రూల్స్ మార్చేసిన వైట్ హౌస్! ఇక 4 ఏళ్లే ఛాన్స్

అమెరికా వెళ్లాలని పరితపించే భారతీయ విద్యార్ధుల ఆశలను రోజురోజుకూ చంపేస్తుంది అగ్రరాజ్యం.  విదేశీ విద్యార్థుల పట్ల దశాబ్దాలుగా ఉన్న సానుకూల వాతావరణాన్ని మార్చేస్తూ అమెరికా ప్రభుత్వం అత్యంత కీలకమైన అడుగు వేసింది. అంతర్జాతీయ విద్యార్థులు అమెరికాలో చదువుకోవడానికి, అక్కడ నివసించడానికి ఉద్దేశించిన డ్యూరేషన్ ఆఫ్ స్టేటస్’ (D/S) విధానాన్ని రద్దు చేసే ప్రతిపాదనలకు శ్వేతసౌధం (వైట్‌హౌస్) తుది ఆమోదం తెలిపింది.డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీ (DHS) తీసుకొచ్చిన ఈ నూతన వలస నిబంధనల ఫైలుపై ఆఫీస్ ఆఫ్ మేనేజ్‌మెంట్ అండ్ బడ్జెట్’ (OMB) ఆమోద ముద్ర వేసింది. మరికొద్ది రోజుల్లోనే ఇది ఫెడరల్ రిజిస్టర్’లో అధికారికంగా ప్రచురితం కానుంది. ఆ వెంటనే కొన్ని వారాల వ్యవధిలోనే ఈ కొత్త చట్టం అమల్లోకి రానుంది.ఏమిటీ డ్యూరేషన్ ఆఫ్ స్టేటస్’? కొత్తగా రాబోతున్న మార్పు ఏంటి?ప్రస్తుతం అమల్లో ఉన్న నిబంధనల ప్రకారం.. ఒక విద్యార్థి ఎఫ్-1 (F-1) వీసాపై అమెరికాలో అడుగుపెడితే, అతను ఎంచుకున్న కోర్సు పూర్తయ్యేంత వరకు (అది ఐదేళ్లయినా, ఏడేళ్లయినా) చట్టబద్ధంగా అక్కడ కొనసాగవచ్చు. మధ్యలో కోర్సులు మార్చాలన్నా, ఒక యూనివర్సిటీ నుంచి మరో దానికి బదిలీ అవ్వాలన్నా, ఉన్నత చదువులకు వెళ్లాలన్నా అదనపు అనుమతులు అవసరం లేకుండానే ఉండే వెసులుబాటు ఉండేది.కానీ, రాబోయే కొత్త విధానం ఈ స్వేచ్ఛను పూర్తిగా హరిస్తుంది. దీని స్థానంలో ఫిక్స్‌డ్ అడ్మిషన్ పీరియడ్’ (నిర్ణీత కాల పరిమితి) అమల్లోకి వస్తుంది. దీని ప్రకారం విద్యార్థులకు గరిష్టంగా నాలుగేళ్ల కాలపరిమితిని మాత్రమే విధిస్తారు. ఒకవేళ ఆ లోపు చదువు పూర్తి కాకపోతే, వారు అమెరికాలోనే కొనసాగడానికి యూఎస్ సిటిజన్‌షిప్ అండ్ ఇమ్మిగ్రేషన్ సర్వీసెస్’ (USCIS) నిబంధనల ప్రకారం ప్రత్యేకంగా వీసా పొడిగింపు (Extension) కోసం దరఖాస్తు చేసుకోవాల్సి ఉంటుంది.భారతీయ పరిశోధకులకు అగ్నిపరీక్ష!అమెరికాలోని అంతర్జాతీయ విద్యార్థుల్లో భారతీయులదే సింహభాగం. 2024-25 విద్యా సంవత్సర గణాంకాల ప్రకారం సుమారు 3.6 లక్షల మంది భారతీయ విద్యార్థులు అక్కడ చదువుకుంటున్నారు. అంటే ప్రతి ముగ్గురు విదేశీ విద్యార్థుల్లో ఒకరు భారతీయుడే. ఈ నేపథ్యంలో కొత్త నిబంధనల ప్రభావం మనవాళ్లపైనే ఎక్కువగా ఉండనుంది. US Visa: 10 రోజుల్లోనే ఇంటర్వ్యూ, సూపర్ ఫాస్ట్ సర్వీస్!