హార్దిక్ పాండ్యా సీక్రెట్ గా రెండో పెళ్లి చేసుకున్నాడా?.. సోషల్ మీడియాలో వైరల్ అవుతున్న ఫొటో

టీమిండియా స్టార్ ఆల్‌రౌండర్ హార్దిక్ పాండ్యా వ్యక్తిగత జీవితం మరోసారి వార్తల్లో నిలిచింది. తన ప్రియురాలు, మోడల్ మహీకా శర్మను హార్దిక్ రహస్యంగా వివాహం చేసుకున్నారంటూ సోషల్ మీడియాలో పెద్ద ఎత్తున ప్రచారం జరుగుతోంది. పాపిటలో సిందూరంతో మహీకా శర్మ కనిపిస్తున్న ఒక ఫొటో ఇంటర్నెట్‌లో వైరల్ కావడమే ఈ ఊహాగానాలకు కారణమైంది.సోషల్ మీడియాలో చక్కర్లు కొడుతున్న ఈ ఫొటోలో హార్దిక్ పాండ్యా, మహీకా శర్మ పక్కపక్కనే నిల్చుని ఉన్నారు. వారి చేతులను ఒక వృద్ధురాలు పట్టుకుని ఉండగా, మహీకా పాపిటలో సిందూరం స్పష్టంగా కనిపిస్తోంది. ఈ ఫొటో బయటకు రావడంతో వారిద్దరూ రహస్యంగా పెళ్లి చేసుకున్నారని, అందుకే మహీకా సంప్రదాయబద్ధంగా సిందూరం ధరించిందని పలువురు నెటిజన్లు కామెంట్లు చేస్తున్నారు. కొద్ది గంటల్లోనే ఈ ఫొటో వైరల్ కావడంతో హార్దిక్ పెళ్లి వార్త హాట్ టాపిక్‌గా మారింది.అయితే, ఈ వార్తల్లో ఎంతమాత్రం నిజం లేదని తెలుస్తోంది. వారి వివాహం జరిగినట్లు ఎలాంటి అధికారిక సమాచారం లేదు. ఈ ప్రచారంపై హార్దిక్ పాండ్యా గానీ, మహీకా శర్మ గానీ ఇప్పటివరకు స్పందించలేదు. కేవలం ఒక ఫోటోను ఆధారం చేసుకుని వస్తున్న ఈ వార్తలను నమ్మలేమని పలువురు అభిప్రాయపడుతున్నారు. గత ఏడాది కాలంగా తమ సంబంధం గురించి బహిరంగంగానే ఉంటూ వస్తున్న ఈ జంట, నిజంగా పెళ్లి చేసుకుంటే ఆ విషయాన్ని కచ్చితంగా అభిమానులతో పంచుకునే వారని చాలామంది భావిస్తున్నారు. బహుశా ఏదైనా ప్రైవేట్ ట్రిప్‌లో భాగంగా వారు కలిసిన వృద్ధురాలితో ఈ ఫొటో తీసుకుని ఉండవచ్చని కూడా వాదనలు