరికా సైనిక శక్తులను సుదీర్ఘకాలం పాటు క్షిణతకు గురిచేయడం ద్వారా శాశ్వత నిరోధక శక్తిని సాధించవచ్చని ఇరాన్ ఐఆర్‌జీసీ విశ్వసిస్తోంది. 2026 నాటికి అమెరికా మరియు ఇరాన్ మధ్య సైనిక ఉద్రిక్తతలు అత్యున్నత స్థాయికి చేరుకున్నాయి. ముఖ్యంగా హార్ముజ్ జలసంధి నియంత్రణ, నౌకలపై విరుచుకుపడటం, క్షిపణి మరియు డ్రోన్ దాడులు ఈ యుద్ధంలో ప్రధానాంశాలుగా మారాయి. డొనాల్డ్ ట్రంప్ పరిపాలన ఈ కీలక జలమార్గం తమ సంపూర్ణ అదుపులో ఉందని ప్రకటిస్తున్నప్పటికీ, పరిస్థితులు మారే వరకు మార్గాన్ని తెరవబోమని ఇరాన్ కరాఖండిగా చెబుతోంది. గత ఐదు నెలల సైనిక పోరాటంలో అమెరికా ఆర్మీ అసలు సామర్థ్యం తమ అంచనాల కంటే చాలా తక్కువగా ఉందని ఇరాన్ ఐఆర్‌జీసీ గుర్తించింది. దీంతో వాషింగ్టన్ సైనిక వ్యూహంలో తీవ్ర గందరగోళం నెలకొందని, అమెరికా ప్రతి రెండు రోజులకు ఒకసారి తమ లక్ష్యాలను మారుస్తోందని ఇరాన్ విమర్శించింది. ఇదిలా ఉండగా ఇరాన్ నాయకత్వాన్ని కూల్చివేయడం మరియు దేశాన్ని ముక్కలు చేయడం లాంటి అమెరికా వ్యూహాలు పూర్తిగా విఫలమయ్యాయని నఖ్దీ పేర్కొన్నారు. ఖార్గ్ దీవిపై దాడి చేయడం లేదా హార్ముజ్ జలసంధిని బలవంతంగా తెరవడం లాంటి అమెరికా ప్రయత్నాలు క్షేత్రస్థాయిలో ఎలాంటి ఫలితాన్ని ఇవ్వలేకపోయాయని ఆయన స్పష్టం చేశారు. తమ క్షిపణి ఉత్పత్తి సామర్థ్యం రోజువారీ వినియోగం కంటే చాలా ఎక్కువగా ఉందని కూడా ఆయన వివరించారు. ఈ నేపథ్యంలో యుద్ధం అనేక సంవత్సరాల పాటు

అమెరికా అధ్యక్షుడు డొనాల్డ్ ట్రంప్ తన సోషల్ మీడియా వేదిక ట్రూత్ సోషల్లో హార్ముజ్ జలసంధిలో అమెరికా బలగాలు నిర్మించిన నావికా దిగ్బంధనాన్ని ఉక్కుగోడగా అభివర్ణించారు. దేవుడి దయవల్ల ఈ ఉక్కుగోడను నిర్మించగలిగామని.. ఇది ఇలాగే కొనసాగుతుందని డొనాల్డ్ ట్రంప్ అన్నారు. హార్ముజ్ జలసంధిపై అమెరికాకు పూర్తి నియంత్రణ ఉందనే విషయాన్ని ట్రంప్ స్పష్టం చేస్తూ.. ఈ నావికా దిగ్బంధనాన్ని అడ్డుకోవడంలో ఇరాన్ పూర్తిగా విఫలమైందని పేర్కొన్నారు.హార్ముజ్ జలసంధిపై ఇరాన్ కీలక ప్రకటన.. అమెరికా ముందు షాకింగ్ డిమాండ్స్! ఒకప్పుడు మధ్యప్రాచ్య పితామహుడిగా పరిగణించబడిన ఇరాన్ ఇప్పుడు మునుపటిలా లేదని ట్రంప్ ఎద్దేవా చేశారు. ప్రస్తుతం ఇరాన్ వద్ద బలమైన నావికాదళం గానీ, వైమానిక దళం గానీ లేవని పేర్కొన్నారు. ఆ దేశ ఇస్లామిక్ రెవల్యూనరీ గార్డ్ కార్ప్స్(ఐఆర్జీసీ) బలగాలు చెల్లాచెదురై పారిపోతున్నాయని.. మిగిలి ఉన్న సైనికులకు జీతాలు కూడా అందడం లేదని ట్రంప్ పేర్కొన్నారు. అక్కడ ద్రవ్యోల్బణం 300 శాతానికి చేరుకుందని, వారి పరిస్థితి నిరంతరం క్షీణిస్తోందని ఆయన పేర్కొన్నారు. ఇరాన్ కేవలం మాటలతో కాలం వెళ్లదీస్తోందని ట్రంప్ ఆరోపించారు.ఆగష్టు 12న హోర్ముజ్ గుండా కేవలం 8 ఓడలు మాత్రమే.. హార్ముజ్ జలసంధి గుండా నౌకా రవాణా అత్యంత పరిమితంగానే ఉంది. సాధారణంగా ప్రతిరోజూ 130-140 నౌకలు ప్రయాణించే ఈ జలసంధి గుండా, ప్రపంచ ముడి చమురులో 20 శాతం రవాణా జరిగే చోట, ఆగస్టు 12వ తేదీన కేవలం 8 నౌకలు మాత్రమే ప్రయాణించాయి. ప్రపంచంలోనే అత్యంత ప్రమాదకరమైన విమాన మార్గం: మనకు ఇంత దగ్గర్లోనే!ఇరాన్, ఒమన్ మధ్య సురక్షితమైన నౌకాయానం కోసం ఓ కొత్త సముద్ర మార్గానికి అంగీకారం కుదిరింది. ఈ ప్రతిపాదన ప్రకారం, ఇరాన్‌లోకి వచ్చే నౌకలు ఇరాన్‌కు అత్యంత సమీపంలో ఉన్న కాలువ గుండా.. ఒమన్ నుంచి వెళ్లే నౌకలు ఒమన్‌కు అత్యంత సమీపంలో ఉన్న కాలువ గుండా ప్రయాణించగలవు. అయితే జలసంధిని తిరిగి తెరవడానికి ఇది

