రైల్వే ప్రయాణికులకు అలర్ట్.. జోధ్ పూర్ - చెన్నై మధ్య స్పెషల్ రైళ్లు, తెలుగు రాష్ట్రాల్లో హాల్ట్ స్టేషన్లు

జోధ్‌పూర్ నుంచి చెన్నై బీచ్ వరకు స్పెషల్ ట్రైన్లు నడపాలని ఫిక్స్ అయ్యారు. ఇవి జూన్, జూలై రెండు నెలల పాటు అందుబాటులో ఉంటాయి. మన తెలుగు రాష్ట్రాల్లో కూడా ఈ రైలు ఆగే స్టేషన్లు ఉన్నాయి, అవి ఏంటో చూద్దాం.

ప్రయాణికులకు ప్రయాణం సులభంగా ఉండాలని భారతీయ రైల్వే ఎప్పుడూ ప్రయత్నిస్తూనే ఉంటుంది. అందుకే రద్దీ ఎక్కువగా ఉండే చోట స్పెషల్ ట్రైన్లు నడుపుతూ, అవసరమైతే వాటిని రెగ్యులర్ రైళ్లుగా కూడా మారుస్తుంటారు. ఈ క్రమంలోనే జూన్, జూలై రెండు నెలల పాటు జోధాపూర్ నుంచి చెన్నై బీచ్ కి స్పెషల్ ట్రైన్‌ను ఏర్పాటు చేశారు.

ఈ రైలు తెలుగు రాష్ట్రాల మీదుగా వెళ్తుంది. దీని హాల్ట్ స్టేషన్లు కూడా ఉన్నాయి. ప్రతి శనివారం జోధ్‌పూర్ నుంచి చెన్నై బీచ్ కి ఈ రైలు (ట్రైన్ నెంబర్ 04815) నడుస్తుంది. అంటే జూన్ 27, జూలై 4, 11, 18, 25 తేదీల్లో ఈ సర్వీస్ ఉంటుంది.

అలాగే, ఎంజీఆర్ చెన్నై నుంచి జోధ్‌పూర్ కి వెళ్లే ఈ రైలు (ట్రైన్ నెంబర్ 04816) అన్ని మంగళవారాలు అందుబాటులో ఉంటుంది. అంటే జూన్ 30, జూలై 7, 14, 21, 28 తేదీల్లో ఈ ట్రైన్ ప్రయాణం చేస్తుంది.

మొదట జోధ్‌పూర్ నుంచి బయలుదేరే ఈ రైలు నాగపూర్, బాలార్షా, సిర్పూర్, కాగజ్ నగర్, మంచిర్యాల, వరంగల్, ఖమ్మం, విజయవాడ, బాపట్ల, చీరాల, ఒంగోలు, నెల్లూరు, నాయుడుపేట మీదుగా చెన్నై ఎంజీఆర్ సెంట్రల్ నుంచి చెన్నై బీచ్ వరకు వెళ్తుంది.

తెలుగు రాష్ట్రాల్లో ఈ హాల్ట్ స్టేషన్లు ఉండటం వల్ల, ఈ రూట్‌లో ప్రయాణించే వారు చాలా ఈజీగా బుకింగ్ చేసుకోవచ్చు. వారానికి ఒకసారి మాత్రమే ఈ సర్వీస్ అందుబాటులో ఉంటుంది. జూన్, జూలై రెండు నెలల పాటు మాత్రమే ఈ సేవలు ఉంటాయి. చెన్నై వెళ్లాలనుకునే తెలుగు రాష్ట్రాల ప్రయాణికులకు ఇది ఒక అద్భుతమైన అవకాశం అన్నమాట.