హనుమకొండ పర్యటనలో పవన్ కు తప్పిన ముప్పు..డిప్యూటీ సీఎంపైకి దూసుకొచ్చిన అభిమాని

హనుమాన్ నగర్‌కు చెందిన నిరంజన్ (17) అనే యువకుడు డి.ఎన్.డి (Duchenne Muscular Dystrophy) అనే అరుదైన జన్యుపరమైన వ్యాధితో బాధపడుతున్నాడు. శరీర ఎదుగుదల లేని స్థితిలో పూర్తిగా మంచానికే పరిమితమైన నిరంజన్.. తన చివరి కోరికగా తన అభిమాన హీరో అయిన పవన్ కల్యాణ్‌ను ఒక్కసారైనా చూడాలని తల్లిదండ్రులకు తెలిపాడు.

ఈ విషయాన్ని నిరంజన్ తల్లిదండ్రులు తెలంగాణ జనసేన నాయకుల దృష్టికి తీసుకెళ్లగా, వారు వెంటనే అధినేత పవన్ కల్యాణ్‌కు సమాచారం అందించారు. అభిమాని పరిస్థితిని వినగానే చలించిపోయిన పవన్ కల్యాణ్.. ఏమాత్రం ఆలస్యం చేయకుండా హుటాహుటీన హనుమకొండలోని నిరంజన్ నివాసానికి చేరుకున్నారు.

అభిమాని నిరంజన్ ను పరామర్శించిన డిప్యూటీ సీఎం పవన్ కల్యాణ్.. తన వ్యక్తిగత బ్యాంకు ఖాతా నుంచి రూ.1 లక్ష ఆర్థిక సాయాన్ని వారి కుటుంబానికి అందజేశారు. ఆ తర్వాత నిరంజన్ తల్లిదండ్రుల వృత్తి వివరాలను అడిగి తెలుసుకున్న పవన్.. వారి కుటుంబానికి శాశ్వత జీవనోపాధి లభించేలా ఒక 'క్యాంటిన్' ఏర్పాటు చేయించాలని తెలంగాణకు చెందిన జనసేన నేతలను ఆదేశించారు.

అభిమాని కోసం ప్రత్యేక పూజలు.. ఈ సందర్భంగా బాలుడికి భద్రకాళి అమ్మావారి తీర్థప్రసాదాలు అందజేసి ధైర్యం చెప్పారు. నిరంజన్ త్వరగా కోలుకోవాలని వరంగల్‌లోని ప్రసిద్ధ భద్రకాళి అమ్మవారి ఆలయంలో ప్రత్యేక పూజలు చేయిస్తానని ఈ సందర్భంగా ఆయన మాట ఇచ్చారు. అనారోగ్యంతో బాధపడుతున్న బాలుడితో పవన్ కల్యాణ్ ఎంతో ఆప్యాయంగా మాట్లాడి, ధైర్యం చెప్పడంతో ఆ కుటుంబ సభ్యుల ఆనందానికి అవధులు లేకుండా పోయాయి. కష్టాల్లో ఉన్న అభిమానికి దేవుడిలా వచ్చి అండగా నిలిచిన పవన్ కల్యాణ్ రియల్ హీరో అంటూ స్థానికులు, అభిమానులు ప్రశంసల వర్షం కురిపిస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.