దేశీయ కార్పొరేట్ ప్రపంచంలో అత్యంత శక్తివంతమైన వ్యాపార సామ్రాజ్యం టాటా గ్రూప్‌లో ఊహించని భారీ పరిణామాలు ప్రారంభమయ్యాయి. టాటా సన్స్ చైర్మన్‌గా వ్యవహరిస్తున్న ఎన్.చంద్రశేఖరన్ తన పదవికి రాజీనామా చేశారు. ఈ నెల 18న జరగనున్న అత్యంత కీలకమైన టాటా గ్రూప్ వార్షిక జనరల్ బాడీ సమావేశానికి కొద్దిరోజుల ముందే ఆయన ఈ నిర్ణయం తీసుకోవడం దేశీయ వ్యాపార రంగాన్ని తీవ్ర దిగ్భ్రాంతికి గురిచేసింది. ప్రస్తుత పదవీకాలం 2027 ఫిబ్రవరి వరకు ఉండటంతో, అప్పటివరకు మాత్రమే బాధ్యతల్లో కొనసాగుతానని, ఆ తర్వాత చైర్మన్‌గా మళ్లీ అవకాశం కోరబోనని ఆయన స్పష్టం చేశారు.రాజీనామా వెనుక అసలు కథ1987లో సాధారణ ఉద్యోగిగా టీసీఎస్‌లో ప్రస్థానం ప్రారంభించి, 2017లో దివంగత రతన్ టాటా ఆశీస్సులతో గ్రూప్‌లోనే అత్యున్నత పీఠాన్ని దక్కించుకున్న మొదటి నాన్-టాటా ఫ్యామిలీ లీడర్ చంద్రశేఖరన్. అయితే, గత కొంతకాలంగా గ్రూప్‌లో ప్రధాన భాగస్వామి అయిన టాటా ట్రస్ట్స్ చైర్మన్ నోయెల్ టాటా, చంద్రశేఖరన్ మధ్య కొన్ని విధానపరమైన విషయాల్లో తీవ్రమైన విభేదాలు నడుస్తున్నాయి.టాటా సన్స్ కు భారీ దెబ్బ: Air India లో పెను తుఫాను! విల్సన్ ఔట్!కంపెనీ అప్పుల తగ్గింపు, టాటా సన్స్‌ను పబ్లిక్ లిస్టింగ్ చేయకుండా చూడటం, షాపూర్జీ పల్లోంజీ గ్రూప్‌తో ఉన్న పాత వివాదాల పరిష్కారం వంటి అంశాలపై నోయెల్ టాటా గట్టి హామీలు కోరినట్లు తెలుస్తోంది. ఈ ఉద్రిక్తతల నేపథ్యంలోనే చంద్రశేఖరన్ తప్పుకోవడమే మేలనే నిర్ణయానికి వచ్చినట్లు సమాచారం.బిగ్ ఇంపాక్ట్: కుప్పకూలిన టాటా గ్రూప్ షేర్లు!చంద్రశేఖరన్ రాజీనామా వార్త బయటకు రావడమే ఆలస్యం, స్టాక్ మార్కెట్లలో టాటా గ్రూప్ కంపెనీల షేర్లు ఒక్కసారిగా పతనమయ్యాయి. దేశంలోనే అతిపెద్ద ఐటీ సంస్థ టీసీఎస్ షేరు విలువ ఏకంగా 4 శాతం మేర క్షీణించగా, టాటా మోటార్స్, టాటా కన్జ్యూమర్ ప్రోడక్ట్స్ షేర్లు కూడా భారీగా నష్టాల్లోకి జారుకున్నాయి. ఇన్వెస్టర్లలో ఒక్కసారిగా ఆందోళన నెలకొనడంతో బెంచ్ మార్క్ సూచీలపై ఈ ప్రభావం స్పష్టంగా

హోర్ముజ్ జలసంధి పూర్తిగా తమ నియంత్రణలో ఉందని అమెరికా అధ్యక్షుడు డొనాల్డ్ ట్రంప్ అన్నారు. ఇరాన్ రెచ్చగొట్టే చర్యలకు దిగితే గట్టిగా బదులిస్తామని హెచ్చరించారు. ఇంటర్నెట్ డెస్క్: హోర్ముజ్ జలసంధి పూర్తిగా తమ నియంత్రణలో ఉందని అమెరికా అధ్యక్షుడు డొనాల్డ్ ట్రంప్ అన్నారు. ఇరాన్ రెచ్చగొట్టే చర్యలకు దిగితే గట్టిగా బదులిస్తామని హెచ్చరించారు. ‘నేను ఇరాన్‌ను విశ్వసించను. వాళ్లు నిత్యం నాతో అబద్ధాలు ఆడుతూనే ఉన్నారు. ప్రస్తుతం హోర్ముజ్‌పై మాకు పూర్తి నియంత్రణ ఉంది. వాళ్లకు హోర్ముజ్‌పై కంట్రోల్ లేదు. అది మా సొంతం. వాళ్లు ఈ విషయంలో ఏదోకటి చేసేందుకు ప్రయత్నించి చివరకు తుత్తునియలు అవుతారు’ అని ట్రంప్ అన్నారు. ప్రస్తుతం పశ్చిమాసియాలో అమెరికా పటిష్ఠ స్థితిలో ఉందని కూడా చెప్పారు. ‘పశ్చిమాసియాలో ఇరుగుపొరుగును ఓ దేశం గత 50 ఏళ్లుగా బెదిరిస్తోంది. ఆ బెదిరింపులకు ఇక కాలం చెల్లిపోయింది’ అని ట్రంప్ అన్నారు. మరోవైపు, అమెరికా అన్యాయంగా, అవమానకరంగా తమపై ఆంక్షలు విధిస్తోందని ఇరాన్ విదేశాంగ శాఖ ప్రతినిధి ఆగ్రహం వ్యక్తం చేసినట్టు స్థానిక మీడియాలో కథనాలు వెలువడ్డాయి. ‘ప్రస్తుతం హోర్ముజ్‌లో పరిస్థితులకు అమెరికా, ఇజ్రాయెల్ కారణం. ఇప్పటికీ వారి దాడులు కొనసాగుతున్నాయి’ అని విదేశాంగ శాఖ ప్రతినిధి అన్నారు. ఇదిలా ఉంటే, హోర్ముజ్‌లో భద్రంగా రవాణా కొనసాగించే దిశగా ఇరాన్, ఒమాన్ మధ్య చర్చలు జరుగుతున్నట్టు అంతర్జాతీయ మీడియాలో వార్తలు వెలువడుతున్నాయి. ఇరాన్ ముప్పు నుంచి తప్పించుకునేందుకు అలా చేశా: డొనాల్డ్ ట్రంప్ ప్రయోగించిన 85 సెకన్లకే పేలిపోయిన చైనా రాకెట్.. వీడియో వైరల్

హిమాచల్ ప్రదేశ్‌లో వాహనదారులపై ప్రభుత్వం కొత్త భారం మోపింది. రాష్ట్రంలో విక్రయించే ప్రతి లీటర్ పెట్రోల్, డీజిల్‌పై 60 పైసల చొప్పున 'వితంతు, అనాథల సెస్' (Widow and Orphan Cess) విధిస్తూ నిర్ణయం తీసుకుంది. ఇవాళ్టి నుంచే ఈ కొత్త ధరలు అమల్లోకి వచ్చాయి. ఇది ముడి చమురు ధరల పెరుగుదల వల్ల కాకుండా, రాష్ట్ర ప్రభుత్వం ప్రత్యేకంగా విధించిన సెస్ కావడం గమనార్హం. రాష్ట్ర పన్నులు, ఎక్సైజ్ శాఖ ఈ మేరకు నోటిఫికేషన్ జారీ చేసింది. ప్రస్తుతానికి 60 పైసలు విధిస్తున్నప్పటికీ, చట్టప్రకారం లీటర్‌కు రూ.5 వరకు వసూలు చేసే అధికారం ప్రభుత్వానికి ఉంది. దీంతో భవిష్యత్తులో ఈ భారం మరింత పెరిగే అవకాశం ఉందని ఆందోళనలు వ్యక్తమవుతున్నాయి.సెస్ విధింపు వెనుక కారణం ఏంటి?ముఖ్యమంత్రి సుఖ్విందర్ సింగ్ సుఖు నేతృత్వంలోని ప్రభుత్వం ఈ ఏడాది మార్చిలోనే ఈ సెస్ కోసం అసెంబ్లీలో బిల్లును ప్రవేశపెట్టింది. రాష్ట్రంలో ఇప్పటికే వితంతువులు, అనాథల కోసం పలు సంక్షేమ పథకాలు అమలవుతున్నాయి. అయితే, బడ్జెట్ కేటాయింపులతో సంబంధం లేకుండా ఈ పథకాలకు నిరంతరాయంగా నిధులు సమకూర్చాలనే ఉద్దేశంతో ఈ ప్రత్యేక నిధిని ఏర్పాటు చేస్తున్నట్లు ప్రభుత్వం తెలిపింది. ప్రతిపక్షాల నిరసనల మధ్య ఈ బిల్లు మూజువాణి ఓటుతో ఆమోదం పొందింది.అయితే, ఎవరి సంక్షేమం కోసమైతే ఈ సెస్ విధిస్తున్నారో, అదే వితంతువులు, అనాథ కుటుంబాలు సహా సామాన్యులందరిపైనా ఈ భారం పడుతుండటం విమర్శలకు తావిస్తోంది. ప్రభుత్వం తీసుకున్న ఈ నిర్ణయం అన్యాయమని పెట్రోలియం డీలర్ల సంఘం పేర్కొంది. ధరల

