కు పైగా సినిమాలు.. కబ్జాలు, వివాదాలతో రూ. 100 కోట్ల ఆస్తులు పోగొట్టుకున్న నటుడు

ఐదు దశాబ్దాలకు పైగా సినీ రంగంలో కొనసాగి, హీరోగా, సహాయ నటుడిగా, తండ్రి పాత్రల్లో తన నటనతో విశేషంగా ఆకట్టుకున్నారు చంద్రమోహన్. ఆయన మరణం ఇప్పటికీ చాలా మంది జీర్ణించుకోలేకపోతున్నారు. ఆయన కెరీర్‌లో పదహారేళ్ళ వయసు సినిమా ఒక మైలురాయి. కమల్ హాసన్ తమిళంలో చేసిన అద్భుతమైన పాత్రను తెలుగులో చేసి, అద్భుతంగా మెప్పించారు. ఈ చిత్రం తర్వాత ఆయన ప్రస్థానం నిరాఘాటంగా కొనసాగింది. శంకరాభరణం, నేను మా ఆవిడ ఇల్లంతా సందడి వంటి చిత్రాలతో పాటు జంధ్యాల, రేలంగి నరసింహారావు దర్శకత్వంలో అనేక సినిమాల్లో నటించారు. చంద్రమోహన్ కి ఒక అరుదైన లక్కీ హీరో సెంటిమెంట్ ఉంది. ఆయనతో కలిసి నటించిన వాణిశ్రీ , జయప్రద , శ్రీదేవి, భానుప్రియ, తాళ్ళూరి రామేశ్వరి వంటి నటీమణులు ఆ తర్వాత అగ్రతారలుగా ఎదిగారు. ఈ విషయాన్ని చంద్రమోహన్ గారే పలు ఇంటర్వ్యూలలో ప్రస్తావించారు. సుమారు 35-40 మంది హీరోయిన్స్ ఆయనతో నటించిన తర్వాత సూపర్ స్టార్స్ అయ్యారని పరిశ్రమలో ఒక నమ్మకం ప్రచారంలో ఉండేది.

ఇది కూడా చదవండి : DSP: ఆ పాటను అరగంటలో రాసి, కంపోజ్ చేశా.. కట్ చేస్తే సెన్సేషనల్ హిట్ అయ్యింది : దేవి శ్రీ ప్రసాద్

హీరో పాత్రల నుండి క్యారెక్టర్ ఆర్టిస్టుగా మారడంలో చంద్రమోహన్ చూపిన తెగువ, వృత్తిపట్ల ఆయనకున్న అంకితభావం అపారమైనది. యువ హీరోలైన ఉదయ్ కిరణ్ , అల్లు అర్జున్, గోపీచంద్ వంటి వారికి తండ్రి పాత్రల్లో నటించి మెప్పించారు. నటి సుధాతో కలిసి అనేక చిత్రాలలో తల్లిదండ్రుల పాత్రలు పోషించి ప్రేక్షకుల మన్ననలు పొందారు. పాత్ర చిన్నదైనా, పెద్దదైనా స్వీకరించి, సమర్థవంతంగా నటించగల నేర్పరి ఆయన. ఈ క్రమంలో ఆయన దాదాపు 900కు పైగా చిత్రాల్లో నటించారు. వ్యక్తిగత జీవితంలో ప్రముఖ రచయిత్రి జలంధరను వివాహం చేసుకున్నారు. వారికి ఇద్దరు కుమార్తెలు, మాధవి, మీనాక్షి. ఒకరు సైకాలజిస్ట్‌గా, మరొకరు వైద్యురాలిగా స్థిరపడ్డారు.

ఇది కూడా చదవండి : ఓ మై గాడ్..! అన్నా.. ఇది నువ్వేనా..!! పవన్ కళ్యాణ్‌తో ఉన్న ఈ వ్యక్తి ఎవరో గుర్తుపట్టారా.? చాలా ఫేమస్

రియల్ ఎస్టేట్ విషయంలో ఆయనకు చేదు అనుభవాలు ఎదురయ్యాయి. మద్రాసులో ఆరు ఎకరాలతో పాటు పలు స్థలాలను కొనుగోలు చేసినప్పటికీ, కబ్జాలు, ఇతర వివాదాల కారణంగా వాటిని అమ్మేయాల్సి వచ్చింది. వాటిని చూసుకోవడానికి ఎవరూ లేకపోవడం, సినిమాలతో బిజీగా ఉండటం వల్ల ఈ నిర్ణయం తీసుకోవాల్సి వచ్చిందని ఆయన చెప్పారు. ఈ రోజు లెక్కల ప్రకారం చూస్తే రూ. 100 కోట్లకు పైగా ఆస్తులను కోల్పోయినట్టే అని ఆయన గతంలో ఆవేదన వ్యక్తం చేశారు. చివరి రోజుల్లో చంద్రమోహన్ అనారోగ్యంతో బాధపడ్డారు. ఆహారపు అలవాట్లు, నిర్లక్ష్యం వల్ల ఊపిరితిత్తులు, కిడ్నీలు, కాలేయం దెబ్బతిన్నాయి. కొంతకాలం చికిత్స తీసుకున్నప్పటికీ ప్రయోజనం లేకపోయింది. 2023లో హైదరాబాద్‌లో కన్నుమూసిన చంద్రమోహన్ మరణం తెలుగు సినిమా పరిశ్రమకు తీరని లోటు.

ఇది కూడా చదవండి : సీఎం భార్య అయితే మరీ అంత అహంకారమా..! స్టేజ్‌పై శ్రీలీలకు అవమానం.. మండిపడుతున్న అభిమానులు

మరిన్ని సినిమా వార్తల కోసం ఇక్కడ క్లిక్ చేయండి