ఇన్ స్టాగ్రామ్ ప్రియుడి కోసం భర్త హత్య...కాకినాడ క్రైమ్ స్టోరీ

సమయాన్ని చూసి, దిండుతో అతని ముఖంపై గట్టిగా నొక్కి పట్టి ఊపిరాడకుండా చేసి అతి కిరాతకంగా చంపేసింది. భర్తకు ఇదివరకే గుండెజబ్బు ఉండడం వల్ల, ఉదయాన్నే అతను గుండెపోటుతో సహజంగానే మరణించాడని అందరినీ నమ్మించింది. బంధువులు, చుట్టుపక్కల వారు కూడా అతను అనారోగ్యంతోనే చనిపోయాడని భావించి అంత్యక్రియలు పూర్తి చేశారు. అంతా అనుకున్నట్లే జరిగిందని, తన నేరం ఎప్పటికీ బయటపడదని ఆ భార్య భావించింది.

కానీ ఇక్కడే ఒక ఊహించని ట్విస్ట్ చోటుచేసుకుంది. కొత్త ఇన్ స్టాగ్రామ్ ప్రియుడి మోజులో పడిన ఉన్నిసాని, అంతకుముందు తనతో సంబంధం ఉన్న పాత ప్రియుడిని పూర్తిగా దూరం పెట్టడం ప్రారంభించింది. కొత్త ప్రియుడి ఎంట్రీతో పాత ప్రియుడికి కోపం, అసూయ పెరిగాయి. తనను కాదని వేరే వాడితో తిరుగుతోందనే కక్షతో, ఆ పాత ప్రియుడే భర్త మరణం వెనుకున్న అసలు రహస్యాన్ని బయటపెట్టాలని నిర్ణయించుకున్నాడు. ఆ భర్త చనిపోయింది సహజ మరణంతో కాదని, భార్యే పక్కా ప్లాన్‌తో చంపిందని పోలీసులకు సమాచారం చేరవేశాడు. దాంతో ఒక్కసారిగా రంగంలోకి దిగిన పోలీసులు పూర్తి స్థాయిలో విచారణ ప్రారంభించారు. ఉన్నిసాని కాల్ డేటా, సోషల్ మీడియా చాటింగ్స్, వాట్సాప్ మెసేజ్‌లను పరిశీలించగా షాకింగ్ నిజాలు వెలుగులోకి వచ్చాయి.

పోలీసులు ఆమెను తమదైన శైలిలో విచారించగా, ఇన్ స్టాగ్రామ్ ప్రియుడి కోసమే తాను ఈ ఘాతుకానికి ఒడిగట్టినట్లు అంగీకరించింది. పోలీసులు నిందితురాలైన మహమ్మద్ అహ్మద్ ఉన్నిసానిపై సెక్షన్ 302 కింద హత్య కేసు నమోదు చేసి రిమాండ్‌కు తరలించారు. ఈ హత్యకు సహకరించినట్లు అనుమానిస్తున్న ఇతర నిందితులను కూడా అదుపులోకి తీసుకుని విచారిస్తున్నారు. సోషల్ మీడియా వ్యామోహం, శారీరక సుఖం కోసం కట్టుకున్న భర్తను కాటికి పంపిన ఈ ఘటన తెలుగు రాష్ట్రాల్లో చర్చనీయాంశంగా మారింది.

ముస్సోరీలో తెలుగు టెక్కీ మిస్టరీ డెత్... భర్తతో విహారయాత్రలో విషాదం

.