ప్రపంచవ్యాప్తంగా టీ20 ఫ్రాంచైజీ లీగ్‌ల హవా నడుస్తున్న తరుణంలో, 50 ఓవర్ల వన్డే ఫార్మాట్ భవిష్యత్తుపై దక్షిణాఫ్రికా క్రికెట్ దిగ్గజం, అత్యుత్తమ ఫీల్డర్ జాంటీ రోడ్స్ తీవ్ర ఆందోళన వ్యక్తం చేశాడు. ప్రస్తుతం కేవలం అభిమానుల మద్దతుతోనే వన్డే క్రికెట్ మనుగడ సాగిస్తోందని, కానీ రానున్న రోజుల్లో ఈ ఫార్మాట్‌కు తీవ్రమైన ముప్పు ఎదురవ్వక తప్పదని ఆయన హెచ్చరించాడు.క్రికెట్ క్యాలెండర్‌లో టీ20 లీగ్‌ల ప్రాధాన్యం రోజురోజుకు పెరుగుతోందని, దీంతో ఆటగాళ్లు, బోర్డులు కూడా వాటి వైపే మొగ్గు చూపుతున్నారని జాంటీ రోడ్స్ అభిప్రాయపడ్డాడు. "ప్రస్తుతం స్టేడియాలకు తరలివస్తున్న అభిమానుల ఉత్సాహమే వన్డే ఫార్మాట్‌ను కాపాడుతోంది. అయితే, కేవలం అభిమానుల ప్రేమే సరిపోదు. ఈ ఫార్మాట్ ఉనికిని కాపాడేందుకు ఐసీసీ, ఇతర దేశాల క్రికెట్ బోర్డులు స్పష్టమైన ప్రణాళికతో ముందుకు రాకపోతే, భవిష్యత్తులో వన్డే క్రికెట్ తీవ్ర సంక్షోభంలో పడుతుంది" అని ఆయన స్పష్టం చేశాడు.ఒకవైపు సంప్రదాయ టెస్టు క్రికెట్‌కు ఉన్న గౌరవం, మరోవైపు టీ20 ఫార్మాట్‌కు ఉన్న కమర్షియల్ క్రేజ్ మధ్యలో వన్డే క్రికెట్ నలిగిపోతోందని క్రీడా విశ్లేషకులు సైతం భావిస్తున్నారు. ఈ నేపథ్యంలో జాంటీ రోడ్స్ చేసిన వ్యాఖ్యలు ఇప్పుడు క్రికెట్ ప్రపంచంలో పెద్ద చర్చకు దారితీశాయి. వన్డే ఫార్మాట్‌ను కాపాడుకోవడానికి ఎలాంటి చర్యలు చేపట్టాలనే దానిపై పునరాలోచించాల్సిన అవసరం ఉందని ఆయన మాటలు గుర్తుచేస్తున్నాయి

జీవీఎంసీ పరిధిలోని ప్రజలకు తాగునీరు సరఫరా చేసే టౌన్ సర్వీస్ రిజర్వాయర్‌ను జీవీఎంసీ కమిషనర్ కేతన్ గార్గ్ సందర్శించారు. నగర ప్రజలకు తాగునీటి ఇబ్బందులు లేకుండా ముందస్తు జాగ్రత్తలు తీసుకుంటున్నామని ఈ సందర్భంగా జీవీఎంసీ కమిషనర్ తెలిపారు. విశాఖపట్నం, ఆగస్టు 12: జీవీఎంసీ పరిధిలోని ప్రజలకు తాగునీరు సరఫరా చేసే టౌన్ సర్వీస్ రిజర్వాయర్‌ను జీవీఎంసీ కమిషనర్ కేతన్ గార్గ్ ఈరోజు(బుధవారం) సందర్శించారు. నగర ప్రజలకు తాగునీటి ఇబ్బందులు లేకుండా ముందస్తు జాగ్రత్తలు తీసుకుంటున్నామని ఈ సందర్భంగా జీవీఎంసీ కమిషనర్ తెలిపారు. ముడసర్లోవ రిజర్వాయర్‌తోపాటు ఇతర రిజర్వాయర్లలో నీటి శాతం తగ్గిందన్నారు. ఈ క్రమంలో ఏలేరు కాలువ ద్వారా నగరానికి నీటి సరఫరా చేయనున్నట్లు వెల్లడించారు. ఆరిలోవ, కేఆర్‌ఎం కాలనీ, పోతిన మల్లయ్యపాలెం సహా ఆరు ప్రాంతాల్లో నీటి సమస్య అధికంగా ఉందని కమిషనర్ అన్నారు. గత రెండు రోజులుగా ఆయా ప్రాంతాలకు ఇబ్బంది లేకుండా నీటి సరఫరా చేస్తున్నట్లు తెలిపారు. నీటి సరఫరా సమయాన్ని అరగంట నుంచి 45 నిమిషాలకు పెంచినట్లు చెప్పారు. నీటి సమస్య ఉన్న ప్రాంతాలకు ఉచిత నీటి ట్యాంకర్లను కూడా సరఫరా చేస్తున్నట్లు జీవీఎంసీ కమిషనర్ కేతన్ గార్గ్ పేర్కొన్నారు. ఇరాన్ ముప్పు నుంచి తప్పించుకునేందుకు అలా చేశా: డొనాల్డ్ ట్రంప్ దోమల నివారణకు పురుగుమందు పిచికారీ.. కాసేపటికే ఇద్దరి మృతి

