Mokshagna: నందమూరి ఫ్యాన్స్‏కు కిక్కిచ్చే న్యూస్.. మోక్షజ్ఞ ఎంట్రీ సినిమాలో బాలయ్య.. డైరెక్టర్ ప్లానింగ్ అదుర్స్..

నందమూరి నటసింహం బాలకృష్ణ తనయుడు మోక్షజ్ఞ సినీ అరంగేట్రం కోసం ప్యాన్స్ ఎంతో ఆసక్తిగా ఎదురుచూస్తున్నారు. తమ అభిమాన హీరో తనయుడి సినిమా కోసం వేయి కళ్లతో వెయిట్ చేస్తున్న నందమూరి అభిమానులకో రోజుకో క్రేజీ న్యూస్ వినిపిస్తుంది. బింబిసార సినిమాతో బ్లాక్ బస్టర్ హిట్ అందుకున్న డైరెక్టర్ వశిష్ట.. ఇప్పుడు మెగాస్టార్ చిరంజీవితో కలిసి విశ్వంభర చిత్రం చేస్తున్న సంగతి తెలిసిందే. తక్కువ సమయంలోనే సోషియో ఫాంటసీ చిత్రాల జానర్ లో తనకంటూ ప్రత్యేక గుర్తింపు తెచ్చుకున్న డైరెక్టర్ వశిష్ట.. ఇప్పుడు మోక్షజ్ఞతో ఓ సినిమా చేయనున్నారు. ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ అత్యంత ప్రతిష్టాత్మకంగా నిర్మిస్తుంది. అయితే ఇందులో శ్రీలీలను కథానాయికగా తీసుకుంటున్నట్లు టాక్ వినిపిస్తుంది. తాజాగా ఈ సినిమా గురించి ఓ క్రేజీ న్యూస్ ఫిల్మ్ వర్గాల్లో చక్కర్లు కొడుతుంది.