పీహెచ్‌డీ విద్యార్థులకు తిప్పలు: భారత్ నుంచి వెళ్లే వారిలో ఎక్కువ మంది పీహెచ్‌డీ (PhD) లేదా విస్తృత పరిశోధనలు (Research) చేసేవారే ఉంటారు. ఇలాంటి కోర్సులు పూర్తి కావడానికి సాధారణంగా 5 నుంచి 7 ఏళ్ల సమయం పడుతుంది. కొత్త రూల్ వస్తే, వీరంతా చదువు మధ్యలోనే ప్రభుత్వ కార్యాలయాల చుట్టూ తిరుగుతూ వీసా పొడిగింపుల కోసం దరఖాస్తు చేసుకోవాలి.ఆంక్షల వలయం: ఒక కాలేజీ నుంచి మరో కాలేజీకి మారడం లేదా సబ్జెక్టులను మార్చుకోవడంపై కఠినమైన నిబంధనలు ఉంటాయి. నిఘా సంస్థల స్క్రీనింగ్ పెరగడమే కాకుండా, బయోమెట్రిక్స్ సమర్పించడం, అదనపు ఫీజులు చెల్లించడం వంటి పరిపాలనాపరమైన ఇబ్బందులు ఎదురవుతాయి.గ్రేస్ పీరియడ్‌లో సగం’ కోత!విద్యార్థులకు ఊరటనిచ్చే మరో నిబంధనను కూడా అమెరికా సర్కార్ కఠినతరం చేసింది. సాధారణంగా కోర్సు లేదా ప్రాక్టికల్ ట్రైనింగ్ (OPT) పూర్తయిన తర్వాత విద్యార్థులు తదుపరి ప్రణాళికలు సిద్ధం చేసుకోవడానికి లేదా స్వదేశానికి తిరుగు ప్రయాణం కావడానికి ఇప్పటివరకు 60 రోజుల గడువు (Grace Period) ఉండేది. కొత్త ప్రతిపాదనల ప్రకారం దీన్ని 30 రోజులకు కుదించనున్నారు. నిర్ణీత గడువులోగా అనుమతులు రాని విద్యార్థులను అక్రమ వలసదారులు’గా పరిగణించి, దేశ బహిష్కరణ (Deportation) చేసే ప్రమాదం కూడా ఉందని ఇమ్మిగ్రేషన్ నిపుణులు హెచ్చరిస్తున్నారు. H-1B VISA: అమెరికా కాంగ్రెస్‌లో సంచలన బిల్లు..అమెరికా వాదన ఇదీ: స్టూడెంట్ వీసాల గడువు ముగిసినా దేశంలోనే చట్టవిరుద్ధంగా ఉండిపోతున్న వారిని (Overstays) పర్యవేక్షించడం ప్రస్తుత విధానంలో కష్టంగా మారిందని హోమ్‌ల్యాండ్ సెక్యూరిటీ పేర్కొంటోంది. జాతీయ భద్రతను పటిష్ఠం చేయడానికి, వీసా దుర్వినియోగాన్ని అరికట్టడానికే ఈ సంస్కరణలు తెస్తున్నట్లు ప్రభుత్వం సమర్థించుకుంటోంది.మేధావుల ఆందోళన.. తగ్గుముఖం పట్టనున్న విద్యార్థుల సంఖ్య!ఈ వీసా మార్పులపై అమెరికాలోని ప్రముఖ విశ్వవిద్యాలయాలతో పాటు, భారత సంతతికి చెందిన యూఎస్ కాంగ్రెస్ సభ్యుడు రాజా కృష్ణమూర్తి తీవ్ర అభ్యంతరం వ్యక్తం చేశారు. అంతర్జాతీయంగా పరిశోధనలు చేసే మేధావులను, ప్రతిభావంతులను అమెరికా ఆకర్షించలేకపోతుందని, ఈ అదనపు భారాల వల్ల విద్యార్థులు ఇతర దేశాల వైపు మొగ్గు చూపుతారని వారు హెచ్చరిస్తున్నారు. ప్రాథమిక సర్వేల ప్రకారం.. ఈ నిబంధనలు ముందే ఉండి ఉంటే సగం మంది విదేశీ పరిశోధకులు అమెరికా వైపు చూసేవారే కారని విద్యాసంస్థలు అంటున్నాయి.ఫెడరల్ రిజిస్టర్‌లో ఈ రూల్స్ రిజిస్టర్ అయితే, విద్యార్థులకు ప్రభుత్వం ఏవైనా మినహాయింపులు ఇచ్చిందా లేదా అనేది పూర్తిగా స్పష్టమవుతుంది. ఏదేమైనా, అమెరికా ఉన్నత విద్యా రంగంలో రాబోతున్న ఈ మార్పులు ప్రస్తుతం భారతీయ విద్యార్థులలో తీవ్ర కలవరాన్ని రేకెత్తిస్తున్నాయి.