ఆంధ్రప్రదేశ్ డిప్యూటీ ముఖ్యమంత్రి మరియు జనసేన పార్టీ అధినేత పవన్ కల్యాణ్కు కేరళ రాష్ట్ర ముఖ్యమంత్రి వీడీ సతీశన్ ప్రత్యేక ధన్యవాదాలు తెలిపారు. ఆయుర్వేద చికిత్స
ఆంధ్రప్రదేశ్ డిప్యూటీ ముఖ్యమంత్రి మరియు జనసేన పార్టీ అధినేత పవన్ కల్యాణ్కు కేరళ రాష్ట్ర ముఖ్యమంత్రి వీడీ సతీశన్ ప్రత్యేక ధన్యవాదాలు తెలిపారు. ఆయుర్వేద చికిత్స కోసం పవన్ కేరళను ఎంచుకోవడం పట్ల సతీశన్ సంతోషాన్ని వ్యక్తం చేశారు. పవన్ త్వరగా ఆరోగ్యంతో కోలుకోవాలని ఆయన సోషల్ మీడియా వేదికగా తెలిపారు. రాజకీయాలకు అతీతంగా, ఇద్దరు ప్రముఖ నేతల మధ్య జరిగిన ఈ సంభాషణ ప్రస్తుతం ప్రజల దృష్టిని ఆకర్షిస్తోంది. పవన్ తన కేరళ పర్యటన అనుభవాలను పంచుకుంటూ చేసిన పోస్ట్కు కేరళ సీఎం స్పందించారు. సతీశన్ తన పోస్టులో "పవన్ కల్యాణ్ గారూ, మీ మంచి మాటలకు, విశ్రాంతి మరియు కోలుకోవడానికి కేరళను ఎంచుకున్నందుకు ధన్యవాదాలు. మా ప్రజల ఆప్యాయత, ప్రాచీన దేవాలయాల దర్శనం మీకు శాంతి మరియు స్వస్థతను చేకూర్చాయని తెలుసుకోవడం చాలా సంతోషంగా ఉంది. త్వరలో మిమ్మల్ని మళ్లీ మా రాష్ట్రంలో చూడాలని ఆశిస్తున్నాము. కేరళ ప్రభుత్వం మరియు ప్రజల తరఫున మీరు సంపూర్ణ ఆరోగ్యంతో కోలుకోవాలని మనస్ఫూర్తిగా కోరుకుంటున్నాను" అని పేర్కొన్నారు.
అంతకుముందు, పవన్ కల్యాణ్ తన కేరళ పర్యటన గురించి స్పందిస్తూ ఒక పోస్ట్ చేశారు. ఆయన చికిత్స నిమిత్తం కేరళలో ఉన్న సమయంలో అక్కడి ప్రజల ఆప్యాయత, దయ, ఆతిథ్యం తనను ఎంతగానో ఆకట్టుకున్నాయని తెలిపారు. పవన్ పర్యటనలో భాగంగా త్రిప్రయార్ శ్రీరామ స్వామి, గురువాయూర్ శ్రీకృష్ణ, మామ్మియూర్ శ్రీ మహాదేవ, చెట్టికుళంగర శ్రీ భగవతి అమ్మ వంటి ప్రముఖ దేవాలయాలను సందర్శించినట్లు చెప్పారు. ఈ దర్శనాలు తనకు భక్తి, శాంతి, ప్రశాంతతను అందించాయని వివరించారు. కేరళ సీఎం వీడీ సతీశన్ మరియు రాష్ట్ర ప్రభుత్వానికి పవన్ ప్రత్యేకంగా కృతజ్ఞతలు తెలిపారు.
