చెట్టు కొమ్మ విరిగి తలపై పడింది - కోమాలో బైకర్

లే అనే నిర్లక్ష్యంతో హెల్మెట్ లేకుండా ప్రయాణిస్తుంటారు. అయితే ప్రమాదం ఎప్పుడు, ఏ రూపంలో వస్తుందో ఎవరూ ఊహించలేరు. రోడ్డు ప్రమాదం మాత్రమే కాదు.. చెట్టు కొమ్మ విరిగి పడటం వంటి ఊహించని ఘటనల్లో కూడా హెల్మెట్ ప్రాణాలను కాపాడగలదు. బెంగళూరులో తాజాగా జరిగిన ఘటన దీనికి ప్రత్యక్ష ఉదాహరణగా నిలిచింది.చెట్టు కొమ్మ విరిగి బైక్‌పై వెళ్తున్న ఉద్యోగిపై పడిందిబెంగళూరులోని రాజాజీనగర్ రామ్ మందిర్ రోడ్డులో బుధవారం సాయంత్రం సుమారు 5 గంటల సమయంలో ఈ ఘటన జరిగింది. మల్లేశ్వరంలోని ఓ ప్రైవేట్ ఫైనాన్స్ కంపెనీలో ఫీల్డ్ ఎగ్జిక్యూటివ్‌గా పనిచేస్తున్న 53 ఏళ్ల సురేష్ రుణాల వసూళ్ల కోసం మోటార్‌సైకిల్‌పై వెళ్తున్నారు. అదే సమయంలో రోడ్డుపక్కన ఉన్న ఎండిపోయిన భారీ చెట్టు కొమ్మ ఒక్కసారిగా విరిగి ఆయన తలపై బలంగా పడింది.సీసీటీవీలో నమోదైన షాకింగ్ దృశ్యాలుఈ ప్రమాదం అక్కడ ఏర్పాటు చేసిన సీసీటీవీ కెమెరాల్లో రికార్డైంది. వీడియోలో సురేష్ హెల్మెట్ లేకుండానే ప్రయాణిస్తున్నట్లు కనిపించింది. భారీ కొమ్మ తలకు తగలడంతో ఆయన బైక్‌పై నియంత్రణ కోల్పోయి రోడ్డుపై బలంగా పడిపోయారు.తీవ్ర తలకు గాయమై అక్కడికక్కడే అపస్మారక స్థితిలోకి వెళ్లిపోయారు.స్థానికులు వెంటనే స్పందించి ఆయనను సమీపంలోని ఆస్పత్రికి తరలించారు. ప్రస్తుతం ఆయన పరిస్థితి విషమంగా ఉన్నట్లు సమాచారం.చైనాలో భారీ ప్రమాదం.. అత్యంత ఎత్తైన స్కైస్క్రాపర్‌ను ఢీకొట్టిన చిన్న విమానం !!అధికారుల నిర్లక్ష్యమే కారణమా?ఘటనపై రాజాజీనగర్ పోలీస్ స్టేషన్‌లో ఎన్సీఆర్ నమోదు చేసి ప్రాథమిక విచారణ ప్రారంభించారు. అటవీ శాఖ అధికారులు కూడా ప్రమాద స్థలాన్ని పరిశీలించారు.అయితే ఈ ప్రాంతంలో ఎండిపోయిన చెట్ల కొమ్మలు ప్రమాదకరంగా ఉన్నాయని తాము పలుమార్లు అధికారులకు ఫిర్యాదు చేసినప్పటికీ ఎలాంటి చర్యలు తీసుకోలేదని స్థానికులు ఆరోపిస్తున్నారు. సమయానికి చెట్ల కొమ్మలను తొలగించి ఉంటే ఈ ప్రమాదం జరిగేది కాదని వారు ఆవేదన వ్యక్తం చేశారు.ఇలాంటి ప్రమాదాలు పునరావృతం కాకుండా చర్యలు అవసరంబెంగళూరు నగరంలోని అనేక ప్రాంతాల్లో ఎండిపోయిన చెట్లు, ప్రమాదకరంగా వేలాడుతున్న కొమ్మలు వాహనదారులకు, పాదచారులకు ముప్పుగా మారాయని స్థానికులు చెబుతున్నారు. ప్రమాదం జరిగిన తర్వాత స్పందించడం కంటే ముందస్తు చర్యలు తీసుకోవాలని వారు ప్రభుత్వాన్ని కోరుతున్నారు.ఈ ఘటన ప్రతి ద్విచక్ర వాహనదారుడికి ఒక గట్టి హెచ్చరిక. ప్రమాదం రోడ్డు ప్రమాదం రూపంలోనే రావాల్సిన అవసరం లేదు. ప్రకృతి వైపరీత్యాలు, చెట్ల కొమ్మలు విరిగి పడటం వంటి ఊహించని సంఘటనలు కూడా క్షణాల్లో ప్రాణాపాయాన్ని తెచ్చిపెట్టవచ్చు. హెల్మెట్ ధరించడం వల్ల ఇలాంటి ప్రమాదాల్లో తలకు తీవ్ర గాయాలు అయ్యే ప్రమాదం గణనీయంగా తగ్గుతుంది. కాబట్టి చిన్న దూరమే కదా అనే నిర్లక్ష్యాన్ని పక్కనపెట్టి, ప్రతి ప్రయాణంలో హెల్మెట్‌ను తప్పనిసరిగా ధరించడం ప్రతి ఒక్కరి బాధ్యత.