పది వేలకే 5 స్మార్ట్ ఫోన్.. ఫుల్ 120 స్క్రీన్, 50 కెమెరా, 128 స్టోరేజ్.. ఇంతకంటే ఏం

ఇప్పుడు ఈ ధరలోనే 5G, 120Hz డిస్‌ప్లే, పవర్‌ఫుల్ ప్రాసెసర్, 50MP కెమెరా వంటి అద్భుతమైన ఫీచర్లతో కూడా మొబైల్స్ దొరుకుతున్నాయి. అయితే పెట్టిన డబ్బుకు ఏ ఫోన్ సరైనదో తెలుసుకోవడమే కస్టమర్లకు అసలైన సవాలు.

ఈ లిస్టులో మొదటి స్థానంలో పోకో M7 5G ఉంది. ఇందులో స్నాప్‌డ్రాగన్ 4 జెన్ 2 చిప్‌సెట్, 120Hz స్క్రీన్, 5G సపోర్ట్ ఉన్నాయి. అందుకే రోజువారీ పనుల నుంచి లైట్ గేమింగ్ వరకు ఇది అద్భుతంగా పనిచేస్తుంది. తక్కువ బడ్జెట్‌లో ఎక్కువ పెర్ఫార్మెన్స్ కోరుకునే వారికి ఇది బెస్ట్ ఛాయిస్.

క్లీన్ ఆండ్రాయిడ్ ఎక్స్‌పీరియన్స్ ఇష్టపడేవాళ్లు మోటో G35 5Gని చూడొచ్చు. అనవసరమైన యాప్స్ లేని సాఫ్ట్‌వేర్, ఫుల్ HD+ 120Hz స్క్రీన్, డాల్బీ అట్మోస్ స్పీకర్లు దీని ప్రత్యేకతలు.

మరోవైపు శాంసంగ్ గెలాక్సీ F06 (Samsung Galaxy F06) 5G స్మార్ట్ ఫోన్ తన నమ్మకమైన One UI, డైమెన్సిటీ 6300 చిప్‌సెట్, లాంగ్-టర్మ్ అప్‌డేట్ సపోర్ట్‌తో అందుబాటులో ఉంది. ఈ బడ్జెట్ స్మార్ట్ ఫోన్ ఫ్యామిలీ యూజర్లు, మొదటిసారి కొనేవాళ్లను ఆకట్టుకుంటోంది.

ఎక్కువ స్టోరేజ్, ఎంటర్‌టైన్‌మెంట్‌కు ప్రాధాన్యం ఇచ్చేవాళ్లు ఇన్ఫినిక్స్ హాట్ 50 5Gని ట్రై చేయొచ్చు. 120Hz స్క్రీన్, 128GB స్టోరేజ్, పవర్‌ఫుల్ బ్యాటరీతో ఇది రోజువారీ వాడకంలో మంచి అనుభవాన్ని ఇస్తుంది. వీడియోలు చూడటం, సోషల్ మీడియా వాడటం, ఒకేసారి ఎక్కువ యాప్స్ రన్ చేయడం వంటి పనులకు ఇది చాలా బాగుంటుంది.

ఫోన్ కొనేటప్పుడు కేవలం కెమెరా లేదా ధర చూసి నిర్ణయం తీసుకోవద్దు. ప్రాసెసర్, సాఫ్ట్‌వేర్ అప్‌డేట్స్, స్టోరేజ్, బ్యాటరీ, సర్వీస్ నెట్‌వర్క్ వంటివి కూడా గమనించాలి. మీ అవసరాలకు సరిపోయే మోడల్‌ను ఎంచుకుంటే, రూ.10,000 లోపు కూడా చాలా ఏళ్లపాటు నమ్మకంగా వాడగలిగే స్మార్ట్‌ఫోన్‌ను కొనొచ్చు. 2026 జూన్ నాటి ధరల ప్రకారం, ఈ నాలుగు ఫోన్లు పెట్టిన డబ్బుకు మంచి విలువను అందిస్తున్నాయి.