మన భూగోళంపై ఉష్ణోగ్రతలు ఊహించని రీతిలో మండిపోతున్నాయి. ఇన్నాళ్లూ మనం అనుకున్న ప్రమాద ఘంటికలు దాదాపు దగ్గరపడ్డాయి. రాబోయే కొద్ది సంవత్సరాల్లోనే భూమి సగటు ఉష్ణోగ్రత 1.5 డిగ్రీల సెల్సియస్ పరిమితిని దాటేస్తుందని ఐక్యరాజ్యసమితి (యుఎన్‌ఈపీ) సరికొత్త నివేదిక ద్వారా అత్యంత తీవ్రమైన హెచ్చరికలు జారీ చేసింది. పారిస్ ఒప్పందం పెట్టుకున్న లక్ష్యం దాటిపోతుండటం ఖాయమని తేలిన నేపథ్యంలో.. ఇకపై ఉష్ణోగ్రతల పెంపుదల వ్యవధిని ఎంత తగ్గించగలమనే దానిపైనే ప్రపంచ దేశాలు దృష్టి పెట్టాలని పిలుపునిచ్చింది. లక్ష్యం దాటినా సరే.. ధైర్యం కోల్పోకుండా ఉష్ణోగ్రతలను మళ్లీ తగ్గించే దిశగా పటిష్టమైన చర్యలు చేపట్టాల్సిన అత్యవసర పరిస్థితి ఏర్పడింది.ఉష్ణోగ్రతలు 1.5 డిగ్రీలు దాటిపోయే కాలాన్ని వీలైనంత తక్కువగా, చిన్నదిగా మార్చడమే ఇప్పుడు మన ముందున్న ఏకైక మార్గమని ఐరాస ప్రధాన కార్యదర్శి ఆంటోనియో గుటెర్రెస్ తేల్చిచెప్పారు. ఈ వేసవిలో నమోదైన దారుణమైన ఎండలు, భయంకరంగా వ్యాపించిన అడవుల కార్చిచ్చు, ఆకస్మిక వరదలే భవిష్యత్తులో భూమి ఎంత దారుణంగా మారబోతోందో చెప్పే నమూనా అని ఆయన ఆందోళన వ్యక్తం చేశారు. కేవలం 1.5 డిగ్రీలు దాటడమంటే ప్రపంచం అక్కడితో అంతమైపోతుందని కాదని, అయితే ప్రతి అర డిగ్రీ పెరుగుదల మానవాళిపై తీవ్ర ప్రభావం చూపుతుందని ఐరాస స్పష్టం చేసింది.వాతావరణంలో ముంచుకొస్తున్న విపత్తులుఒకవేళ ఉష్ణోగ్రత పెరుగుదల 1.8 డిగ్రీలకు చేరుకుంటే మాత్రం కోలుకోలేని నష్టాలు ఎదురవుతాయని నిపుణులు హెచ్చరిస్తున్నారు. తుపానులు, కరువులు తీవ్రతరం కావడం, ఆహారం-తాగునీటి కొరత ఏర్పడటం, మంచు పర్వతాలు కరిగి సముద్ర మట్టాలు పెరగడం వంటివి తీర ప్రాంత ప్రజలను శరణార్థులుగా మార్చే ప్రమాదం ఉందన్నారు. ప్రపంచంలో అత్యంత వినాశకరమైన రీతిలో అమెజాన్ అడవులు దెబ్బతినడం, సముద్ర ప్రవాహాలు మారిపోవడం వంటి సంచలన మార్పులు చోటుచేసుకునే అవకాశం ఉందని నివేదిక వెల్లడించింది.విశ్వంలో మరో రెండు కొత్త గ్రహాలు.. శాస్త్రవేత్తల మైండ్ బ్లాకింగ్ న్యూస్!బొగ్గు, పెట్రోల్ వినియోగానికి చెక్.. కార్బన్ నిర్మూలన తప్పనిసరి!భూమి ఉష్ణోగ్రతను మళ్లీ సాధారణ స్థితికి తేవాలంటే కేవలం ఉద్గారాలను తగ్గించడం మాత్రమే సరిపోదు. గాలిలో ఉన్న కార్బన్ డై ఆక్సైడ్‌ను పీల్చుకునే సాంకేతికతలతో పాటు, విస్తారంగా అడవులను పెంచడం వంటి చర్యలు చేపట్టాలని నిపుణులు సూచిస్తున్నారు. అయితే దీనిని వంకగా పెట్టుకుని బొగ్గు, చమురు, గ్యాస్ వాడకాన్ని తగ్గించకుండా నాన్చే ధోరణిని పర్యావరణవేత్తలు ఖండిస్తున్నారు. ముందుగా శిలాజ ఇంధనాల వాడకానికి ముగింపు పలకడమే అసలైన పరిష్కారమని స్పష్టం చేస్తున్నారు.భూమికి జ్వరం. మరో 3 ఏళ్లలో భూమి బద్ధలైపోతుందా? అభివృద్ధి చెందిన దేశాలే బాధ్యత వహించాలి!ఈ వాతావరణ సంక్షోభానికి అత్యధికంగా కారణమైన ధనిక, అభివృద్ధి చెందిన దేశాలే తక్షణమే నిధులు కేటాయించి, ముందుండి పోరాడాలని ఐరాస నివేదిక స్పష్టం చేసింది. ఇకపై పాత పద్ధతులు చెల్లవని, ప్రతి ఒక్క దేశం ఉమ్మడిగా వాతావరణ మార్పులను తట్టుకునేందుకు తగిన ప్రణాళికలు సిద్ధం చేసుకోవాలని పిలుపునిచ్చింది. 1.5 డిగ్రీల ఉష్ణోగ్రత కోసం జరిపే ఈ పోరాటం కేవలం పర్యావరణం కోసం మాత్రమే కాదని, ఇది మానవాళి మనుగడ కోసం జరుగుతున్న ఆఖరి పోరాటమని గుటెర్రెస్ వ్యాఖ్యానించారు.
