మంది లవ్ ఫెయిల్యూర్స్’తో రమ్యకృష్ణ డేటింగ్ షో

అలనాటి స్టార్ హీరోయిన్ ‘రమ్యకృష్ణ’ రియాలిటీ షో హోస్ట్‌గా సరికొత్త ప్రయాణం స్టార్ట్ చేశారు. ‘బాహుబలి’తో మమతల తల్లి శివగామిగా పాన్ ఇండియా లెవెల్‌లో గుర్తింపు తెచ్చుకున్న ఈ సీనియర్ నటి, ఇప్పుడు ‘జియో హాట్‌స్టార్’ ఓటీటీ వేదికగా స్ట్రీమింగ్ కానున్న ఓ తమిళ్ డేటింగ్ షోకి హోస్ట్‌గా వ్యవహరించనున్నారు.

‘సెకండ్ లవ్’ అనే పేరుతో త్వరలో ప్రారంభం కానున్న ఈ రియాలిటీ రొమాన్స్ సిరీస్‌లో ఆల్రెడీ బ్రేకప్ అయినా, 30 ఏళ్ళ లోపు ఉన్న 12 మంది సింగిల్స్‌ను ఓ విల్లాలోకి పంపించి.. అక్కడ వారికీ సెకండ్ లవ్ వెతుక్కునే సందర్భాలను క్రియేట్ చేస్తారు.

వినడానికి కాస్త వెరైటీగా ఉన్న ఈ రియాలిటీ షో, నేటి జెన్ జి కిడ్స్‌ను ఏ మేరకు ప్రభావితం చేస్తుందో తెలియాలంటే షో స్ట్రీమింగ్ వరకు ఆగాల్సిందే. తాజాగా విడుదలైన ఈ షోకు సంబంధించిన పోస్టర్‌లో ‘రమ్యకృష్ణ’ బ్రేకప్ అయిన హార్ట్ సింబల్‌కు ప్యాచ్ అప్ చేస్తూ, చూపిస్తున్న పోజ్‌లో కనిపించగా..

ఆమె ఆ పోస్టర్‌లో 90స్ హీరోయిన్‌లా కాకుండా, నేటి జెన్ జి హీరోయిన్స్‌కి పోటీ ఇచ్చే యంగ్ హీరోయిన్‌గా కనిపిస్తున్నారు అని కామెంట్స్ వస్తున్నాయి. అయితే, కేవలం తమిళ జియో హాట్‌స్టార్ ఇన్‌స్టాగ్రామ్ హ్యాండిల్‌లోనే అనౌన్స్‌మెంట్ చేసిన షో నిర్వాహకులు, తెలుగులో కూడా సేమ్ హోస్ట్‌తో స్ట్రీమింగ్ స్టార్ట్ చేస్తారో లేదో తెలియాలంటే మరికొన్ని రోజులు వెయిట్ చేయాల్సిందే.

ఇప్పటికే ‘రమ్యకృష్ణ’ కో-యాక్టర్స్ అయిన కింగ్ ‘నాగార్జున’, ‘జగపతి బాబు’, ‘బాలయ్య’ వంటి వారు అనేక టీవీ రియాలిటీ షోస్‌కి హోస్ట్‌గా వ్యవహరిస్తూ, ప్రతి సంవత్సరం ఆడియన్స్‌ను అలరిస్తూనే ఉన్నారు. అలాగే, తాజాగా స్ట్రీమింగ్ అయిన ‘మ్యాడ్ ఫర్ ఈచ్ అదర్’, కుకింగ్ షోస్ మొదలగు రియాలిటీ షోస్ ద్వారా కూడా అలనాటి హీరోయిన్స్ అయిన ‘లయ’, ‘రాధా’, ‘ముచ్చర్ల అరుణ’ వంటి వారు తెలుగు ప్రేక్షకులను మరోసారి పలకరించేశారు.