అబుజా (నైజీరియా): ఘర్షణలతో తీవ్రంగా ప్రభావితమైన దేశ ఉత్తర ప్రాంతంలోని మారుమూల ప్రాంతంలో తిరుగుబాటుదారులు, నైజీరియా భద్రతా బలగాల మధ్య జరిగిన కాల్పుల్లో 10 మంది పోలీసు అధికారులు మృతి చెందారని అధికారులు మంగళవారం వెల్లడించారు. సోమవారం కెబ్బీ రాష్ట్రంలోని సకాబా కౌన్సిల్ ప్రాంతంలో జరిగిన ఈ ఘర్షణలో ఇద్దరు పౌరులు, 17 మంది తిరుగుబాటుదారులు కూడా మృతి చెందారని పోలీసు ప్రతినిధి బషీర్ ఉస్మాన్ ప్రకటనలో తెలిపారు. అంటే మొత్తం కలిపి 29 మంది మృతి చెందారు. తిరుగుబాటుదారులు మోటార్‌సైకిళ్లపై ప్రయాణిస్తూ, భారీ ఆయుధాలతో ఉన్న సమయంలో భద్రతా బలగాలు వారిని అడ్డుకున్నాయని ఉస్మాన్ తెలిపారు. నైజీరియా పట్టణాలు, గ్రామాలపై తరచూ దాడులు చేసే సాయుధ ముఠాలు ఎక్కువగా ఉన్న జంఫారా రాష్ట్ర సరిహద్దు సమీపంలో వారు కనిపించారని చెప్పారు. “దురదృష్టవశాత్తు ఈ ఎదురుకాల్పుల్లో 10 మంది పోలీసు సిబ్బందిని కోల్పోయాం. ఇద్దరు గాయపడ్డారు. వారికి వైద్య చికిత్స అందుతోంది” అని పోలీసు ప్రతినిధి తెలిపారు. తిరుగుబాటుదారులు నైజీరియా ఉత్తర-పశ్చిమ ప్రాంతంలో చురుకుగా ఉన్న సాయుధ ముఠాలకు చెందినవారు. వీరిని స్థానికంగా "బాండిట్స్" అని పిలుస్తారు. తిరుగుబాటు, హింసకు పేదరికం, నిరుద్యోగం ఎక్కువగా ఉండటం, ప్రభుత్వ నియంత్రణ బలహీనంగా ఉండటం, జాతి, భూవివాదాలు తీవ్రరూపం దాల్చడం, పశువుల కాపరులు, రైతుల మధ్య ఘర్షణలు పెరగడం వంటివి కారణాలు. ఆయుధాలు సులభంగా అందుబాటులో ఉంటున్నాయి. కొంతమంది నేర ముఠాలు గ్రామాలపై దాడులు చేసి డబ్బు వసూలు చేయడం, అపహరణలకు పాల్పడుతున్నారు. జంఫారా, కెబ్బీ, సోకోటో, కత్సీనా రాష్ట్రాల్లో ఇలాంటి సాయుధ గుంపులు తరచూ భద్రతా బలగాలపై, గ్రామాలపై దాడులు చేస్తుంటాయి. ఫైరింగ్ కియారా.. అందం ఏ మాత్రం తగ్గలే (ఫొటోలు) ఐశ్వర్య రాజేశ్ ఇంతలా మారిపోయిందేంటి? (ఫొటోలు) కిరణ్ అబ్బవరం క్యూట్ ఫ్యామిలీ.. వెకేషన్ (ఫొటోలు) కొత్త కరెన్సీ వచ్చేస్తోంది.. 100 కోట్ల ప్లాస్టిక్ నోట్లతో కేంద్రం ట్రయల్ ఒక్క ఉద్యోగం లేని టెసారా

మత్తులో ఉన్నట్లు కనిపిస్తున్న ఇద్దరు వ్యక్తుల వీడియోను పంజాబ్‌లో ‘జాంబీ డ్రగ్’ సమస్యకు నిదర్శనంగా పేర్కొంటూ బీజేపీ రాజ్యసభ సభ్యుడు హర్భజన్ సింగ్ సోషల్ మీడియా వేదికగా ఆందోళన వ్యక్తం చేశారు. ఈ వీడియో పంజాబ్‌లో ఆప్, బీజేపీ మధ్య కొత్త రాజకీయ వివాదానికి కారణమైంది. చండీగఢ్: సోషల్ మీడియాలో వైరల్ అయిన ఓ వీడియో పంజాబ్‌లో అధికార ఆమ్ ఆద్మీ పార్టీ (ఆప్), భారతీయ జనతా పార్టీ(బీజేపీ) మధ్య కొత్త రాజకీయ వివాదానికి కారణమైంది. మత్తులో ఉన్నట్లు కనిపిస్తున్న ఇద్దరు వ్యక్తుల వీడియోను పంజాబ్‌లో ‘జాంబీ డ్రగ్’ సమస్యకు నిదర్శనంగా పేర్కొంటూ బీజేపీ రాజ్యసభ సభ్యుడు హర్భజన్ సింగ్ సోషల్ మీడియా వేదికగా ఆందోళన వ్యక్తం చేశారు. అయితే ఆ వీడియో పంజాబ్‌కు చెందినది కాదని.. రాజస్థాన్‌లోని శ్రీగంగానగర్‌లో చిత్రీకరించిందని పంజాబ్ మంత్రి డాక్టర్ బల్జిత్ కౌర్ స్పష్టం చేశారు. హర్భజన్ సింగ్ షేర్ చేసిన వీడియోలో తలపాగాలు ధరించిన ఇద్దరు వ్యక్తులు రోడ్డుపై తడబడుతూ, నిలబడేందుకు ఇబ్బంది పడుతున్నట్లు కనిపించారు. ఈ దృశ్యాలను పలువురు సోషల్ మీడియా వినియోగదారులు మాదకద్రవ్యాల ప్రభావంతో ఉన్నవారిగా పేర్కొన్నారు. దీంతో పంజాబ్‌లో డ్రగ్స్ పరిస్థితిపై చర్చకు దారితీసింది. రాష్ట్ర యువతకు మెరుగైన భవిష్యత్తు అవసరమని, సమస్యపై నిజాయితీ, బాధ్యతతో తక్షణ చర్యలు తీసుకోవాలని హర్భజన్ సింగ్ కోరారు. అయితే దీనిపై మంత్రి బల్జిత్ కౌర్ తీవ్రంగా స్పందించారు. రాజస్థాన్‌లోని శ్రీగంగానగర్‌కు చెందిన వీడియోను పంజాబ్ ఘటనగా ప్రచారం చేయడం సరికాదని మండిపడ్డారు. రాజకీయ ప్రయోజనాల కోసం పంజాబ్ ప్రతిష్ఠను దెబ్బతీసే ప్రయత్నం చేయొద్దని బీజేపీపై విమర్శలు గుప్పించారు. ఇదిలా ఉండగా,వీడియోలో కనిపిస్తున్న వ్యక్తులు ఏ మాదకద్రవ్యాన్ని తీసుకున్నారనే విషయంపై ఇప్పటివరకు స్వతంత్రంగా ఎలాంటి నిర్ధారణ వెలువడలేదు. దీంతో అసలు ఘటనకు సంబంధించిన వివరాలు స్పష్టంగా తెలియకముందే వీడియోను పంజాబ్ డ్రగ్స్ సమస్యతో ముడిపెట్టడంపై ఆప్ అభ్యంతరం వ్యక్తం చేస్తోంది. మరోవైపు, రాష్ట్రంలో మాదకద్రవ్యాల సమస్యను ప్రభుత్వం

Hormuz Shipping Crisis: హోర్ముజ్‌ జలసంధిలో భారీగా పడిపోయిన రవాణా...చమురు సంక్షోభంతో అల్లాడిపోతున్న దేశాలు ఈ వార్తకు సంబంధించిన

