వర్షాకాలం అయినా వర్షాలు కురవని నేపధ్యంలో తాజాగా బంగాళాఖాతంలో ఏర్పడిన అల్పపీడనం వాయుగుండంగా మారింది. ఫలితంగా తెలుగు రాష్ట్రాల్లో వాతావరణం మారుతోంది. తెలంగాణలో వచ్చే మూడు రోజుల పాటు వర్షాలు కురిసే అవకాశం ఉందని హైదరాబాద్ వాతావరణ కేంద్రం నేడు తెలిపింది. ఈ వాయుగుండం ప్రభావంతో అక్కడక్కడ తేలికపాటి నుంచి మోస్తరు వర్షాలు కురుస్తాయని అధికారులు హెచ్చరించారు.ఆగ్నేయదిశగా ఈశాన్య బంగాళాఖాతం వైపు రుతుపవన ద్రోణివాతావరణ శాఖ విడుదల చేసిన నివేదిక ప్రకారం, రుతుపవన ద్రోణి ప్రస్తుతం సగటు సముద్ర మట్టం వద్ద ఫిరోజ్‌పూర్, డెహ్రాడూన్, షాజహాన్‌పూర్, వారణాసి, దెహ్రీ, జార్ఖండ్, ఉత్తర గంగా ప్రాంతాలపై కేంద్రీకృతమై ఉంది. ఇది దిఘా మీదుగా ఆగ్నేయదిశగా ఈశాన్య బంగాళాఖాతం వైపు కొనసాగుతోంది. ఈ వ్యవస్థ సముద్ర మట్టానికి 0.9కిలోమీటర్ల ఎత్తు వరకు విస్తరించి ఉంది. ఉత్తర హర్యానా, తూర్పు ఉత్తరప్రదేశ్ ప్రాంతాల్లో ఉపరితల ఆవర్తనాలు కూడా కనిపిస్తున్నాయి.కొన్ని జిల్లాల్లో తేలికపాటి నుంచి మోస్తరు వర్షాలు తెలంగాణలో మంగళవారం మరియు బుధవారం కొన్ని జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉంది. గురువారం కూడా రాష్ట్రవ్యాప్తంగా అక్కడక్కడ వర్షాలు కురుస్తాయని అంచనా. రాబోయే రెండు రోజుల్లో కొన్ని ప్రాంతాల్లో గాలుల వేగం గంటకు 30 నుంచి 40కిలోమీటర్ల వరకు ఉండొచ్చు. ఉత్తర తెలంగాణ జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు ఒకటి, రెండుచోట్ల కురిసే అవకాశం ఉందని వాతావరణశాఖ హెచ్చరిక జారీ చేసింది.వర్షాలపై వాతావరణ శాఖ అలెర్ట్ ఈ వర్షాలు వ్యవసాయానికి కొంత మేర ఉపయోగపడినా, నష్టాలు జరగకుండా చూసుకోవాల్సిన అవసరం ఉంది. రైతులు, విద్యార్థులు, ఉద్యోగులు వాతావరణ నివేదికలను అప్డేట్‌గా చూసుకుంటూ ప్రయాణాలు, పనులు ప్లాన్ చేసుకోవాలని సలహా ఇస్తున్నారు. హైదరాబాద్ వాతావరణ కేంద్రం వర్షాలపై, వాతావరణంపై అప్డేట్‌లు ఇస్తూనే ఉంటుందని తెలిపింది.అంగన్వాడీ టీచర్లకు రెండు లక్షలు, హెల్పర్ లకు లక్ష రూపాయలు.. పండుగ చేసుకోండిమూడు రోజులు వర్షాలు పడే సమయంలో జాగ్రత్త మొత్తంగా చూస్తే, వాయుగుండం ప్రభావం తెలంగాణాలో మరో మూడు రోజుల పాటు కొనసాగే అవకాశం ఉంది. ప్రజలు అవసరమైన జాగ్రత్తలు తీసుకుని సురక్షితంగా ఉండాలని హైదరాబాద్ వాతావరణ కేంద్రం విజ్ఞప్తి చేసింది. అయితే వర్షాల కోసం ఎదురు చూస్తున్న తెలంగాణా ప్రజలు ఈ వార్త విని కాస్త ఊరట పొందుతున్నారు.
