IND vs AFG : స్వదేశంలో అఫ్గనిస్థాన్తో జరుగుతున్న మూడు టీ20ల సిరీస్లో భారత జట్టు జయభేరి మోగించింది. ఢిల్లీ అరుణ్ జైట్లీ స్టేడియంలో అర్ష్దీప్ సింగ్(3-19) ధాటికి కాబూలీ బ్యాటర్లు చేతులెత్తేయగా.. స్వల్ప ఛేదనలో ఓపెనర్ అభిషేక్ శర్మ(82) అర్ధ శతకంతో విరుచుకుపడ్డాడు. అతడికి ఇషాన్ కిషన్(42) తోడవ్వగా టీమిండియా స్కోర్ పరుగులు తీసింది. ధనాధన్ ఆడిన ఈ ద్వయం ఔటయ్యాక.. కెప్టెన్ శ్రేయాస్ అయ్యర్(8 నాటౌట్), తిలక్ వర్మ(3 నాటౌట్)లు లాంఛనం ముగించారు. ఏడు వికెట్ల విజయంతో సిరీస్లో బోణీ కొట్టింది భారత్. ఇటీవల వరసగా రెండు టీ20 సిరీస్లు కోల్పోయిన భారత జట్టు స్వదేశంలో పంజా విసిరింది. ఐర్లాండ్, ఇంగ్లండ్ చేతిలో వైట్వాష్ల నుంచి తేరుకున్న టీమిండియా మూడు టీ20ల సిరీస్ తొలి మ్యాచ్లో అఫ్గనిస్థాన్ను చిత్తు చేసింది. 157 పరుగుల ఛేదనలో శుభారంభం లభించకున్నా అభిషేక్ శర్మ(82) అర్ధ శతకంతో మెరిశాడు. సంజూ శాంసన్(82) ఔటయ్యాక ఇసాన్ కిషన్(42) జతగా అఫ్గన్ బౌలర్లపై విరుచుకుపడ్డాడు. Delhi: India beat Afghanistan by seven wickets in the first T20I, with Abhishek Sharma scoring 82 and Ishan Kishan contributing 42 runs. (Pics: ANI Picture Service) pic.twitter.com/5f0ZcTOI7q — ANI (@ANI) September 13, 2026 ఇషాన్ సైతం బ్యాట్ ఝులిపించగా లక్ష్యం కరుగుతూ వచ్చింది. జట్టు స్కోర్ 139 వద్ద అభిషేక్ ఔటైనా.. ఇషాన్ ఉతికేశాడు. అర్ధ శతకానికి చేరువైన అతడిని వెనక్కి పంపినా అప్పటికే టీమిండియా విజయం ఖాయమైంది. కెప్టెన్ శ్రేయాస్ అయ్యర్(8 నాటౌట్), తిలక్ వర్మ(3 నాటౌట్)లు మరో వికెట్ పడకుండా చూసుకోగా 13.4 ఓవర్లోనే భారత్ గెలుపొందింది. టాస్ ఓడిన అఫ్గనిస్థాన్ను మొదటి ఓవర్లోనే వికెట్ తీసి బుమ్రా దెబ్బకొట్టాడు. పునరాగమనం మ్యాచ్లో తన తడాఖా చూపిస్తూ ఓపెనర్ రహ్మనుల్లా గుర్బాజ్(0)ను అతడు డకౌట్ చేశాడు. కాసేపటికే కెప్టన్ ఇబ్రహీం జద్రాన్(11) రనౌటయ్యాడు. ఆపై అర్ష్దీప్ సింగ్(3-19) విజృంభణలో కాబూలీ బ్యాటింగ్ యూనిట్ తడబడింది. ఓవైపు వికెట్లు పడుతున్నా.. అజ్మతుల్లా ఒమర్జాయ్(64), మొహమ్మద్ నబీ(33)లు బాధ్యతగా ఆడారు. వీరిద్దరి పోరాటంతో జద్రాన్ బృందం నిర్ణీత ఓవర్లలో 8 వికెట్ల నష్టానికి 156 పరుగులు చేయగలిగింది. Innings Break in New Delhi! A disciplined and collective bowling performance from #TeamIndia 👏 Over to the batters to chase this down 👊 Scorecard ▶️ https://t.co/Wacwj3tM4l #AFGvIND pic.twitter.com/QNV57EzF3C — BCCI (@BCCI) September 13, 2026