గత వారం షేక్ హసీనా చేసిన ప్రసంగం ఒక ముఖ్యమైన రాజకీయ ప్రకటన మాత్రమే కాదు, ఆమెకు ఉన్న మద్దతు స్థాయి ఎంత? అది ఎంత విస్తరించి ఉందో అంచనా వేసే ప్రయత్నం కూడా. ఈ కార్యక్రమాన్ని న్యూఢిల్లీలోని ఫారిన్ కరెస్పాండెంట్స్ క్లబ్, సౌత్ ఏషియా వర్చువల్‌గా నిర్వహించింది. తాను బంగ్లాదేశ్‌కు తిరిగి వస్తానని, దాని వల్ల ఎలాంటి పరిణామాలు ఎదురైనా, ప్రాణాలకు ముప్పు వచ్చినా సిద్ధంగా ఉన్నానని హసీనా ప్రకటించారు. తన తండ్రి బంగబంధు షేక్ ముజిబుర్ రెహ్మాన్ వారసత్వం, స్వాతంత్య్ర పోరాటం, 1971 విమోచన యుద్ధాన్ని ప్రస్తావిస్తూ, 1981, 1983, 1985 సంవత్సరాల్లో తన ప్రవాస జీవితం, అరెస్టు, 2004 హత్యాయత్నాన్ని గుర్తుచేశారు. అయితే 2007లో అప్పటి సైన్య మద్దతు ఉన్న కేర్‌టేకర్ ప్రభుత్వం తన ప్రవేశాన్ని అడ్డుకునేందుకు చేసిన ప్రయత్నం, ఢాకాలో లభించిన భారీ స్వాగతాన్ని కూడా ఆమె ప్రస్తావించారు. ఇది రానున్న డిసెంబరులో ఆమె తిరిగి బంగ్లాదేశ్‌కు రావాలనే యత్నానికి ముఖ్యమైన సూచనగా నిలుస్తోంది. ఇక్కడ పెద్ద ప్రశ్న ఏంటంటే, హసీనా ప్రతిపాదించిన పునరాగమనం బంగ్లాదేశ్‌లో రాజకీయ పోటీని మళ్లీ తెరపైకి తీసుకువస్తుందా? లేక ఇప్పటికే ఉన్న వ్యవస్థలో విభేదాలను మరింత పెంచుతుందా? ఈ ప్రశ్నకు వచ్చే సమాధానమే అవామీ లీగ్ భవిష్యత్తు, బంగ్లాదేశ్ అంతర్గత రాజకీయాలు, భారతదేశంతో సంబంధాలను నిర్దేశించనుంది. హసీనా మూడు ప్రధాన డిమాండ్లు ముందుంచారు. అవామీ లీగ్‌పై నిషేధం ఎత్తివేయాలి, రాజకీయ ఖైదీలను విడుదల చేయాలి, మీడియా స్వేచ్ఛ, న్యాయవ్యవస్థ స్వతంత్రతను పునరుద్ధరించాలి. జులై ఉద్యమాన్ని అత్యంత ప్రణాళికాబద్ధంగా రూపొందించారని మహ్మద్ యూనస్ చేసిన వ్యాఖ్యను ఆమె ప్రస్తావించారు. 2024 ఉద్యమం వెనుక రాజకీయ కుట్రలు ఉన్నాయనే అంశానికి దీన్నే ఆధారంగా చూపించారు. న్యాయపరమైన దర్యాప్తులు అడ్డుపడుతున్నాయని, ప్రస్తుత రాజకీయ వ్యవస్థ చట్టబద్ధతపై కూడా ప్రశ్నలు లేవనెత్తారు. రెండు సంకేతాలు ఇందులో రెండు సంకేతాలు ఉన్నాయి. మొదటిది, “1971 స్ఫూర్తి” ప్రాధాన్యాన్ని, అవామీ లీగ్

ఇంటర్నెట్‌ డెస్క్‌: ఉక్రెయిన్‌పై యుద్ధానికి (Russia-Ukraine war) మద్దతుగా తమ సైన్యాన్ని రష్యాకు పంపినట్లు ఉత్తర కొరియా (North Korean troops) ఇప్పటికే వెల్లడించింది. తాజాగా ఆ దేశం నుంచి మాస్కోకు 50వేల మంది సైనికులను పంపడానికి సన్నాహాలు చేస్తున్నారని ఉక్రెయిన్‌ అధ్యక్షుడు జెలెన్‌స్కీ (Zelenskyy) ఆరోపించారు. మొదట్లో వందల సంఖ్యలో యుద్ధంలో పాల్గొన్న కిమ్‌ సేనలు.. ప్రస్తుతం వేల సంఖ్యలో కనిపిస్తున్నారని అన్నారు. దాడుల్లో పాల్గొంటూనే వారు యుద్ధ తంత్రాలను అధ్యయనం చేస్తున్నారని.. ఇది ఇలాగే కొనసాగితే ఇతర ఆసియా దేశాలకు కూడా ముప్పు వాటిల్లే అవకాశం ఉందని హెచ్చరించారు. వారు రష్యా ఆధ్వర్యంలో ఆధునిక యుద్ధంలో శిక్షణ పొందుతున్నారని పేర్కొన్నారు. యుద్ధంలో అనుభవాన్ని పెంచుకున్న అనంతరం.. రష్యా నుంచి లైసెన్సులు పొంది..వారి నుంచి అన్ని రకాల సైనిక పరికరాలను పొందడానికి కిమ్‌ వ్యూహరచన చేసినట్లు ఆరోపించారు. తమ దేశంపై రష్యా చేసిన దాడుల్లో ఉత్తర కొరియా తయారు చేసిన క్షిపణులు వాడినట్లు తమ సైన్యం కనుగొందని తెలిపారు. ఈ నేపథ్యంలో రష్యాను ఎదుర్కోవడానికి తమకు సహకరించాలని జెలెన్‌స్కీ దక్షిణ కొరియాను కోరారు. గగనతల రక్షణ వ్యవస్థల విషయంలో దేశం కొరతను ఎదుర్కొంటోందని.. ఆయా రంగాల్లో ఆ దేశం నుంచి మద్దతు పొందాలని భవిస్తున్నట్లు వెల్లడించారు. యుద్ధంలో ఉక్రెయిన్‌కు అంతర్జాతీయ మద్దతు కూడగట్టేందుకు జెలెన్‌స్కీ దౌత్యపరమైన ప్రయత్నాలు ముమ్మరం చేశారు. ఇందులో భాగంగా సెర్బియా (Serbia) పర్యటనకు వెళ్లారు. ఆ దేశాధ్యక్షుడు అలెగ్జాండర్ వుచిచ్‌తో భేటీ అనంతరం మాట్లాడుతూ.. యూరోపియన్ యూనియన్‌లో చేరాలనే ఉమ్మడి లక్ష్యం కోసం ఇరు దేశాలు కలిసి పని చేస్తాయన్నారు. ఉక్రెయిన్‌కు మానవతా సహాయం, మౌలిక సదుపాయాలు, ఇంధన రంగానికి సంబంధించిన పరికరాలను అందించడానికి సెర్బియా ప్రభుత్వం అంగీకరించింది. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త

