ప్రతిష్ఠాత్మకంగా యోగాంధ్ర

జూన్‌ 7 నుంచి 14 రోజుల పాటు రాష్ట్రవ్యాప్త కార్యక్రమాలు అమరావతిలో 25వేల మందితో రాష్ట్రస్థాయి కార్యక్రమం

యోగాంధ్ర గోడపత్రికను ఆవిష్కరిస్తున్న సీఎం చంద్రబాబు. చిత్రంలో మంత్రి నారాయణ, మంతెన సత్యనారాయణరాజు, వీరపాండియన్‌

ఈనాడు, అమరావతి: రాష్ట్రంలో యోగాంధ్ర-2026ను అత్యంత ప్రతిష్ఠాత్మకంగా నిర్వహించాలని ముఖ్యమంత్రి చంద్రబాబు ఆదేశించారు. జూన్‌ 7 నుంచి 14 రోజులు రాష్ట్రవ్యాప్త కార్యక్రమాలు ప్రణాళిక ప్రకారం చేపట్టాలని సూచించారు. అంతర్జాతీయ యోగా దినోత్సవం నిర్వహణపై ఉండవల్లి నివాసంలో మంత్రులు, అధికారులతో శనివారం సమీక్షించారు.

జూన్‌ 21న అంతర్జాతీయ యోగా దినోత్సవ రాష్ట్రస్థాయి కార్యక్రమం రాజధాని అమరావతిలో 25వేల మందితో నిర్వహిస్తారు. ఈ కార్యక్రమంలో ముఖ్యమంత్రి ముఖ్య అతిథిగా పాల్గొంటారు. రాజధాని ప్రాంతంలో కృష్ణానదిపై నిర్మించిన బ్రిడ్జిపై ఈ కార్యక్రమం నిర్వహిస్తారు. యోగాంధ్ర కార్యక్రమాల వివరాలను ప్రజెంటేషన్‌ ద్వారా ముఖ్యమంత్రికి అధికారులు వివరించారు.

రాష్ట్రప్రభుత్వ యోగా, నేచురోపతి విభాగం సలహాదారు మంతెన సత్యనారాయణరాజు యోగాంధ్రపై రూపొందించిన గోడపత్రికను సీఎం చంద్రబాబు ఆవిష్కరించారు. 90 ఆసనాల వీడియోలు, 21 ఆరోగ్య సమస్యల పరిష్కారానికి ప్రత్యేక ఆసనాల వీడియోలు, రోజువారీ సాధన కోసం యోగాసనాలు, ప్రాణాయామంపై ఏడు వీడియోలు, యోగా సందేహాలు ప్రశ్నలు-సమాధానాలపై చేసిన వీడియోలను పబ్లిక్‌ డొమైన్‌లో పెట్టనున్నట్లు మంతెన తెలిపారు. 8142404888 నంబర్‌కు హాయ్‌ అని మెసేజ్‌ పంపినా, ఈ వీడియోలు వస్తాయన్నారు. సమీక్షలో మంత్రులు నారాయణ, సత్యకుమార్‌ యాదవ్, ఆనం రామనారాయణ రెడ్డి, కందుల దుర్గేష్, సీఎస్‌ సాయిప్రసాద్, ఆరోగ్య కుటుంబ సంక్షేమశాఖ కార్యదర్శి సౌరభ్‌ గౌర్, కమిషనర్‌ వీర పాండియన్, వివిధ శాఖల ఉన్నతాధికారులు పాల్గొన్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

For digital advertisements Contact : 040 - 23318181 eMail: marketing@eenadu.in

© 1999 - 2026 Ushodaya Enterprises Pvt.Ltd,All rights reserved.

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.

This website follows the DNPA Code of Ethics.