ఫ్రిజ్ లేకపోయినా నెల రోజుల పాటు అస్సలు పాడవని స్వీట్.. ఇంట్లోనే ఈజీగా చేసుకోండిలా

సాధారణంగా పండుగలు లేదా శుభకార్యాల సమయంలో రకరకాల తీపి పదార్థాలను తయారు చేయడం మన అలవాటు. కానీ కొన్ని స్వీట్లు రెండు మూడు రోజులు గడవక ముందే బూజు పట్టడం లేదా వాసన రావడం జరుగుతుంది. ముఖ్యంగా వాతావరణంలో మార్పులు ఉన్నప్పుడు స్వీట్లను ఎక్కువ రోజుల పాటు తాజాగా ఉంచడం పెద్ద సవాలుగా మారుతుంది.

అటువంటి పరిస్థితిలో ఫ్రిజ్‌తో పని లేకుండా, నెల రోజుల పాటు నిల్వ ఉండే శనగపిండి లడ్డూలు ఒక ఉత్తమమైన ఎంపిక. ఈ లడ్డూలలో తేమ (తడి) శాతం చాలా తక్కువగా ఉండటం, అలాగే ఇందులో వాడే కమ్మని నెయ్యి , పంచదార దీనిని ఎక్కువ కాలం పాటు పాడవకుండా కాపాడుతాయి.

పిల్లలు ఎంతో ఇష్టంగా తినే ఈ లడ్డూల తయారీ విధానం , వాటిని భద్రపరిచే ట్రిక్స్ ఇక్కడ చూద్దాం. తయారీ విధానం మొదటగా స్టవ్ ఆన్ చేసి, లోతుగా , మందపాటి అడుగు ఉన్న ఒక బాణలిని పెట్టి అందులో ఒక కప్పు కమ్మని నెయ్యి వేసి వేడి చేయాలి. నెయ్యి కొద్దిగా కరిగిన తర్వాత అందులో 2 కప్పుల శనగపిండిని వేయాలి.

ఇప్పుడు మంటను పూర్తిగా తక్కువ (లో ఫ్లేమ్) లో ఉంచి, పిండి గడ్డలు కట్టకుండా గరిటెతో నిరంతరం కలుపుతూనే వేయించుకోవాలి. శనగపిండి పచ్చివాసన పోయి, లేత బంగారు రంగులోకి మారుతూ మంచి సువాసన వచ్చే వరకు దీనిని వేయించాలి. ఈ పిండిని ఓపిగ్గా వేయించడానికి సుమారు 15 నుండి 20 నిమిషాల సమయం పడుతుంది.

శనగపిండి ఎంత పక్కాగా వేగితే, లడ్డూల రుచి అంత అద్భుతంగా వస్తుందని గుర్తుంచుకోండి. శనగపిండి బాగా వేగిన తర్వాత స్టవ్ ఆపేసి, ఆ మిశ్రమాన్ని వేరే గిన్నెలోకి తీసుకుని కొద్దిసేపు పక్కన పెట్టి చల్లారనివ్వాలి. మిశ్రమం కొద్దిగా గోరువెచ్చగా ఉన్నప్పుడు అందులో ఒక కప్పు పొడి పంచదార, అర టీస్పూన్ యాలకుల పొడి , ముందే తరిగి