Indian Cricket Team Injuries: టీమిండియా క్రీడాకారుల గాయాల సమస్య రోజురోజుకూ తీవ్రరూపం దాలుస్తోంది. ఏకంగా ఒక ప్రధాన జట్టునే ఏర్పాటు చేసేంత మంది కీలక ఆటగాళ్లు గాయపడటంతో బీసీసీఐ కార్యదర్శి దేవజీత్ సైకియా బెంగళూరులోని సెంటర్ ఆఫ్ ఎక్సలెన్స్ (సిఓఈ)కు చేరుకుని వివిఎస్ లక్ష్మణ్‌తో అత్యవసరంగా భేటీ కావడం తీవ్ర కలకలం రేపుతోంది. భారత జట్టును వరుస గాయాలు వెంటాడుతున్న తీరుపై బీసీసీఐ తీవ్ర ఆందోళన వ్యక్తం చేస్తోంది. సెంటర్ ఆఫ్ ఎక్సలెన్స్‌లో కోలుకుంటున్న ఆటగాళ్ల పునరావాస పురోగతిని సమీక్షించడానికి బీసీసీఐ కార్యదర్శి దేవజీత్ సైకియా, సిఓఈ హెడ్ వివిఎస్ లక్ష్మణ్ ఆదివారం ప్రత్యేకంగా సమావేశమయ్యారు. ఈ కీలక భేటీలో టీమిండియా ప్రధాన కోచ్ గౌతమ్ గంభీర్, చీఫ్ సెలెక్టర్ అజిత్ అగార్కర్ కూడా వర్చువల్‌గా పాల్గొన్నట్లు తెలుస్తోంది. ఆటగాళ్లు సంపూర్ణ ఫిట్‌నెస్ సాధించకముందే వారిని మైదానంలోకి దించడంపై సెలెక్షన్ కమిటీకి, స్పోర్ట్స్ సైన్స్ విభాగానికి మధ్య తీవ్ర అభిప్రాయ భేదాలు తలెత్తడమే ఈ అత్యవసర సమావేశానికి దారితీసింది. ఎక్కువమంది చదివినది: వరల్డ్ కప్ 2027 రేసు నుంచి ఆ 2 దిగ్గజ టీంలు ఔట్.. టీమిండియా పరిస్థితి ఏంటంటే? ప్రస్తుతం బెంగళూరులోని సిఓఈ రిహాబ్ సెంటర్‌లో నలుగుతున్న ఆటగాళ్ల జాబితా చూస్తే మైండ్ బ్లాక్ అవ్వాల్సిందే. తుంటి గాయం వల్ల ఆకాష్ దీప్ గత రంజీ ట్రోఫీ సెమీఫైనల్ నుంచి సుదీర్ఘకాలంగా దూరంగా ఉండగా, బుమ్రా మోకాలి వాపు, నీరు చేరిన సమస్యతో సతమతమవుతున్నారు. యంగ్ బ్యాటర్ సాయి సుదర్శన్ బొటనవేలి నొప్పితో ఇబ్బంది పడుతుంటే, హర్షిత్ రాణా, నితీష్ కుమార్ రెడ్డి హామ్‌స్ట్రింగ్ గాయాలతో పోరాడుతున్నారు. వీరికి తోడు వాషింగ్టన్ సుందర్ తొడ కండరాల గాయంతో బాధపడుతున్నారు. విదేశీ, పరిమిత ఓవర్ల స్పెషలిస్టులు హార్దిక్ పాండ్యా, వరుణ్ చక్రవర్తి, ప్రిన్స్ యాదవ్ కూడా అదే ఆసుపత్రి వాతావరణంలో రిహాబిలిటేషన్‌లో ఉన్నారు. ఫిట్‌నెస్ నిర్వహణపై హెడ్ ఆఫీస్ అసంతృప్తి.. నారాయణ్ నితిన్

పశ్చిమాసియాలో ఉద్రిక్తతలు కొనసాగుతున్న నేపథ్యంలో అంతర్జాతీయంగా ఎంతో కీలకమైన హార్ముజ్ జలసంధిని తిరిగి తెరవడంపై ఇరాన్ సంచలన ప్రకటన చేసింది. అమెరికా తన వైఖరిని మార్చుకునే వరకు ఈ జలసంధిని తెరిచే ప్రసక్తే లేదని ఇరాన్ సుప్రీం నేషనల్ సెక్యూరిటీ కౌన్సిల్ తేల్చి చెప్పింది. ఈ మేరకు రివల్యూషనరీ గార్డ్ కమాండర్, కౌన్సిల్ కార్యదర్శి మహమ్మద్ బాగేర్ జోల్గాదర్ ద్వారా ఇరాన్ ప్రభుత్వ ప్రసార మాధ్యమం ఓ ప్రకటనను విడుదల చేసింది. ఈ జలమార్గం, దానిపై జరిగే రవాణాను నిర్వహించే ఒప్పందంపై చర్చలను కుదిపేయగల కొత్త డిమాండ్లను కూడా ఇది జారీ చేసింది.ఫోన్ చేసి బతిమిలాడారు.. చివరి నిమిషంలో తప్పిన మహాయుద్ధం: ట్రంప్ సెన్సేషనల్ కామెంట్స్!ఇరాన్ విధించిన ప్రధాన షరతులు అమెరికా భవిష్యత్తులో ఇరాన్ ను ఎప్పుడూ బెదిరించకూడదని.. అలాగే ఇరాన్, ప్రాంతీయ భాగస్వామ్య దేశాలతో వివాదాలను అంతం చేయాలని ఇరాన్ డిమాండ్ చేసింది. దీంతో పాటు ఇరాన్ ఓడరేవులపై విధించిన నావికాదిగ్బంధానానని తక్షణమే ఎత్తివేసి ఆ ప్రాంతం నుంచి అమెరికా తన సైనిక బలగాలను ఉపసంహరించుకోవాలని స్పష్టం చేసింది. యుద్ధం వల్ల జరిగిన నష్టానికి పూర్తి పరిహారం చెల్లించడంతో పాటు ఆంక్షలను ఎత్తివేసి.. స్తంభింపజేసిన ఇరాన్ ఆస్తులను ఎటువంటి షరతులు లేకుండా విడుదల చేయాలని కౌన్సిల్ తన ప్రకటనలో పేర్కొంది. ఈ డిమాండ్లపై అమెరికా నుంచి ఇప్పటివరకు ఎటువంటి అధికారిక స్పందన రాకపోవడం గమనార్హం.ముమ్మరంగా ఇరాన్-ఒమన్ చర్చలు మరోవైపు ఇరాన్, ఒమన్ దేశాలు హార్ముజ్ జలసంధి నిర్వహణపై ఒప్పందం కుదుర్చుకోవడానికి పూర్తిగా సిద్ధమైనట్లు తెలుస్తోంది. గల్ఫ్ ప్రాంతంలో మధ్యవర్తిగా వ్యవహరిస్తున్న ఒమన్.. ఈ చర్చలు సానుకూల, నిర్మాణాత్మక వాతావరణంలో జరుగుతున్నాయని వెల్లడించింది. అదే సమయంలో ఈ మార్గంలో ప్రయాణించే వాణిజ్య నౌకలపై జరుగుతున్న దాడులను తీవ్రంగా ఖండించింది. ప్రస్తుతం ఇరు దేశాల మధ్య నౌకల రాకపోకలను సురక్షితంగా నిర్వహించడంపై చర్చలు పురోగతిలో ఉన్నాయి.25 పెళ్లిళ్లు.. బయటపడిన బీజేపీ ఎమ్మెల్యే వియ్యంకుడి బాగోతం!వాణిజ్య నౌకలపై

