సరికొత్త రికార్డ్ సాధించిన బెల్లంకొండ శ్రీనివాస్.. ఇండియాలో ఒకే ఒక్క హీరో

ఈ సినిమా తర్వాత పెళ్లి కూడా చేసుకున్నాడు. తాజాగా బెల్లంకొండ శ్రీనివాస్ ఇండియాలో ఏ హీరో సాధించలేని ఓ సరికొత్త రికార్డ్ సాధించాడు.

బెల్లంకొండ శ్రీనివాస్ సినిమాలకు నార్త్ లో మంచి ఫ్యాన్ ఫాలోయింగ్ ఉంది. ఈ హీరో సినిమాలు హిందీలో డబ్బింగ్ చేసి అక్కడ యూట్యూబ్ ఛానల్స్ లో రిలీజ్ చేస్తే మిలియన్స్ వ్యూస్ వస్తాయి. అలా తన జయ జానకి నాయక సినిమా యూట్యూబ్ లో ఏకంగా 1 బిలియన్ వ్యూస్ సాధించిన మొదటి ఇండియన్ సినిమాగా రికార్డ్ సృష్టించింది.

బోయపాటి దర్శకత్వంలో బెల్లంకొండ శ్రీనివాస్, రకుల్ ప్రీత్ సింగ్ జంటగా తెరకెక్కిన జయ జానకి నాయక సినిమా తెలుగు థియేటర్స్ లో యావరేజ్ గా నిలిచినా హిందీలో పెన్ స్టూడియోస్ సంస్థ డబ్ చేసి తమ యూట్యూబ్ ఛానల్ లో రిలీజ్ చేసింది. మొదట్నుంచి ఈ మాస్ సినిమాకు నార్త్ లో మంచి వ్యూస్ వచ్చాయి. ఇప్పుడు ఏకంగా యూట్యూబ్ లో ఈ సినిమాకు 1 బిలియన్ అంటే వంద కోట్ల వ్యూస్ వచ్చాయి. ఇన్ని వ్యూస్ వచ్చిన మొదటి ఇండియన్ సినిమాగా జయ జానకి నాయక సరికొత్త రికార్డ్ సృష్టించింది. ఏడేళ్ల క్రితం ఈ సినిమాని యూట్యూబ్ లో అప్లోడ్ చేసారు.

ఇంతే కాదు బెల్లంకొండ శ్రీనివాస్ నటించిన కవచం దాదాపు హిందీలో 800 మిలియన్స్ వ్యూస్, సీత సినిమా దాదాపు 700 మిలియన్స్ వ్యూస్ సాధించాయి. వేరే సినిమాలు కూడా హిందీ యూట్యూబ్ ఛానల్స్ లో వందల మిలియాన్స్ వ్యూస్ సాధించాయి. అలా బెల్లంకొండ శ్రీనివాస్ కి హిందీ రూరల్ ఆడియన్స్ లో మాస్ హీరోగా మంచి ఫేమ్ వచ్చింది.

Also See : Sharmiela Mandre : నిర్మాతతో నిశ్చితార్థం చేసుకున్న అల్లరి నరేష్ హీరోయిన్.. ఫొటోలు..

అయితే ఈ వ్యూస్ చూసి తనకి హిందీలో కూడా మార్కెట్ వస్తుందని ఆశించి ప్రభాస్ ఛత్రపతి సినిమాని హిందీలో రీమేక్ చేసాడు బెల్లంకొండ శ్రీనివాస్. కానీ ఆ సినిమా డిజాస్టర్ అయింది. మరి ఇప్పుడు ఈ 1 బిలియన్ రికార్డ్ తో మళ్ళీ హిందీలో సినిమా చేయడానికి బెల్లంకొండ శ్రీనివాస్ ప్రయత్నిస్తాడేమో చూడాలి. ఈ రికార్డ్ తో బెల్లంకొండ శ్రీనివాస్ హిందీ యూట్యూబ్ రైట్స్ కి భారీ డిమాండ్ ఏర్పడింది.