కేతువు దుష్టగ్రహమే అయినా ఈ 3 రాశులకు మాత్రం తెగ కలిసొచ్చేస్తుంది

సాధారణంగా కేతువును ఆటంకాలు, ఆలస్యం, ఆధ్యాత్మికత, కర్మ ఫలాలకు చిహ్నంగా చూస్తారు. కేతువు ఎప్పుడూ నెగెటివ్ ఫలితాలనే ఇవ్వడు. కొన్ని గ్రహాల కలయికలతో ముఖ్యంగా శుక్రుడితో కలిసినప్పుడు కొందరి జీవితాలను ఊహించని స్థాయికి తీసుకెళ్తాడని నమ్ముతారు.

వృషభ రాశికి అధిపతి శుక్రుడు. వీరికి కేతువు శుక్ర కలయిక వల్ల ఈ సమయం అనుకూలంగా ఉంటుంది. చాలా కాలంగా ఎదురుచూస్తున్న ప్రమోషన్ దక్కే అవకాశం ఉంది. అలాగే వ్యాపారం విస్తరించడానికి కూడా ఇది అనుకూల సమయం. కొత్త పెట్టుబడి పెట్టేందుకు అవకాశాలు లభించవచ్చు. వాహనం కొనాలనే కోరిక తీరుతుంది. ఆర్ధిక పరిస్థితి మెరుగవుతుంది.

తులారాశి వారికి వృత్తి, వ్యాపారాలలో కొత్త శిఖరాలను అందుకునే అవకాశం ఉంది. విదేశీ ఉద్యోగం, కొత్త ఒప్పందాలు, ఉన్నత పదవి లేదా సామాజిక గుర్తింపు వంటి అవకాశాలు రావచ్చు. చాలా కాలంగా ప్లాన్ చేస్తున్న ఇల్లు లేదా వాహనం కొనుగోలు చేసే కల కూడా నెరవేరవచ్చు.

కర్కాటక రాశి వారికి కుటుంబం ద్వారా శుభవార్తలు అందే అవకాశం ఉంది. తండ్రి వైపు నుంచి ఆస్తి, కొత్త వ్యాపార అవకాశం లేదా అదనపు ఆదాయం వంటివి అనుకూలంగా మారొచ్చని చెబుతున్నారు. పెట్టుబడులలో జాగ్రత్తగా వ్యవహరిస్తే భవిష్యత్తులో మంచి ఫలితాలు పొందే అవకాశం కూడా ఉంది.