మోడీ డుమ్మా వెనుక అసలు వ్యూహం ఇదేనా

ఇరాన్ అధ్యక్షుడు మసూద్ పెజెష్కియాన్ వ్యక్తిగతంగా భారత ప్రధానమంత్రి నరేంద్ర మోదీని ఆహ్వానించినప్పటికీ, భారత్ తన ప్రతినిధులుగా కేంద్ర విదేశాంగ శాఖ సహాయ మంత్రి పబిత్రా మార్గరీటా, బిహార్ గవర్నర్ లెఫ్టినెంట్ జనరల్ సయ్యద్ అతా హస్నైన్ (రిటైర్డ్)లను పంపుతోంది. ఈ నిర్ణయం పశ్చిమ ఆసియాలో భారతదేశ వ్యూహాత్మక అడుగులపై సరికొత్త చర్చకు దారితీసింది.ఖమేనీ అంత్యక్రియలకు మోడీ దూరం (Iran)అమెరికా, ఇజ్రాయెల్ దాడుల నేపథ్యంలో జూలై 4 నుండి 9 వరకు టెహ్రాన్, ఖోమ్, మషద్ నగరాల్లో ఖమేనీ అంత్యక్రియలు జరగనున్నాయి. ఈ నేపథ్యంలో భారత్ పంపుతున్న బృందం స్థాయిపై విదేశాంగ నిపుణుల్లో భిన్నాభిప్రాయాలు వ్యక్తమవుతున్నాయి. గత ఏడాది అంటే 2024లో ఇరాన్ అధ్యక్షుడు ఇబ్రహీం రైసీ విమాన ప్రమాదంలో మరణించినప్పుడు భారత ఉప రాష్ట్రపతి జగదీప్ ధన్‌ఖర్ స్వయంగా దౌత్య బృందానికి నాయకత్వం వహించారు. కానీ ఈసారి సహాయ మంత్రి స్థాయి ప్రతినిధిని పంపడం గమనార్హం. ఎట్టకేలకు ఖమేనీ అంత్యక్రియలు..! ప్రధాని మోడీకి పిలుపు..!దౌత్య సమతుల్యత - పాత పరిణామాలుకొందరు విశ్లేషకులు దీనిని అమెరికా, ఇజ్రాయెల్ దేశాలతో భారత్‌కు ఉన్న సంబంధాలను దెబ్బతీయకుండా తీసుకున్న జాగ్రత్తగా అభివర్ణిస్తున్నారు. అయితే, గత చరిత్రను పరిశీలిస్తే, 1989లో అప్పటి ఇరాన్ సుప్రీం లీడర్ అయతొల్లా రుహొల్లా ఖొమేనీ అంత్యక్రియలకు కూడా అప్పటి విదేశాంగ మంత్రి పి.వి. నరసింహారావు మాత్రమే హాజరయ్యారని కొందరు గుర్తుచేస్తున్నారు. సుప్రీం లీడర్ పదవికి ఉండే మతపరమైన, రాజకీయ ప్రాముఖ్యత ఆధారంగానే భారత్ తన ప్రతినిధుల ఎంపికను నిర్ణయించి ఉండవచ్చనే వాదన కూడా ఉంది.ఇరాన్ తో మోడీ దౌత్య బంధం భారత్, ఇరాన్‌ల మధ్య చబహార్ నౌకాశ్రయం అభివృద్ధి వంటి వ్యూహాత్మక ప్రాజెక్టులతో పాటు బలమైన చారిత్రక బంధం ఉంది. అదే సమయంలో గల్ఫ్ దేశాలు, అమెరికా మరియు ఇజ్రాయెల్‌లతో భారత్ ద్వైపాక్షిక భాగస్వామ్యం కూడా అంతే వేగంగా విస్తరిస్తోంది. ఈ క్లిష్టమైన సమయంలో ప్రాంతీయ ఉద్రిక్తతలకు దూరంగా ఉంటూ, ఇరాన్‌తో సన్నిహిత సంబంధాలను కొనసాగించడమే లక్ష్యంగా న్యూఢిల్లీ తన దౌత్య సమతుల్యతను ప్రదర్శిస్తోంది. ప్రపంచ దేశాలకు మళ్లీ హార్ముజ్ టెన్షన్..! ఇరాన్ సంచలన ప్రకటన..!మోడీ మధ్యేమార్గంపశ్చిమ ఆసియాలో మారుతున్న భౌగోళిక రాజకీయ పరిస్ధితుల నేపథ్యంలో, ఈ అంత్యక్రియల ప్రతినిధి బృందం ఎంపిక భారత్ అనుసరిస్తున్న వ్యూహాత్మక స్వయంప్రతిపత్తి విధానాన్ని స్పష్టం చేస్తోంది. అమెరికా, ఇజ్రాయెల్ వంటి వ్యూహాత్మక భాగస్వాముల అభిప్రాయాలను గౌరవిస్తూనే, మరోవైపు సుదీర్ఘ మిత్రదేశమైన ఇరాన్‌తో కూడా సత్సంబంధాలను దెబ్బతీయకుండా భారత్ ఈ మధ్యేమార్గాన్ని ఎంచుకున్నట్లు స్పష్టమవుతోంది.