మొదటిసారి భర్త ఫ్యామిలీ ఫోటోస్ షేర్ చేసిన జబర్దస్త్ ఫైమా.. వైరలవుతున్న పిక్స్

‘పటాస్’ షో ద్వారా కెరీర్ ప్రారంభించి, ఆ తర్వాత ‘జబర్దస్త్’ షోలో అద్భుతమైన ప్రదర్శనతో స్టార్ ఇమేజ్ సొంతం చేసుకుంది. ఆ క్రేజ్‌తోనే బిగ్ బాస్ తెలుగు సీజన్-6లో కూడా అడుగుపెట్టి స్ట్రాంగ్ కంటెస్టెంట్‌గా రాణించింది.

పెళ్లి తర్వాత మొదటిసారిగా తన అత్తగారింటి కుటుంబ సభ్యులతో కలిసి దిగిన ఈ ఫోటోలను షేర్ చేస్తూ ఆమె సంతోషాన్ని వ్యక్తపరిచింది. ఈ ఫోటోలలో ఫైమా సాంప్రదాయబద్ధంగా కనిపిస్తూ, తన భర్త ప్రవీణ్ ,అత్తమామలతో ఎంతో సరదాగా గడుపుతూ కనిపించింది. ప్రస్తుతం ఈ ఫోటోలు సోషల్ మీడియా వేదికగా నెటిజన్లను విపరీతంగా ఆకట్టుకుంటున్నాయి.

ఫైమా షేర్ చేసిన ఈ సరికొత్త ఫోటో గ్యాలరీని చూసిన ఆమె అభిమానులు, బుల్లితెర సెలబ్రిటీలు కొత్త జంటకు శుభాకాంక్షలు తెలుపుతున్నారు. "మీ వైవాహిక జీవితం ఎల్లప్పుడూ ఇలాగే సంతోషంగా సాగిపోవాలి" అంటూ కామెంట్ల వర్షం కురిపిస్తున్నారు. ఒక సాధారణ మిడిల్ క్లాస్ బ్యాక్‌గ్రౌండ్ నుండి వచ్చి, తన టాలెంట్‌తో ఈ స్థాయికి ఎదిగిన ఫైమా.. ఇప్పుడు ఒక ఇంటి కోడలిగా కొత్త బాధ్యతలను సైతం ఎంతో ఆనందంగా బ్యాలెన్స్ చేస్తోందని నెటిజన్లు ప్రశంసిస్తున్నారు.

తెలుగు బుల్లితెరపై లేడీ కమెడియన్‌గా గుర్తింపు తెచ్చుకుంది జబర్దస్త్ ఫైమా. తనదైన కామెడీ టైమింగ్, పంచ్‌లతో ఆమె ప్రేక్షకులలో మంచి ఆదరణ సంపాదించుకుంది. ఈమె మొదట ఈటీవీ ప్లస్‌లో ప్రసారమైన ‘పటాస్’ షో ద్వారా తన కెరీర్‌ను ప్రారంభించారు. ఆ తర్వాత ఈటీవీలోని ప్రముఖ కామెడీ షో ‘జబర్దస్త్’ లోకి అడుగుపెట్టి, తన అద్భుతమైన కామెడీతో మగ కమెడియన్లకు గట్టి పోటీనిస్తూ భారీ గుర్తింపు తెచ్చుకున్నారు.