ఉద్యోగులు తమ జీతం స్లిప్లో ప్రావిడెంట్ ఫండ్ (పీఎఫ్) కట్ అయినట్లు చూసి, ఆ డబ్బు తమ ఈపీఎఫ్ఓ ఖాతాలో సురక్షితంగా జమ అయిందని అనుకుంటారు. కానీ, జీతంలో కట్ చేసినంత మా ఉద్యోగులు తమ జీతం స్లిప్లో ప్రావిడెంట్ ఫండ్ (పీఎఫ్) కట్ అయినట్లు చూసి, ఆ డబ్బు తమ ఈపీఎఫ్ఓ ఖాతాలో సురక్షితంగా జమ అయిందని అనుకుంటారు. కానీ, జీతంలో కట్ చేసినంత మాత్రాన ఆ మొత్తం మీ ఖాతాలో జమ అయినట్లు కాదు. ప్రతి నెలా ఉద్యోగి వాటాను, యజమాని వాటాను కలిపి, ఆ నెల ముగిసిన 15 రోజుల్లోపు యజమాని ఈపీఎఫ్ఓకు జమ చేయాల్సి ఉంటుంది. అందువల్ల, ఈ ప్రక్రియ సక్రమంగా జరుగుతోందో లేదో నిరంతరం చెక్ చేసుకోవడం ప్రతి ఉద్యోగి బాధ్యత. మీ పీఎఫ్ డబ్బులు సక్రమంగా జమ అవుతున్నాయో లేదో తెలుసుకోవడం చాలా సులభం. దీనికి మీ వద్ద యూనివర్సల్ అకౌంట్ నంబర్ (యూఏఎన్) ఉండాలి. ఈపీఎఫ్ఓ అధికారిక మెంబర్ పోర్టల్ ద్వారా మీ పాస్బుక్ను ఆన్లైన్లో చూసుకోవచ్చు. ముందుగా, ఈపీఎఫ్ఓ మెంబర్ పాస్బుక్ సర్వీస్ వెబ్సైట్లోకి మీ యూఏఎన్, పాస్వర్డ్తో లాగిన్ అవ్వాలి. ఆ తర్వాత మీ ప్రస్తుత యజమానికి సంబంధించిన మెంబర్ ఐడీని ఎంచుకోవాలి. ఇక్కడ మీకు నెలవారీగా జమ అయిన వివరాలతో కూడిన పాస్బుక్ కనిపిస్తుంది. ఇందులో ఉద్యోగి వాటా, యజమాని వాటా, పింఛను పథకం (ఈపీఎస్) వాటా స్పష్టంగా ఉంటాయి. ఈ వివరాలను మీ శాలరీ స్లిప్తో పోల్చుకుంటే, డబ్బులు జమ అయ్యాయో లేదో తెలుసుకోవచ్చు. ఉమాంగ్ (UMANG) యాప్ ద్వారా కూడా ఈ సేవలను పొందవచ్చు. పీఎఫ్ జమ అయినప్పుడు చాలామందికి ఈపీఎఫ్ఓ నుంచి ఎస్ఎంఎస్ అలర్ట్ కూడా వస్తుంది. అయితే, ఒక నెలకు సంబంధించిన పీఎఫ్ మొత్తం, ఆ తర్వాతి నెల 15వ తేదీలోపు జమ అవుతుంది కాబట్టి, కొంత సమయం వేచి చూడటం మంచిది. ఒకవేళ మీ పీఎఫ్ జమ కాకపోతే, మీరు ఏం చేయాలి? నిర్ణీత గడువు దాటినా మీ ఖాతాలో పీఎఫ్ జమ కానట్లు గుర్తిస్తే, కంగారు పడాల్సిన అవసరం లేదు. మీరు కింది చర్యలు తీసుకోవచ్చు: మొదటగా, మీ కంపెనీ హెచ్ఆర్ లేదా పేరోల్ విభాగాన్ని సంప్రదించి విషయం తెలియజేయాలి. ఎలక్ట్రానిక్ చలాన్-కమ్-రిటర్న్ (ఈసీఆర్) ఫైల్ చేశారా? డబ్బులు పంపించారా? అని అడగాలి. చాలా సందర్భాల్లో సమస్య ఇక్కడే పరిష్కారమవుతుంది. అయితే, కంపెనీ నుంచి సరైన స్పందన రాకపోతే, ఈపీఎఫ్ఓ గ్రీవెన్స్ మేనేజ్మెంట్ సిస్టమ్ (EPFiGMS) పోర్టల్లో ఆన్లైన్లో ఫిర్యాదు చేయవచ్చు. దీనికి మీ శాలరీ స్లిప్లు, ఇతర ఆధారాలను జత చేయాల్సి ఉంటుంది. లేదా సమీపంలోని పీఎఫ్ కార్యాలయంలో నేరుగా రాతపూర్వక ఫిర్యాదు కూడా ఇవ్వొచ్చు.