ఇరాన్ సర్వోన్నత నాయకుడు మొజ్తబా ఖమేనీ ఆరోగ్యంపై ఆందోళనలు మరోసారి పెరిగాయి. ఆయన పరిస్థితి అత్యంత విషమంగా ఉందని ఇజ్రాయెల్ మీడియా సంస్థ ఛానల్ 14 పేర్కొంది. ఆయన ప్రస్తుతం ప్రాణాపాయ స్థితిలో ఉన్నారని ఇతర నివేదికలు కూడా సూచిస్తున్నాయి. అయితే ఈ ఊహాగానాలు ధ్రువీకరించబడలేదు. ఆయన ఆరోగ్యంపై ఇరాన్ ప్రభుత్వం ఎలాంటి అధికారిక ప్రకటన జారీ చేయలేదు. మొజ్తబా ఖమేనీ సర్వోన్నత నాయకుడిగా బాధ్యతలు స్వీకరించినప్పటి నుంచి బహిరంగంగా కనిపించలేదు. ఆయన కనీసం కనిపించకుండాపోవడం ఆరోగ్యంపై ఊహాగానాలకు ఆజ్యం పోసింది. ఇప్పుడు తలెత్తుతున్న ప్రధాన ప్రశ్న ఏమిటంటే.. ఒకవేళ మొజ్తబా ఖమేనీ మరణించినా లేదా సర్వోన్నత నాయకుడిగా తన విధులను నిర్వర్తించలేకపోయినా, ఇరాన్‌లో అధికారాన్ని ఎవరు చేపడతారు?హార్ముజ్ జలసంధిపై ఇరాన్ కీలక ప్రకటన.. అమెరికా ముందు షాకింగ్ డిమాండ్స్! తదుపరి సర్వోన్నత నాయకుడు ఎవరు కాగలరు?ఇరాన్ అధికార వ్యవస్థలోని అనేక పెద్ద మత, రాజకీయ ప్రముఖుల పేర్లు పోటీదారులుగా తెరపైకి వస్తున్నాయి.*అయతొల్లా అలీరెజా అరాఫీ అత్యంత ప్రముఖ వ్యక్తిగా పరిగణించబడతారు. ఆయన ఓ సీనియర్ మత గురువు, గార్డియన్ కౌన్సిల్‌లో పనిచేశారు. ఇరాన్ మత విద్యా వ్యవస్థలో కూడా ఆయన కీలక పాత్ర పోషిస్తున్నారు.*అయతొల్లా హషెమ్ హుస్సేనీ బుషెహ్రీ పేరు కూడా చర్చకు వచ్చింది. ఖోమ్‌లోని మత సంస్థలలో ఆయనకు బలమైన పట్టు ఉంది. ఆయన నిపుణుల సభతో సంబంధం కలిగి ఉన్నారు.*ఘోలం-హొస్సేన్ మొహ్సేని-ఎజెయి కూడా ఓ పోటీదారుగా పరిగణించబడుతున్నారు. ఆయన ఇరాన్ న్యాయవ్యవస్థకు అధిపతిగా ఉన్నారు. దేశ న్యాయ, భద్రతా వ్యవస్థలలో దీర్ఘకాలంగా కీలక పాత్ర పోషిస్తున్నారు.*హసన్ ఖొమేనీ పేరు కూడా ప్రస్తావనకు వచ్చింది. ఆయన ఇస్లామిక్ రిపబ్లిక్ వ్యవస్థాపకుడైన అయతొల్లా రుహొల్లా ఖొమేనీ మనవడు. అయితే ఆయన రాజకీయ అభిప్రాయాలు ఇరాన్‌లోని అనేక మంది తీవ్రవాద నాయకుల అభిప్రాయాలకు భిన్నంగా పరిగణించబడతాయి.సమిష్టి నాయకత్వం ఒక్క నాయకుడి స్థానాన్ని భర్తీ చేయగలదా?ఇరాన్ రాజ్యాంగం కొన్ని పరిస్థితులలో సామూహిక నాయకత్వానికి కూడా వీలు

హిందీ చిత్రసీమలో, బుల్లితెరపై నటిగా తనకంటూ ప్రత్యేక గుర్తింపు తెచ్చుకున్న సీనియర్ నటి, ఇటీవల ఓ ఇంటర్వ్యూలో తన కెరీర్‌కు సంబంధించిన అత్యంత సంచలన, భావోద్వేగపూరిత విషయాలను పంచుకున్నారు. హిందీ చిత్రసీమలో, బుల్లితెరపై నటిగా తనకంటూ ప్రత్యేక గుర్తింపు తెచ్చుకున్న సీనియర్ నటి (Senior Actress) సుస్మితా ముఖర్జీ (Susmita Mukherjee), ఇటీవల ఓ ఇంటర్వ్యూలో తన కెరీర్‌కు సంబంధించిన అత్యంత సంచలన, భావోద్వేగపూరిత విషయాలను పంచుకున్నారు. ‘‘మీరు కొన్ని చెత్త సినిమాల్లో, సరైన నాణ్యత లేని పాత్రల్లో ఎందుకు నటించారు?’’ అని ఒకరు తనను అడిగినప్పుడు తాను తీవ్ర దిగ్భ్రాంతికి, మనస్తాపానికి గురయ్యానని ఆమె వెల్లడించారు. అయితే, ఆ నిర్ణయాల వెనుక ఉన్న తన జీవిత తీవ్ర పరిస్థితులను, ఆర్ధిక ఇబ్బందులను ఆమె బహిరంగంగా వివరించారు. 2002వ సంవత్సరంలో తన భర్తతో కలిసి నడిపిన మీడియా ప్రొడక్షన్ కంపెనీ తీవ్ర నష్టాల్లో కూరుకుపోయిందని, ఒక్కసారిగా దాదాపు కోటి రూపాయల అప్పుల ఊబిలో పడిపోయామని ఆమె గుర్తుచేసుకున్నారు. అప్పులు ఇచ్చిన వారి నుంచి నిత్యం ఒత్తిళ్లు, బెదిరింపులు ఎదురయ్యేవని, ఆ అప్పులన్నీ తీర్చడానికి వేరే మార్గం లేక వచ్చిన ప్రతి అవకాశాన్ని అంగీకరించాల్సి వచ్చిందని చెప్పారు. దానికి తోడు తన పిల్లల ఉన్నత చదువుల కోసం ఆస్ట్రేలియా, న్యూజిలాండ్ పంపడానికి కూడా చాలా డబ్బు అవసరమైందని, కుటుంబ బాధ్యతలు, అప్పుల భారం వల్లే మనస్సాక్షికి నచ్చకపోయినా కొన్ని చెత్త సినిమాల్లో నటించాల్సి వచ్చిందని ఆవేదన వ్యక్తం చేశారు. అయితే ఆ నిర్ణయాల పట్ల తనకు ఎలాంటి రిగ్రెట్ లేదని, నటిగా తన ఆత్మను చంపుకోవాల్సి వచ్చినా.. తన కష్టంతో అప్పులన్నీ తీర్చి, పిల్లలను బాగా చదివించి ప్రయోజకులను చేశానని ధీమాగా చెప్పారు. ప్రతీ ఒక్కరి జీవితంలోనూ డబ్బు సంపాదించడానికి రకరకాల కారణాలు, పారా మీటర్స్ ఉంటాయని.. కొందరు లగ్జరీ జీవితం కోసం సంపాదిస్తే, తాను మాత్రం కుటుంబ పోషణ, అప్పుల నుంచి బయటపడటానికే ప్రాధాన్యమిచ్చానని

