560GHz బ్యాండ్తో ఈ 112 Gbps స్పీడ్ 5జీ టెక్నాలజీతో పోలిస్తే 20 రెట్లు వేగం భారీ ఫైల్స్ను వేగంగా డౌన్లోడ్ చేయొచ్చు Japan 6G Device : 5G కాదు.. 6G వస్తోంది.. ఇక సెకన్లలో కాదు.. క్షణాల్లో భారీ డేటా ట్రాన్స్ ఫర్ చేయొచ్చు.. ఇటీవలే కొత్త కమ్యూనికేషన్ టెక్నాలజీపై జపాన్ సంచలన ప్రయోగం చేసింది. టోకుషిమా యూనివర్సిటీ రీసెర్చర్లు 560GHz ఫ్రీక్వెన్సీ బ్యాండ్లో ఏకంగా 112Gbps డేటా ట్రాన్స్మిషన్ సాధించారు. ఈ సక్సెస్ 6G భవిష్యత్తుపై భారీ అంచనాలను పెంచుతోంది. దాంతో 6జీ టెక్నాలజీపై మళ్లీ ఆసక్తి పెరుగుతోంది. 5జీ కన్నా 20 రెట్లు స్పీడ్? : ఈ ప్రయోగంలో సాధించిన 112Gbps స్పీడ్ అనేది ప్రస్తుతం వినియోగంలో ఉన్న 5జీ టెక్నాలజీతో పోలిస్తే భవిష్యత్ వైర్లెస్ కమ్యూనికేషన్ ఎంత వేగంగా ఉండొచ్చో చెప్పొచ్చు. అంటే.. భారీ మొత్తంలో డేటాను చాలా తక్కువ సమయంలో ట్రాన్స్ఫర్ చేయొచ్చు అనమాట. అయితే, ప్రస్తుతం మన ఫోన్లలో లభించే 6G స్పీడ్ కాదు. ఇది ల్యాబ్ స్థాయిలో చేసిన ప్రయోగం మాత్రమే. 6Gతో ఏం మారొచ్చు? : 6జీ కమర్షియల్గా వస్తే.. భారీ ఫైల్స్ డౌన్లోడ్లు, హై-క్వాలిటీ వీడియో స్ట్రీమింగ్, VR/AR, క్లౌడ్ గేమింగ్ వంటి డేటా-హెవీ సర్వీసులు మరింత వేగంగా పనిచేస్తాయి. రోబోటిక్స్, ఇండస్ట్రియల్ ఆటోమేషన్, రియల్టైమ్ కమ్యూనికేషన్ వంటి రంగాల్లోనూ కీలకంగా మారే అవకాశం ఉంటుంది. ఇంత స్పీడ్ ఎలా? : 560GHz వంటి అత్యంత హై ఫ్రీక్వెన్సీల వద్ద ట్రెడిషనల్ ఎలక్ట్రానిక్ సర్క్యూట్లకు లిమిట్స్ ఎదురవుతాయి. ఇలాంటివి అధిగమించేందుకు రీసెర్చర్లు లేజర్ ఆధారిత ఆప్టికల్ టెక్నాలజీ, ఆప్టికల్ మైక్రోకోంబ్ వంటి విధానాలను వాడారు. వైబ్రేషన్లు, టెంపరేచర్ మార్పుల ప్రభావాన్ని తగ్గించేందుకు ఆప్టికల్ ఫైబర్లను సిలికాన్ నైట్రైడ్ మైక్రోరెసోనేటర్ చిప్కు నేరుగా ఇంటిగ్రేట్ చేశారు. Read Also : Ration Card Update : రేషన్ తీసుకోలేకపోయారా? మరో ఛాన్స్.. 3 నెలల బియ్యం గడువు పొడిగింపు! ఇప్పుడే 6G వస్తుందా? : లేదు.. ఇప్పట్లో రాదు.. 6Gకి సంబంధించిన రీసెర్చ్లో జస్ట్ ప్రయోగం మాత్రమే. కమర్షియల్ నెట్వర్క్లు, 6జీ డివైజ్లు, కవరేజ్, ఖర్చు, పవర్ వినియోగం వంటి అంశాలపై ఇంకా చాలా రీసెర్చ్ చేయాల్సి ఉంది. 5జీ స్పీడ్ మించి 6జీతో డేటా ప్రపంచాన్ని మరింత వేగంగా మార్చే వీలుంది. భవిష్యత్కు ఈ ప్రయోగం కీలక సంకేతంగా చెప్పొచ్చు. ఎవరికి ఉపయోగం? : భవిష్యత్తులో ఇలాంటి టెక్నాలజీ అందుబాటులోకి వస్తే సాధారణ యూజర్ల నుంచి భారీ టెక్ కంపెనీల వరకు అందరూ బెనిఫిట్స్ పొందవచ్చు. భారీ ఫైల్స్ను అత్యంత వేగంగా డౌన్లోడ్ చేయొచ్చు హై-క్వాలిటీ 4K/8K స్ట్రీమింగ్ VR, AR వంటి డేటా-హెవీ అప్లికేషన్లు రియల్టైమ్ రోబోటిక్స్, ఇండస్ట్రియల్ ఆటోమేషన్ లో-లేటెన్సీతో నెక్ట్స్-జెన్ వైర్లెస్ కమ్యూనికేషన్
