ఆయిల్ పీల్చకుండా కరకరలాడే చికెన్ పకోడి..ఇలా చేస్తే అదిరిపోద్ది

సాయంత్రం పూట వేడివేడిగా, కరకరలాడే చికెన్ పకోడీ తింటే ఆ మజానే వేరు. అయితే చాలామంది ఇంట్లో చేస్తే రోడ్డు పక్కన బండ్ల మీద దొరికే అంత క్రిస్పీగా రావడం లేదని, లేదా ఆయిల్ ఎక్కువగా పీల్చేస్తుందని బాధపడుతుంటారు. ఈ సింపుల్ టిప్స్ పాటిస్తే, ముక్క మెత్తబడకుండా కరకరలాడే స్ట్రీట్ స్టైల్ రుచితో చికెన్ పకోడీని రెడీ చేయవచ్చు.

చికెన్: అర కిలో (చిన్న ముక్కలుగా కట్ చేసి, నీరు లేకుండా ఆరబెట్టుకున్నది) నూనె: 2 టీస్పూన్లు (మారినేషన్ కోసం) + డీప్ ఫ్రైకి సరిపడా కార్న్ ఫ్లోర్ (మొక్కజొన్న పిండి): 2 టేబుల్ స్పూన్లు చికెన్ సిద్ధం చేసుకోవడం: మొదట అర కిలో చికెన్ ముక్కలను శుభ్రంగా కడిగి, జల్లెడలో వేసి నీరంతా పోయేలా చూడాలి. ముక్కలు తడిగా ఉంటే కోటింగ్ సరిగ్గా అంటుకోదు.. పకోడీ క్రిస్పీగా రాదు.

మసాలాల మారినేషన్: ఒక గిన్నెలో చికెన్ ముక్కలను తీసుకుని.. అందులో అల్లం వెల్లుల్లి పేస్ట్, కారం, ఉప్పు, ధనియాల పొడి, జీలకర్ర పొడి, గరం మసాలా, మిరియాల పొడి, నిమ్మరసం, 2 టీస్పూన్ల నూనె వేసి ముక్కలకు బాగా పట్టించాలి. (ఇలా నూనె వేయడం వల్ల మసాలాలు చికెన్‌కు బాగా పట్టి, ఆయిల్ తక్కువగా పీల్చుకుంటుంది).

ఆకులు, పిండి కలపడం: ఇప్పుడు అదే మిశ్రమంలో సన్నగా తరిగిన పచ్చిమిర్చి, కొత్తిమీర, కరివేపాకు వేసి కలపాలి. ఆ తర్వాత బైండింగ్ కోసం కార్న్ ఫ్లోర్, శనగపిండి వేసి ముక్కలన్నింటికీ కోటింగ్ వచ్చేలా గట్టిగా కాకుండా సున్నితంగా కలుపుకోవాలి. నీరు అస్సలు పోయకూడదు.

నానబెట్టడం: ఈ మసాలా కలిపిన చికెన్ మిశ్రమంపై మూత పెట్టి కనీసం అర గంట నుండి ఒక గంట పాటు పక్కన పెట్టుకోవాలి (ఫ్రిజ్‌లో అయినా పెట్టవచ్చు). దీనివల్ల ముక్క లోపలి వరకు జ్యూసీగా తయారవుతుంది.

డీప్ ఫ్రై చేయడం: కడాయిలో డీప్ ఫ్రైకి సరిపడా నూనె పోసి బాగా వేడి చేయాలి. నూనె బాగా వేడెక్కిన తర్వాత మంటను మీడియం ఫ్లేమ్‌లోకి మార్చి, చికెన్ ముక్కలను ఒక్కొక్కటిగా విడివిడిగా వేయాలి. వేసిన వెంటనే గరిటె పెట్టకూడదు, లేదంటే కోటింగ్ ఊడిపోతుంది.

క్రిస్పీగా వేయించడం: ఒక నిమిషం తర్వాత ముక్కలను అటు ఇటు తిప్పుతూ.. మంచి గోల్డెన్ బ్రౌన్ కలర్ వచ్చి, కరకరలాడే వరకు మీడియం ఫ్లేమ్‌పైనే వేయించుకోవాలి. ఆపై నూనె నుండి తీసి టిష్యూ పేపర్ ఉన్న ప్లేట్ లోకి తీసుకుంటే వేడివేడి చికెన్ పకోడీ రెడీ!

ముఖ్యమైన చిట్కా: చికెన్ ముక్కలను హై ఫ్లేమ్‌పై వేయిస్తే పైన రంగు వచ్చేసి లోపల పచ్చిగా ఉంటుంది. అలాగే సిమ్ లో పెడితే ఆయిల్ ఎక్కువ పీల్చేస్తుంది. కాబట్టి ఎప్పుడూ మీడియం ఫ్లేమ్‌పైనే వేయించుకోవాలి. చివరగా మిగిలిన నూనెలో కొన్ని పచ్చిమిర్చి, కరివేపాకు వేయించి పకోడీపై గార్నిష్ చేసుకుని, ఉల్లిపాయ ముక్కలతో సర్వ్ చేసుకుంటే రోడ్డు పక్కన దొరికే చికెన్ పకోడీ రుచి ఇంట్లోనే ఆస్వాదించవచ్చు!