రాష్ట్రంపై ఎల్ నినో ప్రభావం అంచనాలకు మించి తీవ్రంగా ఉండే సూచనలు కనిపిస్తున్నాయని, ఈ విపత్కర పరిస్థితులను ఎదుర్కొనేందుకు అధికార యంత్రాంగం పూర్తిస్థాయిలో సన్నద్ధం కావాలని ముఖ్యమంత్రి చంద్రబాబు ఆదేశించారు. జల వనరుల పరిరక్షణ కోసం చేపట్టిన 'జలధార-జలహారతి' కార్యక్రమాన్ని ఇకపై ఒక నిరంతర కార్యక్రమంగా అమలు చేయాలని స్పష్టం చేశారు. తాగునీటి సరఫరా, పంటల పరిరక్షణ, భూగర్భ జలాల పెంపునకు అత్యంత ప్రాధాన్యం ఇవ్వాలని ఆయన దిశానిర్దేశం చేశారు. శనివారం తన క్యాంపు కార్యాలయం నుంచి ముఖ్యమంత్రి.. జలధార-జలహారతి కార్యక్రమంపై జిల్లా కలెక్టర్లు, వివిధ శాఖల ఉన్నతాధికారులతో వీడియో కాన్ఫరెన్స్ ద్వారా సమీక్ష నిర్వహించారు.39 శాతం లోటు వర్షపాతం.. తీవ్ర నీటి సంక్షోభంఈ ఏడాది ఎల్ నినో ప్రభావంతో రాష్ట్రంలో వర్షపాతం సాధారణం కంటే 39 శాతం తక్కువగా నమోదయ్యే ప్రమాదం ఉందని అధికారులు ముఖ్యమంత్రికి వివరించారు. జూన్ నుంచి డిసెంబర్ మధ్య కాలంలో సాధారణంగా 867 మిల్లీమీటర్ల వర్షపాతం నమోదు కావాల్సి ఉండగా, కేవలం 525 మి.మీ. మాత్రమే కురిసే అవకాశం ఉందని అంచనాలను నివేదించారు. ముఖ్యంగా ఆగస్టు నెలలో లోటు 56 శాతానికి చేరే ప్రమాదం ఉందని హెచ్చరించారు. ఈ వర్షాభావ పరిస్థితుల ప్రభావం ఇప్పటికే రిజర్వాయర్లపై స్పష్టంగా కనిపిస్తోందని తెలిపారు. రాష్ట్రంలోని అన్ని బేసిన్లలో కలిపి ప్రస్తుతం 563.05 టీఎంసీల నీరు మాత్రమే నిల్వ ఉండగా, గతేడాది ఇదే సమయానికి 825.67 టీఎంసీల నీరు అందుబాటులో ఉండేదని పోల్చి చెప్పారు. ఆగస్టు నుంచి భూగర్భ జలమట్టాలు కూడా వేగంగా పడిపోయే ప్రమాదం ఉందని

పశ్చిమాసియా సంక్షోభం నేపథ్యంలో వంట గ్యాస్‌ కొరతను అధిగమించేందుకు ఇండక్షన్‌ స్టవ్‌ల వాడకాన్ని ప్రోత్సహించాలని.. న్యూఢిల్లీ, ఆగస్టు 8: పశ్చిమాసియా సంక్షోభం నేపథ్యంలో వంట గ్యాస్‌ కొరతను అధిగమించేందుకు ఇండక్షన్‌ స్టవ్‌ల వాడకాన్ని ప్రోత్సహించాలని కేంద్ర ప్రభుత్వం భావిస్తోంది. ఇందుకనుగుణంగా ఇండక్షన్‌ స్టవ్‌ల కొనుగోలుపై వడ్డీ లేని రుణాలు అందించాలని యోచిస్తోంది. ఇరాన్‌, అమెరికా యుద్ధం నేపథ్యంలో తలెత్తిన ఇంధన సంక్షోభంతో వంట గ్యాస్‌ సరఫరాకు ఇబ్బందులు ఏర్పడిన సంగతి తెలిసిందే. ఈ క్రమంలో ప్రజలను గ్యాస్‌ పొయ్యిల వాడకం నుంచి ఇండక్షన్‌ స్టవ్‌ల వైపు మళ్లించాలన్నది కేంద్రం యోచన. ఇందుకోసం ప్రభుత్వం ఆధ్వర్యంలోని ఎనర్జి ఎఫిషియన్సీ సర్వీసెస్‌ లిమిటెడ్‌(ఈఈఎ్‌సఎల్‌) ద్వారా వడ్డీ లేని రుణాలు అందించాలని భావిస్తున్నట్లు జాతీయ మీడియా పేర్కొంది. వీటికోసం ఈఎంఐ విధానాన్ని కూడా అమలు చేయాలని కేంద్ర భావిస్తున్నట్లు తెలిపింది. ఆగ్రాలో రహదారిపై భారీ గుంత.. అందరూ చూస్తుండగానే.. డిగ్రీలు మాత్రమే కాదు.. దేశ స్వప్నాన్నీ సాకారం చేయాలి: మోదీ

మొజ్తబా ఖమేనీ ఆరోగ్యం విషమం ఆస్పత్రిలో ఇరాన్ అగ్రనేత చికిత్స అధికార బదిలీపై తీవ్ర ఉత్కంఠ Mojtaba Khamenei: ఇరాన్ సుప్రీం లీడర్ మొజ్తబా ఖమేనీ ఆరోగ్య పరిస్థితి తీవ్రంగా క్షీణించిందని, ఆయన ఆస్పత్రిలో చికిత్స పొందుతున్నారంటూ అంతర్జాతీయ మీడియాలో కథనాలు రావడం కలకలం రేపుతోంది. అమెరికా, ఇజ్రాయెల్ జరిపిన సైనిక దాడుల్లో ఆయన తండ్రి అయతుల్లా అలీ ఖమేనీ మరణించిన అనంతరం మొజ్తబా సుప్రీం లీడర్‌గా బాధ్యతలు చేపట్టినట్లు నివేదికలు పేర్కొన్నాయి. అయితే, బాధ్యతలు స్వీకరించినప్పటి నుంచి ఆయన బహిరంగంగా ఎక్కడా కనిపించకపోవడం, కేవలం లిఖితపూర్వక ప్రకటనలకే పరిమితం కావడంతో ఆయన ఆరోగ్యంపై పలు అనుమానాలు వ్యక్తమవుతున్నాయి. తండ్రి నివాసంపై జరిగిన దాడిలోనే ఆయనకు తీవ్ర గాయాలయ్యాయని, ప్రస్తుతం ఆయన పరిస్థితి విషమించడంతో త్వరలోనే అధికారిక ప్రకటన వెలువడే అవకాశం ఉందంటూ 'ఇరాన్‌వైర్' ప్రచురించింది. Smart Ration Cards: తెలంగాణ ప్రజలకు గుడ్ న్యూస్.. ఆగస్టు 15న స్మార్ట్ రేషన్ కార్డుల పంపిణీ! మొజ్తబా ఖమేనీ(Mojtaba Khamenei) తీవ్రంగా గాయపడటంతోనే ప్రజల్లోకి రావడంలేదని, రహస్య ప్రదేశంలో ఉంటూ మధ్యవర్తుల ద్వారానే అధికారులకు ఆదేశాలు జారీ చేస్తున్నారని కథనాలు వెలువడుతున్నాయి. ఇరాన్ అధ్యక్షుడు మసూద్ పెజెష్కియాన్ కూడా సుప్రీం లీడర్‌తో నేరుగా సంప్రదించడం చాలా కష్టంగా మారిందని ఇటీవల వ్యాఖ్యానించడం ఈ అనుమానాలకు మరింత బలాన్ని చేకూరుస్తోంది. గతంలో అమెరికా అధ్యక్షుడు డొనాల్డ్ ట్రంప్ సైతం మొజ్తబా ఖమేనీ తీవ్రంగా గాయపడి పనిచేయలేని స్థితిలో ఉన్నారని వ్యాఖ్యానించారు. ఇరాన్ ఆరోగ్య మంత్రిత్వ శాఖ మాత్రం ఆయనకు స్వల్ప గాయాలే అయ్యాయని, వ్యూహాత్మక నిర్ణయాలు తీసుకుంటున్నారని చెబుతున్నప్పటికీ వాస్తవ పరిస్థితులు దానికి భిన్నంగా ఉన్నట్లు తెలుస్తోంది. ఇరాన్ నాయకత్వంలో తీవ్ర అనిశ్చితి, అధికార బదిలీపై నెలకున్న ఉత్కంఠ: ఒకవేళ మొజ్తబా ఖమేనీ మరణించినట్లు అధికారికంగా నిర్ధారణ అయితే, ఇరాన్ దేశ నాయకత్వం, అధికార బదిలీ ప్రక్రియపై తీవ్ర అనిశ్చితి నెలకొనే ప్రమాదం ఉంది. ఇరాన్‌లో రాజకీయం