మోక్షజ్ఞ ఎంట్రీ మూవీపై అదిరిపోయే అప్‌డేట్.. గూస్‌బంప్స్ తెప్పిస్తోన్న వశిష్ఠ ప్లానింగ్!

నందమూరి బాలకృష్ణ తనయుడు మోక్షజ్ఞ సినీ అరంగేట్రంపై ఇండస్ట్రీలో అదిరిపోయే వార్త చక్కర్లు కొడుతోంది. దర్శకుడు వశిష్ట తెరకెక్కిస్తున్న ఈ భారీ సోషియో ఫాంటసీ చిత్రంలో హీరోయిన్‌గా శ్రీలీలను ఎంపిక చేసినట్లు సమాచారం. అంతేకాకుండా ఈ సినిమాలో బాలయ్య కేవలం అతిథి పాత్రలో కాకుండా కథను మలుపు తిప్పే కీలక పాత్రలో దాదాపు 40 నిమిషాల పాటు కనిపించనున్నారని తెలుస్తోంది. మైత్రీ మూవీ మేకర్స్ నిర్మిస్తున్న ఈ విజువల్ వండర్‌లో తండ్రీకొడుకులిద్దరూ ఒకే స్క్రీన్‌పై కనిపించబోయే సన్నివేశాలు నందమూరి అభిమానులకు అసలైన పూనకాలు తెప్పించడం ఖాయంగా కనిపిస్తోంది.