రాంగ్ రూట్ లో వచ్చిన స్కూటీని ఢీకొన్న బుల్లెట్.. ఇద్దరి మృతి

హైదరాబాద్, జూన్ 26: నగరంలోని గచ్చిబౌలిలో జరిగిన రోడ్డు ప్రమాదంలో ఇద్దరు ప్రాణాలు కోల్పోయారు. రాంగ్ రూట్‌లో వచ్చిన స్కూటీని.. బుల్లెట్ వాహనం ఢీకొనడంతో ఈ ప్రమాదం జరిగింది. స్కూటీపై ప్రయాణిస్తున్న ఇద్దరు అక్కడికక్కడే మృతిచెందారు. బుల్లెట్‌పై ప్రయాణిస్తున్న ఓ వ్యక్తికి స్వల్పగాయాలయ్యాయి. గచ్చిబౌలి AMB మాల్ ఫ్లై ఓవర్‌పై ఈ ఘటన చోటు చేసుకుంది. వినోద్ అనే వ్యక్తి ఈరోజు(శుక్రవారం) ఉదయం 7:30 గంటల ప్రాంతంలో తన బుల్లెట్‌ బైక్‌పై గచ్చిబౌలి నుంచి హఫీజ్‌పేట్ వైపు వెళ్తున్నారు. అదే సమయంలో హఫీజ్‌పేట్‌ నుంచి గచ్చిబౌలి వైపు రాంగ్ రూట్‌లో AMB మాల్ ఫ్లై ఓవర్ మీదుగా శ్రీకాంత్, విట్టల్ స్కూటీపై వెళ్తున్నారు.

ఈ క్రమంలో రెండు వాహనాలు ఒకదానికొకటి బలంగా ఢీకొన్నాయి. స్కూటీపై ప్రయాణిస్తున్న ఇద్దరు మృతిచెందగా.. బుల్లెట్‌పై ప్రయాణిస్తున్న వ్యక్తి స్వల్పంగా గాయపడ్డాడు. సమాచారం అందిన వెంటనే గచ్చిబౌలి పోలీసులు ఘటనా స్థలికి చేరుకున్నారు. మృతదేహాలను పోస్టుమార్టం నిమిత్తం ఉస్మానియా ఆస్పత్రికి తరలించారు. ఈ ప్రమాదంపై పోలీసులు కేసు నమోదు చేసి దర్యాప్తు చేపట్టారు.

అన్నమయ్య జిల్లాలో రోడ్డు ప్రమాదం.. మంత్రి మండిపల్లి దిగ్భ్రాంతి

కోనసీమలో రోడ్డు ప్రమాదం.. టీడీపీ నేత మృతి

Read Latest Telangana News And Telugu News