గ్రౌండ్ లోనే కొట్టుకున్న ఇండియా, శ్రీలంక ప్లేయర్స్.. దంబుల్లా మ్యాచ్ లో మామూలు రచ్చ కాదు ఇది

చేరింది. అంతకుముందు టీమిండియా ఇన్నింగ్స్ సమయంలో విప్రజ్ నిగమ్ పిచ్ డేంజర్ జోన్‌లోకి రెండుసార్లు పరిగెత్తడంతో భారత్‌కు 10 పరుగుల పెనాల్టీ పడింది. ఇది కూడా మ్యాచ్‌పై తీవ్ర ప్రభావం చూపింది.

గెలవడానికి 17 రన్స్ టార్గెట్‌తో ఇండియా తరఫున సూపర్ ఓవర్ ఆడటానికి వైభవ్ సూర్యవంశీ, సూర్యాంశ్ షెడ్జ్ క్రీజులోకి వచ్చారు. లంక బౌలర్ కుగాతాస్ మాతులాన్ అద్భుతంగా బౌలింగ్ చేశాడు. సూర్యాంశ్ మొదటి మూడు బంతుల్లో కేవలం 3 రన్స్ మాత్రమే చేయగలిగాడు. ఆ తర్వాత స్ట్రైక్‌లోకి వచ్చిన వైభవ్ సూర్యవంశీ ఒక బౌండరీ, రెండు రన్స్ తీసినా లాస్ట్ బాల్‌కు యార్కర్ పడటంతో మిస్ అయ్యాడు.

దీంతో భారత్ సూపర్ ఓవర్‌లో కేవలం 9 రన్స్ మాత్రమే చేసి, 7 పరుగుల తేడాతో ఘోర పరాజయాన్ని మూటగట్టుకుంది. అంతకుముందు మెయిన్ మ్యాచ్‌లో సూర్యాంశ్ షెడ్జ్ (66 బంతుల్లో 72), విప్రజ్ నిగమ్ (49 బంతుల్లో 51) హాఫ్ సెంచరీలతో రాణించి 8వ వికెట్‌కు 104 రన్స్ జోడించినా ఫలితం లేకుండా పోయింది. అంతకుముందు వైభవ్ 14 బంతుల్లో 21 రన్స్ చేయగా, తిలక్ వర్మ 23, రుతురాజ్ గైక్వాడ్ 32 రన్స్ చేశారు. టోర్నీలో భారత్‌కు ఇది రెండో ఓటమి.

సూపర్ ఓవర్‌లో లంక గెలవగానే ఆ దేశ ఆటగాళ్లు వైభవ్ సూర్యవంశీ, సూర్యాంశ్ ముందుకొచ్చి గట్టిగా అరుస్తూ సెలబ్రేషన్స్ చేసుకున్నారు. ఈ క్రమంలో లంక ప్లేయర్ విషన్ హలంబా గె, వైభవ్ దగ్గరకు వచ్చి ప్రొవోక్ చేస్తూ ఏదో అన్నాడు. దీంతో కోపం తట్టుకోలేకపోయిన యంగ్ ఓపెనర్ వైభవ్ సూర్యవంశీ అతడితో వాగ్వాదానికి దిగి, లంక ప్లేయర్‌ను గట్టిగా వెనక్కి తోసేశాడు.

హలంబా గె కూడా వైభవ్‌ను నెట్టాడు. గొడవ పెద్దదవుతున్న సమయంలో సూర్యాంశ్ షెడ్జ్ వెంటనే ఎంట్రీ ఇచ్చి వైభవ్‌ను పక్కకు లాక్కెళ్లాడు. మైదానం వీడి వెళ్తున్నప్పుడు కూడా వైభవ్ లంక ప్లేయర్స్ వైపు వేలు చూపిస్తూ కోపంగా మాట్లాడటం కెమెరాల్లో రికార్డ్ అయింది. ఈ వీడియో ఇప్పుడు సోషల్ మీడియాలో తెగ వైరల్ అవుతోంది. అయితే ఆ తర్వాత ఇరు జట్ల ఆటగాళ్లు కరచాలనం చేసుకుని కూల్‌గా మ్యాచ్‌ను ముగించారు.